丼吉日式吉列豬排專門店 (國際金融中心商場)

营业中

休息中

吉列豬扒係好食，但係呢個價錢服務真係好差，職員動作緩慢，清枱緩慢，客人走了但係帶位入座都要等10分鐘。來食飯最少排隊一個鐘, 加上呢個價錢，唔係好值。佢應該可以俾人留低電話，等人行街再返嚟，唔使白白企喺度個幾鐘等。最嚴重就係啲食客食完都唔走，坐喺度傾偈，職員又懶得理。反而以前銅鑼灣世貿嗰間服務好啲，反枱又快啲，可惜銅鑼灣嗰間已經冇開，所以要搵另外一間食炸豬扒，呢間真係唔可以再嚟………………………….

📍#丼吉日式吉列豬扒專門店#MFJ中環 #MFJ日本菜人均消費: HKD416好多年前係銅鑼灣世貿食過一次#丼吉 ，今日心血來潮食個Brunch😎 依間係ICC 3樓，香港站直上就到！餐廳都幾舒服，卡位好寬敞！店員都幾有禮貌！餐牌都好多選擇下，但真係幾貴🤑 ⭐️ 特選進口生蠔🦪$40Seasonal Oyster#蠔隸獸 先來個生蠔進補一下！隻蠔唔大隻，上面有啲三文魚籽點綴一下，賣相幾好！佢有個酸酸地好開胃嘅汁一齊食，滑Lu Lu落去又幾好味，$40又唔係好貴喎⭐️鹿兒島特等厚切豚肉定食🐷$338Deep-fried Thick Cut Kagoshima Premium Royal Pork Loin 鹿兒島豚被譽為世界上頂級豚肉之一，原來限定係因為一隻豬的里肌肉只可以做到4份厚切，所以數量限定😱吉列真係做得幾好食，豚肉本身好Juicy，肉質唔會好鞋，但肉香唔太香濃，食到邊邊位啲肥肉好多，食唔到啦😅 個餐有麵豉湯，漬物，白飯同生果，而且白飯椰菜絲可以任加！個麵豉湯有幾好味喎！漬物就太濃唔啱我！其實午餐$338食個吉列豬有啲貴😂 佢都好味，但冇以前食覺得好Amazing 嘅感覺，如果下次

1/5I choose the most expensive premium pierce that they said. Beside the texture is soft tender was okay, kind of like the fibre was hardly broke (which I actually like sth more firm yet tender).It was oily from the outside to inside. Pork aroma is very light as well.

平時好少黎開尼頭, 心血來潮想食日本菜, 價錢雖然係中上, 不過真係冇付你失望既!1️⃣Assorted Sashimi Rice – 乜都有既一個Sashimi飯, 魚生好新鮮, 而且係厚切片, 咬落去都滿足d!!!海膽真心好好食, 成碗既Sashimi都好鬼死正, 新鮮, 大件, 回味!!2️⃣Deep Fried Prawn & Oystyer – 睇圖片都睇得到, 餸既份量吾算太多, 不過食埋一碗飯, 都夠食~講返d炸物, 蝦真係好新鮮, 而且係炸得好好, 外表睇落炸完既顏色非常金黃, 不過食落絕對吾會一口油! 炸蠔都係啦, 吾會有平價蠔個種炸完都仲食到吾香既味道(廢事形容得咁衰), 而尼間店既炸蠔真係出色既!大件, 新鮮, 鮮甜味仲留左係到!!哈哈哈, 打完先留意到, 2樣既野, 都得出一個大結論, 新鮮!大件! 仲有就係值得去食!

好耐無食，上一次要過來食等太耐就放棄去樓下食。今次一早黎到唔使等位，叫佐個set，有蝦，和牛，豬。唔知係太耐冇食佢地差佐定其他地去整得越嚟越好食。記得第一次食時係好味到舔舔脷，啲汁好好味加佐好幾轉沙律菜。中間食過幾次都幾好，但今次差佐好多，專登叫貴啲和牛，但完全唔覺仰和牛質數，最差係豬肉，竟然有癡牙，啲粉有小小厚，隻蝦係最正常嘅。講反啲汁，同之前好似唔同佐好多，佢隻紫菜汁好咸，睇黎唔會再黎喇，完全係超級普通嘅貨色，唔值排隊都啦值呢個價。

未到晚市的早晚餐入座時人唔多原來就係想食吉列豬排叫兩份一樣又好似好齋都係同隔離一樣叫份豬排豬柳二人前吉列豬排水準穩定豬柳肉質則一般整體都係滿意嘅可能未到晚市職員都忙緊準備不過服務態度都好好的

