雲南小鍋米線 (已結業)

星期日，附近間文記車仔麵大排長龍，唯有走報食隔離的雲南小鍋米線。叫左碗酸辣米線，豬紅腩肉。味道唔錯，腩肉肥瘦適中，薄切細細塊好易入口。我最愛的豬紅也不錯，😋彈牙彈牙的。米線就不過不失啦，不過明明點酸辣湯我一啲酸味都食唔到🙈只係食到辣味。

賣米線的食肆開到成行成市，價格也有一定的差異。雖然湯底上都離不開清湯，麻辣湯或酸辣湯；而配料上都未必有太大的分別⋯但當你吃多了，再細心留意番,每家的湯底其實各有特色，這使人更加想去唔同的區，唔同的的舖，去試佢地既米線。平時好少見煙鴨胸配米線，雖然食落同我湯底有少少唔夾，但煙鴨胸味道還可以。今日去左深水埗食左其中一間，我只簡簡單單的叫左煙鴨胸酸辣米線。這檔米線煮得比較腍，比平時果啲少左膠膠地的感覺，我覺得好似會易消化啲。湯底我叫左最少的辣度，呢種酸辣越食越開胃。因為本身會跟肉碎，所以感覺上個湯幾濃。基本上其他配料都唔算少。雖然賣相唔吸引，但個酸辣湯底幾好味，加番啲分。

叫左碗麻辣米線，中辣，分湯的中辣比想像中辣，湯底又好香，好食米線同肉碎都幾多叫左魚皮餃，有三粒的，正常啦，唔難食！芝士腸有四條甘多，不過就麻麻地好味啦腩肉好薄呀，好入味呀我最鐘意就係食呢款既腩肉架啦另外個小鍋米線是無辣的，不過湯底都OK,唔會好淡味煙鴨胸就不太好食

又係煩惱食咩好既時候，路過見到呢間米線唔太多人，而且自己都好耐冇食米線，店名都寫埋米線，米線應該有一定水準既，就決定去試下呢間先~叫左個酸辣米線， BB辣，配雲吞，加凍好立克~酸辣湯底，酸味辣味一半半，呢個比例配合得幾好，令人增加食慾~~~米線煙煙韌韌，幾滑，份量好多，好飽！！雲吞係菜肉雲吞，都幾好味，不過得2隻，好似有少左DD……凍好立克普普通通啦~整體而言，湯底同米線不錯，米線份量多，以性價比來說都算係唔錯選擇~

Randomly picked this noodle restaurant for dinner . The first noodles came 麻辣四寶米線， I ordered mild（小辣 ）,it was spicier than excepted but tasted good. Then came the drinks which was terrible and totally put me off my dinner. Surprisingly, when the second noodle came 撈酸辣粉, it looked pretty good (pls excuse my photos as I took it after I’d mixed and tasted it). It tasted so good, especially when you wanted to have sour and spicy noodles in the Summer. My overall experience was enlightened by th

幫襯左呢間野都好多年, 但份量越黎越少,以前大大碗, 雖然叫既餸, 都唔會特別多, 但我一般叫三餸, 最少加埋菜類打底等等, 塞滿一碗.幾個月前已經係咁, 諗住俾多次機會佢, 但呢次仍然係咁, 我都明白而家搵食難, 但佢既外賣碗, 已經比以前細左, 三餸都只係俾得半碗你, 實在無言. 我想話我唔大食, 仲要 70% 飽已經 OK, 但呢個份量, 真係無一半飽都無. 食完要再搵野食.睇相都見到 d 餸係 BB 份量, 一小撮. 或者咁講, 啱女仕們食, 男仕一定要叫其他野,然後, 出去再搵野食.側邊睇就見到係半碗份量.我係打開蓋影的, 我未開始食架. 雖然佢味道 OK, 晚餐計, 佢又未算貴 ...但附近咁多選擇, 譚仔同樣價錢, 我已經飽凸.所以, 我決定唔會再俾機會佢. 我好少堂食, 唔知堂食份量係咪會大返 d ...

叫左中辣, 個湯底真是幾辣, 我唔食得辣標哂眼水。九菜餃幾好食, 雖然都是多菜無乜肉。墨魚丸細粒又烚得唔夠耐偏硬, 唔好食。腩肉少辣帶甜, 又唔太肥, 好食。雞翼無試, 但似豉油/瑞士雞翼, 個樣好似幾好味。

由於昨天吃拉麵的感覺非常差，於是今天午餐，堅持一定要吃麵條。一路行一路行，又行到來這邊，這間米線店好像沒有試過，見它亦有撈米線，於是便直接內進。內進後才發覺，裝修相當熟悉，可能很久以前也有吃過。到這些米線店，我最喜歡的就是吃撈米線，沒有湯，有點兒炸醬，旁邊還有少許辣醬，這種辣的確不是說笑，辣得來有點兒嗆口。米線可算是非常之出色，份量不少，彈牙非常，但又不是未煮熟的米線那種彈牙，而是的確煮得剛剛好的彈牙程度，我夠膽說，如果這個米線，再煮多30秒，彈牙程度肯定不及現在😏。＄30包一個餸，選擇了腩肉，腩肉肥肉不多，其實算肥瘦參半，不會太肥，亦都不算瘦，不會吃到滿口痴牙，醃過的腩肉，有點兒滷水的香氣，少咸，也不會太乾；反而豬大腸更加出色，不知道為什麼米線店的豬大腸都那麼好吃，內裏有清洗得乾淨，質地也彈牙，吃落香口。撈米線，甚麽都有，酸菜、花生、辣醬，甚為惹味，加辣後顯得挺嗆。但是飲料來說，我雖然見到對面的哥哥仔在喝珍珠奶茶也算吸引，但是由於害怕會肚痛，點個凍檸茶就算了。這店用這一種膠杯來裝凍檸茶，就感覺中招了，大部份餐廳，如果凍檸茶弄得出色，大多不會用這款膠杯，結果，當然茶味不夠濃郁，檸檬也不

