丼吉日式吉列豬排專門店 (新城市廣場一期)

营业中

休息中

本身對炸物和肉類不是太感興趣，一來怕肥膩，二來怕熱氣。但唯獨這間吉列豬扒專門店是我會幫襯的，其最大賣點是可以添加白飯和椰菜。白飯由日本米煮成，富有濃厚米香，飯粒黏度很高，好好味。椰菜很鮮甜和爽脆，和炸物配搭得天衣無縫，完全可以解膩和清除熱氣。值得一讚！店員為我們安排卡位，座位很寬敞，坐得很舒適，心情特別暢快！我們點了二人前（黑毛豬扒豬柳和生蠔）定食。點餐後，店員會先把芝蔴送到枱上給客人將芝蔴磨碎，順便可以消磨時間。食客可以選擇將豬扒醬倒在盛芝蔴的碗裡，沾上豬扒來提升味道。過了一會，熱騰騰的一份大餐送來我們面前！先試豬扒，脆漿很薄，肉質也十分鮮味，不會鞋。之後試豬柳，豬柳的肉質較豬扒嫰滑，雖然未至於入口即溶，但已算不俗了。再試生蠔，生蠔非常肥美鮮甜，令人回味無窮！最後店員送來兩客西瓜作飯後甜品，為這頓豐盛的晚餐劃上完美的句號！

今日去了沙田，順便食吓這間吉列專門店。以前已經試過，今天重遊舊地看看這幾年有沒有分別？怎知，十年如一日，這句話真係無錯。叫了二人餐，有吉列豬，蝦和豬柳。吉列豬就沒有失望，水準依然；吉列蝦，炸粉好簿，蝦大隻又彈牙，不錯之選。

好耐好耐之前已到過這家吉列專門店記憶中，最特別是晚市可以自己磨的芝麻芝麻碎後加入醬汁用的還有是像椰菜的沙律菜可以的話要多食，這菜是下火的食吉列再下火，好搭配。今次午時來到，試試午市定食豚肉生薑燒份量很多的，肉隔離就是像椰菜的下火菜薑味足夠，好味！吉列鰻魚尚可，鰻魚可以加厚一點點日式蒸旦太差！不行！就是家里的蒸水蛋，沒有調味一樣！失手之作！有提供各種醬汁下火菜可配不同醬汁甜品有一磚磚的西瓜粒切得很完美，四四方方。整體ok吉列物當然無得輸香脆不油膩！⭕️進店前量度體溫 ⭕️提供酒精搓手液 ⭕️全店職員戴上口罩 ⭕️座位間有添加隔板

又係新城市廣場啦，全盛時期，究竟我一星期會有幾多晚晌新城市開餐呢？好彩選擇夠多，但係都好花錢呀，喊喊呢間主打食吉列豬排，真係好熱氣架，所以都唔敢食得太密。除左豬排，伴碟個沙律都好好食架，仲有免費添食呀。食完吉列仲食d沙律好似無咁熱氣，at least心理上啦，哈哈個芝麻醬都好好味，可以自己磨，感覺好治療呀。個碗底係有d紋理，然後有d原粒芝麻，自己磨，磨既時間就可以嗅到好香。試過出去搵o個個碗，但係都搵唔到woo，唔知邊到有得賣呢個白飯都好似架，係珍珠米，好有咬口

行下行下 見到間食吉列豬扒 就行咗入去食當醫肚 雖貴 但好味 肉汁好多 好juicy 炸得好脆Tim 一定再返嚟食過(by the way) 此post原定元旦post 但忘記 所以現在先post.

叫左吉列豬扒豬柳生蠔二人餐，加埋一$548 我想講，好味😋好好味首先店員會俾碗芝麻你自己磨，磨得多就自己香啲濃味啲然後加豬扒醬汁落啲芝麻度😌我想講我超鍾意個汁，酸酸地，令到個人食炸野都唔會濟，仲要開胃！炸豬扒只有薄薄炸粉，唔會食到成口油，豬肉滑嫩有肉汁，都係果句最怕啲野鞋烚烚，油膩就更加唔得！再點一點個醬🤤嘩，正呀炸蠔都竟然好食喎，好juicy, 完全唔un飯同椰菜可以任添，個椰菜加個柚子醬油又係一流 😌我好少食炸野，呢間真係推薦

