丼吉日式吉列豬排專門店 (彩星集團大廈) (已結業)

是曰遇上愛炸同路人，一起結伴食炸物。這兒的選擇唔多，就是曰本人的所謂專注。我點了吉列豬柳同吉列蝦套餐，友人則點吉列豬扒餐。今次再訪，就是要比較豬柳同豬扒。這兒的坐位頗舒適，唔會太焗促，撐枱腳一流。估佢唔到，今日竟然有三文魚生送，雖只是兩片，好過無。質數普普通通啦。吉列豬柳有2件，薄薄脆漿包著嫩滑多汁豬柳，沾上芝麻同豬扒汁，好香口，無豬的羶味，肉質嫰，十分可口！豬扒汁的微酸減少了吉列豬柳的油膩感！嘩！吉列蝦好大隻！入口脆脆唔油膩，蝦肉彈牙，沾上他他醬更開胃！吉列豬扒份量十足，同様，外脆內軟，唔會炸到乾囇。口感有別於豬柳。肉的質地相對結實，更有質感。要口感的話，豬扒更勝豬柳。椰菜絲很新鮮，並且切得很細。加上醬汁同豬扒同吃，減少D罪惡感，正！差點忘記左白飯。白飯軟滑粒粒飽滿，軟硬適中，味道不錯。餐送的水果正好，又清甜，涼透心，有幫助消化作用。

今日真開心, 上午睇完龍舟立即去吉列專門店擦餐飽.首先來個魚生盛加生蠔及軟殼蟹餸啤酒, 魚生非常新鮮, 最特別就係牡丹蝦, 蝦肉結實, 我哋仲炸咗蝦頭添, 海膽好鮮甜, 完全無鯹味, 應該係剛剛來貨, 三文魚肥美, 油甘魚厚切, 帶子鮮甜好味, 生蠔仲有海水味添. 另外, 炸軟殼蟹外脆肉厚, 餸酒必備.嘆完個頭盤, 好似已經飽咗一半, 繼續主菜, 炸蝦, 炸蠔, 炸豬排豬柳, 我仲自製咗個咖哩飯, 非常豪華. 特別係個咖哩飯配珍珠米, 好好食.最後, 來個甜點及熱茶, 一大樂事.  

再次同老婆來食吉列大餐, 今次特別加咗車海老試一試, 成十吋長, 上枱已經覺得好美味. 整開個頭, D膏走曬出來, 再配合其他吉列一齊食, 一定肥多幾磅, 唔緊要啦, 慢慢減, 樣樣都好食, 例如: 豬柳, 豬排, 蠔, 配上醬汁更特顯味道.. 食到蝦尾, 條蝦膏仲係道, 真係肥美, 唔單止D肉質好結實, 仲彈牙.今日真開心, 好食好食.

復活節前突然想食日本嘢, 諗諗吓不如去食吉烈豬排配新鮮魚生, 睇一睇就去丼吉日本吉列專門店, 廣東道果間我比較少試, 不過都幾就腳, 海港城容易泊車.侍應給我帶位後, 就點了人氣魚生并盤, 炸軟殼蟹及吉列豬扒定食.魚生并盤十分新鮮, 牡丹蝦 帶子 三文魚 油甘魚都非常肥美, 好特別, 帶子上面果D三文魚籽好美味, 甜美, 比較起我在日本食過果D更好味.好快趣食剩塊葉, 乾淨囇.金香的軟殼蟹來了, 金黃色粉薄熱烘烘.蟹爪脆卜卜, 蟹身肥厚多肉, 加上檸檬汁, 更加鮮甜.吉列豬扒肥廋適中, 唔會太乾, 仲有肉汁添.我最鍾意食椰菜絲.加上紫菜汁, 帶出甜味, 所以添完又添, 加咗4-5次.飽餐一頓後, 再來一個紅梅雪芭及清涼水果, 減低了炸物的油膩感, 好完滿.總括來講, 呢間專門店夠水準, 炸物粉薄, 魚生新鮮, 侍應專業給我介紹醬汁芝麻用法. Excellent!

