丼丼屋 (荷里活廣場)

营业中

休息中

叫左個親子丼，個侍應成個盤呯一聲掟落黎，然後up左一輪野勁快，淨係聽到親子兩個字，其他完全唔知佢up乜，勁趕。個親子丼仲要等成25分鐘。員工黑口黑面，無禮貌，比錢時個女人黑口黑面，用信用卡但無比返張卡人，淨係比張單人，傻的嗎？連多謝都無一句，咩態度黎？講返食物質素，個親子丼唔係話難食，但唔值咁嘅價錢，要成$8x, 但唔係好大，個碗大但好快到底，而且雞內份量唔多，呢個價錢去食其他野好過，性價比極低。咁嘅價錢但換來咁嘅服務態度，以後唔會再黎食！

MEGA唐揚雞丼 ($448，四人份，包每人一枝札幌啤酒/汽水）其實好抵食，唔係講笑因為其實六/七個人黎食都可以完全食得飽，咁除返開，每個人都係幾十蚊，就可以食到丼丼屋，仲唔係抵到爛？話說我就係不自量力同左四個人去挑戰，食左7分鐘就知自己要GG了不過我地好smart咁帶埋飯盒去裝D炸雞返屋企，無浪費到講返個丼出乎我預料的好食，本身以為炸雞會好油、好乾，飯會好難入口但雞肉真的好嫩口，炸粉完全唔厚，岩岩好，炸雞好熱，仲保留到肉汁，的確唔錯呢個丼飯，總重量差唔多四公斤，真係好多，隔離枱食客都係咁望過黎個丼飯配有四種醬汁--> 南蠻醬、黑松露沙律醬、咖哩沙律醬和他他醬四隻醬都唔錯既只係黑松露醬太重黑松露味，有點over左他他醬就似M記魚柳bell個醬南蠻醬就好好食，同埋本身個雞丼已經淋左南蠻醬挑戰小提示- 個丼飯好很熱 (一開頭真係食唔入口，因為太熱，所以我建議大家扮影相，影多佢五分鐘，等佢無咁熱先開始)- 飯其實唔係大佬，炸雞先係大佬 (飯我地八分鐘就食晒，但炸雞我地最後仲淨左差唔多二十件)- 飲品最好唔好飲住，好頂胃 (啤酒/汽水你都明啦~) 完左個challenge慢慢飲啦

係荷里活廣場入面多左好多食店的選擇, 而丼丼屋經常都會係選擇名單上出現。因為佢有好多丼都好出色, 亦會經常推出不同的新set。要試晒每一款都唔係咁容易XD今次終於夾岩時間可以試到佢限定推出的「黑天丼」定食呢個定食非常巴閉 haha, 每日都有限定時間同份數供應。係荷里活廣場入面就只有平日17:30後或星期六、日、假期11:30-14:30&17:30後供應每日限定20食>.< 所以之前有幾次去到都食"檸檬"去之前打定電話問仲有冇呢個set可以order之後就立即衝過去XDorder完之後都要等大概10-15分鐘左右先上菜。呢個定食一共包左4樣野: 沙律、味噌湯、綠茶冷麵、黑天丼沙律前菜普普通通, 有粟米 車厘 生菜 同 淋左ge麵包粒XpXp味噌湯就正正常常 唔會太咸綠茶冷麵~ 雖然麵就真係冇乜綠茶味, 但係熱的天氣下食到冷冰冰的野真係覺得好refresh同舒服可以大啖大啖咁食落口, 食冷麵一定要加紫菜, 令成碗麵生色不少 到黑天丼啦!!!!!期待已久一共有炸蝦、南瓜、茄子、秋葵、鰻魚同玉子就咁食天婦羅會有點點咸, 不過送埋飯一齊食就剛剛好!岩岩好可以食晒成碗飯, 不過

愛好日式美好既我，自己食晏當然揀番日式餐廳啦 係荷里活廣場搵食途中，眼前就見到「丼丼屋」襯仲未需要排隊就拿拿聲入去食番餐日本野面門需要唔大，但係入到去空間頗為寬敞~適逢今日係平日，有lunch set 我就當然即刻叫左我最愛既滑蛋吉列豬扒丼定食~配埋杯冰凍咖啡~個餐有沙律、面豉湯同主食滑蛋豬扒飯個沙律唔錯，啲菜幾新鮮，配埋蕃茄仔同麵包粒，整個配搭係味道同口感上都幾配合！惟一差少少既係個麵包粒唔太夠脆~另外，我對個湯有啲失望，因為個湯完全唔濃郁，有啲似水，配料又完全欠奉，所以個湯可以唔駛飲。主食方面果然無令我失望~ 首先，塊豬扒炸到好脆，麵包槺又唔厚，薄薄一層，唔會厚過豬扒~ 另外，豬扒本身亦唔會太肥、唔會太瘦。 滑蛋方面，亦相當唔錯！塊滑炒得嫩滑，半熟既雞蛋流哂啲蛋汁落係白飯上，令到個飯食落更加美味