呢排日日都要樸口罩, 一係叫外賣, 一係係屋企食, 悶死, 好耐無出街食飯.  今日點都要豪食翻一餐.  以我兩公婆黎講, 呢間吉列係首選. 一去到門口已經好窩心, 有酒精搓手液清潔雙手, 同埋店員幫我探熱後帶我哋坐卡位, 又問我哋要唔要信封袋口罩, 依個時期, 做得好....先嚟幾個小食(枝豆, 醋蕃茄同甜泡菜), 醋蕃茄酸酸咪咪幾開胃, 泡菜甜辣適中.刺身到啦, 嘩 好新鮮, 實在太耐無食過呢d嘢, 好似放監咁,  唔駛講, 牡丹蝦頭緊係加錢炸, 海胆大大件, 味道濃, 吞拿魚好肥美, 勁厚, 牡丹蝦鮮甜, 油甘魚勁厚, 好食, 玫瑰花型帶子切功細緻, 仲有幾粒三文魚籽添, 有心機.炸軟殼蟹同炸蝦頭到啦, 蝦頭有膏, 炸軟殼蟹香脆, 好食.主菜係大車海老拼大帶子, 日本米晶瑩掦透, 海帶紫菜味僧湯, 好第一時間將大帶子點上他他汁, 大啖大啖食咗先, 炸得剛剛好, delicious!  大車海老全隻夾起嚟食, 好豪, 肉質豐富彈牙, 好食到要添飯, 仲有任食既棷菜絲, 配合食吉列唔會油膩, 飲埋個湯, 好滿足!最後, 店員給我清潔枱面並奉上生菓及熱茶.

今日下午三點左右，見呢間日本餐廳門面都幾靚，一家四口第一次去試吓。叫咗三個定食，等咗15分鐘，上第一道菜，便發現一隻蟑螂。職員聽見，便立刻將菜收走。我們也擔心呢間店廚房衛生情況，所以其他菜沒上，我哋便說走了。 希望呢間店多加注意衞生，食環署也多點巡查此店，以免客人食物中毒。

間唔中都會跟朋友到這間餐廳吃晚餐，我最鍾意食佢嘅吉列蝦同埋吉列蠔定食，我同有人點左雞泡魚干，由於貪心想食多款吉列所以我同朋友每人叫咗個雙拼定食，一個係吉列蝦帶子定食另一個係吉列蠔豬柳定食，我記得佢沙律🥗菜係任添，我會用柚子醋來食，酸酸甜甜好開胃，個人就覺得豬扒汁味道偏濃，可以唔使加芥末醬都得如果係海鮮吉列的話佢會比沙律醬，我覺得員工服務態度都幾好而且會周不時問我地需唔需要加菜，但可能晚餐時間比較人多冇咩人得閒加茶🥴餐廳有獨立洗手間🚻，算乾淨，我訂枱二位指定要卡位，佢都比到我👍🏻👍🏻

推薦指數：🤩🤩🤩🤩吉列炸豬排整得好食其實有難度嫁！今次一試丼吉的鎮店炸豬排，果然無令人失望😎超級juicy！炸漿薄薄一層，食落口絕不油膩！反而鬆化香脆😋值得一讚豬排全部厚切，口感十足，一咬落去爆汁，難得咁厚切但一啲都唔韌🤓豬肉剛熟嫩粉仲流住肉汁☺️親自磨好芝麻☺️再配特制豬扒汁。豬排汁帶點酸，店員話係京都吉列豬排吃法，仲可以簡單配上海鹽抑或他他醬。成個set有漬物、白飯、主菜、沙律菜、麵豉湯同水果。主菜份量極大，女生們可以嗌一份share都得，我地嗌左兩set飽到不得了🙉😁

Visited Tonkichi once in Central, and just realised that they have other stores operating in Hong Kong! Their deep fried port is a must try, but this time I tried their sashimi as well. They're very good too!Sesame for you to mix with the sauce, very fun!Tried their sashimi this time. They're fresh and sashimi in a nice thick cut.Deep fried pork that I wouldn't skip!! Every slice of the deep fried pork has a thin crispy layer covering the tender pork. One of the best part is that their veg can b

上次去銅鑼灣店吃過同一個套餐，正常過正常！一黎到沙田店吃同一個套餐就出事！我吃左個鹿兒島厚切豬扒套餐、每一口都有筋！前菜芝麻又吾脆，完全軟曬好似入曬風！睇相啦⋯⋯我咬到客曬都咬吾爛，仲要一夾就皮肉分離！$328+1既一個套餐吾值，以後吾會再肚幫親仲恐怖係d西瓜有陣菜刀味.....到底係我黑仔定點？有無人可以過我聽發生咩事........？！2個人一共$720，可以吃到好多好吃既野啦！期望越大失望！

