丼吉日式吉列豬排專門店 (新城市廣場一期)

营业中

休息中

本身好攰唔想寫食評架呢排但係真係好鍾意呢間野嘅食物質素同埋服務態度我要讚下佢！侍應服務態度好好，我叫餐之前問咗好多嘢佢都不厭其煩咁樣答我🙈🙈我成日都問好多問題🤣扯佢仲安排左卡位俾我哋聚餐！呢度環境好好，又唔會太嘈，就算 business meeting 都岩我食過一次呢間，不過果次係食魚生飯，男朋友就食牛柳，果次夾左兩粒之後就愛上左！好小油，個汁又好好味 好健康椰菜仲可以無限添加，真係好fit而且佢份量都好多㗎，啲牛埋藏係洋蔥絲中，正丫！！！！ 佢個麵豉湯有兩粒clam, 都幾足料㗎呢度嘅吉列豬扒更加係招牌啦！我冇嗌都要夾人地一舊🤣😂🙈極力推薦尼間野！一定會再食囉

是日想吃炸豬扒，剛巧沙田有一間。午市套餐好多選擇，唔想食炸豬扒都可以點牛柳、豚肉、鰻魚。吉列豬扒定食有湯、前菜連水果（西瓜），十分滿足。豬扒炸得剛剛好，肥瘦適中，入口鬆化，不會感覺油膩。店員會先上芝麻，搗碎後可倒入豬扒醬汁，十分開胃。麵豉湯不會過鹹，還有一隻蜆呢！椰菜和白飯任添。椰菜十分新鮮，一旁有西柚醬和紫菜醬配椰菜。另外，餐廳的環境非常乾淨，令人胃口大開，店員服務不錯，適時詢問客人要否加椰菜。午市比晚市抵吃，十分推介哦！

良久沒有吃日本炸物，今天到訪丼吉吃個晚飯極上吉列大蝦.帶子定食軟殼蟹兩件由於三文魚刺身已沽清，店員替我們更改成軟殼蟹。軟殼蟹很香口，味道一流。吉列豬扒一件豬排很大份，肉質質在，每口也很有質感，吉列表面酥軟，香口不油膩。吉列豬柳兩件我最喜歡是豬柳，豬柳的肉質比豬排軟身，油脂感豐富又不油膩吉列大蝦兩件肉質爽口彈牙，勁大件。吉列帶子兩件帶子很大很厚，豐海鮮味，點他他醬更豐鮮味這個餐可配以咖喱汁，咖哩汁帶少少辛辣，非常惹味。巨峰梳打和西瓜汁，新鮮西瓜汁非常清甜，巨峰梳打果香味濃郁。整個餐非常抵吃，可以食幾款不同的有名炸物，生菜和飯任添，還有飲品和生果，店員親切有禮。

沙田新城市7樓嗰度自從好多年前裝修咗之後，幾乎成場都係餐廳，有各式各樣嘅菜式，其中日本野嘅除咗一間賣壽司之外，仲有一間專賣日式吉列定食嘅。今日同朋友嚟咗食飯，叫咗個吉列蝦拼豬扒定食。定食係跟埋椰菜絲，麵豉湯，漬物同埋白飯。呢度價錢都唔平，食SET LUNCH大概都要差唔多二百蚊， 但質素都唔錯，算做得幾正宗。吉列外皮非常之脆，甚至有微微嘅拮口。豬扒仲係有汁，唔會炸得好乾，合格嘅。蝦就正常，普通一Ｄ。配埋他他醬就唔錯。吉列食物份量一啲都唔少，如果係女仔有時都未必食得晒。至於生椰菜絲就清涼爽脆，沾埋佢哋嘅特製醬汁，送飯就最好啦，唔夠好似可以再添。米飯係應該用上日本米，飯粒香滑都唔錯．但當然啦食吉列豬扒，係比較難送飯．都係要靠埋漬物去送飯嘅。呢度係新城市嘅餐廳黎講都算係坐得比較舒服嘅，座位唔太迫，就算午市都唔會太嘈，所以如果係BUSINESS LUNCH或者係約咗人傾計，呢個都係一個好選擇。

