丼吉日式吉列豬排專門店 (國際金融中心商場)

营业中

休息中

早幾年食過，味道好、豬扒冧，其他食品如炸蠔、和牛都有水準，而且服務滿意，但因價錢唔平，所以有咁嘅質素都係應該。近排有啲掛住炸豬扒，所以再次去食，但今次質素、服務都令人太失望，就算一個價錢較貴嘅豬扒定食，感覺同價錢平嘅沒有太大分別；而服務亦唔多掂，可能人手不足，侍應有點不耐煩，更在客人面前講另一枱嘅小朋友食嘢食到成地污糟曬，我覺得兩個同事之間討論係可以，但係你喺食客面前討論呢啲事應該唔係一個應該有嘅服務態度。唉！我諗都係時候搵過另一間食炸豬扒嘅店舖！

聖誕節又有藉口出去食一餐好嘅呢間炸豬扒餐廳都唔係第一次幫襯不過呢間分店反而第一次來晚上8:30依然很多人在等位不過眼見很多都係一家幾口 攜老扶幼但唔需要等很久 就有位可以入去啦在餐廳出面以為餐廳很細原來佢還有一條通道通入去裡面白飯同沙律菜，依然都係任添沙律菜，我依然好鍾意用紫菜汁白飯用的是「一見鍾情」米，很好吃至於主菜點了限量發售的極上豚同豬柳配吉列蠔極上豚很軟腍 正宗外脆內軟可惜撞正有筋 有幾件比較難咬有對比之下豬柳好硬好嚡吉列蠔很好吃另外點了兩杯梳打 偏甜飯後還有一杯西瓜但不好吃的😅

通常吉列豬扒專門店只有炸物，而呢間有埋刺身飯喺sets 度比人揀。刺身飯加上炸物真係好嘅配搭，got the variety and 感覺上冇咁油膩。Tonkichi 嘅吉列做得好鬆化，吉列深海大蝦好大，肉質亦彈牙，同出面食嘅吉列蝦唔同。炸廣島蠔炸完仍然咁大隻，鮮味又炸得剛剛好。刺身飯 on par with expectation.唯一美中不足就係只有西瓜做結尾，可能想balance 下之前食嘅炸物，如果有另外嘅甜品例如mochi 會開心啲😁

友人多番推薦，稱相比日本當地餐廳並不遜色，今天一於試試除了吉列必點的豬扒和大蝦，亦在店員推薦下點了豬柳和吉列蠔。炸皮夠薄，香口且不會太油，招牌的豬扒自不在話下，大蝦亦啖啖蝦肉，相當彈牙，吉列蠔鮮甜味濃，口感亦不錯，豬柳稍嫌乾身，肉汁不太夠，但總體仍然不錯。（温馨提示，吉列必須趁熱食，尤其是海鮮，放冷後口感差很多。定食有跟飯，沙律菜，前菜及麵豉湯。整體食物都是上品。由於有訂座，獲安排卡位，雖不算寬敞，但在中環而言，已算十分舒適，整體服務員有禮，反應快速。作為吉列食物，能保留日本風味，食品質素亦不錯，遠超坊間的吉列料理。

服務生為了表達自己正確，不惜大聲解說她的訊息，令人尷尬，本來好想食，但已經完全沒有心情再食。可能沒有人肯投資開食店，它仍是很美味的炸豬排食店。食物冇罪，唯有去其他分店

我們是已經光顧多年的客人從銅鑼灣世貿店剛開就已經光顧，今天剛在中環分店用餐那邊的員工常在門口位置聊天連客人呼叫幾次都不回應只顧自己一班人聊天。還有以往每次光顧都會時不時問‘需要加菜嗎？’但這次是完全沒有.而且當我們用餐完畢時桌子已經沒有任何食物，有兩名職員經過桌子幾次都完全沒有要幫我們收拾的意思，直到我們示意後才幫我們收拾。而且職員只收拾了所有盤子，完全不抹一下桌子就馬上奉上西瓜。今天這些不好的體驗，是我有史以來第一次體驗得到。今天的用餐體驗只能夠用差來形容

