丸亀製麵 (iSQUARE國際廣場)

营业中

休息中

今次試下初夏體驗的新口味：雪蟹烏冬。賣相相當吸引，有蟹蓋盛著蟹肉，仲有蟹肉丸同旦花湯汁。一食蟹肉，有點酶，有點鞋，完全無蟹味，中伏；而蟹肉丸也是，只有入工的甜味，加埋個旦花玻璃湯汁，傑𠎀地，味道徐了少少咸以外，都無乜味道，大失所望。只有烏冬是有米香，煙韌彈牙。結果試新口味，都是要冒下險，今次又中伏了。

夜晚1個人係尖沙咀食咩好，諗左一陣決定係isquare食丸龜製麵。呢度主打食烏冬，所以我選了我最喜歡吃的冷烏冬、南瓜及竹輪天婦羅加炸蝦餅，咁就一餐了！睇到都覺得好食，冷烏冬爽滑、彈牙又冰涼，夏天食最正，而且又份量夠，加上七味粉令烏冬更好食。炸蝦餅外脆內軟，炸皮好薄，而且啖啖蝦肉，食時還熱辣辣，真係好好食！而南瓜及竹輪天婦羅，就炸得好好，唔會炸到乾晒身。南瓜味道仲好清甜，而竹輪口感好彈牙，食落好有咬口。

同肥髀行街行到肚餓，呢間烏冬店之前試過其他分店，今日帶肥髀試下，由店門口自己攞個托盤，一路行入收銀，中間自己點或攞食物！最後比錢，好像車仔麵檔嘅感覺！配料以煎炸為主！我同肥髀比咗錢！之後可能自落埋青蔥蒜茸嘅配料！店內只剩下面壁高櫈位冷烏冬（中）（$29）肥髀食，我都試咗，烏冬彈牙！沾汁唔會太鹹！溫泉蛋烏冬（中）（$38）熱烏冬湯清淡，烏冬彈牙，溫泉蛋大隻，蛋黃好大隻，撈落烏冬好味！我加咗大量喜歡嘅青蔥（仲要只有青無白），好爽好味！野菜魷魚（$13）魷魚彈牙，中間菜粒唔多，不過可以增加口感！蕃薯天婦羅（$7）雖然炸衣唔算厚，比較硬！蕃薯唔夠甜！南瓜天婦羅（$7）南瓜甜，炸衣薄又脆，唔點醮汁都好味！鮭魚飯糰（$10）見住阿姐即做，唔使包膠袋（其他味道整好就包膠袋放食物架）可惜飯太厚，紫菜幾香，我同肥髀都唔太喜歡熟三文魚鬆！比較乾同淡味！一般！日本大福（$6）肥髀食，外層煙韌，入面紅豆幾甜！好味！食品唔錯，而且豐儉由人，鍾意嘅可以加多啲配菜！自主性好高！不過淥麵嘅哥哥比較cool，完全唔理人！而包飯團嘅姐姐就好nice,個別唔同人唔同！喜歡烏冬嘅可以試下！

條街又焗又熱，但又唔係太肚餓，想食啲凍凍地嘅野，咁又共返上去呢間野試吓啦!下午茶時間，未話坐到好爆，半自助式落單，點完個麵一路往前推可以選唔同嘅配料，最後就比錢喇!我就無點配料，只係點咗個凍烏冬跟一款基本冷麵汁，加啲wasabi同蔥一齊醮烏冬食，個烏冬比平時食開嘅size粗身小小，麵質爽身有咬勁，烏冬麵略微過實同唔夠滑，要比啲心機咬多幾啖先可以吞呢～份量都ok，29個大洋仲有汽水送，真係好抵食呀

丸龜本來是規定”先點餐, 後入座”, 在排隊位置也有告示牌提醒, 但在香港實在做不到有次我在用餐時, 有班中女一行5人站在我旁邊, 想俾壓力我, 想我食完快點走要在門口先排隊拿餐盤-->ORDER 烏冬-->天婦羅 (自己拎)-->野飲-->付錢-->加配料-->水點了個溫泉蛋烏冬(中), 烏冬彈牙, 又爽口, 不過有時等師父整鳥冬都幾耐, 都可以接受只要星期一至五, 仲有$20優惠任何天婦羅2件, 如果單件$7-$15, 所以要哂$15 X2 就最抵炸蝦餅 & 鱈魚排, 炸粉不會好厚, 外層還脆

