亞玉豆腐花

营业中

休息中

回公司前在這裡買了一盒三粒的客家糍粑，來做下午茶。睇過食評相片以為是好大粒，但實際是好迷你，只有半隻食指"咁大"。皮子夠薄，夠煙韌，餡量多到爆，花生為主，配以少少椰絲。瞬間吃了三粒，不會飽。說到花生糯米滋我還是喜歡民豐版。

同男朋友食完晚餐，聽聞有間豆腐花好正好滑，就行去試下。8蚊一碗黃豆豆腐花，物價咁高脹既時代已經好抵食。我地無落糖水，淨係加左黃糖。果然好夠滑，而且好濃既豆味。個啲豆味每啖都係個口度停留好耐，淨係用黃糖已經好夠清甜。正！不過後尾我手多加左薑汁，我反而覺得無咁好食。可能我加得唔夠多，我覺得啲薑味唔重同唔夠辣。

吃過串燒後，到旁邊的「亞玉豆腐花」吃個甜品，記得之前也有吃過荃灣的分店，試試元朗店原店是否特別好吃，除了豆腐花外，還有兩溝（芝麻糊豆腐花）、砵仔糕及糯米糍等小店前方放有少量椅子供食客坐著吃，另外還擺放著黃糖及糖漿，食客可自行加入豆腐花由於天氣頗熱的關係，雖然知識熱豆花一般會較凍的香滑，但還是想要碗凍的。豆花入口涼涼的，感覺舒服，雖然雪凍了，但仍然軟滑，估計新鮮出爐的必定更加香滑呢，而且還有陣陣豆香。最重要的當然還有黃糖碎粒，很喜歡這種脆脆的口感，為豆花生色不少呢亞玉豆腐花 (元朗)元朗阜財街2號宏豐大廈地下12號舖～～～～～～～～～～～～～味道：8/10環境：7/10服務：6/10衛生 : 7/10抵食 : 7/10

今日蘿拔妹同家人出動到元朗覓食，在order左串皇等候之際，發覺隔離店既豆腐花都勁多人排隊！所以愛豆品的媽媽就買左碗四個人share啦。豆腐花非常熱辣辣，而且是-非-常-滑！即使是很多郊外標榜山水豆腐花的小檔都無甘滑。很多滑溜的豆腐花都欠缺豆味，但這裏的卻不然。豆味自然而且清香，沒有澀味，想必是因為這黃金比例才這麼多人排隊買！加上少許黃糖更顯滋味。特別欣賞這裡是用舊式瓷碗的，感覺特別有風味！而且也十分環保，吃完放回桶子裡就可以啦！

今次黎到呢間豆腐花舖都頗為細間…只得廖廖可數既3個位 …有時候會開張大枱係門口阻街 …阻街既話都會有多7、8個位…不過要自助式…豆腐花有幾種…今次試芝麻糊豆腐花（黃豆）…荳腐花非常滑溜…芝麻又係 真材實料…唔甜…可能都係由顧客自由選擇…我就鍾意落哂兩種甜>>糖漿，砂糖…食落去“索索”聲…好得意 …鍾意薑味既…呢度既薑汁也不錯…重薑味 但據老闆推介>>豆腐花加少少豆漿…食落去會更加滑…呢樣未曾試過…但以前係澳門試過食豆腐花加花奶…真係又香又滑…相信係同一原理… 呢度仲有其他兩樣小食…其中一樣係客家糍粑…即係糯米糍…每日都新鮮即整…皮薄又多“餡” …夠哂甜…每次都會忍唔住叫黎食…而另一樣小食就係x仔糕…有兩款味（有豆，無豆）…豆算多…不太甜…有點黏同軟女綿綿…另外x仔糕會用個蒸籠隔住蒸熱保溫…暖暖地更加好食…原本以為係x仔糕暖先會食落咁軟錦錦…原來唔止咁簡單…因為一個人食哂幾樣野太飽…所以x仔糕外帶了…隔左一晚先再食…估唔到x仔糕既無硬到…連無翻熱都一樣係咁軟綿綿…可見師傅功夫了得…值得一讚

呢啲天氣  個口總係好口痕  想揾野食  但又想食得健康  行到呢條街  嗅到好香既bbq味  見到各式各樣既串燒小食  但我卻俾一碗豆腐花吸引咗我  佢雖然唔起眼  但卻很好味  做豆腐花比起串燒更難整  至少串燒自己都正到呢磅熱辣辣啱啱整好既一筒新鮮豆腐花  啱曬貪靚既我 由黃豆磨成有豐富既蛋白質  佢入口香滑  又好香黃豆味  唔似糖水舖咁水汪汪👍另外~呢度既客家糍粑都好好味  個餡料多到一咬爆出黎  皮又薄  所謂既皮薄餡靚以家啲小店係市區唔多  8蚊碗  物有所值  平靚正係呢啲天氣  食完真係暖笠笠😊

