九份•十分 (河畔花園) (已結業)

咁啱踩完單車去到沙田，到呢間九份·十份嘅餐廳食台灣菜鋪頭裝修得幾光猛同埋都有少少裝飾黎襯返餐廳嘅主題由於去到嘅時候仲未出晚餐Menu所以我哋就叫咗午餐價錢睇落都幾經濟加少少錢仲可以追加小食或者甜品個台南炸醬白肉乾拌麵手工粗麵分量非常多個炸醬味好濃郁，拌埋手工粗麵食非常之好食另外個白肉蒜味都好出，整體成個麵嘅配撘都好夾而個紅燒牛肉麵個湯底味道亦都唔錯牛肉好嫩口，大部分都有少少牛根嫩位痴住小食方面我地就叫左個鹽酥雞粒，櫻花蝦水餃同麻醬粉皮因為主食比較大份嘅關係，小食就相對比較細但其實都好夠好飽味道都中規中矩嘢飲我哋就叫咗珍珠奶茶同埋蜂蜜珍珠奶茶味道唔錯唔會太甜亦都有茶味最後就叫咗個叫台妹愛遇嘅甜品冰粉食落去感覺好清新加埋少少甜嘅珍珠同埋芋圓咁就完成左豐富嘅一餐

同朋友傾開計，好懷念之前一齊去台灣之旅，不過而家返工各有各忙，比較難抽到時間再一齊去轉旅行，於是朋友就提議不如約出黎食返餐台灣菜回味一下佢呢到無論食物或者飲品種類都幾多下，MENU圖文並茂清楚又吸引 3個人叫左 台灣鹽酥雞(自選口味) ($48)、忌廉芝士磨菇雞翅(2隻) ($28)、刀拍青瓜 ($28)、肉鬆皮蛋豆腐 ($32)、鹽酥魷魚鬚 ($48)、芒果軟殼蚧米紙卷 ($68)、五香牛展 ($38)、湯浸肉燥娃娃菜 ($48)、紅燒半根半肉麵 ($65)、雜果冰淇淋鬆餅 ($65) 、海綿寶寶 ($52)、綜合水果茶 ($52)刀拍青瓜：開胃前菜，微微地辣夠開胃台灣鹽酥雞(自選口味)：呢個幾抵食，份量多，而且有6款調味料：紫菜、咖哩、芝士、梅子、原味、香辣可以揀，任君選擇我就比較中意紫菜味鹽酥魷魚鬚：呢到鹽酥類別都煮得好出色，香口之餘唔油膩，魷魚鬚夠彈牙忌廉芝士磨菇雞翅(2隻)：裡面釀左忌廉芝士磨菇，食落幾CREAMY五香牛展：夠入味又軟腍肉鬆皮蛋豆腐：將皮蛋、豆腐、肉鬆、青瓜絲用匙羹放喺一齊食，每種食材味道都配合到又唔會食落好怪，都幾特別芒果軟殼蚧米紙卷：除左米紙卷之外原來仲有

今日放假去左踩單車，踩完真係好累呀，所以要去食餐好補返數。沙田圍其實都好多幾吸引嘅餐廳，我地最後決定食九份十分。呢到嘅裝修都充滿著台灣嘅味道，有九份十分嘅掛畫，台灣木製掛牌，令人好掛住台灣唷。我地黎嘅時候係下午餐時段，不過太肚餓嘅關係，我地都係點午餐加一個甜品。紅燒半根半肉麵牛肉麵湯底帶有微辣，濃郁惹味，而麵條有口感，而重點嘅牛肉炆得好冧同好入味，真係好有台灣嘅味道呀!!鹽酥雞扒肉燥飯鹽酥雞扒好大塊，外皮炸得夠脆，而雞肉非常嫩滑。而肉燥同飯嘅比例岩岩好，每啖飯都充滿肉燥，正!!花美男遇見估唔到下午餐都可以點甜品食，我地點左芋圓。芋圓煙煙韌韌，口感好QQ。值得再來的台灣餐廳。

