亞答屋

营业中

休息中

講到新加坡美食，海南雞飯一定係首選，聽講新加坡嘅豬手飯都好出色！今日喺中環工作，順便過去行吓活化左嘅中環街市。中環街市有各式各樣的小店，其中地下為Food Court，也有少量堂食餐廳。嚟到Attap就想試吓佢哋嘅豬手飯🤤亞答慢煮豬手飯配 蘇東魚丸湯$68一大碟滷豬手，份量頗多，豬手非常入味，軟嫩有膠質，不覺油膩，如果覺得膩，可以拌酸菜一齊食。跟豬手仲有一隻滷水糖心蛋，一定可以吃很飽。街頭雞肉串燒（4pcs)$62雞肉串燒，滿滿沙嗲味，充滿道地南洋風味，一串接一串停唔到。另外，喺Attap 旁邊嘅Pulau 都係佢哋嘅，可以試到其他新加坡小食同肉骨茶。

中環街市翻新後，有好多好多餐廳進駐，加上松林設計裝修風格，夜晚去仲有幽暗的燈光，坐在裏面食飯感覺好舒服。跟朋友找了兩間姊妹新加坡餐廳食晚飯，一間是Pulau專賣喇沙、蝦麵和肉骨茶，另一間是Attap專賣海南雞和豬手飯。🔅 亞答慢煮豬手飯豬手經慢煮所以質感軟腍，肥度適中，瘦中帶少少肥，滷汁鹹中帶少少甜，好惹味。雖然不是海南雞餐但跟配一碗油飯，好香雞湯味但又不太油膩。🔅 巴東牛肉配班蘭椰漿飯飯的斑蘭椰漿味都幾重，巴東牛肉質感好嫩，入口即化，一點都唔「鞋」口，而且幾大粒，份量充足。以上兩個各跟配一碗蘇東魚丸雞湯，內裏有兩個魚蛋，仲有少量魷魚粒，雞味幾濃仲帶少少海鮮味。🔅串燒拼盤（雞肉.大蝦. 魷魚鬚）每款各有兩串，每串調味好足，不用額外點醬。個人最鍾意魷魚鬚和大蝦，質感好爽口，雞肉串是正常發揮。

今日約咗朋友仔諗住行下大館， 喺天橋見到中環街市， 未行過所以就去參觀下，呢一個活化咗嘅中環街市。。。我哋由三樓慢慢行落到去一樓， 經過food court， 聞到香噴噴嘅海南雞香氣吸引， 令我哋停留腳步， 轉變心意停低，試下呢一間嘅海南雞。。。諗都唔使諗,緊係揀海南雞🐥飯🍚啦因為係畀佢嘅香氣吸引， 海南雞配油飯🍚， 油飯🍚好乾身，好味但係唔會有油膩感， 配蘇東🐟魚丸雞湯, 湯入面仲有🐙八爪魚亞塔慢煮🐽豬手飯豬手肉質夠晒淋，食起來軟綿綿，咀嚼間會滲出淡淡豬油香， 豬手下面鋪滿鹹酸菜減低油膩感本來想食亞塔酸辣蝦杯， 可惜已經售罄🤷🏻‍♀️， 結果揀咗古法魚皮好爽口， 味道唔錯，但味道偏淡，如果加多少少🐟魚露就更加好

上網瀏覽openrice，都說這間的豬手飯好食。而且價錢不貴，$66。果然，好大碟！現在豬肉這麽貴，竟然好大碟鹵豬手！而且炆得夠稔之餘，又不會是柴口的煲湯肉。豬皮稔滑，豬肉也入味。而且配有油飯和雞湯，雞湯不鹹，也不覺得是味精湯。豬手味濃，但不鹹。而且好入味，又炆得夠稔。不肥膩，而且點一點那個酸酸辣辣的汁，好滿足！半隻鹵水蛋是溏心蛋，正！而且，可以選擇在室內或者室外坐，環境好舒適。座位舒適。

Every time when I visit Central Market, I’m spoilt for choices. There are so many cafes and restaurants to choose from 🤣… Finally today settled with Asian food… Hainanese chicken rice #海南雞飯 from Attap. For $82, the rice set comes with fishball chicken soup, chicken and fragrant rice. Overall a decent meal, chicken was tasty, fragrant rice not too oily and cooked perfectly 👍🏻 .

小朋友中環街市啱食之選 小清新星馬菜～～～今晚收工之後要幫手家姐湊小姪女，帶佢黎中環街市行下玩下買下糖🍬之後，就帶咗佢過嚟底層呢邊食晚飯。揀嚟揀去，最啱小朋友食嘅就係呢一間星馬泰餐廳。～～～睇完餐牌之後就叫咗亞答海南雞半隻，慢煮豬手飯配蘇東魚蛋雞湯，再加一個小朋友唔合適，但係我好鍾意食嘅酸辣鳳爪獨食一下😄。～～～海南雞雞皮嫩而滑，雞肉唔會鞋口，嘴刁叼嘅小姪女都啱食，份量都幾多，我哋最後兩個人食唔晒，要打包返屋企比屋企人食。雞皮下面仲有少少上湯啫喱，正。～～～酸辣鳳爪就酸酸甜甜好開胃，不過辣度都幾勁，愛辣嘅大人一定中意，小朋友就未必啱啦。～～～最後慢煮豬手飯質素亦不錯，豬手份量比得超多，啱晒食肉獸，食落去骨膠原滿滿嘅感覺，加埋清新嘅魚蛋湯，濃淡平衡得當，不錯。～～～Attap (中環)中環皇后大道中93號中環街市地下G17號舖

週末一般很多人！星期六中午12點去到，人流不算多！也容易找到坐位，看到這店的海南雞飯套餐吸引，決定一試。點餐很方便，每張枱都有QRcode 或在餐廳附近掃QR code也可。點了後馬上用手機付款很方便！很快顯示板已出了我的號碼。 本來打算和媽媽吃少少再買其他食物，但一個餐兩個人吃，也剛剛好！ 少吃多滋味！吃飯吃七成飽！雞份量足，只嫌味道略淡。配有三種不同醬汁。 飯量也足，吃到椰油香！ 天氣冷，雞、飯和湯可以熱些就更好！雞湯偏鹹了些！

Staycation 完就去中環街市朝聖, 就試下Attap 阿答屋。阿答屋係新加坡同馬來西亞以前嘅木屋。今次試咗個慢煮豬手飯, 個飯係油飯味道唔錯。如果飯熱啲就更加好, 豬手幾夠味而且仲幾腍, 值得再去個魚蛋湯就比較一般