丼丼屋 (健威坊) (已結業)

一直以來都比丼丼屋呢一個招牌嘅豬肉檔吸引住咁今次終於有機會可以試吓首先講吓環境格局過咗一段時間依然都保持乾淨企理咁係一件好事價錢方面就都係偏貴少少不過如果係好味嘅話當然呢一個價錢係值得， 咁今次試咗人生第一次嘅招牌豬肉丼香味的確係幾吸引而咬落去又唔係太晏駐美的確幾十足唯一美中不足就係煩有啲少所以如果食大份嘅話就會略顯飯唔夠因為大同中嘅份量係完全一樣只不過係多咗兩塊豬扒但價錢已經差幾十蚊對我來講似乎唔係太值得，豬扒方面都會有一啲肥膏同埋一啲金蛋肉嘅質地的確唔錯

丼丼屋已經幫襯左無數次，個人覺得佢最好食嘅係炸豚肉飯，豚肉外面炸到脆脆地，裏面肉質嫰滑、多汁，配日本米及生菜食剛剛好，而且佢套餐會有埋前菜、飲品、湯，覺得都幾豐富，以前佢仲有賣北海道牛乳雪糕，都非常好食😋可惜呢間丼丼屋已經冇雪糕啦，今日下午茶時段，見到佢有新菜單，係北海道嘅蔬菜湯咖喱，我當然去嘗鮮啦😁之前喺北海道曾經食過佢哋正宗嘅湯咖喱，好想知道香港丼丼屋係咪做到當時食過嘅口味。首先說一說湯咖喱的味道，跟我在日本試過的差不多，本來有點驚喜，可是，當我吃湯咖喱裏面的菜，發現蔬菜完全不入味，似乎蔬菜已用滾水煮過後，才加入湯咖喱裏，湯咖喱和蔬菜是分開煮的，另外，照片裏好像有好多款不同的蔬菜，有南瓜、茄子等等，但原來只是在表面上放了兩片很薄的南瓜，及一塊茄子，兩塊蘿蔔，底下的全是生菜，可以睇吓下圖。所以主要是吃湯咖喱煮生菜。附送的果茶倒是不錯，可惜主食一般，這讓我更想念北海道正宗的湯咖喱雜菜了。

星期六晚上一家人去咗北角丼丼屋食晚飯，6點幾去到唔係好多人好多空位。同屋企人坐低後叫餐，幾個侍應圍曬係門口收銀位傾解，叫極d人過來寫單都顧住傾解，遲遲唔過來寫單。終於有位男waiter寫好單，幾個餐好快到，但其中一個餐等咗好耐都無來，之後check翻先知漏單！d侍應知道自己寫漏單都完全無歉意，黒住面咁補翻個餐，好似做錯事係我地顧客自己，當堂心情都幾受影響…😥其中叫既個燒牛肉石頭定食，d牛肉好唔新鮮，d顏色都唔係鮮紅色，有d帶啡色，咁諗住都係放係石頭上燒熟來吃就算，點知燒熟d牛肉又硬又無牛肉味，好失望。本身d員工已經質數差，加上d食物又唔系好吃而且又唔系便宜，真系掃興而歸，簡直毀咗我地一家的週末晚餐，以後都唔會幫襯呢間！

1點食飯，真係好多人😭等左呢間成半個鐘，終於有得入😂睇晒成個餐牌，幾經掙扎，終於點左牛肉蕎麥麵。唔係好多日式快餐有蕎麥麵，呢個比較特別。勁多紫菜！超中意！個麵微暖，岩晒夏天食。喜歡佢味道清清，好舒服。配一個湯同沙律，仲有杯凍水果茶，完滿的午餐🥣