之前去完台灣覺得台灣小食好正，返到香港心癮又起又再食🤣上網見到依間幾正，於是同朋友放咗學一齊離食，大圍站一出行一陣就到，嚟到嘅時候冇咩人，但係坐咗一陣就開始好多人入嚟， full晒咁滯，但服務員態度依然咁好😁我哋實在太掛住台灣小食啦，所以全部叫嘅都係小菜為主👅首先叫咗個綜合水果茶，一大樽夠晒兩個人飲，茶底用咗我最鍾意嘅lipton離沖，茶味濃，裏面落足生果，有蘋果、橙、檸檬，仲落咗一粒話梅，飲落去甜中帶少酸，清香！涼拌海蜇，海蜇彈牙，底下仲伴有青瓜，清涼開胃醉雞，醉雞性價比極高！雞好滑，用咗白酒來醮，食得出啖啖既酒味，唔要大大碟！上邊有雲耳同杞子。推介🤟🏻芝士磨菇雞翼奕，另一樣必食推介！雞翼炸到脆卜卜，去咗骨，一咬落去有流心芝士同蘑菇！驚喜🤩蚵仔煎，同我去台灣食嘅一樣味道！上邊有番茄醬同小小辣椒醬，裏面嘅蚵大大隻，好足料！鹽酥三兄弟，三兄弟係蘑菇、魷魚鬚、雞軟骨，三個都勁好味，重點係有六種sauce任你點👅櫻蝦高麗菜煎蛋餅，重料，飽肚感十足！煎蛋餅大大塊，中間餡料係高麗菜，上邊配有櫻花蝦，食落去三重口感甜品係台妹愛遇，涼粉上邊配有冰糖同黑糖，食落去好清涼，用來做飯後甜品一流

今日同同事去食飯，對於喺沙田工作嘅我呢就真係冇乜特別好嘢食，來不來都係返套同埋公司查餐廳，而今次公司都想去遠啲就過左去對面號你間10分九份嘅餐廳食啦！點解想揀呢一間呢？因為當人生去到下一個目標嘅時候有好多野都只能夠成為記錄片，想當年嘅台式美食之旅真係令我同一班朋友好懷念！今次我就過嚟呢一間台式餐廳度尋找當年嘅夢！我一打開呢份Menu就看我嘅夢呀！立即就叫左呢個鹽酥雞滷肉飯，配上一杯抹香珍珠！不到3分鐘就黎到啦！但是應將個飯放喺枱面嘅時候我真係話一聲出咗嚟啦，事關佢呢一個飯真係令我十分之滿意！滿滿嘅鹽酥雞再加上老玉嘅香味配上一啖一啖飯，再加上一隻半山熟嘅雞蛋！呢一個配搭完全令我想起當年台灣之旅！ 當我每食一啖嘅時候我發覺佢嘅雞翼唔係只係一啲好簡單嘅肥美而係裏面加上好多唔同香料，再加上你隻半山熟嘅雞蛋令我覺得呢個飯真係即滿滿嘅10分！

約係朋友屋企附近食飯 早到咗就去睇吓食邊間 見到個門面就想起那些年同朋友去台灣玩 之後 就入咗去坐低 舖頭唔算好大 都可以坐到100人左右 台式空間嘅裝修潢 綜合水果茶 水果味同茶味好夾 飲得出鮮果味同茶香 佢地仲加咗梅干係入面 梅干一啲都唔會好酸 反而正正係呢個味令到茶同生果好融洽 好開胃 令我好想一直飲落去原味奶蓋紅茶 一黎到見到個幾吋厚既奶蓋已經令到朋友仔好開心 成杯茶無冰 但係都好冰涼 茶味好到位 個奶蓋好濃厚 杯茶只係買28杯 好抵飲醉小三 有鴨舌 豬手 同雞 豬手好Q好爽脆 肉同骨一咬就分開 鴨舌都係一樣 做得好好食 醉雞都好滑身 酒味唔會好嗆 啱啱好 有酒香味 又有食物本身味道 同埋涼菜既爽口口感 滷水拼盤 滷水汁好好食 唔會死鹹 係有滷水咸香味 豆腐好驚香 外皮吸晒滷水汁而裡面好有豆香同仲好滑 大腸又唔會有內臟嘅腥臭味 雞腎仲好脆口 雞翼又好滑唔會好梅 底下仲有酸菜 個酸菜仲好食 整亂性價比高微辣椒脆脆雞 成碟都係脆口野 好香口 第一次食辣椒脆脆 好得意 好似厚身薯片咁 因為無晒籽 所以 唔會好辣 但係好有辣椒香味 送啤酒一流微辣三寶麵 有金錢肚 牛筋 同牛展 金錢肚好