最近去咗一間位於IFC嘅日本餐廳，呢間餐廳都係正路幾高級既日式裝修，一貫IFC 餐廳嘅感覺。今次試食嘅係吉列大蝦、生蠔同豬排定食，都算幾好食，但係午市既定食實收300蚊左右。吉列大蝦表現非常出色，食得出係新鮮既海大蝦,，蝦肉鮮美彈牙，外層炸得好脆。炸蠔內裏非常多汁，大排檔啲炸蠔完全比唔上。豬排話哂都係呢間餐廳既主打，質素有相當保證。上餐之前佢仲會比一個大碗你，比你自己親自攪碎D 芝麻，再混入佢既特制醬汁用黎點豬排。有gimmick 而且都真係幾香🤣定食附上嘅麵豉湯，味道清淡，有用蜆去煮，都算落足料！至於小食附有醃青瓜，酸甜適中，解膩～臨尾仲有得食西瓜🍉

今次黎到蔡瀾首推既吉列豬扒店，坐低之後店員會送上熱茶(茶錢收費$9)同擂缽，體驗親手磨芝麻，磨好後加入濃厚既豬扒汁，準備開餐。⭐️本店特選吉列定食(三人前) $788(豬扒、豬柳、大蝦同生蠔)定食包括漬物、麵豉湯同白飯。另附上他他醬、海鹽同芥末。 麵豉湯有蜆肉、豆腐同海帶，比較重口味。黎到主角炸物，每件都炸得好香脆，炸粉薄同唔油膩。🐻覺得豬扒🐷好食過豬柳，豬扒肉質軟熟同有肉汁，豬柳肉質實左少少🤏🏻但有口感。大蝦🍤爽口彈牙，啖啖肉，點他他醬一流；生蠔🦪炸完都冇縮水，蠔味濃。另外椰菜絲同白飯係任裝，椰菜絲鮮甜爽口多汁，可配柚子醋/紫菜汁，🐻鍾意柚子醋，酸酸甜甜好清新。⭐️白桃梳打 $108/100ml甜左少少同唔夠凍，可以飲番茶😂食完主食後店員送上玄米茶(收多次$9)同幾粒西瓜解解膩。

炸物無得輸💕 仲要椰菜同白飯都係任食‼️椰菜絕對唔係cheap嘢，刨得好幼細，超新鮮，好好食❗️白飯係日本珍珠米，粒粒飽滿分明🥰​✨吉列豬扒 | 豬柳 | 生蠔定食 (二人前) $508​上菜好有氣勢🤣 套餐包括有麵豉湯，配菜，醬汁，鹽，即磨芝麻，白飯，椰菜，生果🍉...... 芝麻係自己手磨，有得食有得玩👍 豬扒件件都炸到金黃色，表面咬落鬆脆，內裏厚肉嫩口😋肥瘦適中，又唔會覺得乾🤤 係好食 貴得有道理🤓✨梅子梳打1000ml $98推介❤️‍🔥 梅味超濃，飲落清新，甜度適中❗️好好飲😍味道👅👅👅👅​抵食🤑🤑🤑環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​​

<丼吉日式吉列豬扒專門店> 📍中環平時經過IFC經過門面以為係食貴價壽司，原來係吉列豬扒丼專門店，而價錢以中環地區黎講唔算特別貴。吉列宮崎牛肉伴大蝦定食 ($348) — 牛比較多油脂，宮崎牛更甚，所以吉列粉無咁貼實。牛肉略嫌有小小過熟，但無礙。一啖就落去濃郁嘅牛汁「Bi」一聲爆出黎，鮮嫩多汁 🥴🥴🥴 可惜拼盤只有三塊牛，唔夠我呢個牛魔王過癮 🤭 吉列大蝦🍤肥味、鮮味，沾上沙律醬，好食！《限量》鹿兒島特等厚切豚肉定食 ($338) — 吉列炸粉唔算厚，啱啱好包住塊厚豬扒，豬扒肉厚、鮮嫩、鬆化無筋，美中不足嘅係唔夠多肉汁，未能夠享受到鹿兒島豬扒嘅馥郁。本身諗住轟頂食個最高規格嘅吉列豬扒，而家有小小失望，不過總體黎講都係一塊美味嘅豬扒黎嘅。 😮‍💨 日本餐廳好細心，每一款肉類都配上一種調味料。而作為吉列豬扒專門店，沾豬扒嘅調味料都有特別嘅做法。餐廳會附送一個又坑紋嘅醬調味碗放入芝麻，食客需要將芝麻搗碎，然後倒入豬扒醬沾肉食。豬扒醬微酸大大減低豬扒嘅油膩感 😋定食包括左一碗麵豉湯、一碗白飯、椰菜絲同一份漬物。雖然係配食，但一啲都唔馬虎，用料同烹飪落足心機，實現左日本料理嘅精緻

