九份•十分 (T Town ) (已結業)

呢排在家工作無外出 夜晚要食個美味晚餐過下出街癮 坐低睇餐牌入面嘅選擇真係好多 淨飲品都超過20款食物都好多選擇 揀左幾樣食物鹽酥雞台灣嘢點少得鹽酥雞 鹽酥雞份量超級大份 又夠熱同脆 用試驗管裝調味粉畀你哋自由落 個人鐘意mix埋 原味同紫菜 醉小三裏面有醉豬手醉鴨舌同醉雞 醉雞啲肉好嫩滑 豬手夠彈牙 鴨舌好入味有得 凍食咬下咬下都幾爽綜合鹵味飯一上檯又會被佢個份量震懾到 鹵水非常好味 鹵得好入味 包括有大腸鴨腎鴨舌雞翼豆腐同埋半隻鹵蛋 飯上面仲有鹵肉 而且有d酸菜提升味道 真係超級大滿足紅燒牛肉麵紅燒牛肉麵啲牛肉好多仲好入味 起碼有4 5件大大件 牛肉非常好味 有肉亦都有脂肪位筋位 炆得非常之淋但肉仍然好嫩滑 揀左粗麵 夠彈牙又吸到湯 湯底都唔錯 叫埋杯芝士奶蓋紅茶同埋墾丁星空佢飲品都好唔錯 同台式飲品店有得揮 我個杯墾丁星空係蝶戀花青檸冰沙 賣相一流 味道酸酸夠清新解膩

衛生做唔足,點知見到我哋清潔碗碟筷子就畀說話我哋聽。出嚟食嘢要畀人訓話真是不可理喻...同我哋講嘢嗰個好似係老細，應該冇做過餐飲嘅經驗， 其實其他員工都唔錯。唔想食物中毒，以後唔會再幫襯。

T-town 呢間九份•十分都開左好耐，味道是很好的，很少有失準，我最愛就是吃他們的台灣鹽酥雞($48)!作為前菜，份量也不少。鹽酥雞炸得香脆，外層炸粉適量，熱辣辣，好惹味!呢度有個好好的地方，就係會俾6支調味粉，任君選擇，我就最愛梅子味，味道酸酸甜甜，是初戀的味道!醉小三($88) 醉小三話明係三，就有三種用酒醃成的肉類，分別係醉鴨舌、醉雞同埋醉豬手。呢碟係冷盤，感覺浸左好耐花雕酒，表皮已浸到透明，好入味，而且非常開胃，男友超愛吃呢!紅燒牛肉麵($65)濃郁的湯底，配上半肥瘦的牛腱，牛肉軟稔入味，麵條彈牙，也是不錯的選擇。綜合滷味肉燥飯($62)呢碟飯非常大碟，份量非常多，齊集台灣必食的滷味，包括豬耳、豬舌、嘴邊肉、雞胗、豆干，仲有兩隻雞翼，加埋伴飯的肉燥，成碟飯肉慾滿滿，好飽肚呀! 飲品:紅心皇后($52)士多啤梨味沙冰，沙冰綿滑非常，係類似雪葩的質感，應是用新鮮士多啤梨打造而成，味道鮮甜不假，相當推薦!綜合水果茶($52)水果茶份量多，伴隨兩個杯子上菜，杯內有一顆已結冰的檸檬冰粒，在完成融化後，檸檬用來中和水果茶喝到底時甜膩的味道，相當花心思。水果茶味道不錯，甜度控制得剛剛好，茶

