串燒咖啡 (已結業)

有好多人都推薦這間店，今日就約左朋友去試下。去到樓下附近，要細心留意先見到大廈入口。去到覺得間店細左d，個廁係店內算方便，但都幾多雜物係入面，差dd。我地坐底叫左秘製雞翼，外脆肉軟，不錯可一試。再叫3串--雞軟骨，豬頸肉，雞肉串。雞軟骨算ok，豬頸肉同雞肉不錯墨魚丸串燒算好食但偏咸；芝心丸串燒差dd無驚喜但偏咸；金菇好好食，必試；燒菠蘿串，雖然乾身但算好食。茄子，有少辣，好似$32，其實唔係好值。個餐牌冇講辣唔辣，但黎到一邊辣一邊唔辣，唔平衡唔知想點。不過算好食，可一試。鮮奶油三文魚意粉，這個好食呀。菠菜翠翠芝士豬扒飯初頭唔知翠翠係咩黎，原來係上面既多士脆粒。豬扒很差，咬唔開肉同好咸，食食下d飯算ok。整體唔建議食尼個。最後都傾左好耐先走人。未試過可以試試。但唔係d人所講極好味。整體算ok....

首先，入面既職員超級唔好，又黑口黑面，好似趕客，今時今日禁樣做生意仲會有人再幫襯咩！野食又唔係特別好食，唔明點解會有好評勸大家唔好幫襯環境太細，太迫，地方又黑暗 唔係好衛生太多油煙，令人好唔舒服.最好食係個意粉，杯曲奇飲品完全超難飲

一入餐廳店員態度已經唔好，但我地無即刻走，之後十分後悔下單時出示openrice coupon, 店員未有清楚回應可否使用只點了頭一下，我們繼續order，食物飲品相繼到來，店員也是黑口黑面的！最後埋單我們再出示coupon, 佢就勁大反應話佢知道話我地講完又講！其實我地只係唔清楚所以提多次竟然換來這個態度對待！成餐完無服務可言

樓上cafe試得多，今次黎個有少少特別的串燒cafe。呢度都有西餐，先點佐個鴨胸沙律開下胃先，配搭醬汁系芝麻沙律醬，材料都夠新鮮，味道唔錯。再來就系今次的主菜串燒，點佐帶子，蝦，花枝丸，帆立貝，金菇肥牛同埋必不可少燒波蘿。呢度即叫即燒需要時間，所以我地叫佐咖啡邊飲邊等，糖系另上都幾貼心。串燒上枱時真系嚇一跳，串串都份量十足，雖然餐牌寫住2大粒，我以為講下，點知它真系真材實料好鬼大粒。帶子同帆立貝食落無雪藏味，都算新鮮。金菇肥牛，醬汁惹味，牛肉唔會太韌，配埋金菇，兩者好夾，值得推介！燒波蘿有點酸，不過食佐咁多肉，當幫助消化都可以

book左枱收工之後同男朋友一齊食晚餐，有好多遊戲玩（其實我都係貪多遊戲同埋收得夜先去），但食物質素都係意料之外嘅好。班尼蛋卡邦尼意粉$78好香濃，份量都ok多，一食就食唔停口👍🏻👍🏻芝士薯條$40芝士份量好多，唔會得面頭有，唔會膩，但同時芝士味好香。男朋友本身話無胃口但都食左幾多下👾👾。柚子香橙特飲$40佢嘅飲品都係有小小貴，但味道其實係類似柚子蜜，無咩特別。坐左2個鐘先走，有時間會再去。