今日突然好掛住好crunchy嘅吉列豬🐷，唔得閒去食開個間，就黎左呢間分店，好彩！出品水準一樣好。店員非常忙，但仲能夠跟貼每枱需要同主動協助，值得一讚！🥢今晚食嘅二人前，有吉列豬扒、豬柳、同蠔。吉列水準媲美日本食到嘅一樣，一夾落去嘅聲音，感受到Crunchy鬆鬆嘅脆炸外皮。吉列豬扒肉質纖維較鬆散，咬落去Juicy得來又夠腍；吉列豬柳肉質纖維就比較緊密；吉列蠔超有蠔味，個種鬆脆後感受到嘅厚厚蠔肉，沾上醬汁，真係非常滿足架～🥢每枱都一樣準備好拌菜絲嘅柚子汁同紫菜。當然唔少得豬扒汁同芝麻啦！菜絲同白飯任添，我就加左一次菜絲，可以refresh返個味覺♥️～不嬲都話呢度嘅刺身盛抵食，有海膽、牡丹蝦、油甘魚、吞拿魚、帶子，鮮甜多款，一次過滿足哂為食嘅願望，海膽份量仲唔少架！🍹仲有飲番杯好正嘅巨峰梳打，夠汽而且巨峰味濃得黎唔太甜。加埋飯後果消除膩滯，滿足100分！精打細算，即場買咗期間限定嘅現金券，$3000有$3600現金劵，一餐最多可以用$800劵，等於今餐有近85折，抵好多

想食美味的吉列豬扒🐷 ，「丼吉日式吉列豬排專門店」可試試用餐環境: 和風設計的裝潢、座位寬敞、有卡座亦有雅座..服務: 貼心有禮餐牌: 有單點食物亦有套餐選擇; 除了炸物， 還有刺身、小食..今次點了「吉列精選定食」一人前，另外加配了「原條鰻魚定食」及「前菜三拼」。前菜三拼🔸我地點了日本薯餅、秋葵、菠菜。味道不錯，酸酸甜甜，是非常好的開胃前菜！..吉列精選定食 包括:🔸日式冷豆腐: 濃郁的豆香🔸面豉湯: 面豉湯內有豆腐也有大只蜆肉，更顯高級🔸刺身: 附上三款刺身 - 甜蝦、三文魚及油甘魚🔸主食: 吉列豬柳、大蝦、生蠔、帶子及椰菜絲特別愛吃「吉列豬柳」及「吉列蠔」。「吉列豬柳」外脆內裡十分juicy， 很有咬口!  脆皮很貼在豬柳上，沒有皮與肉分離，整得很高質!   「吉列蠔」同樣外脆內軟，炸完不會抽乾生蠔的水份。椰菜絲食完可無限加添‼️平衡食完炸物的油膩感。🔸飲品: 可選餐牌上的任何飲品包括啤酒🔸水果: 食完炸物，享用附送西瓜一客是最佳的安排..  原條鰻魚定食 包括:🔸面豉湯  🔸主食: 長過手掌的鰻魚，燒完原條蓋在飯上，再淋上蒲燒醬汁。魚肉嫩滑，配飯吃滋味得很!

📍 丼吉日式吉列豬排專門店 (沙田)❤️ .唔上去食呢個豬扒都唔知新城市7樓開咗咁多高質食肆！ 啲friend一聽到我話食呢間，就話啲豬扒有幾正啲沙律菜有幾正 。勁期待！😍叫左一客 刺身三文魚、吉列豬扒、豬柳、生蠔定食、牛肉稻庭烏冬.🔻吉列豬柳生蠔定食$498豬扒炸起即食外脆內軟，半肥廋唔會太乾、佢個豬扒專用汁酸酸美，好夾好好食。個生壕夠哂大隻🤩好中意！有沙律一大碟，大部分人都話因為佢嘅沙律慕名而來，沙律珍珠飯無限添！.🔻有好多種刺身選擇，我哋就揀咗最平嘅三文魚刺身$98 5大塊 ，好新鮮！.🔻 牛肉稻庭烏冬$158超級大碗，可以一碗兩個人食，稻庭烏冬煙煙銀銀，好好食！.總括嚟講佢啲嘢真係超級大份，雖然價錢唔平，以上嘅份量其實都可以三、四個人食🤣！服務態度仲好好，坐得舒服！好食指數：🥇🥇🥇🥇🥇🥇8/10分地址：新城市廣場一期7樓707號舖埋單：$760 （我哋兩個人其實四個人食都得）