天水圍台式餐廳「#九份十分 」🐣台灣#鹽酥雞 ($48)呢個鹽酥雞並唔係一般嘅食法，佢另外提供左唔同嘅調味粉，俾你可以喺每一件鹽酥雞上面灑上唔同嘅口味，包括有紫菜粉芝士粉咖喱粉辣粉，當然唔少得最傳統嘅椒鹽味，咁多種嘅食法總有一種你最鍾意。🍶醉小三($88)醉鴨舌醉雞醉豬手鍾意飲酒嘅人呢一味餸就最啱啦，濃郁嘅酒味配搭三種唔同嘅食材，酒味唔會太多搶走本身鴨舌雞肉同豬手嘅味道，加埋最底入晒味嘅木耳簡直係一流。🍪Oreo曲奇#珍珠奶茶 ($28)台式餐廳點可以唔飲珍珠奶茶，佢配埋Oreo碎，又唔會太甜搶走本身奶茶味，珍珠連埋曲奇碎更加增加口感唔會淨係飲珍珠奶茶咁單調。🥭海棉寶寶($52)鮮芒果沙冰另外一杯就叫咗特飲海棉寶寶，一飲落去就知道唔係普通嘅芒果汁，淡淡的芒果味配芒果肉粒再加沙冰，入口嗰一種回甘，真係不得了。仲要分量大大杯唔會未食完野就飲晒。🍜紅燒半根牛肉麵($65)微辣台灣食品必食嘅牛肉麵，大大碗嘅牛肉麵一上枱就聞到濃郁嘅香味，試一試個湯底已經充滿牛肉香味，牛腩牛筋都入口溶化，加埋肉汁鮮嫩，食完成碗都唔會有咬唔開嘅牛腩。真係食過返尋味。🍚綜合滷味肉燥飯($62)另一個就係肉燥飯，大大隻

每當想吃台灣食物時，就會到九份十分，因為天水圍的台灣菜不多，而比較出名的便是九份十分！每次來到，店員有善服務很不錯～必點綜合水果茶足夠兩個人飲，果味清新，少少甜，十分解渴！另一最愛海棉寶寶台灣愛民芒果的味道，綿綿的沙冰，份量又很大，喜愛芒果的必點！新出綜合滷味肉操飯用上大腸、雞翼、鴨腎、鴨舌，豆腐等等，滷得非常入味，亦係非常大份！酒醉三寶酒味非常清香，酒味很入味，醉雞很滑鴨舌夠淋，豬手入味！每台必點鹽酥雞雞件炸得非常香脆！加上六種調味粉，一份食物有六種口味，很化算呢！台式煎餃子，皮煎得香脆！蚵仔煎，蚵分量十足，如果煎得香口一點更徍！每次來到基本上都要位！實有他的原因！

琴晚一家大小去晚餐，落單時服務員態度已經極不友善，我拎住個套餐餐牌下單，佢竟然問我係咪散叫！？😑選了套餐裡面其中一個小食鹽酥排骨粒，小朋友用調味粉調味時，服務員就過黎話："我見到小朋友個咀掂到個調味樽！" ，我望一望囡囡，我只見佢手握住個調味樽，隨即店員就極不禮貌地將成個調味粉架收起唔比我地用！我老公同奶奶都非常不滿！😤😡⚠️建議有小朋友既家庭幫襯呢間垃圾台灣菜前記得要三思！👎👎👎👎👎

唔知係唔係經理但係服務態度好差好似前世欠咗佢地如果5位以上，一定要預夠時間起碼等一個鐘場內大把四人枱，但淨係會比人少既入唔洗等又唔識安排座位真係唔洗食，受氣都夠飽台灣野黎講，真係馬馬地又貴

少少病病地，想食碗粥，又貪呢度坐得幾舒服，咪黎食個蠔仔粥囉。蠔仔粥呢家野，唔係潮州先好食，台式蠔仔粥都好正。好重蠔味完全唔 腥蠔肉，粥底夠滑同漿口，就咁食碗當TEA都正呀~飲埋杯珍珠奶茶飽哂，珍珠份量好多，質地煙韌有嚼口，微甜度，奶茶幼滑茶味濃，我就覺得好飲過街邊好多不知名台茶店。杯奶茶飲哂先記得未比相機食先，證明我真係病啦!好在仲未口啖啖到食咩都得一種味，仲食到蠔鮮同好香粥底。仲分別到微糖香濃奶茶同水。