之前食過九份十份覺得不錯，價錢不貴又選擇多，今日就和朋友過來吃午餐，今次我們叫了麵食再加小食和飲品。首先來的是暗黑系甜心，OREO沙冰打成，因即打冰所以等一等飲最好，味濃又有不少OREO，勁大杯，喜歡這餅乾的人一定喜歡。醉雞仲有木耳配菜，醉雞份量多而且雞肉的口感都幾嫩滑。麵都有分粗幼的麵食，這個紅燒三寶麵有點微辣，湯底濃又不太油身幾清，入面有牛根，牛腩，牛肚，幾款都幾淋身，有咬口而且牛肉味濃我和朋友一人一碗粗同幼的麵，麵質都不錯，我們都覺幼麵最好味。小食叫了滷水鴨舌，不是好多地方有得食，味道幾濃，好入味。這裡仲有不少甜品選擇，可以下次和朋友再來吃不同的甜品。

台北市中心去九份十分坐完火車仲要轉巴士，而香港只係坐一程車行幾步就到沙田河畔嘅九份十分。如果你想揾刁鑽台菜，呢度未必滿足到你，但港人熟悉嘅熱門台灣美食飲品都一應俱全。先黎台灣夜市必食嘅鹽酥雞，炸得皮脆肉嫩，唔會成口油，特別之處係有六種調味粉任你試，好食又過癮。平時食嘅皮蛋多數係口水汁，但呢度就配燒汁，幾特別，豆腐幾滑，皮蛋好好食。滷水拼盤有雞翼、雞腎、雞蛋、豬腸、鴨舌、豆腐，份量足，唔韌亦唔會過鹹。餐牌有得揀牛肉麵或牛筋麵，但三寶麵除左滿足以上兩個願望之外，仲多左牛肚，三種都鍾意食，唔揀三寶就笨喇。湯底有微微藥材味同辣味，就咁飲都幾正，配埋幼麵食到雪雪聲，牛肉牛肚牛筋都好腍，夠入味。咖喱香而不辣，椰香較重，唔似用粉開，絕不馬虎，送飯一流，炸魚非常出色，脆皮咬落去勁大聲。賣想好醒目，菠蘿味幾自然，有菠蘿粒，唔會淨係得好假的糖漿，飲完精神為之一振。朋友呢杯雖然睇落冇咁浮誇，但飲落都幾清爽。

晚飯時段很多人，幾近滿座，但店員很快便為我們安排座位，態度親切，滿有台灣好客之道的精神。餐廳的裝潢佈置整體很舒適，也有一些很有心思的裝飾，有一幅掛了許多木制名信片，還有幅九份十分的街景畫，充滿濃厚的台灣味道。厚厚的餐單，另附上兩張餐牌作重點推介。菜式選擇繁多，圖文並茂，令人食指大動，是我想有十個胃的時侯！可惜礙於我和友人的食量實在有限，最後我們點了兩道主菜，一道小食和各一杯飲品。古早醉雞 雞肉嫩滑少骨，有陣陣透心涼的酒香 ，易入口，雲耳、杞子伴碟，感覺養生。基隆海鮮雜錦泡飯 泡飯內配料豐富，有蚵仔、蝦、魷魚、肉碎和潮州紫菜，而且每樣份量都不少。飯的軟熟度恰恰好，一粒粒，不會太淋，可能因為有很多海鮮，湯也很鮮甜，雖然很大碗，但我們漸漸把整個泡飯吃清光。芒果軟殼蟹米紙卷一碟有大大六件，賣相精緻，一嘗之下更令人喜出望外。每件的軟殼蟹也很多，而且香脆可口，毫不欺場，芒果肉恰恰好中和炸物的油膩和熱氣，米紙煙煙韌韌，沾上酸酸甜甜的芒果汁及沙律醬，非常可口，令人不禁一件接一件地吃。加上拌碟的沙律菜，感覺健康。維多利亞的秘密 友人的優格野莓沙冰，名如其實—氣勢磅礡而優雅誘人。份量超級大，巨型沙冰上加上