係深水埗最多野食既福榮街有間食辣好正既米線鋪，好食過譚仔同南記，正！我中午去到食左一碗吉列豬排米線(大辣)，真係辣得好過癮。我本身食開四川個隻辣，呢隻係嗜辣之人接受到既，新手就bb辣到小辣就好啦～除左特定米線，大家都可以自選配菜。30蚊一碗麵，每款菜加7蚊，芝士腸、腩肉、煙鴨胸、紫菜、各式丸、炸醬等等，應有盡有。學生仲有優惠啊！我以前都會放lunch黎食最重要呢度冷氣好夠，食辣都唔怕熱，上野速度夠快。不過中午可能滿座。

今晚OT 到10點，收工之後非常肚餓，就去深水埗呢個美食天堂到醫肚。來到深水埗，本身諗住食返名店文記車仔麵，點知佢本舖裝修緊!!!!!晴天霹靂。再睇睇佢隔離2間新舖，門外排左十幾人。。唔知等到幾時先有得食，唯有放棄。附近幾間我食開的店，都已經打羊。見到文記隔離的雲南小鍋無咩人，唔使排隊，米線又係我杯茶，就係度醫肚啦。極速叫左個豬耳雞絲腩肉小鍋米線小辣多酸，超餓的緣故叫多個鹵水牛腱。多謝阿姐唔使10分鐘就拎黎俾我救我一命。鹵水豬耳爽口入味，不過就切得超短小幼細，有啲碎，有小許影響了口感。腩肉肥瘦適中，厚薄相宜，肉質軟淋幼滑，不錯。米線軟硬程度適中，湯底叫左多酸真係有番應有的酸度。鹵水牛腱太鹹，點左側邊的酸醋仍然掩蓋不了佢的鹹勁。食飽飽，返去沖涼個靚涼瞓覺，明天再戰。

夏日炎炎都唔太敢出街食辣野，因為好怕食到成身汗… 近排天氣涼左，終於可以滿足一下辣癮喇！腩肉麻辣湯底酸辣粉份量都唔少，$28黎講好抵食，紅薯粉夠煙韌，吸湯力強，小辣湯底辣度適中，又麻又酸，忍唔住一口接一口，招牌腩肉果然係招牌菜，肥瘦適中，滷到入晒味，而且大大片，一啲都唔孤寒，配料份量亦好足，有花生，酸菜，炸醬，係酸辣粉既靈魂啊！食辣野唔少得配凍飲，加$11就有台式珍珠奶茶，飲得過！[

最喜愛來食嘅一間雲南米線本人好辣，試左好幾間唔同嘅雲南米線，始終都係呢間食過之後念念不忘其中麻辣係我至愛，餸菜唔需要多，點一兩個，靈魂係佢個湯，每次熱騰騰放上枱我都要先用佢地提供特大湯匙盛幾口濃湯襯熱飲，mum~好麻辣呀!好好味呀米線軟硬適中，湯底由好多配料炒制而成，所以夠油水香濃，感覺佢係即煮嘅一個湯底，唔似其他味精粉湯底!每次食到連湯都想飲清光呀!!呢度米線真係辣，奉勸大家想食大辣要三思，會辣到冇曬味覺!!建議中辣，可以滿足你好辣嘅心靈同時品嚐到佢美味嘅一面

深夜時分跟老公心血來潮跑到深水埗找吃的，經過譚仔和旁邊的車仔麵見人龍不絕，只好退而求其次選了這間「雲南小鍋米線」。老公點了蘿蔔、腩肉、生菜跟麻辣湯底，他說只覺辣卻未見麻，且湯底沒其他米線店的那麼濃和稠。蘿蔔不夠稔，腩肉比譚仔好吃，整個米線份量也適中。我則選了豆卜、雞絲、生菜跟麻辣湯底，吃來亦覺麻的比例不夠，唯湯底尚算香口。雞絲和豆卜一般米線鋪貨色，不過不失，但若有選擇下這間「雲南小鍋米線」不會是首選。值得一提是店員服務態度不錯，我們坐到接近關店時間一眾姐姐也沒作出一副「趕客」模樣。

這家雲南小鍋米線，有三樣係必食的:qq薯粉，入味薄切腩肉，厚切炆冬菇。今次點了一份小酸辣熱伴薯粉，配上述兩種配料~這裡既薯粉同平時食開既寛薯粉/幼薯粉不同，這個口感比較軟身，但非常q，比前兩者更能吸入湯汁，我最喜歡這裡既薯粉~腩肉不像方間的白灼無味腩肉，而係用小麻辣醬先炒過的，很惹味！而且因為薄切，腩肉更為入味！冬菇也很驚喜，是厚切炆冬菇，不是用鮮菇"敷衍了事"呢！另加$6有凍飲，抵食！

米線係香港雖然真係度度都有得食,但係要搵間有特色既有難度嫁,今次試左呢間雲南小鍋米線,個名就已經夠普通,食落都如其名.就係米線咁簡單我食呢個係撈既,醬汁好酸,辛辣度不高,但層次感不足,感覺好平凡.比較好味道既係腩肉,都幾惹味.呢種味道就係為了飽肚之用,唔會留下印象