20221023🌧️Sunday 🌹💪辛勞了好幾日啦！要好好報答自己，今日要食飽D, 所以選擇要食飯🍚1️⃣記得第一次到Tonkichi在世貿中心，嘩！超過20年🤭👍Tonkichi 可以說是在香港日式炸豬扒龍頭之選🍱選擇「二人前」吉列豬扒、豬柳、大蝦定食，定食包括白飯、麵豉湯、漬物、生菓🧫混合即磨芝麻的自製醬汁： 柚子汁、紫菜汁、豬扒汁🥗生菜絲配沙律醬，可添加🐷炸豬扒，炸功仍然上乘，炸粉薄而脆，鬆軟多汁，脂肪比例亦佳，質素與20年前沒有什麼分別🦐炸蝦，鮮甜彈牙的蝦，蝦身上蘸上均勻漿粉，炸出來絕無厚薄不一的現象。🪑室內環境舒適，座位與座位之間有很大的空間📌$528 兩位用📌10％ 服務費Food:👍👍👍👍👍Services :👍👍👍👍Environment :👍👍👍👍👍

同朋友行完街 ，約7:30， 特登過黎排隊拎飛，雖然等左30分鐘左右，但值得👍🏻我同朋友2個叫左🥢🍱特上吉到豬柳豬扒定食外脆內嫩既豬柳/豬扒， 配上新鮮既椰菜， 點上特配既醬汁， 真係好好味😋🥢吉列神戶牛肉薯蓉本身吉列薯蓉已經好creamy, 好食，加埋牛肉碎，啖啖肉😋🥢日式蒸蛋食親日本嘢，我最鍾意食蒸蛋，淡淡蛋香味，配上海鮮 , Yummy 😋😋最後送上甜品：西瓜，鮮甜🍉食物好，職員有禮貌👍🏻

最近外出吃飯得多人就肥了。錢包就真的瘦了。大約$1180元，吃了一份刺身兩杯飲品兩個定食和一個蔬菜盤。雖然價錢對我來說真的有啲貴但是味道上也是很不錯值得的只不過性價比低。本人嗌咗大蝦豬扒定食。評價喺豬扒好食過豬柳。豬扒油脂分佈較平均，肉質好，有彈性。大蝦大隻好味有自己磨製嘅芝麻醬有芥末醬有鹽亦都有他他醬。注意落豬扒醬嘅份量，本人貪心落咗好多豬扒醬係芝麻上面，芝麻味大減咸咗好多。網上邊有片如何磨芝麻醬。刺身質素很不錯👍🏻每一件都很新鮮。而且擺盤非常漂亮。另外，蔬菜盤嘅每份份量比較少。但勝在全部純日式而且種類多。服務質素一般。環境舒服。1800左右晚上去不用排隊。1930後很多人排隊。

一行四人星期五下午6點鐘來到IFC逛街，來個early dinner，幸好不用訂坐IFC Tonkichi也有位。已經有一年時間沒有吃過吉列豬，叫了一份2人餐，厚切鹿兒島吉列豬和滑蛋吉列豬。不用等太耐便出餐了。Tonkichi水準如一，沒有因時間耐了，品牌出名了，食物質數變差，吉列豬仍然是那麼的出色。套餐中我們選擇了吉列蝦，仍然是大大隻，超級好味😋吉列豬也是美味可口，有肉汁且鮮嫩。其次要讚的是沙津醬汁，有2種選擇，我尤愛紫菜酸汁，一個字，絕！

今天办完事情到IFC已经中午12点，孩子很喜欢吃猪排，所以去吃TONKICHI，没想到已经客满，拿号等了30分钟。我点了一份刺身定食，搭配的汤和沙拉，里面有炸虾、炸蚝，米饭拌着切丁的刺身，一大口下去很满足。孩子要了厚切的鹿儿岛猪排，加了咖喱汁和米饭。我尝了一块猪排，外层酥脆，包裹在里面的肉虽然厚，但口感很嫩，沾上咖喱汁，不会有任何油腻的感觉。最后的两小杯西瓜吃了三块，可能切好放的时间有些久，表面都干了。中环的正常价格！