返工放返近近地去咗呢間餐廳lunch，之前都有嘗試過佢嘅晚餐，但係相比起晚餐，午餐性價比更加高！午餐時段都比較多人，餐廳坐左八成人。一入到黎，就聽到播緊台灣嘅歌曲做背景音樂，就感覺很對味係90後一定有聽過嘅台灣歌曲（自己細個有追開台灣偶像，聽返就覺得很回味)⭐️台式豬扒肉操飯呢度既肉燥同豬扒做得不錯，豬扒超鬆脆，唔會炸到好油膩，很入味，秘制肉燥醬汁同台灣食既又有少少唔同，肉粒分明，唔似台灣嗰啲比較篇醬為主，肉燥都夠味。滷水蛋同青菜就正常味道啦！⭐️薄荷朱古力套餐送嘢飲，呢一款飲品都要讚下，平時喺餐廳朱古力就飲得多，好少有得揀薄荷朱古力🍫味道以普通餐飲來講已經好唔錯，朱古力味唔算淡，薄荷嗰陣味又唔會蓋過朱古力味，平時最驚飲朱古力冲到淡茂茂。之前係晚餐時段都有嘗試過佢嘅芝士雞翼、豬手等等！個人會推薦佢嘅雞翼，炸得好脆又入味，豬手就麻麻哋啦，可能係個人喜好嘅問題啦。會推介喺呢度食午餐多過晚餐，午餐大約$50都有一個套餐，仲要唔使+1，晚餐就要+1啦，同埋內容同午餐差唔多但係就貴左少少！總括來講，餐廳嘅氣氛同食物都唔錯，午餐時段用膳性價比比較高！

A wonderful night with my secondary classmate . We choose this Taiwanese restaurant because it is near our home. Both waiter and waitress are so nice that we can believe it. Ginger tea ☕️ it is so warm ~ suitable for winter鹽酥雞with many sauce to choose, a well-known dishes😋 must order蚵仔煎～ yummy. and I like the tomato sauce 👍🏻👍🏻好味~ many meat😍😍牛肉麵～ recommendedIt is not very expensive🙈A nice experience ~

自從新北江嗰間執咗笠之後，天水圍終於有間見得下人既台灣嘢食，位置幾就腳，一上電梯就已經係。 今次一行三人去幫襯，大家都係第一次食。店內裝修設計都幾有特色，設計唔馬虎，亦睇到十分個火車路軌+月台。好，講講食物1) 醉小三呢味野有3樣小食，醉雞+鴨舌+豬手每樣小食都用細細地嘅碗仔裝住，有酒同雲耳墊底，酒味非常之重，偏好酒味既朋友食得好過癮。2) 鹽酥雞份量好足夠，炸得好香， 雞肉質地嫩滑，有啲台灣夜市嘅感覺。3) 紅燒牛肉麵台灣名菜之一，牛肉麵整得好唔好食，絕對可以判斷呢間係咪合格嘅台灣菜。呢碗湯底好濃郁，牛肉都好腍，仲有蘿蔔同紅蘿蔔，係意外既配搭，令成碗麵層次提升咗。 4) 綜合滷味肉燥飯大家睇相就知，絕對係食肉獸最愛，最後我同朋友都飽到食唔晒。5) 香芋珍珠 ，接骨木花雜莓梳打兩杯特色飲品，水準唔錯，香港都好少舖頭會飲到接骨木花嘅飲品。呢間舖頭服務幾唔錯，我同友人坐喺比較入嘅位置，一開始都幾驚服務員會忽略咗我地枱，但每次舉完手都好快有人過嚟，呢樣抵讚。

今晚再同男朋友撐枱腳，想食台式野，所以去左呢間餐廳。閒日夜晚唔算太full，可能因為我地好早食飯啦！menu既選擇都幾多，有飯，麵，小食同埋甜品，價錢個range都幾闊，主食由50幾60蚊起跳。平平地既話可以食，想食豪啲又可以揀多啲唔同既小食。但係最吸引我既係飲品！好多唔同花款，而且造型又靚！！！先講主食，我地叫左紅燒牛肉麵同綜合滷味肉燥飯。湯頭香濃，帶少少辣味，飲落口唔會嗆喉。麵條口感都唔錯，不過我比較鐘意闊麵。牛肉大大舊，但完全一啲都唔鞋口，筋位亦煮得剛好，唔會林到爛哂咁，又唔會好似橡筋咁，大好評！！！香港地食個晚飯閒閒地都60幾蚊，呢到58蚊咁既質素，難得！肉燥略咸，不過岩送飯～滷味勁多～～～有鴨舌，豬大腸，小腸，雞翼，雞腎同埋豆腐，當中我最推薦鴨舌同埋小腸！！入味又好食！咁多料個飯先62蚊，其實好抵。跟住到小食，我地叫左鹽酥雞同埋醉小三。店員拎左好多種味粉比我地配鹽酥雞，d雞肉唔會厚粉，而且仲好滑，炸得剛剛好～雖然好多種味粉，但係我始終覺得原味同鹽酥雞最夾。跟住醉小三係包括有醉鴨舌，豬手同埋雞。呢set雖然稍貴，都要88蚊，不過佢品質好好。雞肉亦係好滑，豬手爽口，鴨舌又好食。不

