丼造

营业中

休息中

麻雀雖小但是食物的款式選擇豐富：刺身、卷物、丼飯、燒物等等。位置不多，比較適合外賣。值得一讚的是店員十分親切有禮，用餐起來更加愉快。蛋汁吉列豬扒丼 ($78)• 蛋香味甚濃，但没有令人反感的蛋腥味，蛋汁處於半固體狀舖在口感煙韌的珍珠米上。• 吉列豬扒厚薄適中，肉質偏向紥實有咬口，外層炸得香脆，没有油膩感，上面淋上了燒汁和紫菜片，令味道更有層次。• 份量相當充足，作為午餐是個好選擇。燒五花腩 ($26)• 點選了幾款串燒，最值得推薦的是這款招牌燒物。• 肉質肥瘦均勻充滿肉香而且醬汁入味，燒的程度亦恰到好處，外層帶點焦香。

本來昨天想試，但時間就唔到。見到有咁多嘗試抹黑小店的留言，實在為店主感到不公，所以一定要留一留言，分享一下體驗。已幫襯小店多於一年，每個月總有2-3次，小店上上下下的員工亦十分有禮親切，定期有特別推介，如鮮鯛魚湯，特別入貨的刺身等，小店有很多定期的熟客，店員很細心地會記得客人的喜好。還記得有一次很想吃甜食，雖然餐牌沒有，店主把佢私人的甜蕃薯特意燒比我哋試。😋🍠此店的價格不是同區最平，但食材新鮮，刺身飯夠足料，每樣可試D; 份量適中，大食的話可加小食，最重要的是員工和店主服務好，夠親切，一定會再食，現先上載上2次食同樣款式的照片。🍣🍤

店鋪不大但不焗促， 點了個2人餐， 份量拿捏準確，一餐內可品嚐到牛肉、生蠔、刺身， 感覺滿足。刺身入口感覺新鮮， 而且擺盤賣相不錯， 上菜時有驚喜。服務態度亦為店加分， 會主動添茶、添飯。 在疫情下， 都感受到店員和師傅口罩後的笑容。

之前成日經過呢到 今日經過就入左黎 坐底點左個D02 海鮮丼套餐 轉左飯底 $133 埋單！ 前菜有沙律 跟 麵鼓湯 正正常常甘！ 之後海鮮丼送到我面前 我望左下 成個人都呆左 極之失望 我人生中未見過甘垃圾 唔新鮮 食材就變既海鮮丼 甜蝦頭發黑 蝦身變黃 果堆海膽望到想嘔 又紅又黑一睇就咩食慾都無曬 冠以最垃圾海鮮丼絶對實之名歸 我求其去超市d海鮮丼都新鮮過你 ！甘既食材依然制作岀品 為左些小利益 賠上店舖聲譽值得？ 有圖有真相 口講無憑 比大家欣賞下 有幾惡劣

刺生飯over $100以上，中午黎講有d貴，但晚上黎講，都可以接受😄但鋪頭細，8個座位左右，所以一直都路過無試到。直至上星期加班，又想食魚生，見佢未收鋪，就叫左牛油果三文魚帶子飯。有驚喜，份量好足料，三文魚同帶子都好厚肉同新鮮，肥美，食得好滿足。加左$18飲佢個魚湯，濃濃魚味，唔係溝水溝到好稀個d，但對我黎講，個湯咸左d。女服務員態度幾好，一有時間，就會同客人加茶。我7:30去，唔使等好耐就有得食，但之後見佢有好多外賣單接，後期客人就要等好耐。埋單無加一，晚上抵食。

每隔一段時間都好記掛丼造嘅食物，皆因食物質素高，材料新鮮，份量多，最重要係價錢親民，十分抵食！店鋪雖然面積不大，座位有限，師傅都十分親民，每次用餐都感覺好溫馨☺️師傅好用心，根據顧客嘅反饋，好認真採納顧客意見，進一步豐富食物種類。如今能搵到咁用心嘅小店實在太難了！正所謂不時不食，師傅同店家因應不同時節採購魚生品種產地也不同！小店叫「丼造」，我個人認為更加係「當造」🥳🥳🥳今晚試佐二人餐，真係太驚豔！🥰🥰🥰北海道根室海膽當季，入口鮮甜厚滑😍，回甘海水鮮味湧入鼻腔。油甘魚鮮美結實，魚腩味油脂香味回味無窮。拖羅唔使多講，入口即溶，香味濃郁🥳。值得一提，新鮮赤貝刺身爽脆鮮味十足，口感同鮮味並非出面其他好多地方所用嘅冷凍批發赤貝可以相比。半打宮城生蠔，成個手掌咁長，日本蠔海水金屬味平衡得啱啱好，唔會太鹹，對比法國蠔會更creamy更甜。宮城生蠔群邊又脆又滑，加上宜家當造，正！👍🏻👍🏻👍🏻二人套餐仲有和牛他她，口感嫩滑肉汁豐富，超大盤。食到一半，師傅用火槍幫我地炙燒加熱，油脂香味即刻出來，送飯一流🤗。加上師傅秘制嘅醬汁，酸酸甜甜，解油膩。我和同行朋友食完二人餐飽到幾乎扶牆出。下次再試其他嘢～😋

訂了外賣蒲燒鰻魚丼，$78, 大概15分鐘就可以取。外賣有麵豉湯有沙律，丼飯飯量非常少而且只有一條鰻魚，但是非常硬，估計是剛雪藏未解凍就拿出來煮，不會打算再幫襯。

