京滬佳餚 (The LOHAS康城) (已結業)

話咁快又入黎將軍澳🤣自己都估唔到😄今日簡單少少食戶外點心💕小龍包：打千秋、無穿、皮薄多汁👍雜菌餃：好香菌味，抄手：辣汁夠味、皮滑，糖醋骨：上枱夠熱、夠鬆，做得算出色👍羅白𢇁酥：酥皮好鬆化、內心非常熱又清甜羅白𢇁👍👍😋😋最後一讚糯米包：帶有少少胡椒味👍不油，這間店食物能保持水準💕經理介紹尖沙咀新店11月開張，到時會有更多粵式點心推出😘🥳😋😋

如題，星期六7pm，因為從外國返來想食中餐，就落去幫襯堂食（以前只買外賣）。因已接近滿座，被侍應安排到戶外。我們話要茶和滾水，結果只上了茶和小食。我們舉手落單，有兩男兩女侍應見到但都冇返來（我已經用了外國標準耐性等），然後丈夫直程出去叫侍應出來落單，侍應答應了，但仍然遲遲不來。我們在外面吹風，一肚氣，決定離開，跟其中一名男侍應講，完全愛理不理，唔會覺得少少唔好意思。後來見到經理，投訴了，講了句唔好意思，但亦唔見得好理你。做街坊生意做到咁，好失望。而家上咗去陶源食，侍應多次主動問開咗位，或要唔要飯，上哂未，完全兩個世界。

銅鑼灣、將軍澳咁就光顧左2週年，都好有少少禮物送俾顧客，入門口你就會見到👏🏻真係人人有份永不落空，就算抽到多謝惠顧，少貼士：可以俾你再抽❤️將軍澳2週年價錢真係好低食：炸蝦餅彈牙🫶🏻沒有過火👍🏻椒盬豆腐：外母脆內軟、好香蒜香味👍🏻椒盬魷魚鬚有少少過火、魷魚鬚同蒜都有D（銀）可以接受的，鍋貼：皮脆、咬落有肉汁羅白𢇁酥：酥底比100分夠鬆化、內面熱辣辣清甜羅白𢇁👍🏻👍🏻👍🏻糯米燒賣：糯米香味、不多油👍🏻炒羊肉好有地道風味：子然粉香味、沒有過火、煮得剛好👍🏻聽經理介紹尖沙咀11月中會開一間大分店🫶🏻仲要有魚缸：有活海鮮食加油👏🏻🫶🏻

正宗京滬片皮鴨，原價一隻$398，依家做緊堂食優惠半價，半價絕對抵食，整體都高水準，甜品好味但性價比唔高🌟整體🌟🌸性價比：6/10🌼美味：9/10🍁環境：9/10🤑人均：$200🦆片皮鴨 $199上碟嘅時候皮同肉係分開擺碟，皮整體非常脆口，食落去唔係純粹燒鴨咁簡單，應該係有將片皮鴨嘅皮片開之後另外再用油炸，所以有得到好酥脆嘅感覺🤭。油香非常之足但係如果唔同肉一齊食會覺得有少少膩🤗。九宮格配菜，你冇睇錯係九樣嘢😱！除咗乳豬醬同糖之外有幾樣特別嘅配料例如蜜瓜、山楂、青瓜、紅心蘿蔔，份量有啲小如果要追加每一格要$20，九格全部$68，個人建議配料要節省食否則會唔夠。😎🫕酸辣湯料好齊好足口感又硬又軟🥺，因為佢有筍、木耳、鯪魚肉，食埋嘅時候好有層次，調味方面辣度都好夠，食嘅時候唔會好辣，飲完個辣味會停留喺口入邊一段時間，整體來講係一個好開胃嘅前菜。🥙小籠包$68皮薄肉到餡夠多汁有keep到湯夠熱，肉味好濃😋🌮京滬香蔥煎餅$68做法就好似千層酥，但入邊有香蔥味道似韭菜餅，但餡比較少反而酥皮好多層，個人認為餡可以再放多啲會比較好食☺️🥭楊枝甘露雪糕$58上碟好fancy，甜品下邊有乾冰一直噴冰嘅煙，但

難得一班好友聚會，仲要入到將軍澳日出康城🤣有人見意話去京滬食半價片皮鴨，講真$199/1隻真係好低食，唔知呢個優惠做到幾時，多口問句侍應：做到尖沙咀下月分店開張就會停😩片皮鴨皮脆，有點油，鴨肉肉質滑嫩不梅👍九格鴨的配料亦很特別😋小黃魚好脆/魚肉滑/但真係太多骨😜生菜包用黎伴面亦很配😋干沖撈面做得都很好，面不會湖口～彈牙爽口😋水煮牛肉😋😋不太辣帶點麻香，牛肉用牛小排～牛味亦唔錯～不鞋～無過火，最後中意食點心～此店有點心提供