今日去咗搵舅父食飯，去到好遠嘅天水圍😂佢話屋企附近有間台灣餐廳唔錯，就帶左我去食😋周邊環境唔錯，係商場入面，食完飯都可以行下街，價錢都算親民睇返野食果到⋯我地叫左份台灣鹽酥雞😋炸得到幾香脆，肉質都好夠味另外，仲配左幾款口味嘅調味粉，梅子粉同紫菜粉都好味，咖喱粉同芝士粉幾特別仲有台灣必食蚵仔煎，賣相唔錯，好多蚵仔，都好足料，拍得住台灣夜市食果d綜合滷味肉燥飯，份量好多，好鬼足料，d滷味夠曬入，由其係腎同腸，d肉燥都好好味，多d兩個人都食唔曬我地左杯綜合水果茶，又係好大杯，足料，味道好好，配埋檸檬，好開胃朱古力珍珠，自己成日飲珍珠奶茶，但都試過朱古力味，試左又幾好飲，夠濃整體餐廳CP都幾高，價錢唔貴，食物份量多，都好食，下次會再黎！

九份十分係沙田就食過一次，今次去到天水圍竟然有分店，真心懷念佢杯沙冰😂所以就入去食多一次😂餐廳依舊好有台灣風格，最緊要係員工同台灣人一樣熱情友善，服務好好，值得一讚👍🏻食物～醉三小～有醉鴨舌、醉豬手同醉雞，調味好高分，酒好香，好入味，另外，仲有d雲耳做伴碟，豬手口感好好紅燒牛肉麵～牛骨湯底超濃，麵都好彈牙，份量好足，牛肉好淋，好有咬口草莓雪糕鬆餅～又係份量好多，食到超飽，鬆餅鬆軟，有士多啤梨同奇異果，都好甜，仲有士多啤梨雪糕🍦Oreo曲奇沙冰～我覺得呢間餐廳沙冰幾好飲，又大杯，兩個人都飲唔曬，味道仲唔錯Tim整體餐廳感覺都唔錯，服務質素好，食物都好好食，值得再一試👍🏻

一月一聚會，同朋友相約食飯，我地商議過後決定食台灣美食。九份十分，咁有台灣feel，當然係首選啦！佢嘅位置十分方便，近站，係商入面，好容易搵到。超多野食，餐牌令人眼花瞭亂，飲品都有勁多選擇，要慢慢睇先得。同朋友兩個人當然要揀兩個正餐，然之後share食。朋友都讚成！ 然後當然唔少得小食同埋飲品！我一向都好鍾意食牛肉，又唔想食得太過飽，於是呢就叫咗一個紅燒牛肉麵。 真係冇揀錯，一碗粗麵配上一大片紅燒牛肉，牛肉嘅份量一啲都唔少，真係好開心！呢度嘅牛肉醃得好入味，而且肉質鮮嫩，我個人認為比肥牛更加好味！加上佢嘅湯底好濃郁！牛肉配埋麵食更加好味，朋友都對呢款牛肉麵讚不絕口！二朋友自己呢就叫咗個綜合滷味肉燥飯 呢個飯嘅優點就係 咩餸都有 有雞翼啦 豬大腸 鴨舌 仲有半隻鹵水蛋 同埋肉燥 味道一樣咁好最值得留意嘅但係佢嘅台灣鹽酥雞，係即叫即炸嘅！ 所以啱啱出爐嘅時候 脆卜卜！呢款炸雞亦都會配各種唔同嘅調味粉，好得意，自己鍾意畀咩粉就畀咩粉，夠哂自由！ 我自己就比較喜歡佢嘅原味粉 同埋辣味粉。最後呢我就叫咗一杯宇治抹茶紅豆鮮奶，一上枱 顏色超靚，一定好滋味！抹茶味超香濃，嗰時勁口渴 一飲甜入心扉！至