好耐無入黎沙田呢邊行街喇，聽朋友講河畔花園呢邊而家好多野食，所以就行過黎呢度覓食。就係呢個招牌，深深吸引我入去食下台灣野紅燒半筋半肉麵淨係頭湯頭的顏色已經知道好食麵底可以選粗麵 / 幼麵我選左粗麵，好有口感牛筋好’林’，牛肉就有少少柴除了牛肉，仲有紅蘿蔔，白蘿蔔，生菜足夠衣肚😆😆老媽煎餃子🥟 配 魷魚羹麵線餃子🥟唔夠脆，但味道ok的魷魚好爽口麵線真係好似食緊阿宗麵線咁芒果軟殼蟹米紙卷芒果汁配任何野都係Perfect match🤤米紙如果薄番少少會更好食鹽酥三兄弟 ～ 雞軟骨、魷魚鬚、雞髀菇原來仲有六支調味粉比你自己選，鍾意食咩口味任君選擇，分別有原味、紫菜、香辣、梅子、芝士、咖喱。每款口味我都試過，各有特色。三款炸物都炸得好香脆，非常嘢味海棉寶寶 = 鮮芒果沙冰 ～ 沙冰非常滑溜，亦都唔會好甜味道剛剛好百香果綠茶 ～ 亦都唔會太甜其實我哋呢度嘅份量足夠三個人食可能係太肚餓，今日嘅第一餐所以大食左少少，大家唔好見怪

台灣美食一向都係我鍾意既食物之一。之前已經聽朋友提起過依間，所以就約左朋友去食。餐牌既圖片相當吸引。太多選擇，實在花多眼亂，最後揀左2個主食，2個小食，2杯飲品。依個小食味道濃郁，豬手、鴨吞、雞件都好入味。個人覺得鴨吞最好味。鹽酥雞係新鮮炸起，嚟到熱辣辣，炸粉冇太厚。最特別係有6隻調味粉比你自己揀，自己落。個人認為紫菜、芝士、香辣都好夾，其他3隻都幾有趣，可以一試。牛肉麵個湯好香，易入口，牛肉/根都好易咬，唔’鞋‘。拌麵醬料夠，份量多，夾埋芭樂同菠蘿又幾清新同開胃，值得試。好大杯抺茶味好濃，唔會太甜，飲落好滑。一樣又係好大杯，士多啤梨味幾出，唔係人造味，果肉都算多，又係飲落好滑口。叫咁多野食都只係$406。

平時都黎開沙田城門河呢邊架喇，見今日得閒不如食埋個飯先返去。附近有好多細細地既餐廳同小食店，見呢間多人推介就試下呢間啦入到去裝修唔錯架，又唔係話好有台灣feel，但係比到種舒舒服服既感覺都唔錯！今日可能平日既7點幾時間就無咁多人唔洗排隊喇餐牌有好多好地道既台灣野食，但係得兩個人同埋又唔係好餓既關係就決定叫小D就夠最後就叫左紅燒半筋半肉牛肉麵($65)、肉鬆芝士蛋卷($38)同埋一碗台妹愛遇($25)。要左粗麵，麵質幾好，唔會話太淋太硬。湯都唔差，但略嫌唔夠濃。不過半筋半肉要讚啦 好好食，肉好淋，筋又唔會硬，岩岩好又入味。 肉鬆芝士蛋卷我都覺得幾好食，但係肉鬆其實太多，食唔哂覺得有D哂，同埋太多肉鬆反而無咁好食。台妹愛遇呢碗野夠哂特別，有珍珠有桃膠有芋圓有檸檬愛玉！有哂我最中意既配料，呢碗野值得食啊！又唔貴又有特色，好正下次黎會再食多次！總括黎講，呢間台式食店係香港黎講都算地道同好食架啦！ 推介比大家經過可以黎試下！