食街邊野都有台 咁先好幸好我今次黎有台坐有次黎見到冇台啲客都企係到食我鐘意食凍既豆腐花我知凍既係出邊有啲地方係吾好食竟然呢到既凍豆腐花好有豆味同好滑同埋呢到既糖水同黃糖係自己加最岩我鐘意啖啖豆腐花加糖一齊食

亞玉一向我只知有豆腐花食, 原來仲有糯米糍, 昨天食左黑芝麻糯米糍, 好好味喎, 皮夠薄, 入面係芝麻花生料, 好香同埋好爽脆的, D料夠多, 又唔會好膩, GOOD喎, 仲要3元一隻好抵, 係即日整, 一定要即日食先好味, 擺過夜會唔好食的.

剛係隔離舖食完「串皇」美味嘅串燒後，第二站就嚟食～～「亞玉豆腐花」。我叫咗豆腐花$7（黃豆造）/（另有黑豆豆腐花$9），可隨自己喜好添加糖水 / 薑汁糖水/ 黃糖。我就加咗少少糖水/ 多薑汁糖水，再鋪上黃糖食。豆腐花～🔸薑汁糖水~味道調教得剛剛好，不會太濃、薑味亦不會過辣，不錯！糖水底亦清甜得來又不會太甜。🔸豆味方面，沒有太多豆味，不夠豆香。🔸軟滑度都算可以，但仍不及大埔「亞婆豆腐花」咁滑～亞婆個間係滑到sir入囗！另外，買咗3個「砵仔糕」回家食，（可選擇有豆或無豆）買時重有少少熱。食後比較失望，太淋太軟，味道亦麻麻地。總括而言：豆腐花不錯！價宜物美，不妨一試。反而，砵仔糕就麻麻。

食完隔離串皇就緊係食埋呢到先走.我次次黎都係叫普通豆腐花，因為我覺得原味先係最好味.食左咁多次依然咁滑，好夠熱好有豆味,d豆腐花一放落嘴就溶,正到第二到搵唔到!所以次次黎都要食佢!p.s. 我覺得即場食比外賣好,因為佢個碗都係凍既,好有風味!

上星期六晚因入元朗要同母親食飯，因時間早左，亦有些肚餓，所以係又新街落車，睇下有甚麼街頭小食。一落車係街頭就見到阿玉豆腐花店前有人排隊買豆腐花，於是走埋去買碗品嚐。等左十幾分鐘先買到。豆腐花加上糖水及黄糖，再加少許薑汁，吃了幾口，覺得豆花很嫰軟，因加了薑汁，更加可口。而且每碗只要七元，以現時物價，抵食。

係荃灣食過，已覺得好好食！係元朗見到梗係要試下呢間始祖！勁多人排隊，真係成條街最多人幫襯既舖頭！我地試普通豆腐花，因為唔鍾意溝其他糖水！好滑，成碗野又夠熱(可能因為不斷有人買，佢不斷整)，但最衰落得唔夠多黃糖，唔係好夠甜！但幾有豆香！下次想試佢其他野！聽講都好出名

難得來到元朗，朋友介紹食，真係好好味。有好多選擇，有黑豆，有黃豆。仲有芝麻糊。不過食完晚餐真的很飽了。所以食了一個平時沒有的黑豆花。買相，比我想像中較白，都不是黑的。但是，豆腐花好滑，好食過呀婆，好有豆味。一個字正呀下次要食芝麻糊先不過好小位，都要排隊

大家看到以上的豆腐花，是否立刻想一口就吃下去！？白白滑滑的熱豆腐花，加上黃糖，是絕配。~*~*~*~*~這店子位於元朗市中心，雖然地址顯示的是在阜財街，但實際在元朗的食街 - 又新街就可以見到亞玉豆腐花的影蹤。假日的晚上，亞玉豆腐花的門前常常都堆滿一堆堆的人，因食街上有串燒、花生糖、飲品、魚強腸粉也有呢！最好吃飽晚飯後就去吃一碗豆腐花！門前沒有漂亮的裝修，都是做街坊生意。只是HK$7一碗，文迪覺得亞玉豆腐花亦做得比其他店子都來得更有豆味及更滑呢！我一定會再來吃的，下次文迪想試試糯米糍及砵仔糕呢！

元朗一D都唔熟路，但印象中有間豆花舖好食，今日隨便落車就遇到呢間舖，點咗「黑豆花+芝麻糊」，豆花一放到嘴就溶化，好滑呀！因為個人唔鐘意太甜，食原味既豆花就可以食到D黑豆香啦。