吉列炸物應該都是日式料理中十大之一，日本吃吉列炸物總是靠譜，好少失敗！其他地方就難以為繼，但沙田呢間堅好味，與日本吃的無差別，值得一試😋😋😋😋 怪不得長期都食客滿滿。餐廳主力當然是吉列為主，但其他類別也有供應，如刺身，燒牛肉定食等等，怕熱氣都可以試😉我和朋友兩個人，就直接點二人吉列套餐🔹極上吉列大蝦帶子定食 $728 二人前有齊不同吉列炸物，超級豐富啊😍😍 先有鮭魚刺身，都算厚切😊😊 吉列豬排一大件，吉列豬柳兩份，吉大蝦兩隻，吉列帶子兩隻，定食包括白飯和椰菜絲（無限添）麵豉湯和一些醃菜，和日式咖哩搭配炸物。食前店員會給你自己手磨芝麻，加入甜甜酸酸的炸豬排汁，味道好對胃，就是平衡著炸物的飽膩感，配吉列豬扒是真的很好吃！帶子是珍寶size，肉很鮮甜，超級豪食😀😀大蝦我至愛，蝦肉夠大隻，都夠味🦐🦐豬柳肉比豬排嫩，厚切相當富口感，好多肉汁，炸皮不油膩，真心好好味😋😍😍😍豬排味道比豬柳濃味，比較有嚼勁，厚切吸引，亦是店長推介之一😉😉😉丼吉日本吉列專門店餐廳 (沙田)地址: 沙田沙田正街18號新城市廣場一期7樓707號舖電話: 2887 0787

忙碌的工作完後，同朋友搵好野食，補充返一日所損的精力，搵到間餐廳環境寛尚舒服，看到餐牌上的炸物賣相唔差，就相約一試。個天樹炸蝦飯賣相吸引之外，蝦都好大隻，同埋炸完唔覺得油膩，味道好好，連個蝦頭都好 脆卜卜。吉列一口牛都好正，外脆內軟，入口溶化，牛內汁出埋，好好味，值得一試再試。再叫枝酒，岩岩好，兩人都夠食。雖然係油炸，但配埋D 椰菜絲，清清喉，一D 都唔熱氣。再加埋飯後又有水果，服務又好。約朋友邊食邊傾的好地方。

跟一位從加拿大做廚師的朋友吃飯，想來想去也不知道吃甚麼好，主要是考慮到朋友是專業食家，隨隨便便找一家餐廳吃飯怕會失禮香港美食之都的美譽，找六星酒店餐廳又不太捨得，最後給我想到「丼吉日式吉列豬扒專門店」,聿丼吉的吉列豬真係無得輸。丼吉主打吉列炸物定食，配上特色秘製炒芝，芝麻是由客人自行用木樁磨碎，即時釋放令人嘴饞的香氣，跟客家人磨擂茶很相似。定食中的日本白飯和椰菜，均是免費無限添吃喔！ 吉豬炸至完美的黃金色澤，單看賣相已令我囗水直流啦。炸粉厚度適中，脆香酥化的炸皮，入囗酥脆化掉，堪稱一絶，譽為全港第一美味的吉列店也當之無愧。厚燒鰻魚飯定食特厚鰻魚燒，鰻魚油脂豐富， 鰻魚味重，配上日本珍珠米飯，超級好味。