到下午茶時間，又係時間好好放鬆下友人就嗌左鹽酥雞扒肉燥飯 我就貪心少少，叫左個多款既套餐有阿春麵線配台灣香腸，仲有原味奶酥吐司友人既肉躁飯份量好大，無因為係下午茶套餐而縮左水，抵食雞扒大塊，皮炸得香口又唔會太肥肉躁份量充足，夠撈飯得黎又惹味我叫既套餐每樣少少，加埋就好飽肚奶酥吐司即叫即整，烘得香脆，醬料有多無少台灣香腸如果係原條上就食得更開心了套餐仲包埋飲品金桔檸檬 & 薄荷朱古力朱古力加入薄荷，唔只多份清新，仲唔覺甜膩，不錯

沙田無論行街定食飯都好多選擇，不過今次冇揀去市中心食飯，行遠少少嚟到河畔花園搵好嘢食今次揀咗間食台灣菜嘅餐廳呢度唔止鹽酥雞同肉燥飯，仲有好多選擇淨係飲品嘅款式都花多眼亂小食嘅種類比想像中多主食有飯同麵可以揀紅燒牛肉麵呢個麵可以揀粗幼，我鍾意有口感少少，所以揀咗粗麵湯底比較香濃，牛肉係大大條嘅份量，而且食落夠淋唔黏牙芭樂鳳梨鹽水雞呢款小食有芭樂同鳳梨，所以食落味道偏甜有果香雞肉份量好足，作為前菜係唔錯嘅選擇醉三小呢個小食我好喜歡，因為佢嘅花雕酒味好濃而且因為有冷藏過，外皮食落爽口彈牙底下有雲耳墊底，索咗酒味更好食微辣脆脆椒雞軟骨呢款食物一上檯有少少嚇親，因為見咁紅，怕會好辣，但原來紅色嘅係炸脆咗嘅紅椒皮，外表真係呃到人雞軟骨用咗台式炸雞嘅方式去整，所以食落似爽脆嘅炸雞肉台妹愛遇俾呢個好得意嘅名吸引咗，就叫咗一個試下用料豐富，食到有芋圓、珍珠、桃膠、仲有個啫喱底，Q彈口感係我好鍾意嘅口味香蕉芝麻雪糕鬆餅因為鬆餅即叫即整，所以等咗陣先有得食鬆餅即整嘅關係，食落外脆內軟佢本身味道唔算好甜，所以配搭雪糕同放咗焦糖嘅香蕉，味道就剛剛好

上次食過覺得不錯，今次經過見到不用等位，就與友人入內晚餐。食物款式種類多，飲品又有特色。多少冰、多少糖，可以自由選擇 我有些喉嚨痛，所以今次沒有點鹽酥雞。我們點了「涼拌三小碟」、「紅燒牛肉麵」、「芒果軟殼蟹米紙卷」及「蚵仔肉碎泡飯」。涼拌三小碟，有涼拌海蜇、雞絲粉皮及四季豆。熱熱地食下涼拌小食是不錯的選擇！食台灣菜，友人一定會點紅燒牛肉麵，微辣！牛肉軟腍適中，很入味 芒果軟殼蟹米紙卷，清新、酸酸甜甜，開胃！蚵仔肉碎泡飯，材料豐富，沒想到有蜆肉！蠔仔、蜆肉、肉碎都啖啖肉，好味！當然唔少得點飲品啦！我唔舒服關係，所以點了「鮮柑桔檸檬」，友人則點了「維多利亞的秘密」 鮮柑桔檸檬，不太甜，OK！維多利亞的秘密，即「優格野莓沙冰」。賣相已很吸引，不太甜，大大杯，很滿足呢 ^_^