這間餐廳已名列在我心目中的"一人用餐好地方"的榜單之中了。 半自助式的服務，先點餐，取食物，付款，最後才找位置。實在是太方便一個人食飯的朋友了。我幾次一個人去食，也是有挺多位置的，所以也不用太擔心沒有位置。食完後，自己還盤子。沒有店員會用收盤的方式催促你走。說說食物方面，主食方面有烏冬也有飯，選擇還挺多的。另外，還有各式各樣的天婦羅，三角飯團，最近還有甜品____大福提供。飲品都是罐裝或樽裝的，價錢比便利店貴。我通常選擇倒水喝。因為是自助形式的，水要自己倒喔! 有暖水提供的! 溫泉蛋烏冬$38+炸雞串$13+三文魚飯團$10雖然只是溫泉蛋配烏冬，但烏冬夠"煙韌"，"彈牙"，撈溫泉蛋一起吃配合醬油湯，真是簡簡單單的好滋味! 因為我本身都很喜歡吃炸雞，所以就點了炸雞串! 果然沒有點錯，炸雞本身有醃制過，所以本身的雞肉也有味道，炸粉一點也不厚。另外我加了它的甜酸醬，超級配炸雞的。它另外也有天婦羅醬汁，但我個人覺得甜酸醬比較配雞肉。最後是三文魚飯團。超級好吃的!! 它放的不是生的三文魚，而是三文魚魚鬆之類的東西，但超級配飯的! 吃完還想再吃一個，無奈已經很飽了。一共下來，吃了$61。價錢挺合理

呢間日本烏冬專門店真係好正！大家要先揀左要既餐，再後加配例如炸蝦，南瓜，仲有壽司添，最後就一之過埋單自己搵位坐！我今日要左醬油烏冬加炸野菜同溫泉旦！不得不讚佢地既溫泉旦，真係以為自己去左日本。粒旦由外到內都好滑溜，中間一咬開既時候啲旦漿不斷流出黎，好幸福！而炸野菜因為啱啱炸起，所以熱辣辣，不過有啲油，但一件既份量好多好抵食，而且好香脆，我仲點左啲汁食添！呢度最好既一定係烏冬，非常彈牙煙軔，我仲未搵到一間餐廳以呢個價錢可以取代到佢！

果日經過,就試下烏冬味道還可以不過天婦羅就可免就免了其實我好像試了4種還是5種,忘了我叫的烏冬是豚肉烏冬,味道不錯,夠咸不過貌似間間分店都唔同味道,我指湯底佢地間間唔同味這間的湯底較好所謂的豚肉就是日式叉燒這樣,其實這些豚肉一般講唔上好食只係豬骨湯烏冬好食所以叫淨豬骨湯烏冬較好重叫了一個淨牛肉牛蒡唔推介,太肥,一定要配烏冬食味道似吉野家的肥牛,但這邊的更咸更油這邊的較味,天婦羅醬最好味其次就係甜酸醬(即章魚燒這些燒汁)佢間間分店的天婦羅醬都唔同味.....都係這間好食d講返天婦羅我試了,雞粒串,有d似某連鎖店的炸雞味道,咸味的(味道一般,可以不用試)蝦餅,太淡(伏,大伏)炸茄子,太淡無咩味道,(一般)炸獅子狗,最好食,不過都係平凡(甜甜地)印象中只記得這4樣)其實你只叫烏冬,只係$30-40到這邊是尖沙咀,40一個飯,算抵食了所以整體上是推介佢d西蘭花,我果次食係有腥的明顯沒處理好千奇唔好坐門口的單人位,因為會坐得好辛苦,佢個設計完全錯誤坐得辛苦,食得辛苦d單人位完全唔好坐

釜揚烏冬(中) $29淨烏冬配上一碗濃醬油。蔥花、芝麻、薑蓉任加，自主十足。牛肉牛蒡烏冬(大) $44烏冬滑溜但唔彈牙。牛肉煮得太久，蠻鞋口。相反，牛蒡就淋淋的，好易咬。呢排做特價，$20兩件天婦羅，揀左炸蝦餅同胡麻雞柳。炸蝦餅睇下，有原隻蝦！不過啲蝦好霉，連埋幾稀既粉漿，口感麻麻。胡麻雞柳雞件幾大份，沾上黑白芝麻，香脆可口，點一點天婦羅汁，平衡返煎炸油膩感，罪疚感減半。抹茶味日式大福 $6沾滿綠色既椰絲，入面係綠色既cream，好多色素又無抹茶味，留返quota食其他野罷啦。

