九華徑自助燒烤場 (已結業)

晚上9 點半去到bbq~ 去前係openrice睇過食評都不抱住很大的期望, 但好近市區~沒有開爐費!!幫你透埋~ 炭任拎!食品真的很好味~ ~ 獨立包裝~有自助醬料區~ 有牛油,辣醬...........最唔好就係有4隻大狗我會再去~ 唔使自己買野~ 又多款式~

雖然而家市道係好左, 但都唔應該用o甘既態度對客人. 話說今朝起身就唸住同屋企人去燒野食, 又記起美寽呢檔近市區, 對無車既人黎講較為方便, 同埋openrice都有好既feedback. 甘咪打電話去book 啦. 11點幾無人聽, 可能店主未起身啦,到中午12點再打. 果個9字頭既手電, 有位男士接聽. 我話book今晚bbq4位啦. 佢\話4位係無得booking既, 要6位以上先可以book. 甘我問佢\係咪full-booking呀, 佢\話唔係, 4個人係要walk-in等既. 甘我咪一心唸住最d去等位啦, 5點幾旺角飛的過去. 點知佢\問我有無book位, 我話你同我講要多過6位至可以book, 甘佢\話今日full左啦. 甘我更係據理力爭如果你full左甘你今朝又叫我今晚黎, 佢\仲要話無可能有人聽過電話,佢\地無飛線喎個9字頭同6字頭電話都係o係openrice呢度抄既, 真係唔介意好店好生意. 只係無唸過會甘過份. 走既時候o係度唸, 你full左點解仲叫我黎呢. 唸深一層, 收費係以人頭計, 一個爐6個人同4個人都係甘用, 但係佢\可以做多人果檯客, 甘咪嫌多d

12月30日去左九華徑燒烤場度燒烤...一早訂左位早喺12月24日己經按佢\意思去中銀入咗數俾佢\...但今日去到時竟然同我地講cancel左...吓..唔係呀...cancel左如果cancel就唔會入錢俾你啦...另外叫人起爐要三催四請先肯起囉...罷明就係收左錢唔休你走咁...仲要制度唔統一...唔俾帶飲品入黎呢樣都理解嘅...但點解帶自己煲的涼茶又可以呢？...兩種有乜唔同？...d野食仲要係冰黎的...起碼擺\左喺室溫半個鐘先解凍...除此之外d野食仲要係限量供應...你要不時留意住佢\幾時會攞箱新的食物出黎先得...d職員勁無禮貌好似唔休做咁...一般野食都係d大路野...其中雞腎同燒賣已經算係比較特別...當中以牛柳粒同金砂骨味度比較ok...除此之外亦有牛油、蒜茸、沙爹汁同泰色酸辣汁俾你搽...臨走時見到佢\執隔離枱時..將人地攞左返去未開的一盒盒食物留返喺枱面無扔掉...都唔知會唔會擺\返入去俾其他人食如無意外應該都唔會再回頭

兩口子去食自助燒烤, 都盡量提醒自己唔可以浪費食物...今晚試o左:1) 魚旦/牛丸/墨丸: 真係燒唔哂一pack,一咬成口粉, 呢個無下次!2) 牛扒: 唔新鮮, 有d霉。3) 芝士腸: 正常味道, OK!4) 雞中翼: 雞翼好入味, 肉質嫩滑!5) 是晚驚喜: 燒魷魚同黑椒牛柳粒!下次再去一定再燒多d,牛柳粒鬆化多汁, 食到粒粒黑椒, 真係唔錯! 我地K.O o左兩pack牛柳粒! 燒魷魚因為好難又好懶拮落支燒烤叉度,所以燒一pack就夠!Server態度都唔錯, 有小小粗聲粗氣不過做o野好怏手!另外,個廁所就... 有d嚇人,唔去好過去! 比起其他自助燒烤場,呢到整體算唔錯, 會有下次!P.S 小妹真係未見過d咁整齊o既炭, 好想知點解d炭全部都係一條條,好齊整!