我近來認為中午應該食好啲，而夜晚應該清淡啲，這樣循環系統就會健康好多。因為我之前膽有事到最後知道主因為唔食早餐，在之前腸胃有事就知道係食宵夜太豐富，所以我近來思考左中午應該食好啲。今日同我友人，你公子同佢太座食飯，我就怱發奇想要食好少少，即係唔好成日食茶記，咁到咗呢間野度食。呢間嘢都幾旺，可能因為位唔多嘅原因，侍應尚算親切有禮。依家野我幾鍾意，因為叫主食後，可以加錢叫Side Order。我其實幾鍾意呢種模式。我照舊雜錦海鮮丼，朋友叫鰻魚丼，阿嫂叫燒青魚，叫完餐我去廁所洗手，返到嚟嘢食都差唔多落枱，時間啱啱好，我要求好高㗎，如果佢教到三份餐都差唔多時間到，即係師傅做咗鯖魚先，咁就一百分。我可以講下我嗰個海鮮丼，最感動位係吞拿魚，平相食係粉到飛起，佢比我嗰份雖然係紅色但應該係都近腩位，口感都唔錯，其實呢個飯都要$128未計其他嘢，我睇到餐牌佢有個$158係拖羅嚟㗎～只可以講一分錢一份貨，唔算差！佢可以加$58有埋一份刺身版兩片三文魚兩片帶子，都OK啦唔係平唔係貴，我仲飲蘋果汁。仲加錢要做個甜品呢餐我滿意呀，中午盛惠$600，我作為請人食飯我OK，抵唔抵食就見仁見智！水準都可以冇詐型。

我就好鍾意食日本嘢，丼丼屋係其中一個我經常去的飯堂。因為好多時候大集團要keep到一個水平並唔容易，丼丼屋就係其中一個由衷地佩服能夠keep到嘅其中一個連鎖式日本餐廳👍今次簡單叫咗幾款(如圖)，味道都ok同出面嘅丼丼屋做得一樣高水準👍雖然唔係食啲咩好名貴嘅日本料理，但係以價錢來講算係大眾化價錢而又食到好西嘅餐廳。而且全線丼丼屋嘅裝橫都光猛企理，所以一般同朋友傾偈還是自己一個人去獨食都係一個值得推介的好地方👍

經過我很喜歡的日式食店丼丼屋，看到有新食物上架，馬上進去試試名物牛筋丼源自日本大阪著名拉麵店 “龍旗信”，日式牛筋肉吃下去柔軟又帶嚼勁，而且肉與筋的比例很均勻。牛筋肉用上秘製甜辣醬烹煮，再加上蛋黃醬、味粉及溫泉玉子，非常好吃而且很有個性，一吃馬上愛上離開丼丼屋時，看到宣傳牌上寫著當天下午名物牛筋丼曾經售罄，剛好我晚上到達時恢復供應，可見其受歡迎程度之高，難怪它在日本第三届 “全國丼物大賽” 獲得金賞，各位也趕快去試試啦

丼丼屋 (北角)1⃣牛油果沙律 $38牛油果熟度剛好，38輕輕咬已經溶化係口裡面🥰沙律菜好爽脆，仲帶有原本菜既清甜味。鋪頭用黑醋&紫菜&芝麻調成沙律汁，整體酸酸甜甜變得好開胃。2⃣炙燒海鮮丼 $88炙燒完既魚生特別鮮味😍大蝦、三文魚同元貝表面微微焦香，油香味突出🤤配埋一啖飯真係入口即溶！不過元貝size太細件，比較無滿足感😣一碗分量有好多，38食完一個都會飽，如果兩個人唔想食到好飽，可以加一份輕盈定食(+$40 有烏冬、海帶麵豉湯、菜沙律&薯蓉沙律)，Share食就岩岩好啦😛3⃣炸芝麻雞翼 $43新鮮炸出黎既雞翼香氣十足，雞翼外皮脆卜卜🥰雞肉嫩滑不突止，仲好多汁！比起放題食到既高質好多倍👍🏻4⃣二期作米雪糕 $24呢個雪糕好特別😋雲呢拿味雪糕入面有一粒一粒熟左既米粒😱整體感覺又唔會好甜。唔係好多餐廳會有呢款雪糕，見到記得嗌個食啦！推薦度：8.5/10🏠北角英皇道560號健威坊高層地下U8-9及U30號舖🕐11:30am-10:30pm

呢排去開總公司個頭，便和同事一起找找附近有什麼好吃的。一行十人，經過健威坊見到丼丼屋便入坐食個快lunch，都無點等位便可入內。點了一款豚肉泡菜湯定食，豚肉相對比較乾同無乜味身，洋蔥好甜算好入味，雖然個飯味道好淡，不過有泡菜吊下味都尚算過得去。定食仲包埋一碗金菇海帶湯，一碗沙律（酸酸甜甜幾開胃，仲有蟹棒粒添），再加一杯蜜桃菜。唔好睇樣樣野都好少，其實食落都幾飽肚。如果午市想食下日本野又咁岩係附近，都可以試下呢間。