香港的緊張日子, 假日都盡量唔出街, 揀選平日出黎食飯輕鬆下~新城市廣場雖然係高危地方, 不過樓上食市就好安全~再次黎到丼吉日式吉列豬排專門店, 好掛住又脆口又不會油膩的炸物!2個人可以選擇二人餐, 乜都有D唔駛諗~ 今次揀左二人吉列大蝦.生蠔定食!ORDER完, 店員會提供芝麻俾你自己磨, 一邊磨, 芝麻香氣滿溢, 之後可以加入豬扒醬汁用黎沾食物~套餐已包括了前菜脆炸軟殼蟹, 有2隻勁大隻軟殼蟹, 炸得十分乾身及鬆脆, 完全無油膩感!另外主菜係拼盤, 有一件吉列豬扒, 2件吉列豬柳, 2隻吉列大蝦, 2件吉列生蠔吉列豬扒肉味濃, 有一隻手掌甘大塊, 炸物十分鬆脆, 內裡炸得有點乾身, 不過肉質幾林, 完全無根, 食到最後有肥膏的部位更加香口!吉列豬柳細細件, 肉質實淨, 有多點肉汁~吉列大蝦一樣有手掌甘長身, 勁大隻! 肉質較爽口, 粉醬不厚又鬆脆, 可以連蝦尾都食埋!吉列生蠔勁多汁, 好鮮味~套餐仲包埋漬物, 味噌湯 , 水果及 飲品, 飲品連果汁啤酒都可以揀選, 味噌湯 - 內有大量昆布及豆腐, 一隻蜆~西瓜汁~Sapporo七寶札幌啤酒另外仲有其他散叫的小食~吉列薯蓉 - 估唔

同公司同事間中會食好少少餐豐富午餐，簡左呢間出名食豬扒店舖，但我睇餐牌俾下面呢set吸引左，有我鍾意魚生飯加烏冬，仲有一小件豬扒，又可以試豬扒味道~呢個set份量超滿足，魚生新鮮，烏冬湯頭清清甜甜~豬扒炸到好香脆，咬落去feel到肉汁唔會鞋口~另一set同事order~下次有機會一定會試豬扒餐，我諗佢味道應該更加好味，上菜前我見職員俾左一碗香芝麻磨碎再加豬扒醬汁，應該會超香口~飯後再會送上一份水果~其實如果店舖套餐包埋餐飲更加美滿~

香港有好幾間吉列豬既專門店當中丼吉係我最喜歡既一間不論係裝修 到味道 到椰菜絲既醬汁都係最對胃口既今日突然間好想食好味既日本米飯再望望商場既水牌毫無懸念咁揀左丼吉因為佢既米飯係又香又黏又好味加埋個吉列豬 真係非常夾今日同老公2個人叫左一個吉列豬柳定食 同埋一個天婦羅蝦拼帶子定食侍應哥哥都好貼心咁幫我地放埋一個碟等我地SHARE飯同椰菜絲都係任加既椰菜既醬汁有柚子同紫菜2個味 都非常開胃吉列豬柳有4件 再CUT一半即係一份有成8件個吉列係一D都唔油膩 淨係食到鬆脆豬柳有肉汁之餘 仲係嫩既! 之前有揀過豬扒但總會有D鞋 豬柳就完全無哩個問題另外個天婦羅蝦都好好食絕對無楂流灘 隻蝦都食得出係甜既大蝦帶子就一般 大大件但無乜驚喜定食仲配埋味噌湯同埋甜品/水果一人大概三百拎蚊唔算好抵食但一定物有所值

I’m Japanese Ameand have eaten Japanese food all over the world including Japan. This was one of the best Japanese restaurants we have ever been to. The food, chicken katsu and the katsu donburi were fantastic. The service was equally fantastic. The food quality here is excellent, the service excellent, their prices reasonable, but can be very busy during peak hours, so will often wait in line. We will definitely return on our next visit to Hong Kong! Check this place out, but perhaps during off