 過時過節緊離唔開買衫買鞋來迎接新年, 中國人嘛, 好重要架, 買嘢之餘, 今日同老公食餐好既, 我哋選擇日本吉烈代替重覆又重覆的鮑魚海參發財好事. 好好彩, 啱啱執緊窗口位, 咁就歎吉烈又歎埋川流不息的尖沙咀人流景, 點個海鮮餐及魚生特盛併盆, 過年嘛, 緊要食得好D, 咁先至一年好過一年, 年年有好景.先來2個飲品, 我比較喜歡檸檬什飲, 而我老公, 店長給佢介紹一杯新飲品, 好特別既喎, 就係荔枝味神秘特飲, 又幾得意, 我初時都有過疑問, 不過來咗之後就好過癮, 清新的荔枝味配上一舊圓dumdum既冰, 裡面有棵樹仔, 哦! 薄荷葉來的, 好盞鬼喎, 藍色得來好神秘, 好奇怪配上一角青檸, 店長叫我在杯嘢裡面用個青檸角攪攪佢, 慢慢D色淡咗....原來變咗紫色, 好神奇, 係乜樹黎架, 又有得玩, 又有得飲, 顏色神秘既特飲.哦! 刺身到啦, 帶子好新鮮, 好鮮甜, 應該係頂級刺身用果隻, 憑我記憶, 應該係北海道食開果隻味道, 牡丹蝦蝦肉質彈牙, 蝦頭仲有膏忝, 吞拿魚, 油甘魚, 三文魚肥美可口, 有時覺得呢間吉烈D刺身比起大牌"X襾"有過之而無不及.炸軟殼蟹好大隻, 炸

我大胃王最喜歡食炸物, 今日又係一年一度續會ge時候, 今年續會同往年一樣, 都係$1980, 包括85折優惠, 小食劵, 生日7折, 紅酒劵, Extra5%優惠及現金劵, 總值超過$3000, 對大胃王嚟講都幾超值, 首先睇吓有D咩用先, 好, 今天就大大食, 一個豬排海鮮2人餐加兩個海鮮小食喇.....首先來個啤酒, 歎個前菜軟殼蟹, 蟹膏飽滿, 炸粉薄, 點埋柚子醋, 開一開個胃先, 不過今次膽固醇又超標, 算啦, 無乜幾可, 食一嚿都可以ge, 等我老婆嘆埋果3嚿啦. 啊! 好期待d三文魚籽生蠔及什錦海鮮併盤又嚟啦, 首先叫店長拎個牡丹蝦頭去炸, $10/隻, 加$20無所謂,  好! 食生蠔啦, 三文魚籽配上生蠔好味, 仲又d海水味添, 唔好意思, 食囇先至影, 得翻個殼添, 跟住食魚生, 魚生非常新鮮, 三文魚肥美, 牡丹蝦大隻肉質好實, 劍魚食落無渣, 仲好重油份添, 至於八爪魚緊係好鮮甜, 用小食劵真係超值.期待已久的炸蝦頭終於嚟啦, 炸粉好薄, 仲好似識郁咁, d腳仔ge口感好得意, 食落卜卜脆, 正!主菜嚟啦, 半飽ge我緊要大大食一餐, 蝦, 蠔, 豬排, 豬柳

聽聞銅鑼灣總店獲「香港味之年賞」評為AAA級食肆 想必其分店的炸物同樣有番咁上下水平點左個吉列炸蠔配豬骨湯烏冬如果係點吉列豬扒定食的 等候的時間可以磨碎芝麻 再自行混合特製的西柚汁/紫菜汁/豬排汁 製成獨一無二的口味炸蠔有兩大隻 表面金黃色 炸得乾身 蘸上他他沙律醬份外惹味咬落去好juicy 蠔的鮮甜味依然保存到豬骨湯烏冬湯味濃郁 烏冬煙韌彈牙朋友的吉列豬扒選料採用日本黑豚 外皮酥脆 肉嫩 可惜有少許乾身 蘸上紫菜汁相對較重味 西柚汁酸酸地較清新 但最夾的都仍係豬排汁香口的芝麻同豬排汁添和一齊之後果然係吉列豬扒的絕配定食的珍珠飯 以及切得幼細的椰菜絲都係可以不斷添加架飯後會三片西瓜只可惜甜味過份重 感覺似係浸過糖水 食完令到喉嚨好唔舒服