難得咁遠入康城探老朋友🤝離開老友屋企去商場行吓睇吓有咩食，同行另一位朋友想食片皮鴨，見到門口廣告同銅鑼灣一樣：慶祝尖沙咀分店開張片皮鴨半價$199🥳我無意見🤷‍♂️銅鑼灣我都食咗好幾次，就呢間啦：酸辣湯酸度適中帶點少辣👍窩貼皮脆內有汁夠熱👍雞𢇁粉皮芝麻醬足夠，炒飯粒粒夠乾身有水準👍甜品山渣菓：開胃幫助消化、上枱好靚，皮做得不會太厚👍

首先茶位每位先收$16，但每一小碟零食居然要收$20，而且強迫上兩碟共$40，未落單已經收你過$100，問女侍應可否取消零食，女侍應態度極差地話公司政策就係規定要屈你兩碟架啦。再好客氣地問另一位女侍應，都係咁差態度。之後落單，叫鱔糊炒麵，女侍應落錯咗醬油鱔糊，上菜見到話佢落錯咗都唔肯轉，又再強收比較貴嘅差價，可能又係公司政策？另外嗌咗例牌片皮鴨，極多皮多油，肉比較少，味道不過不失。其他四個小菜，味道都好一般，份量好少。體驗非常差，必定不會再來。

未去過康城站，所以休息日去行下。被片皮鴨吸引了。門口，好大隻鴨有個午市優惠，午市孖寶（$148）：香酥烤鴨（半例）、火腿烤鴨雲呑湯，另外加多+$38 有6粒小籠包。火腿烤鴨雲呑湯2個人食，都飲唔哂，雲呑好好食。咸香咸香～～香酥烤鴨（半例）過下口癮，片皮鴨、鴨肉，醬料們，包住一齊食，真係好滿足！！招牌小籠包（孖寶+$38）只能用皮薄餡靚去形容一下，熱食飲小籠包湯的精華，因食住片皮鴨，都有攤涼咗食，夾起小籠包，個皮都無穿窿，仍然都好食。加個擔擔面（$68）試下，唔重花生味，小小辣。覺得一般。甜品：山楂楊梅果（$38/3件），以為係凍食，點知係熱食。食落覺得似煎堆，山楂蓉餡食落幾開胃炸雪糕（$38/2件）冰火交集嘅感覺真係好好食，仲好邪惡地有蜜糖醬係上面。店内環境服務員服務都好好。

人大咗開始鍾意食中菜，好味得嚟又無咁多肉。今日去咗試呢間京滬佳餚，裝修舒適唔會好迫，餐具別致，有啲fine dining嘅feel。香酥烤鴨烤鴨係必食item，有六色伴碟，分別係青瓜、京蔥、甜醬、香蒜、砂糖同山楂，值得一讚香蒜同鴨一齊食真係極夾，蒜香令鴨肉昇華，更帶得到鴨嘅香同油脂感，食落冇咁濟之餘令人想一口接一口咁食！烤鴨高汁，有皮、皮連肉、鴨脾，非常抵食，鴨應該係啱啱燒好先可以咁脆同油脂max，一定一定要叫！招牌小籠包非常juicy、皮薄多汁，粒粒飽滿，同專食小籠包嘅名店差不多，兩個人一籠都好快清哂😋水煮海斑片水煮夠辣同麻，勁多配料，荀、金菇、芽菜、薯粉、府皮，海斑片亦都大大片，有十幾片，唔會偷工減料，呢個價錢又幾抵！

今日有d事入左日出康城，呢個地方出名自成左一角，以為冇咩野食，但原來康城商場有間食京菜既餐廳，咁岩係整口見到有個星期一至五既午市套餐套餐有半飯片皮鴨同6粒小籠包，好似叫孖寶，都只係百幾蚊🙀雖然係半隻，但兩個人好夠食，d皮係每塊皮之間有張蒸紙隔一隔住，唔會搞到d皮痴住哂，同埋係皮薄，但包左鴨皮又唔會穿，厚薄度岩岩好D皮係脆得黎唔會乾，係有油份仲會俾埋隻髀你本身仲包埋蒜、醬、蔥、糖等等 而小籠包，皮薄，入面既湯仲係熱辣辣，出色好味最後，叫多個酸菜牛肉炒麵

爆汁牛肉煎餅(2件) $48煎得香酥的外皮，一咬落去就爆出湯汁，加埋鮮嫩嘅牛肉餡。有小小衝動想點多2件。老北京炸醬麵 $88唔似平時韓式炸醬偏甜。老北京嘅炸醬麵味道偏咸。而炸醬麵好食就係在於個醬，醬是炸醬麵嘅靈魂。老北京炸醬嘅豬肉炒得好惹味，醬汁濃郁包裹著每一條麵條，混合著肉香。加上蔥末同青瓜絲，口感非常有層次。楊枝甘露伴雪糕 $48份量比較迷你，芒果汁酸酸甜甜，非常醒胃。冰鎮上嘅關係，每一啖都清爽透心。加上有小燈飾，都不失為一個打卡呃like 嘅甜品。