同朋友聚餐book左呢間食野好彩我之前黎過認得呢棟工廈～位置比較陰森我朋友一見到我入個條巷就想制止我😂上到7樓就到～店裡面座位唔多所以想黎最好就訂定位～咁就實有位坐👍實在太肚餓！即刻睇雨menu食咩好先！價錢係普遍嘅cafe 價～我地叫個三個餐再+15蚊要個甜品同我最想試嘅芝士薯條！首先黎嘅係芝士薯條份量都好大！而且芝士非常多 不過芝士意外係凍的薯條夠粗又熱騰騰！之後黎嘅係朋友嘅水果賓治～大大杯～佢話好似飲緊凍檸茶咁😂笑死再黎係我同朋友果杯oreo朱古力曲奇奶昔～好大杯呀！而且超多cream😂飲完認真要減肥😂味道都唔錯～朱古力味夠濃👍到main dish!首先係朋友點嘅野菌煙三文魚意粉～份量適中而且煙三文魚都好大塊朋友表示唔錯好食到我選嘅卡邦尼！食親意份都愛叫卡邦尼！喜歡他的creamy😍呢間就特別地係上面加左隻班尼蛋～唔知班尼蛋係咩～加左佢好似冇咩特別更好味不過仲有樣特別係呢度嘅卡邦尼加左蘑菇～我都係第一次食加左蘑菇嘅卡邦尼可以中和卡邦尼嘅濟意粉都好爽 係比較幼身然後係朋友嘅煙三文魚沙律冷麵份量麵好大朋友話d麵麵幾特別因為係用天使麵最後就係套餐+15蚊嘅甜品係即整嘅窩夫～新鮮出爐！好

樓上cafe，麻雀雖小但五臟俱全，座位不多但有不少的cardgames，這裡環境寧靜舒服，燈光柔和，冷氣會較大！ 食物種類多，他們有串燒(不多cafe會提供)、意大利粉、冷麵、焗飯、特色飲品和甜品等。小食拼盤薯條炸得岩岩好，不會太多油，食落冇咁濟。麥樂雞就覺得同出面既差唔多！雞翼係焗既，表層有蜜糖的甜味，表皮小香口，肉質彈牙，少許辣，配上香草更香口，不錯！煙肉意粉賣相好吸引，入口好香滑，意粉吾會淋，白汁配上意粉很配，仲有很多的蘑菇喺入面襯托，煙肉的份量也很足 另外叫咗好多嘅串燒： 佢嘅價格不算很平宜，串燒上嘅醬汁都是以咖喱汁為主！ 串燒嘅質素不是很好，甚至有些會燒過時間！較為吸引的是：墨魚丸串、雞肉串燒！ 肉質普通，個人覺得：不是樣樣串燒都夾到咖喱汁！ 日本宇治oreo曲奇抹茶： 有好多d cream系上面，佢既抹茶味唔算好濃 ，入面仲有d oreo碎，呢個配搭都幾特別，少甜！ 另一推介水果茶，有不同的水果粒在茶中，味道剛好，不會好甜，入口時有一種清新的感覺，配搭唔錯。試埋燒香蕉，賣相很吸引，但是醬汁很甜，食落覺好膩！

同朋友吹水真係最好係去cafe，一行四人book左夜晚7點，去到唔洗等！餐廳唔算好大，但都算係幾舒服既！坐底就叫野食啦！芝士薯條、秘製雞翼、串燒仲有南瓜焗雞皇飯！芝士薯條即叫即整所以係好脆同熱辣辣既！而且佢d醬都幾多，差唔多每條薯條都可以食到d醬，幾好！而且個份量都唔算好小，幾個人食當小食都夠！至於個雞翼，應該都係即叫即整，又係熱辣辣！佢煎到個皮好香脆！食落好juicy！一份有5隻，價錢都算好合理！呢間餐廳其中一個特色係有串燒食，即叫即燒！但又唔洗等好耐！我地都叫左幾多唔同類！幾鐘意佢既醬料，另d串燒更加香，而且佢又唔會燒到好乾，d肉汁都仲係到，算係幾好！始終都係要叫個南瓜焗雞皇飯！個焗飯好香，而且又有d芝士係面！幾欣賞呢一個南瓜焗飯，因為出面比較小有既，仲整得幾好食！食落都幾有南瓜味，個醬汁又幾濃，但又唔會好膩，幾推薦呢個飯！食物係正既，不過我覺得個服務態度唔太好