 同老婆提早慶祝除夕夜, 今次去試吓殿堂級日式吉列, 入到去, 環境舒服, 燈光和諧, 店員非常有善, 好似一齊迎接2016.我倆公婆比較喜歡樣樣都試吓, 所以叫咗個2人餐, 非常好, 有前菜, 有嘢飲, 仲加咗個三文魚籽及小刺身.食物上得好快, 一吓子就已經嚟齊囇, 店員悉心給我介紹醬汁用法及慢慢地用小棍仔磨芝麻, 真係特別香, 跟住加上就開始啦, 首先見到三文魚籽十分新鮮及發光的日本米飯就不如來個親子飯, 嘩! 入口鮮甜, 大粒, 晶瑩剔透, 不像平常食的那麼咸, 好似去咗北海道, 魚生又幾新鮮, 甜蝦甘甜.嘩! 真係食唔切, 遲咗食軟殼蟹, 不過都非常鬆脆, 粉薄, 蟹仲有膏添, 唔好意思, 掛住食無影到, Sorry, 店員悉心給我添飯及椰菜, 碗飯熱騰騰, 在燈光下粒粒飯仲發光添, 犀利! 椰菜加上紫菜醬汁, 清甜可口, 炸蠔外面鬆脆, 裡面好creamy, 再加上他他汁, 好味  炸蝦不只鬆脆, 蝦肉彈牙, 當然唔小得他他汁啦, 最後豬柳和豬排好林, 加上之前芝麻醬可口好食.飽餐一頓之後, 店員給我清理枱面, 好奇怪, 張枱抹得好乾淨, 奉上熱茶及冰凍西瓜, 我覺得好舒

久不久就想食下煎炸嘢，一食炸嘢，就會想起丼吉。丼吉的午市好抵食，比晩餐平好多。是曰選了炸蝦配炸豬柳。炸蝦大大隻，香脆蝦肉爽脆香甜，個炸皮好chunky,唔覺得油同埋唔覺得食緊粉漿，沾上他他sauce，酸酸地好開胃！豬柳比想像中細件，但肉質嫩滑充滿肉汁，好鬆化，一咬就咬開無筋又唔un，加D豬扒汁同埋椰菜絲，食落多D質感同無咁滯，爽呀！減肥計劃...都係食埋先算啦！

每年梗會去一次，the ONE個間一般，所以都想去番彩星大廈li 一間。三個人叫左三人餐，乜都有。炸蠔好多汁豬柳好厚嫩炸蝦大隻而彈口, 豬扒淋而不膩，每一樣都沒有落差。仲有無限追加的新鮮生菜同珍珠白飯另有tar tar 醬, 我淨用tar tar 醬撈飯都可以!Li 度的珍珠白飯，好懷念呀，食左兩碗。食左幾年，沒有一次令我失望!

吉列專門店吉列好食都已經唔駛講啦, 今日重有大發現, 就係肥美三文魚同埋鮮詌的三文魚籽. 快快手快快口食完個午餐及飯後西瓜就返工啦, 一大樂事. 

人與味道頗為相似。有些人，總叫人念念不忘；味道如是，食物如是。河馬生念念不忘丼吉的炸豬扒和椰菜絲，可惜每次去the one 都大排長龍。這天到Gateway看戲，順理成章到彩星中心的丼吉吃飯。6:45walk-in都有座位。進去餐廳已有數枱客人，甫坐下，侍應便遞上餐牌。河馬生要了吉列豬扒生蠔定食，河馬太怕炸物太乾，要了滑蛋豬柳定食。等候期間的觀察，發覺這店的侍應都非常急非常趕。與店鋪給予客人空間，似強調「慢活」的設計相映成趣。環境影響味道，服務如是。The one 的炸豬扒令人念念不忘的有其薄而脆的炸漿和咬下去滲出肉汁的肉質。此店的吉列豬扒和the one店不相伯仲。雖然在這所店侍應源源不絕的供應椰菜和熱茶，然而那種目無表情的機械臉孔，和the one 店的熱誠溫暖相比，連食物也沒有那麼好吃。河馬太吃了隻生蠔，口中彈出一個字：「腥」。也不敢説是不新鮮，總之不好味便是了。滑蛋豬柳定食彌補了生蠔的不足。滑溜的蛋蓋上豬柳上，滋潤了炸物的乾澀。椰菜絲配上紫菜汁或柚子汁，酸甜的醬汁放進薄薄的椰菜絲，每每令人食慾大開，今天胃口卻不怎麼樣。用餐期間侍應問也沒有問便收去了我下了紅豆粉的半滿熱茶，迅雷不