去過o個度兩次, 兩次都覺得幾好, 地方唔算架, 不過都幾乾淨, 唔會話成地蜜糖攪到黐立立.因為兩次去都係得兩個人o既關係, 可以食到o既野唔多, 雞腎唔錯, 魷魚好好味, 牛柳粒不得了, 仲有雞翼都幾好, 聽到隔離爐d人話豬頸肉正, 不過兩個人驚食唔晒會浪費, 所以冇試到^^我仲見到有芝士腸, 墨魚丸, 魚蛋, 黑椒牛丸, 腸仔, 燒賣, 雞翼都有雞中翼同雞全翼比你揀~~紙碟, 膠叉, 膠手套, 仲有個酸酸辣辣o既醬汁, 一卷全新o既廁紙同埋全新o既蜜糖, 有d燒烤場都做唔到.o係o個度開工o既人, 雖然外表睇落係似街童, 不過見佢地做野都幾落力, 一有客人走左, 清場效率高, 對客人有禮貌, 絕對唔似某d燒烤場咁似住地方大, 多人幫襯就串串貢, 唔想做生意咁.廁所方面總比流動廁所好, 起碼冇惡臭, 幾隻大狗雖然走o黎走去, 但係冇騷擾到客人, 亦都冇走埋o黎搶食,不過夜晚太大聲玩樂真係會有警察o黎同你講兩句, 但係開到夜晚3點, 不限時, 都幾適合三五知己聚一聚促膝談心o既好地點

今晚同成班同學仔去,大約廿個人,佢俾左三個爐我地,夠晒燒~每位$78,包一罐飲品,包開爐,炭任燒,又有醬汁~~食物味道不錯,特別係牛柳粒,的確係"水準之作"~~食物分一pack pack,好衛生,最surprise ge 係de 金菇,菠菜竟然用錫紙pack 好晒,好細心呀~~~~~~~~~不過有一個好大ge 問題,就係de 食物真係好冰,好硬!!!!!好難"咭",亦攪到隻手好凍~~~~!!另外有個問題就係de waiter 的確有de 恐怖.....雖然接待的人態度都不錯,但的確好易令人聯想是黑道中人.......如果知道是"黑"店,我想即使幾好,我都唔會考慮再幫襯.............不過,單以價錢、食物質素、地點來評分的話,這個場的確是不錯的選擇~~

一去到見到．地方好細．食物選擇唔多．得好小．拿食物時的感覺比我是好似係大昌買野咁．一盒盒細盒．但最好笑的地方是食物還未解雪．仲係硬的．點吉呀．食想食金沙骨又冇．聽講可以自己帶野去的．佢都比．我知有些燒烤場唔比的．同事話牛柳粒最好味．我之前睇評語都話牛柳粒最好味．因為我唔食牛．所以冇試到．d人服務都幾好．唔會話太灰氣Toilet 最唔掂．得一格．又勁dirty．住係附近的人去就好．近近地．但如果比我選．我覺得去小欖好過．地方大點．最重要食物選擇多點

上網打bbq見到，近市區，貪方便，所以試下!去到見到招呼你既人有公仔，有d驚，但好有禮貌，燒烤場，你估大酒店咩，所以冇乜需要驚，服務態度ok。食物方便，好多選擇，有丸類，蔬菜類(岩晒減肥既我)，特別要讚雞翼同牛柳粒，超好味，大家去到一定要試下!食物任取，飲品包一支，好抵食，可樂都係$6罐，抵過其他場好多，食物一包包，衛生好多，曾經去過西貢一個場，$99蛟一位，飲品成十蚊支，食物種類又少，又冇packing，同呢到相比，呢到好好....多倍!總結:食物好食，多種類，又近市區又抵食，一定會再去幫趁!

23/11晚上7點半去到bbq~ 去前係openrice睇過食評~都不抱住很大的期望, 但好近市區~$78!! 包免費一支飲品or一罐飲品(換支裝綠茶+$2)買飲品都唔貴~ $6罐飲品~有支裝飲品and啤酒$7-$11沒有開爐費!!幫你透埋~ 炭任拎!食品真的很好味~ 又乾淨衛生~ 獨立包裝包好晒~有自助醬料區~ 有牛油,辣醬...........最唔好就係洗手間~ 同埋有4隻大狗~(不過你唔攪佢,佢唔會埋你身既)最後..11點後都唔好笑得太大聲~會比人投訴~ 因為太近民居!!我會再去~ 唔使自己買野~ 又多款式~ good!