呢間cafe 雖然唔大, 只有大約10張4人枱，但勝在環境是舒服簡樸的，仲有好多遊戲玩.菠菜汁豬扒天使麵汁應該係用菠菜加cream再用攪拌機打成，再加入芝士去焗，天使麵唔淋，好味。豬扒鬆化, 應該落左少少果汁同鬆肉粉去醃! 焗意粉碟唔淺，意粉份量十足!! 柚子沙冰大大杯, 沙冰擺得好有層次，唔太甜，裏面還有柚子皮，微酸，沙冰上枱後大半都係冰，沙冰慢慢溶掉，夏天飲一流! 朱古力心太軟朱古力饀冇流出，可能焗耐了少許，有點失望! 但朱古力濃度十足，比上不足，但比下有餘! 心太軟加了少少糖碎及朱古力漿做裝飾，增加視覺感! 建議：如果大家有心去的話，請提早book枱，因為我上次去已有數枱客人因為沒有訂枱的關係，未能惠顧，失望而回@.@ 此外,入口比較難搵, 佢隱藏在小巷中.

今日同fd行左成朝mk，都想搵個地方坐底傾下計咁，於是就揀左依間串燒cafe啦。上到去感覺好靜好放鬆，同嘈吵既mk有個好明顯既對比系度。我同另一個fd總共叫左一杯朱古力曲奇奶昔一個南瓜芝士海鮮焗天使麵同一份抹茶Oreo鬆餅share。杯奶昔飲落朱古力味好濃郁而且吾會太甜，再加上佢面頭既cream混埋一齊，又大杯，好適合系依Ｄ天氣飲。依個系南瓜芝士海鮮焗飯，面頭加左Ｄ面包粒，脆脆地好得意，食落去個汁好濃芝士味，而且海鮮都好多，個麵都吾差夠乾身，系食完會好滯😰到甜品啦，就咁睇佢既賣相已經好吾錯，食落個鬆餅好軟身而且帶有淡淡既抹茶味，眨下眼就食晒，而隔離既vanilla雪糕就不過不失啦。順帶一提，依度好適合想同朋友靜靜地傾下計既人。

原先相約了姐妹到旺角逛街，可是真的太熱太陽太猛，放棄了逛街這項節目，轉移到咖啡店林立的登打士街一帶嘆下午茶！嘗試過這帶很多的咖啡店，這間‘串燒咖啡‘未嘗試過，這裡環境寧靜舒服，燈光柔和，而且冷氣充足！冰凍鮮果茶，涼透心，甜甜的！加上鮮果(藍莓，火龍果，西瓜等), 消暑解渴！炎炎夏日，來一客三文魚冷麵最適合不過！三文魚摺成玫瑰花般，很別緻，厚身且大塊味鮮！冷麵配上麻醬，口感清新。蜜糖香草雞翼，香口野味，偏甜。芝士薯條，濃郁芝士味香味，而且每一條薯條都有香滑芝士黏著，激讚之選！“快樂時間永遠過得特別快，原來嘆了兩個小時有多了！

好姊妹閉關左成大半年生bb, 今日終於"放監"喇知道佢自由時間有限，我揀左佢屋企附近既串燒咖啡 同佢歡樂時光傾下計。呢楝大廈曾經係我地中學時代成日放學流連既地方黎架。差唔多每層都有我地既足跡 哈哈。不過都十年前了，好多間cafe都已經轉手了。串燒咖啡地方細細 但有梳化座位，寬敞而且坐得舒適。餐牌上既飯/意粉跟飲品可減7蚊。我地叫左卡邦尼亞意粉。竟然有臺灣水果茶仲要跟餐減7蚊，太抵喇~~揀番一杯透心涼之選先！*班尼蛋卡邦尼意粉*香噴噴芝士味 熱辣辣咁送上。意粉煮得硬度岩岩好，彈牙唔會太稔。卡邦尼汁好creamy, 每啖意粉都沾到香濃既汁，好味*綜合鮮雜果茶*飲到一半先記得影相 哈哈。好大杯呀~~兩個人share都夠飲。果茶夠冰凍，岩哂而家炎炎夏日呀！紅茶底清清地，微甜，配埋新鮮既水果，有得飲又有得食，健康又解暑我個friend大愛~~最後點多左個香草雞翼，香草加上蜜糖，雞翼即刻生色不少，香脆好味一個人食哂五隻都得呀。開心時間說說笑笑 話咁快又過去。懷念中學時光。。。朋友唔需要常見，在心中，互相關心就好了。相隔多久見面都無關係，話題依舊多，感覺依然親密。