21年12月2日，今個月放10日假期，超級開心所以相約左好多朋友出嚟見面今天朋友話要來呢間餐廳食豬扒飯其實我好耐之前都喺佢銅鑼灣分店食過，不過老實講，本人對炸嘢同豬扒興趣不大，對於我來講，呢間餐廳唔算特別好食囉純粹朋友想食陪佢以下係我影嘅相一座低，每人會有一柸茶，味道好好飲食豬扒飯可以幫助解膩呢個芝麻係比我地撈落豬扒到食嘅可樂會跟冰底上這是我朋友order的吉列豬扒定食我叫的是滑蛋吉列豬柳定食老實的～豬扒是鬆脆美味的～所以佢開業噤耐都有噤多捧場客，實在不用解釋結尾會送每人一客西瓜🍉清甜可口消消膩

同朋友慶祝生日, 話想試下呢間, 於是早一個星期打電話去book.入黎環境有少暗, 但每張枱嘅空間都夠大, 算坐得舒服叫咗三份定食,所有格列都係即叫即炸，又唔會等得太耐, 佢哋仲可以免費無限添加白飯同埋椰絲菜🤭1)吉列大蝦豬扒定食肉質適中，唔會太硬(因為怕炸得太耐, 會好難咬)🥲, 虎蝦ok, 但好快凍另外2位朋友都叫左同一份吉列生蠔豬柳定食蠔ok, 唔會腥👍🏻到最後因為慶祝生日嘅關係，服務員都好好,適當嘅時候就拎蛋糕出嚟,比朋友一個驚喜, 真係值得一讚,感覺都friendly, 會主動幫我地影相.

食吉列豬扒我首選呢間，價錢雖然貴啲，今日響中環食，價錢仲要比其他分店係貴，我都唔知點解，可能IFC租太貴，但係都冇辦法啦，鬼叫我想食，之前食過覺得真係幾好食，又有即磨芝麻配醬料，白飯椰菜又任食，啱晒我呢個大胃王，唔好以為椰菜係下欄嘢，加咗佢嘅柚子醋一齊食，真係好食到要不停添加先夠食😂😂▪️前菜三點盛 🥗$98自選前菜拼盤，可以從10多款前菜中揀3款呢個幾抵食，因為每款單點要40幾蚊▶️醋蕃茄醬汁酸酸咪咪，加上日本清甜大番茄好細心已經去咗皮，非常好吃開胃▶️薯仔沙律薯仔沙律都係我食日本菜必點嘅食物薯仔切得好幼細，但仍然有粒粒口感加上切粒紅蘿蔔同埋少少洋蔥，配合埋份量剛好嘅沙律醬，好味▶️吉列薯蓉吉列外層炸得脆脆，裏面薯蓉係一半蓉一半薯仔粒粒，好有口感，唯獨係唔夠味要加佢哋嘅海鹽會比較好味▪️定食二人前🍱 $ 528▶️三款吉列炸物（豬扒，豬柳，大蝦）吉列外層絕對唔會失手，炸粉厚薄適中絕對唔油，薄薄嘅吉列包住唔同食材💛🐷豬扒鬆軟無比，略帶少少肥，咬落去鬆化軟淋，好好味，最鍾意食🐽豬柳就比較瘦啲冇咁肥美，但係肉質好彈牙呢兩款豬加上芝麻豬扒汁一齊食，超正🦐大蝦都非常正，大大隻爽口彈牙，加埋自家製嘅沙律醬一

其實本人平時唔太喜歡食吉列乜乜的 因為覺得佢熱氣得嚟又會好膩 但係呢間除外喺香港 比較出名嘅日式吉列豬排專門店主要係勝博殿同とん吉 其中丼吉已經光顧左十幾年 感情更為深厚佢哋嘅招牌名物就係吉列豬排 今日我就點咗一客吉列上級豬扒定食 套餐內除咗塊豬扒之外 仲包括白飯, 麵豉湯, 漬物同生果 其中白飯同椰菜絲都可以免費添加首先塊吉列豬扒炸得好香 外脆內軟 咬落唔油 再蘸上醬油 倒落用自己親手磨碎嘅芝麻上 非常惹味😋 或者可以試吓加鹽或者芥末醬 感受不同味道 然後如果食到咁上下覺得油膩的話 可以食返啲椰菜絲 以平衡一下口感雖說二百幾蚊食一個set好似偏貴 但係考慮返佢哋嘅豬排係用上級豬肉製成 而且師傅手工一流 再加上白飯椰菜絲任裝任添 同埋裝修環境舒適 其實係超值嘅👍

每個月都會食一次吉列炸豬扒😋呢間可以話係一間幾高質嘅選擇👏 最中意叫佢個特上豬排豬柳二人餐，可以試晒兩款，價錢又唔算太貴😋IFC 分店雖然細啲，但環境比較靜，唔錯👍