當天的午餐落腳於, 在 2015年「香港味之年賞」被評為 7 間 AAA 級食肆之一的 日式吉列界神枱級名店, Tonkichi ~味道超凡的醬汁, 必定要一試其味 !磨芝麻 .... 自己磨芝麻, 是在這餐廳吃吉列的指定動作 ~磨好的芝麻碎再混合店方的秘製醬汁, 滋味 !! 吉列豬扒的外皮酥脆無比, 肉質爽嫩多汁, 吃時蘸上混合了「自己手動磨碎芝麻」的秘製醬汁, 味道是超乎想像的惹味 ~ 吉列蝦也絕不比吉列豬扒遜色, 外皮酥脆之餘, 蝦肉更是彈牙爽口, 好吃得無話可說 ~本篇完 ~

 曾經一段時間, 可能因為在尖沙咀返工的關係, 經常午餐及晚餐都會在尖沙咀攪掂, 快餐, 酒樓, 日本菜, 西餐食到厭, 但係每次同同事慶祝生日升職都會去食吉列, 唔知點解係唔係氣氛同好食的關係, 總會去這間吉列專門店, 公司搬了之後, 曾經路過尖沙咀彩晶大厦, 見到圍咗板, 重以為搬咗, 最近蘋果開張, 見到側門有水牌, 先至知原來無搬過, YES!!經五樓轉電梯上十樓, 裝修好靚, 唔同以前在地下.......店員都無變, 係加咗幾位新力軍, 唔知食物有無以前的味道呢.於是點了迷你刺身幾款舊時食過現時好想再食的吉列及清酒骨膠原啫哩紅梅雪芭, 一樣無變, 店員好熱切地講解芝麻及醬汁的用法, 好! 又磨一磨芝麻先, 炸軟殼蟹, 刺身及飲品先到, 炸軟殼蟹外面鬆脆, 裡面多膏, 餸酒一流, 魚生新鮮, 加上醬油及少少Wasabi, 鮮上鮮……好味.噢, 主菜到了, 一大盤炸物, 白飯, 麵豉湯, 見到都流口水, 忍不住要開始啦. 其實食咗咁耐, 味道依然, 店員服務有禮, 不時問我加唔加飯及菜, 服務好夠水準, 不減當年.飽餐一頓, 店員給我清潔枱面及奉上甜品及熱茶, 好Sweet, 服

忙完一大輪，都要慰勞一吓自己，食噃餐好既，途經廣東道，午餐後又有工作做，Check Check Openrice 尖沙咀有無好介紹先，吉列專門店，好，今次就試試佢，同食評有無分別.好奇怪，之前嚟過呢座大厦，好似直上架喎，今次要五樓轉lift，可能因為 Apple Store 大裝修的關係啦.坐低後店員給我menu及熱茶，可能因為lunch關係店員比較幾忙碌．快快手我點咗個午餐，三文魚刺身海鮮吉列定食，另加$20多一隻炸蝦，好快未夠十分鐘就有嘢食，首先店員殷勤地介紹不同的醬汁，嘩！好親切啊．三文魚刺身好肥美喎，炸蠔外脆，內好多汁，好鮮味，加上他他醬嘩...好正．已經食囇碗飯，碗飯真係不得了，原來係日本米嚟，店員問我要唔要加菜同飯，我就直問幾多錢呀，店員話菜同飯都係免費加的，嘩！好正喎．食隻炸蝦，外面脆，裡面蝦肉彈牙，加上他他醬，食到唔停得，好彩加多隻啫．唔知係唔係好食的關係，一陣就食囇啦．店員幫我收碗碟及清理枱面後，奉上清涼西瓜及熱茶，好奇怪，唔知係唔係因為店員殷勤招呼的關係，我覺得又飽又舒服，同埋食完炸物之後加上清涼西瓜，就算食完炸物都唔覺得油膩，真係好體貼呀．唔識形容，搵晚同女友再嚟