旺角樓上cafe林立，平日跟朋友去開的cafe都爆人了，所以隨便google了這間串燒咖啡。入到鋪唔洗等，發現麻雀雖小但五臟俱全，座位不多，但都有boardgame自取區歡迎食客玩下boardgame聚會。呢度有林林種種食物簡，仲有串燒，但可惜我果日感冒，無簡到串燒系列。小食朋友就簡左炸魷魚，都係熱氣我只係食左兩條，炸得有少少乾但口淡淡既我都食得出魷魚處理得好夠味。雞翼就係焗既，中等水平，熱辣辣上碟係欣賞既小店所為，而且CP值都算高芝士薯條我個人好鍾意，主要係我本身都鍾意又長又幼既薯條多過粗炸薯，另外就係個芝士醬喇！芝士醬應該都係混入左cream chesse，液狀既芝士醬淋係面頭 正過一大塊芝士鋪係面，所有薯條都可以點到醬至於意粉，絕對係我食過最好味既cafe意粉，入口個感覺好rich，鮮忌廉同意粉好配，唔會過酸／過甜，仲有好多菇係入面襯托，而個煙三文魚亦都好大塊，出手一d都唔菇寒。最後就叫左柚子梳打，好飲夠味，唔會過甜，個杯細左少少，如果大杯d就perfect池喇！

收工同男朋友行開旺角就過左黎登打士街呢邊食晚餐，之後就指定動作上黎睇下邊間好食😂係or見到呢間好似幾唔錯咁，價錢又幾平民，跟住就上咗嚟呢間串燒咖啡。見到Menu有好多選擇，小食，甜品，飲品，乜都有，我哋到諗左一陣。我哋叫咗個芝士薯條好快上到黎，芝士薯條上面有好多芝士，芝士味唔會太咸有，點小小茄汁啱啱好，雖然薯條唔算好脆，但係都幾好食😚仲有一個我覺得性價比高，好值得推介嘅鮮奶油野菌煙三文魚意粉，一食落口奶油味好重，個汁好香，配埋野菌同埋三文魚，成個配搭好好，正！😋嘢飲我揀咗呢杯水果紅茶，個味嘅配搭幾好，紅茶味較重，杯裏面仲有好多切好一粒粒嘅水果，味道唔會太甜，夏天飲岩晒👍🏻今次試嘅嘢唔多，一定會在來試埋其他野，因為聽講佢嘅焗飯同意粉都幾好食，仲想試埋甜品😂最重要係價格平民！

7點幾放工黎食個飯好多一家大細黎陪小朋友玩棋好warm~~食左個白汁芝士焗海鮮飯 $68味道唔錯 芝士夠香 有蟹柳青口魷魚 份量十足 配埋杯香蕉奶昔 好香香蕉味 奶味夠濃另外仲叫左野菌焗雞皇翠翠飯 $78用香脆既麵包糠鋪面增加個飯既口感 雞皇份量多 雞肉夠腍 仲有好多香菇 好彈牙飲返杯朱古力曲奇奶昔用左strawberry味既oreo 士多啤梨味曲奇同朱古力味好夾甜得黎帶香 唔覺漏2人仲嗌左個小食拼盤 $78有雞翼，雞塊，薯條熱辣辣好香脆雖然呢度地方小小 但客人不斷填滿座位個個三五知己細聲講大聲笑充滿歡樂氣氛