成日經過丼丼屋都覺得好似會幾好食咁，為左裝勵下自己，終於有機會入去食！滑蛋吉列豬扒丼（＄85）滑蛋都做得幾好，食落去真係滑滑地，唔係變左煎蛋咁。而味道都有調過，好香既洋蔥同醬油味吉列豬扒有六舊，係正常size。食落都幾鬆化，唔係用左鬆肉粉個種感覺，而係真材實料但又唔係硬梆梆個種感覺！炸完出黎仲係好juicy個炸皮唔會太厚，食落唔會覺得食粉多過食肉。但食落有少少皮肉分離，依一點有待改善！日本米就係一既往既好味雖然真係幾貴，但又幾唔錯，下次要試下食魚生丼！

一直都係丼丼屋既忠實粉絲。最近見佢換左餐牌，多左唔少選擇，仲有石板燒添。而今次同朋友就嗌左寶石海鮮丼同親子丼，兩樣野味道都唔錯，份量適中，值得一試。白飯上盛滿唔同款式既海鮮，用紫菜包住切粒海鮮同白飯，超級滿足，味道亦相當鮮甜。玉子燒味道比較普通，價錢亦都比較貴。跟餐既湯，味道清淡。蛋控一定要試！不過今次啲蛋就熟左少少，雞肉就不過不失，無乜特別咁。感覺上，轉左餐牌之後，食物款式多左，但味道不如以前，退步左。

成日見到丼丼屋好多人，都無機會去食，今日要去新蒲崗打波前，去鑽石山廣場食個晚餐先鑽石山都好多餐廳選擇，不過最後比丼丼屋吸引左難得時間仲早，唔洗等位！好坐早入去，因為坐低15分鐘後已經見人等位。睇menu時見到名古屋鳥開親子丼好吸引，有隻流心雞蛋係個飯上面，於是叫左來試試！店員話加多少少錢可以轉定食，見隔離枱枱都有加定食，雖然我都怕會食唔曬都忍唔住加左個定食真係好大份，超級大滿足。Menu相片如實物，蛋及雞肉份量十足，足足蓋過成個飯

都有一排冇去丼丼屋食飯，所以星期五夜晚就去咗食，發現佢哋轉左Menu，食開既剌身迷你丼已經冇咗年lu，但係因為都好想食啲刺身，所以今次就帶咗呢一個新野 - 迷你海鮮丼，然後再加沙律定食。迷你海鮮丼包括左三款好細嘅刺身飯，有三文魚飯，吞拿魚飯同帶子飯，分量非常少啱晒唔鍾意食飯嘅朋友。最鍾意係三文魚魚子飯嗰碗，三文魚非常新鮮，魚子一啲都唔腥，最唔鍾意係吞拿魚飯，淡而無味，又甩啲紅色出黎，非常麻麻，至於帶子，好普通，因為唔係大嗰啲帶子，有少少硬。

小米放假，約定在荷里活晚餐，就交由小米選擇餐廳和搵位。來到鑽石山地鐵站，先了解小米在哪家餐廳。小米回覆：2個井字中間都有1點，招牌係黃色的餐廳。明白了！就是上次跟小米食吉列豬扒的日式餐廳。　由於六時多，晚市剛開始，客人不多。而小米跟母親大人因為肚餓，早已點了吉列豬扒野菜定食和烏冬。吉列豬扒野菜定食　小米喜歡食炸豬扒，香脆又啖啖肉。豬扒連炸皮來量度，真係超大塊，厚過手指。自己嚐了一件，吉豬口感好乾，Charm到脷有少少痛。　無奈小米不吃沙律菜，自己就可以增加膳食纖維了！　豚肉烏冬  體積雖小，幸好母親大人食量不多，這碗烏冬份量是ＯＫ的。如果換左係男性，可能要加餸。滑蛋吉列豬扒丼　　自己也要來一份。滑蛋吉豬大大碗。吉豬跟剛才小米那份定食，應該呎寸一樣。但這碗有汁有滑蛋來滋潤，無咁乾，容易吞。而醬汁又甜甜地，撈飯一流。三個套餐，合共265.1個大洋。剛好265個信用咭積分，可以當265元使用，實際上只付1毫子。真係好抵！

