二一八火鍋餐館

营业中

休息中

之前同朋友去過兩次. 幾好食. 今日兩個人再去食. 食物真係好新鮮同好食. 兩個人食到飽飽.218真係唔無限loop.煲加象拔蚌真係必食. 手切肥牛真係好夠牛味. 魚皮同響鈴真係要試

二一八老闆係由太子俾人頂手嘅新港再黎佐敦另起爐灶，仍然咁多捧場客，原因？就係我哋成日都黎嘅原因囉！氣氛好，食乜好，性價比又高！其實打邊爐嘅地方全香港周圍都係，但係有陣時又可以俾人噪，俾人好興奮咁柴娃娃打邊爐，食物質素又唔錯嘅，其實真係唔多，218就係其中一間我哋好鍾意嘅老地方！尤其是當餐飯係以男人為主😂😂😂😂豬骨煲係218嘅主打！好多人唔係order豬骨煲就係花膠雞，一個鍋入面有三大舊豬骨，唔使爭😂我哋黎親都一定買孖寶，鱆紅魚同象拔蚌刺身，今次order埋鵝腸，我諗唔多女士會主動嗌內臟食？我不過好彩呢度有個男人同我一齊食，所以都真係幾開心🥳又新鮮，仲洗得好乾淨添！

前晚同同事6人一齊吃火煱、老闆介紹小吃吾錯、今次再來過、点了兩個孖寶、再点海鲜、而且又送鮑魚;差不多吃到約2200.同事話;可能以後有機會轉來這;以後不去長沙灣大煲皇。

今日朋友一齊聚會去咗呢間218火鍋一去到飲左幾支啤酒，服務還算可以可能太多人嘅關係，侍應都好忙。我哋叫咗個刺身拼盤，刺身都幾新鮮牛肉都好靚價錢合理，唯一係送嘅鮑魚有一隻壞咗，不過送嘅就冇得計啦整體來講每人三百幾蚊落樓算好抵食

打邊爐嚟家嘢！香港人一定食過。真正有心做好湯底同食物嘅就唔算多！呢間舖號算係另外。 一家四人行到佐敦揾食，睇到防暴警舉晒旗，D人周圍散，我哋唯有走咗去「恆豐中心」後面條街避吓！前面有間火煱店喎！就咁決定啦！總好過响街出面食催淚彈。 坐低之後老細介紹咗一個蕃茄海鮮湯底加埋一個冰鎮象拔蚌刺身！呢個湯底老細話調教過！果然試過之後，蝦膏蟹膏嘅海鮮味最濃郁！加埋蕃茄粟米落去啖湯鮮甜無比象拔蚌刺身鮮甜爽口安格斯雪花牛肉四寶丸韮菜餃(元寶咁大隻)新鮮脆肉鯇魚骨腩嚮玲拚炸魚皮 今晚呢餐唔算貴，兩支朝日啤酒 ，一瓶竹蔗水 都係 $1105蚊，算好抵食！無論環境、服務、食物質素都係高水平。食飽飽後仲有甜品送！簡直係一個圓滿嘅結局！雙皮奶

天氣稍涼些，就很想去打邊爐，今次朋友約我來到這間叫二一八火鍋打邊爐，地鐵一出就到，都幾方便找到。我們叫了個海陸空火鍋套餐，份量都頗多，叫多個朋友來吃都應該夠吃。卡位還可以睇電視，感覺好像屋企打邊爐。打邊爐前先緊要調味料，9種配料選擇。海陸空火鍋套餐分別有活貝、海蝦、牛柏葉、豬肝、肥牛、雞件、魚頭、魚腩、牛丸和蔬菜。擺得很整齊，又新鮮。蟶子鮮甜爽彈，洗得乾淨。魚腩、魚頭都很滑，又不太多骨，很適合吐骨不叻的我。安格斯肥牛，分量十足，脂肪和肉比例均勻，入口嫩滑。響鈴，鬆化得來又脆卜卜。我們對今次打邊爐都非常滿足啊！

位於佐敦，一出地鐵站就見到，好方便。餐廳環境幾闊落，價錢唔算貴，每碟份量都好多，好抵食！海鮮拼盤，主打新鮮食材，蝦肉爽彈，脆肉鯇啖啖肉！加錢仲有肉類拼盤，每款肉有2-4件，讚！