家庭式經營半個6人足球場大地方細, 同人地隔離爐近無空餘地方俾你玩活動塲內4隻狗會經常喺你身邊r痕,徘徊不設非吸煙2 dirty toliets for both male and female野食choices ok每人一枝野飲free, 其後每支7-11價waiter 個樣好mk, 但服務okconvenient to MEI FOO mtr station (10mins walking time)

兩星期前己經迫幾個同事一同去燒烤。打電話去訂位時有一聲音沙啞，粗獷男仕接聽，而且似剛訓醒。果然去到，一大班公仔人坐著食煙，攞位時真係搵唔到我名。不過好彩我地係第一班人到，所以佢都俾個邊欄近馬路位俾我，原來係好位黎架，因為當日好熱，近路邊有風好好多。OR寫$78位，其實週末，假日都加價，$88位，加炭要$20一桶，不過因為飲品超平，送一個飲品外，另加都只係$6-$8一樽或一罐，相對一般都算好平，所以週末，假日加價都唔係太過份。食物果然同其他食友講一樣，真係好好味。尤其黑椒牛柳粒真係好正。夠淋得黎又唔會太咸。而且全部食物都係獨立包裝，雖然唔環保，不過感覺好似乾淨好多。種類真係好多，不過要問佢先知有咩食。可能有純情小妹會怕同公仔人講野，不過佢地其實都冇咩，係粗聲粗氣ｄ，做生意嘛，都冇野既。另外仲有好多錫紙包既粟米，蕃薯，金菇等等。你係估唔到咁細心。我自己都帶左蝦，青口，多春魚，佢地都冇出聲，可能學之前食友講佢地冇既食物自己帶都冇問題。要提下佢ｄ炭一支支好靚，而且好易燒，所以要收錢都合理。總結各同事都覺得食物十分好味，而且唔太咸，少味精，飲品好平，值得再黎。但我睇漸漸多人去，一定有再加價可能。

為食日子: 9月30日~ 晚上約6時為食人數: 8隻為食價目: 位位88蚊之前book位, 打左幾次都冇人聽, 後來終於有一次打到....去到果度狗都幾多, 昆蟲都多, 比之前攪大左, 多人黎左, 野食方面, 真係任拎既! 比小欖果d好, 因為唔係人地用手套"那"比你, 係包好哂一包包, 要多既拎多d要少可以拎少d, 又乾淨d, 汁醬類都好多, 不過蒜容牛油有怪味, 苦苦地, 我見人地都可以拎d佢冇既人黎, 佢都唔會唔比, 呢樣真係好, 我見有d人攪生日bbq, 拎cake, 拎紅酒都冇問題, 唔會話唔比, 人多仲可以加大個爐, 個爐唔著又可以幫佢再開, 最好一樣就係佢冇開爐費, 好多都有開爐費, 咁多人叫人share十蚊廿蚊又唔係, 其中一個比左又唔係...係定價佢包埋爐費會好好多....不過有樣野真係要改善既, 就係食煙問題, 因為佢果度如果冇乜風既話, 左右隔離台既人食煙就會好慘, 如果有d大牛角扇會好d...又唔會咁焗. 整體好好, 如果再去bbq都會去呢度!

昨天晚上去了九華徑燒烤場，從工作人員口中知悉網上對燒烤場的評價，故上網一看。結果真的令我感慨香港人的中肯評價@@廢話少說~~說實的本人已經光顧了這燒烤場三次，可能那裡的工作人員開首的確會給人很"兇"的樣子，但只要你放下介心，他們也如正常人一樣，服務不算很好，但亦不會有如黑店般...(誇張了ma=.=)食品放面，類型不多，但基本上燒烤本人只會吃丸類，及扒類。加上雞翼，牛柳粒，對於本人來說已經十分足夠...還有魷魚，金沙骨，其實還有什麼食物才算種類夠多呢....?不過，廁所衛生的確有待改善，然而廁所以外場地環境亦算整潔。老實說，位於市區，78蚊的價錢不限時已經算合理，不妨一試。

好同意其中一位網友既意見:好既係市區，夠方便，但環境就一般，去到有d驚，sevre你個d係「公仔人」... 態度一般.但奇在佢認為我地加得太多炭,再加就要$15一桶...! 話明任食架麻, 冇炭點燒?Variety of food 唔夠多. 但金沙骨就好好味!

因為貪其就近市區, 便試試係度bbq. 點知lai 野.食物都ok, 一pack pack, 幾乾淨. 可是燒了兩小時左右. 忽然一大埋飛蟻從草叢飛出來, 好像黃蟲侵襲一樣. 嚇至在場不少女士v嘩鬼叫. 但負責人無視情況, 只說八點後會沒有. 心諗: 唔係呀, 牠們唔通係灰姑娘, 八點鐘前要返屋企? 真係勁搞笑...最後佢地只係吊起棵葱, 唔搞由自可, 一搞勁囉, d飛蟻四散, 整個燒烤場都尖叫聲四起. 見此情況, 唯有走為上著.