午市套餐從$238到$278(另收加一服務費)不等，包含麵鼓湯、任添的白飯和椰菜，以及飯後果(這天是西瓜)。如果想再實惠一點，可以像我們一樣，在主餐牌選擇二人前／三人前的套餐，同樣包含以上配菜，但份量就一定不比一人一份來得多了。⠀我們點的三人前套餐包含炸豬柳、炸豬排、炸蠔、炸蝦。🌟炸豬柳/炸豬排🌟兩款的尺寸都非常厚，而且不會太油膩！但豬排很明顯比起豬柳更肥美多汁，豬柳吃下去的肉質有點過分實，比較乾，豬排就會吃得到它的一些肥肉，就看你個人比較喜歡甚麼樣的質感了。唯一小小挑剔的點是炸粉的黏著度不夠，一夾起來就有點散開，咬下去之後分離得更快。上菜前給大家的木樁是用來磨芝麻的喔，磨好之後可以把豬排醬直接倒進碗裡。另外還有法式芥末可以點，個人超愛，意外地搭配，但友人表示大大不解。🌟炸蠔🌟非常大隻，而且超多汁超Juicy，一咬下去就爆發開來，幾乎沒辦法分成兩口來吃，不然汁都要流掉了！🌟炸蝦🌟非常厚實、彈牙的質感，不像一般的冰鮮蝦，感覺像是虎蝦，好吃到連尾巴也吃掉了！進去前要稍微等一下位置，因為裡面位置是真的不多，但店家很好，儘量幫我們安排都能坐一起。

出咗糧，同事話想食餐好嘅，一到12點我哋即刻跑過嚟襟飛，但係都等咗一個鐘，等到我哋腳仔軟。等等下，我哋先知原來而家可以喺OpenRice攞定飛。😆🐷🍱我嘅炸豬扒、炸蠔及炸蝦定食真係要讚個日式脆漿，好脆、好輕新，感覺唔油膩，但係塊豬扒肉質就硬咗啲。呢度嘅椰菜係任食嘅，店員妹妹中途亦為我地添加左一次。🐟🍱同事點嘅魚生飯、炸蠔及炸蝦定食定食一上枱，賣相好靚，內有三文魚、吞拿魚、甜蝦等，魚生都幾新鮮美味。仲有一隻炸蝦及炸生蠔，炸蝦唔錯，但係隻生蠔就細咗啲。🍉西瓜汁我哋加咗瓶西瓜汁，西瓜汁係鮮榨，冇加糖，但係個西瓜唔甜，所以杯西瓜汁唔甜。😆上班族午餐呢講，呢餐都幾貴，三百幾蚊食一個午餐。食物同環境都唔錯，但係服務就扣晒分，店員cool style，冇笑容。😑

與朋友貪方便一行兩人去食便當,坐底後查看MENU,點了一個$5XX 二人餐, 有吉列豬扒,吉列豬柳及吉列帶子,點餐後很快就上湯及前菜, 都是一般正常日本餐前菜, 這間餐廳的湯，飯及椰菜絲任添。吉列豬扒正常，沒什麼特別，吉列豬柳太實，感覺麻麻，吉列帶子更是三款中最差，吉列層太厚，一咬吉列跟帶子便分開，味道很一般。最後有水果，每人一小杯西瓜約三個小正方形，很多核，一件最少有15粒較大的核，吃了一啖就沒有再吃了。總結，達不到這個價錢的水平，不值一試

呢個星期日日落雨，唔想去咁遠食晏，近近地去 IFC 搵食，聽聞呢間丼吉炸豬扒出晒名，咁就去試下。由於即慶…預約唔到，只能 walk on, 12:10去到…攞飛004，以為好快有位，由於第一輪客基本上比晒 book 位既人，所以只可等第一輪食完先可以有位，等呀等…等左30分鐘…終於可以入座。如果有點選吉列豬扒，職員會呈上每人一兜仔芝麻，供我地自行磨碎，磨碎過程很療癒，芝麻香氣不斷，然後加入豬扒醬，食豬扒時可以沾上醬汁。我地點左：刺身飯配炸豬柳刺身飯配炸蠔、炸蝦炸豬柳、炸蠔、炸蝦定食值得一讚既係…炸物一d都唔油膩，完全唔會一口油淋淋！由於冇點炸豬扒，所以比唔到評價，但炸蠔同炸蝦絕對比豬柳出色，豬柳唔夠 juicy, 乾左少少，所以鞋左d。可能 IFC 地價貴，所以呢間分店價錢相對其他分店高左幾十蚊，但唔知其他分店質素會唔會一樣呢？