最近朋友搬了出佐敦，找到間在旺區轉入小巷的火鍋店，初次去，光猛，環境也舒服，兼伙計非常有禮。火鍋有很多配料，而且也有餐，點餐再有優惠價加其他食物，也不錯！最後點了408元的4人海鮮餐加208的肉併盤。湯底是醉雞鍋。 想不到份量很多，超級超值，重點是每樣都很新鮮，食上咀就知道是靚料。 這樣的價格，這個份量，這種料，賺到了。肉併盤華麗登場， 有安格斯牛小排、安格斯牛頸脊、極品黑豚肉、黑草羊肉、美國頂級肥牛。 牛肉味道自然鮮嫩，意外的是羊肉香而不算太羶，非常喜歡。 主食海鮮盤如一艘船，有6款不同海鮮，份量廷多，沒有只吃一件意猶未盡的感覺，新鮮！小吃我們點了咸蛋魚皮，即叫即炸，好惹味！不得不讚是未開動前，店舖送了1人1碗燉湯，應該是推廣吧，鮮鮮鮮，我連湯渣都吃掉了。

熱愛食火鍋既我要捉緊冬天尾巴，趁住落雨有小小濕凍，即去食個火鍋暖一暖先。二一八火鍋餐館位於佐敦，交通便利，係地鐵站E出口只需行2分鐘就到達。餐廳有獨立箱房，可以一大班人食野打麻雀；如果3-4人唔包房亦可以坐卡位，卡位設有小型電視，好周到。 侍應姐姐告知餐廳唔止有邊爐打，仲有小菜食，不過都動搖唔到我打邊爐既決心。湯底未滾時，我叫左碟蛋黃流心墨魚丸。每粒墨丸都包住半粒咸蛋黃，再用滾油炸至外皮金黃，超香口，但亦有d熱氣。湯底我揀左胡椒豬肚雞湯，豬肚份量多，雞足足有半隻，加埋越煲越出味既胡椒，食完成身暖返哂～侍應姐姐推薦我地叫一份海鮮超值套餐，仲送送蔬菜瓜盆。$268就試到海斑片、脆肉骨腩、魷魚片、帶子、海蝦。呢盤海鮮食落好新鮮，當中我最喜愛帶子，因為原粒上夠哂厚肉彈牙。斑片亦係又爽又滑，只可惜得4片，唔夠喉啊！蔬菜瓜盆即使係免費既亦唔馬虎，有生菜、油麥菜、白蘿蔔、粟米。打邊爐又點可以唔食肉呢？姐姐就提議我地加購超值孖寶配搭 - 一碟試齊5款肉既拼盤，岩哂有選擇困難症既朋友！拼盤包括: 美國極品安格斯牛小排、美國特級安格斯牛頸脊、美國頂級肥牛、中國黑草羊肉片、極品黑豚肉。我最鐘意牛頸脊，因為佢

「打邊爐馬拉松」尚未完結，今次去「偽鬼佬」住既酒店附近搵野食，見到呢間二一八D套餐同食物幾吸引就試下喇。時間尚早，仲未係好多人，呢到D座位幾舒服，幾有私隱，岩晒三五知己吹水，茶方面，有普洱，碧螺春同鐵觀音揀，我地揀左鐵觀音。醬料一應俱全，最鍾意係佢有麻油，夠香食物方面，佢有個孖寶餐幾抵食，可以以優惠價點呢個海鮮拼盤＋牛拼盤湯底我地就揀左麻辣火鍋加清清地既皮蛋芫茜個煲好型啊，有兩條龍係到個牛拼盤非常新鮮，又有唔同部位既牛肉，紋理同色澤都靚，肥瘦分明，海鮮拼盤有蝦，帶子，龍"等“，脆骨腩，魷魚等等好細心，蝦殼都幫你mok埋，仲留返個蝦頭俾你。脆骨腩好新鮮，好厚肉，帶子好鮮甜賣飛佛鵝腸，乾淨又肥又爽脆最後我地仲食多個公仔麵，飽到飛起～

超級新鮮的海鮮！大家都知道食海鮮一定要新鮮的 ！否則會好霉、呢間火鍋店啲海鮮不得了！超級新鮮！樣樣都好大件。尤其生蠔同帶子！超級大粒！幾鍾意佢個芋頭、熟咗之後好粉！👍🏻不錯不錯！墨魚滑仲要係自家親手打造而成！湯底是自家秘製的！所以味道都很鮮甜。另外要讚嘅係呢度每台都會有自己獨立的電視機📺！真係可以一路食一路睇電視、爽！而且私隱度都幾高 ！因為有個屏幕遮住！最後食埋個果盤，飽晒。#二一八海鮮火鍋#佐敦德興街4-6號