在夏威夷時吃過的烏冬，當時一試難忘，在香港初嘗這裡的丸龜烏冬。我叫了蘿蔔青檸冷烏冬，蘿蔔加上青檸感覺相當清新，而且有陣陣檸香，增加食慾。味道非常清淡，能夠吃出蘿蔔本身的甘甜和青蔥味，沒有其他多餘的調味料，而冷烏冬有口感，不過質感略硬。另外還有明太子飯團，明太子份量太少，味道鹹鹹地但無乜鮮味，飯質就普通，太淋失去飯質味道。價錢普通，兩樣野54元。

唔係太肚餓，等人一陣去飲野期間，來個速食先，就選半自助的丸龜啦，唔駛等位，又好坐，幾有日本快餐Feel添。我都黎過十次八次都唔厭，始終是我快餐之選嘛！門口點餐區，先選要什麼烏冬底，有熱湯有冷烏冬有伴烏冬(即撈烏冬)又有釜揚烏冬同咖喱烏冬，我最like溫泉蛋(成日自己整來吃)，今晚就選溫泉蛋熱湯烏冬啦自己取盤，師傅不消半分鐘就好像自助餐麵檔咁比碗淨烏冬比我，之後就自由選配菜…配料清一式炸物，香噴噴，我就夾個雜菜天婦羅，但就不見了我favourite既紫菜魷魚粒，問了師傅佢話已不再推出，OMG too bad!之後就自行汁鰹魚醬油及落蔥同天婦羅炸脆，開餐喇！味道依然咁濃，溫泉蛋一吃就知用大陸蛋，不要期望與高級的日本料理一樣的質量！炸天婦羅唔夠味，唔太香，下次還是試翻炸竹輪最穩陣日式快餐來說Ok架喇，但好多人半自助夾下夾下好快就連飲品埋單一佰蚊架喇！這裡有冷熱水提供，不過記得用完餐就自己放回個盤去那“返卻口”才是上等人呀

之前係日本涉谷見過丸亀 但沒有入去試偶然香港尖沙咀見到就入去見識下餐廳採用讚岐式點餐 首先選烏冬然後自助揀小食 再結帳 之後為烏冬加上調味配料我點了個醬油冷烏冬 友人點了個冷烏冬我比較喜歡冷烏冬 因為比熱烏冬更煙韌彈牙 同埋天氣熱既時候食 好舒服.另外再加 炸雞柳, 海苔魷魚天婦羅同腐皮山葵壽司 (其實唔覺唔覺拎多了=P) 個腐皮山葵壽司呢個真係好好食 推介!炸雞柳, 海苔魷魚天婦羅 放涼了皮已經唔脆 剛炸好的我諗會比較好吃最後食到捧腹 記住自己收拾埋餐具 (雖然香港都會有店員幫你收 但去到日本通常都係自己收拾的)

呢間係大阪都有分店，得知朋友話香港都有分店,所以透過團購試一試我們點選釡揚烏冬，胡麻雞(正！)、野菜天婦羅(好油)、明太子飯團(較咸)可惜今次團購現金卷要限6:00前同8:00才可以用，不過坐落開始見多人食飯時間排一大隊。當日就完團購卷限期，見旁邊有人帶住優惠券一用。香港版的烏冬吾彈牙,,廚師似煮過火有時間錶響起沒人理 ，吾冧就奇.....大阪D廚師真好好,令我們好回味希望再改盡啦....人流咁多！

第一次試丸亀，選食拌烏冬, 我對明太子溫泉蛋兩者皆難以抗拒 本來想要試湯的，點餐時也脫口要了拌烏冬，但我後悔了! 雖然店員早已提醒，鲣魚汁只需澆兩圈的份量已足夠，但我還是覺得太咸了~ 下次還是吃湯烏冬好了  加$12有腐皮山葵飯團，ok~再加$20有兩件天婦羅，唔算新鮮熱辣厚漿又乾勝在烏冬煙韌滑溜，又有多款選擇，蕃茄湯、咖哩汁烏汁...全店採用自助服務，先取餐後入坐又一間日式快餐好選擇

想吃烏冬 自然便想起iSquare 6/F烏冬店舖  速食快捷又方便 往往見到門口排了一條長龍，建議晚餐時段早點來，六點半前通常也不用排隊，而且容易找到座位 先在門口排隊柯打喜愛那款烏冬，服務員即刻在你面前為你煮理，製作認真，熱烘烘的一碗烏冬很快送上，可另加費用追加餸料…  還有多款天婦羅，星期一至五晚有優惠價兩件20蚊，可自由配搭！配料，醬油，餐具及水都是全自助服務 ，跟著一條龍排隊到付款後才入座！