沙田新城市一直有間吉列專門店好想試下，今日適逢友人生日，而佢又比較喜歡食吉列一於到沙田慶生我地點左兩份定食，大家可以share 鹿兒島特等厚切豚肉定食$328食美食前先勞其筋骨，磨下芝麻先，一路磨有路聞到好香芝麻味，之後再加點豚肉汁食鹿兒島特等厚切豚肉鮮嫩多汁點上特制醬汁好香吉列宮崎牛肉定食 $398宮崎縣黑毛和牛夠矜貴入口即溶，又唔油膩黑毛和亦可選擇點海鹽或芥末定食有飯、椰菜、麵豉湯、漬物及水果（飯同椰菜還可以無限添加）椰菜有兩款醬汁自由選擇，1.柚子汁2.紫菜汁，感覺幾新穎，我喜歡加點紫菜汁麵豉湯味道濃郁，內有花甲、豆腐最尾還送上西瓜🍉生果作結尾枱上放置醬汁可供我們自由選擇整體吉列岀色炸得很脆口，又唔厚粉

同朋友都好懷念一齊喺日本食炸豬扒嘅時光,決定相約喺呢度重拾日本嘅味道由於book咗位,所以兩個人都畀咗卡位我哋 座位好闊落,食飯傾偈好舒服。不過呢度部分卡位嘅設計,同隔離卡位並唔係完全隔開, 私隱度相對就冇咁高。叫咗一客前菜,芝麻醬豆腐,一客二人套餐,吉列豬扒拼豬柳,同埋一客豬肉湯。落單之後,侍應會畀芝麻我哋自己磨,隔咗一陣好快就有嘢食啦。吉列豬柳有四件,cut開分成8件,肉質好鬆化,而且唔肥,炸得好鬆脆至於吉列豬扒肉質就會硬身少少,有四分一嘅脂肪,有啲肥。個人就比較prefer豬柳,肥瘦適中好好味芝麻豆腐好滑,絕對係靚嘅豆腐所製成。豬肉湯我就冇飲啦飲咗麵豉湯,唔會太鹹,裏面有豆腐,海帶同埋少少蜆肉,唔錯既。不過豬扒如果放得耐咗一陣就失色好多,所以一定要趁熱食。順帶一提呢度嘅服務都幾好,由於白飯同埋菜絲係無限添加,店員會經常走埋嚟問你需唔需要加菜,好細心。

丼吉吉列店香港人絕不陌生也是我在中學時代約會的地方吉列炸物售價絕不便宜但我敢說絕對是香港數一數二的吉列店除了吉列炸物還有小食烏冬等我當然專注他們的強項吉列二人最好點二人吉列套餐先送上炸軟殼蟹一隻炸得外酥脆內軟嫩二人餐有豬扒豬柳炸蝦炸蠔豬扒比豬柳肥一點味道更甘香吉列大蝦體型極龐大吉列炸蠔絕對是水準之作外層酥脆內有蠔汁大滿足套餐有麵豉湯飲料和甜品甜品只是數件西瓜有點小失望總括而言這裡吉列水準超高絕對是我的香港第一吉列店

今日經過新城市廣場，晚上到了七樓吉列豬排專門店食飯，店內和風設計,空間寬敞,不會坐得太擠迫,睇了 餐牌， 除了招牌炸物， 還有不少刺身選擇我們點了炸豬排吉列蠔套餐，另一份是吉列豬柳套餐 未上主菜先給我們一碗芝麻 店員教我們先把芝麻磨碎再淋上醬汁， 在麻芝麻期間， 芝麻的香氣散發出來， 十分開胃， 等了一會主菜終於上了 先喝一口 麵豉湯， 麵豉湯內有豆腐， 蜆肉 麵豉湯不會太鹹 ，吃得出蜆肉是新鮮的 吉列蠔外脆內軟 不會炸得太乾 炸豬柳十分juicy， 竟然有肉汁 估不到， 另外出面的炸漿也不會和肉分開 令人一口接一口 吉列豬扒也十分好吃， 就算吃到最後一件，外層的炸漿也是脆的不會油膩 最後吃完晚餐還會附送西瓜一客滿足