平常我都鐘意同屋企人來食丼丼屋，鐘意佢唔太貴嘅日式料理，係鐘意到最近屋企個間分店執左，我地都會搭車去另一間繼續食嘅程度。連鎖店來講，每次來食佢都仲係Keep 到個味道同水準，我覺得好難得。今晚我地來到，叫左個咖哩炸豬排飯（單品）。咖哩汁分量夠撈白飯，很好。炸豬排唔會太乾，塊炸皮唔會太厚，冇呃秤。唯獨我地叫嘅只係單品，佢唔會有沙津之類嘅蔬菜做伴碟，食起來就有啲寡。另外仲叫左個唐揚雞丼配溫泉玉子（單品）。玉子好似jelly 咁好食，啲雞都好大粒，有成6-7粒，正。個汁都好食，好開胃。可惜嘅位係，佢menu冇以前咁多款揀，甜品亦都轉左，得返一細盒個啲雪糕同泡芙揀，個人覺得不太吸引，所以就冇落單試。最懷念嘅係佢地嘅石頭窩牛肉飯，一大盤熱辣辣咁送上台，依家只能係回憶中想念佢😭。

丼丼屋吸引之處，在於又有米氣，又有刺身，又有驚喜不斷的款式。泡菜滑蛋吉列豬扒丼定食是次全國丼物大賽金賞！本來抱著試驗性心態，豈料格外驚喜。泡菜能夠洗卻油膩感，而且豬扒厚實又有肉汁，的確不錯。唐揚雞丼配溫泉玉子醬汁甜甜，賣相誘人。尤其是流心蛋黃滲入粒粒米飯。丼丼屋的主食除了可自由加配食品，例如海帶湯、沙律、或細烏冬，也有適合不同年齡層的定食。價錢方面也是豐儉由人。還記得第一次跟叮叮吃，相距一段時間，餐牌也變化不少。希望下一次又有新賣點。

因為學校係北角附近，個日放左學又冇野做，同朋友係北角行行下街突然之間好想食日本野，但係又唔想食魚生個啲，想食啲熟食，之前成日都係街見過丼丼屋呢間餐廳，但係一路都冇入去試食過，咁啱又經過於是就同朋友入去呢間都試下，一入到去成個環境都好日本風，地方都幾闊落企理，幾乾淨，職員都幾好人，我地睇下個menu就叫左一個大阪燒風味牛肉丼定食試下，價錢為58元正，牛肉味夠重，而且份量夠多夠曬足料，另外個前菜湯味道唔會太咸平時最驚啲湯好重味精味，呢個飲完都唔會好口渴，平價晚餐之選!!

大分南蠻雞丼 $85丼丼屋啲丼飯不嬲都好高質😆最近仲要出埋得獎丼物 - 「全國丼連盟」舉辦的最新一屆「全國丼飯大賽」金賞認證既大分南蠻雞丼，認真惹味 🤤-先講講雞嘅部份🐥炸到脆卜卜，面頭仲要有南蠻醬及他他醬，咬落去酸酸甜甜，重要好Juicy 咬一餤都見到啲油份流緊出黎-唔好諗住舊雞好似好流甘，跟飯重會配上2塊酸蘿蔔同埋大量椰菜絲🥬所以食落去完全係啱啱好，小編就最愛將全部野擺埋一齊放落口，跟餐仲有海帶湯同沙律🥗完全係滿足，食到飽一飽

-大分南蠻雞丼定食🐣這個丼飯經常售罄～要早來才能吃到呢🙈♥秘製南蠻醬及他他醬✨這個是配飯不敗之選，所以很容易就全碗吃完了🥳♥作為比較平價的得獎丼物，這個定食分量很足，味道也不錯🤓

👎🏻👎🏻👎🏻一直好想試佢新menu既蟹丼，今日一試，一d都唔好食。份量少，蟹肉唔新鮮，蟹膏好食少少，但似係超級市場買到既蟹肉蟹膏罐頭🙄D葱份量好多，蓋過僅有的蟹的味道，都唔知係食緊葱定蟹👎🏻 差