早前與愛食火鍋的友人去了位於佐敦的二一八火鍋餐館食飯。我地選了皮蛋芫茜湯底. 選了一個二人的海鮮拼盤, 當中包括鮮海斑片, 鮮魷魚片, 新鮮海蝦, 脆肉骨腩和帶子. 仲送新鮮蔬菜瓜盆. 食火鍋當然要混醬. 個海鮮拼盤俾我想像中大份量.每款食材也夠新鮮, 當中我最鍾意食帶子和鮮魷魚片. 美國特級安格斯牛頸脊. 色澤幾靚, 而且唔多脂肪, 最啱我口味.牛肉的肉味不俗, 而且肉質幾嫩滑, 唔會覺得硬和乾身. 鍾意食牛的朋友, 要試下這個牛頸脊.響鈴.我自己鍾意滾得軟身, 完全吸收晒湯的精華. 芝士蝦丸.蝦丸幾爽口彈牙, 唯獨芝士味道唔太突出. 一口氣食了多款的肉, 當然要食下蔬菜. 這盆蔬菜幾新鮮, 可以起中和作用.

今日係九公游完水，好鬼肚餓，就同我friend諗住打邊爐食好啲，就搵呢間新開嘅鋪頭。個名幾搞笑，唔知點解叫二一八呢入到去最近嗰個套餐好似幾抵，再望真啲原來仲有得配下面個孖寶。佢套餐仲有蔬菜奉上，我自己覺得就抵食嘅。海鮮同埋啲肉望落去都好靚仔，脆肉骨腩同埋海班片好好味，魚味好重，幾甜。帶子非常大粒，唔係珍珠個款，係半珍寶。個肉拼盤就非常好味，全部都對辦。最要一講嘅係個牛頸脊，好有味道，兩邊肉飛開就係牛頸脊最好嘅證明。總結：個套餐真係抵食，可能個人比較細食，因為個套餐已經令到我飽。食材新鮮。

今日同媽媽一齊嚟打邊爐，喺佐敦一出地鐵站就見到，好方便！餐廳職員態度好好，會推介我哋食咩，有咩食材新鮮同埋淥幾耐先最好食。我哋就叫咗個二人餐再加超值孖寶，有海鮮之餘亦有五款肉類，超抵食！每款肉都切得好厚，唔會話淥完就縮埋一舊，牛味香濃，羊肉唔會太蘇，容易入口。另外海鮮方面好新鮮，特別推介脆魚脘，啖啖肉好爽口！皇帝菜好嫩，一啲都唔老，不過想encore已經賣晒！仲有竹庶水，下下火！最後仲有生果盤送，滿足！

又係時間同朋友約好晚膳今日選擇左去食火鍋好快職員就安排好有卡位俾我地坐邊睇食咩叫定一個小食先芝士牛油炸蝦丸芝士牛油炸蝦丸-飯前一小口,香口我們睇左陣決定點一個火鍋歡樂套餐 沙嗲和莞西皮蛋,包括左老虎班一條,箕圍蝦,鮮蝦雲吞,鳳城水餃,美國肥牛.牛柏葉,鮮豬潤,鮮豬肉片,貢丸,龍蝦丸,仲有新鮮蔬菜同響鈴再散叫了凍豆腐,鴨血,豬粉腸,極品黑毛豬.廣島生蠔鴨血同豆腐都好配合火鍋用豬粉腸-咬口唔錯,幾得意極品黑毛豬-好香豬肉味,入口即溶入味蕾廣島生蠔-好香蠔味,熟左都唔會縮得好勁新鮮蔬菜-好fresh的感覺呀響鈴-一落即食,脆脆地又好味老虎班-鮮甜好味,新鮮呀,之後連埋條魚骨一起去煲埋黎食仲正呀箕圍蝦,鮑片-蝦就爽口又彈牙,而鮑片都好好咬口鮮蝦雲吞,鳳城水餃-肉唔會好肥,蝦都係爽口彈牙美國肥牛唔會好肥,好有牛香味牛柏葉好爽口鮮豬潤,鮮豬肉片都好鮮豬味貢丸,龍蝦丸-正常野