荷里活呢一間食日本壽司飯嘅丼丼屋每到星期六日就有好多人食㗎啦如果唔早啲去排隊可能就要等一個鐘頭以上㗎啦啲刺身都幾新鮮 啲飯都幾多好飽肚除咗個餐之外仲可以自己追加一啲嘢食好似沙律咁唯一唔好就係間鋪細咗啲

今日唔知點解覺得好肚餓，6點走左去食呢間丼丼屋其實本身食過滑蛋雞肉/豚肉，覺得還可以的今次就揀左，炭燒雞肉丼，野菜烏冬，牛油焗什菌呢間就係野菜湯烏冬，係唯一一樣我覺得ok既野食，佢d厚烏冬幾彈牙，個湯有d忌廉呢個係牛油什菌。👎🏻無味的，牛油塗得唔平均，一開始以為佢好多，點知其實個底係錫紙疊高左，比自己去bbq整既牛油金菇仲差🤮呢個就係炭燒雞肉丼。雞肉太咸，味道一般，有陣炭味的，好似去左bbq咁🤭個人黎講無咩特別，食完好口乾，實在太咸！

假日同妹妹食lunch落左去丼丼屋估唔到都幾多人等位 等左半個鐘左右就坐低叫左兩樣野再追加野菜定食由於覺得加兩個$15x2既定食唔太抵所以就直接加一個$20野菜定食 多d菜 一齊分享落單既時候叫左豬排分開上 保持脆身炸粉唔算薄 亦唔算太厚中規中矩 可以接受既 不過就唔好同吉豚既專門店比較啦 反而滑蛋飯係正既 就好似親子丼咁 甜甜地好味因為太掛住日本 所以叫左個鰻重 頂癮鰻魚量都ok 無泥味 無乜骨 鰻魚汁都適量 係呢個價錢黎講 合格整體 唔好用你係日本食野既standard黎睇 其實佢都唔差

星期五七點幾八點去丼丼屋食晚餐，事前響thegulu個app拎定飛，響商場行下，見差唔多到先行過去。門口有人等位，不過都入得幾快。因為唔想食咁多飯，所以叫左個迷你三文魚親子丼再加剌身定食。 迷你三文魚親子丼（$53）份量岩岩好，飯幾好味。三文魚正常，但魚子好好味，凍既，唔腥唔鹹，剌食定食（$38）包沙律，湯同剌身。沙律入面有菜，蕃茄仔，粟米同炸牛蒡，幾特別，不過有啲油，個沙律汁自己落，可控制份量。湯係麵豉湯，有多䓤，好香，蘿蔔粒同幾粒蜆肉，好味，唔腥同唔太鹹。剌食有兩片北寄貝同兩片三文魚，三文魚個厚度比丼飯上面既厚。

趁返工前同男朋友食個Lunch眼見吾係好多人等呢間 就即刻按飛先等左大概5分鐘就有2人位拿拿臨叫左野食先我叫左個寶石海鮮丼好大個Wasabi都好激（要加多D醬油）味道都唔錯既將D wasabi淋落D魚生上再流落去D飯 然後撈埋一齊食男朋友叫左個特上大盛海鮮丼佢知我中意食蝦特登比左隻蝦比我食好鮮味比較淡味抹茶味不濃我男朋友試飲一啖後好搞笑咁話Ok la 但唔中意😂😂基本上服務&環境都係一間正常日式餐廳應有既不過埋單就要自行行出去收銀處埋單食個Lunch 3百幾蚊 應該算係貴左D😂😂PS 其實都吾係第一次食 之前食開都係晚餐食物質素都叫有保證既不過就唔好Expect 真係高高高級貨

屋企樓下間丼丼屋其實都開左好耐, 每次見到佢門口都企左好多人, 於是就無咩動機入去食,因為想快又唔想浪費時間等位坐, 所以就好多次過門而不入。不過呢日難得好心情, , 又賺左少少外快, 於是就揀左丼丼屋作為我的晚餐,好彩平日夜晚其實都唔係好多人, 叩左3個no 就到我了。丼丼屋間野都坐得幾舒服, 唔會背貼背, 樓底又高, 都唔差架。講埋個飯, 我叫左十勝帶廣名物豚丼, 而佢有兩款價格可供選擇食少少肉就夠既可以揀並盛$88, 而想食多肉既可以揀特盛$108, 分別就係多多兩塊肉, 而飯既份量係一樣既碗飯送到埋黎就已經覺得呢幾塊肉好香好香, 北海道豚肉油多肉香, 而D肉又有用燒汁燒過, 入口係甜得黎又有D醬油的咸咸味,最衰屋企無D專業的光波爐, 如果係我都希望自己係屋企整到。呢一餐係貴貴地, 但係偶爾品嚐一下高質素的肉也是賞心悅目的