花雕醉雞 $88一口咬落去有濃濃嘅花雕酒香。雞肉嫩滑，雞皮彈牙。細細咀嚼有濃郁鮮甜口感，鹹淡恰好，係一道唔錯嘅前菜。。。。。。。。。。。。。。。 京滬酥香烤鴨【例】$388配料有九款咁多，有砂糖、鴨醬、京蔥、青瓜、哈蜜瓜、蒜蓉泥等等。鴨皮烤得好香脆，唔會有太多脂肪。鴨肉嘅肉味非常香濃。而餅皮比較薄身，全部配埋一齊食口感好豐富。。。。。。。。。。。。。。清脆萵筍 $98萵筍口感甜脆而且多汁，配埋蟲草花炒又幾有新鮮感。前二道菜食咗咁多肉，而家食呢個非常清爽嘅感覺。

招牌小籠包(6隻) $68外皮薄得嚟又承托包入面嘅湯汁，放涼一陣先入口。有肉嘅鮮甜，但係又唔會太油膩。。。。。。。。。。。。。。。。。。。砂鍋花膠雲吞雞 $338花膠口感較軟同黏口，啖啖膠原嘅感覺。雲吞無咩特別。雖然湯渣嘅雞啲雞味煲晒出嚟，但因為唔會太鞋，所以湯渣都食埋。而湯嘅味道係清清哋，帶有花膠同雞嘅清甜味。明顯無落味精，好有媽媽煲湯嘅感覺。。。。。。。。。。。。。。。。。。。京滬擔擔麵 $68唔同平時食開川菜嘅麻辣味道，呢到嘅擔擔麵帶濃濃嘅花生醬味，湯頭質地稠。每一啖麵都掛湯，味道濃郁。

今日入咗康城，喺商場見到一間食京.滬菜，老公已經心心眼，仲要有佢鍾意嘅片皮鴨，今餐全部都點咗佢鍾意食嘅嘢，真係大滿足。餐廳華麗之餘又有時尚感，用嘅碗碟同筷子座都好精緻，座位寬闊舒適，有一邊仲可以望住商場下層嘅溜冰場！京滬酥香烤鴨［半例］賣相好靚，連放配菜隻碟都特製六格，有青瓜、京蔥、蒜蓉、砂糖、醬⋯ 鴨皮去咗肥膏，食落唔會肥膩，皮脆肉香，睇得出好用心製作。鱔糊炒麵上海菜嘅代表，已經好多年冇食過好懷念，芽菜韭黃加埋黃鱔肉，就係呢個味道。唔肥唔膩 唔錯！拔絲香蕉 $88呢個真係不得了，好少地方有得食，見到餐牌有立即叫，實物比上鏡更靚，香蕉炸完之後軟綿綿又香甜，製作需時份量都幾多，咁大製作只係$88抵食嘅，但人多叫呢個會好啲，每人食一兩舊，始終拔絲係糖就會比較甜。山楂楊梅果 $38外型好似一粒荔枝，睇得又食得，山楂餡酸酸地幾開胃，頂嗰棵係薄荷葉。

放暑假啦個仔話要溜冰，未試過去康城個溜冰埸，決定踩下場。過咗一陣，個仔已經同班friend happy,又到左兩公婆拍拖嘅時間。今次揀咗京滬佳餚，貪佢用餐時可以望到個仔溜冰。先來頭盤，脆脆花生，唔知佢係咩名堂，但係有別於一般嘅鹹花生，初初食落甜甜地之後又有鹹香，脆卜卜好味道。跟住就係呢個熱辣辣嘅小籠包，一籠六件，皮薄餡靚，奉勸大家要用湯匙盛住食，裏面有熱騰騰嘅高湯，清甜可口食完都唔確喉，值得推介。跟住呢個貝勒爆炒羊，諗住佢辣辣地，點知嚟都係勁多芫荽、鹹鹹地、雖然同我預期有啲唔同但係送飯一流。終於到主角烤鴨，望吓Menu原來第一頁好仔細咁講解點樣食片皮鴨，又幾盞鬼，到嘅時候有一個六格嘅配料盤，俾你包住食，烤鴨乾身得來都有啲油，聞落去油香撲鼻，鍾意重口味嘅我見到蒜頭，梗係唔執輸加少少落去，估唔到又幾夾整體嚟講，呢度嘅座位好闊落，侍應算多，服務周到，可以encore。