自選魚生飯 一貫的水準， 有左口魚邊，吞拿魚蓉，三文魚籽和鯛魚片。左口魚邊很肥美。平時得少寫食評，今次寫食評的動力是那碗加$18 的鯛魚湯。 一向送的都是面豉湯，今次咁啱有剛煲好的鯛魚湯，經店員（還是老闆娘？）極力推薦，因外表太平凡，加錢送的平時都沒什麼驚喜，還是小店，只是金黃色的一碗湯，沒有影相，剛飲第一啖，有一層好厚的油脂，心想是否用豬骨煲？試過撇油，但又不是一般豬骨拉麵湯底咁厚油，估計是魚油便沒再撇。第二啖，鮮味濃郁，沒腥味！飲完一點也沒口渴，證明其鮮味全是從鯛魚精華來的，魚湯精華在口内久久不散，絕對是誠意之作！不止值$18蚊！希望能成為常設餐單項目！

$88 一個4色魚生飯， 得6 塊魚生， 兩塊八爪魚又乾又un, 兩塊三文魚正常， 兩塊立魚無味， 一pat cheap假蟹子壽司飯正常但無醋味， 附近赤丸平d又好食d, 起碼d魚生厚d

上環食Lunch，見到外賣app有幾個餐平。平日成七十幾蚊嘅餐，外賣自取五十幾蚊就有。好掛住三鰻完蛋飯，喺上環唯有食住蒲燒鰻魚丼先。間店原來好細間，店員都幾有禮貌，一去到就拎到外賣。估唔到仲有沙律前菜同麵豉湯送。個飯好正，鰻魚算大塊，汁夠多，蛋好甜，都幾抵。沙律前菜同麵豉湯就正正常常。如果有優惠我會再試。

防疫抗疫二月份要WFH、減少飯聚、勤洗手。來到集結號全面復工大前夕，決定來個一人前獨家邨！搭正12點來到丼造，環境光猛簡潔，姨姨和師傅熱情款待，很homey。我點了自選魚生丼，壽司飯 x 火灸池魚 x 三文魚腩 x 海膽 x 半肥拖羅，還有甘草大配角：鮮魚湯！魚湯鮮魚美味，湯面成了薄膜蓋著熱呼呼的濃湯，泛起油甘香，喝起來卻鮮甜不肥膩，好像婆婆在家親自熬的魚湯 😋 魚生丼送到，surprise! 早到叫鳥兒有炸蝦吃，頭幾位顧客有免費炸蝦。同場加映丼造甜蛋♥️一人前、大滿足，genki 回復了 💪🏻 大家繼續一齊努力，俾d爭扎 🙌🏻

I live and work close by, always great services, fantastic people running the little restaurant. Sushi is fresh and good for value, quite affordable. Definitely ask for their red vinegar rice. 

今日要去上環做野，做完野就同個同事食lunch，同事就介紹去呢間叫丼造既小店，話專做刺身丼飯，仲大讚啲刺身好新鮮，於是就去試下。去到見到原來除左刺身丼飯之外，仲有和食丼，串燒燒物炸物等等，估唔到小店地方細細都可以有咁多款式。因為天氣有點涼，所以我最後決定了咖喱雞飯，等左大約15分鐘個飯就出黎啦，香噴噴的咖喱香燒雞香噗鼻而黎，店員仲解釋話即叫即燒，所以熱辣辣，個雞皮仲非常脆添，跟住我即刻試食啦，真係無講錯，雞皮脆，肉質嫩滑有汁，個咖喱汁蔬菜味濃，飯量同雞扒份量都好多，食完非常滿足飽肚。下一次一定會再來，食得很愉快。

首先,我必須強調,店員服務係我見過數一數二好,喺一間面積唔大既餐廳內,多次問我需唔需要添茶,大家要明白,客人留喺餐廳時間越耐,餐廳就會做少一單生意,所以餐廳呢個咁親切既服務真係令我好窩心!!!但係今次亦應該係我外出用膳以黎數一數二食得最嬲既一次, 原來一個人嬲唔係當場發火,而係好靜,內心有d無力感...我叫咗一客88蚊既咖哩燒雞丼, 我諗叫得呢款飯既人都係覺得,伏味應該唔大啦...等咗15分鐘,店員攞出既食物令我重新認識中文字:煎炒煮炸炆燒....我面前呢碟應該係"咖哩水煎皮蒸雞飯", 我即刻攞番份menu幅圖望望,店員都好主動問我:係咪有d咩問題呀先生...我:errr...唔好意思,請問有無黎錯餐店員:無錯呀,咖哩燒雞丼麻...我:umm...燒雞....店員:係呀...咪燒lo我: menu幅圖既燒雞皮明明係紅紅地色架喎(細細聲講...) 圖片僅供參考...唉...算啦算啦大家就當我要求高,我諗我期望既燒雞係皮脆脆地,肉表皮本身乾乾地但咬落去係有肉汁bit出黎, 但我見到既係表皮係有比鐵支煎到少少燶,但表皮仍然好淋, 雞肉濕到似蒸...更令人驚訝既係,咖哩汁稀既程度根本同水無

從未試過吃如此失望的食店！這也是我第一次在openrice寫食評，没想到令我抽時間寫食評的居然是個劣評，可想而之這食店實在是多難以忍受的…差！我吃的是88元的咖喱燒雞飯，店員拿過來的時候我真的是呆了…這是燒雞？？？大家有見過白色表皮的燒雞嗎？ 還有這到底是什麼咖喱汁？？這應該叫咖喱水吧……很稀…而且飯很少，完全不值這個價。你説這如果是像某某快餐店40幾元的日式咖喱飯我就算了…你這裡收88元，没湯没飲品都算了，質素也實在是太令人失望了！説實話真的連某某快餐店的咖喱煎雞飯都不如。其他的丼飯我不知道，但我只知道我真的對這家店非常失望，也不會再去了。非常非常與圖片不符，慎選！