京都薈

营业中

休息中

朋友的小朋友出世， 去了美孚，因為跟他的屋企附近， 及後與朋友一同前往酒樓飲茶， 朋友介紹在他家附近的那家酒樓。午市優惠推介， 款式種類都唔錯，性價比都幾高， 最重要茶味都唔錯。原籠金蒜班頭腩蒸飯， 原籠咁上， 一開出嚟已經淡淡嘅荷葉香味， 再試下啲班頭腩， 冇諗過最驚喜嘅就係夠新鮮，完全冇腥味。腐乳通菜， 本身以為只係普通嘢， 貪佢夠平， 所以叫嚟試下， 冇諗過個菜都幾大碟，完全唔會黃曬 ，又唔會入口全部都係油，不過最得人鍾意嘅，就係腐乳分開上， 味道可以自己調教。鮮蝦腐皮卷， 算係比較冇驚喜嘅一碟， 比較普通， 不過我外表都好香脆，但係油份較重。如果去開嗰頭 ，都算係一個唔錯嘅選擇。

琴日放假就陪下屋企人飲下早茶孝順下，又黎番屋企附近哩間酒樓。一黎貪哩度夠近，二黎媽咪話哩度既點心抵食又好味。影張酒樓環境圖俾大家參考下，好新淨，枱唔會擺到好迫，燈光夠好舒服。早茶茶位每位$7。我地全部都係點哩張優惠點心，早上11點前都有優惠，平均十多元就有一籠點心，真係好平！選擇仲有咁多，完全抵呀！順手影埋午市套餐俾大家參考下！點心拼盤 $28.8唔洗$30就有5件點心，有蝦餃、菜苗餃果d，好抵！個叉燒包好軟，好多料，粉果係媽媽最愛！馬拉糕都好香好軟。醒晨孖寶 $23.8 / $25.8碗皮蛋瘦肉粥都好大碗，煲到軟棉棉，調味岩岩好，早餐都係中飲食兩啖粥。煎蝦米腸好香口，點甜麻醬一流呀！叉燒腸粉個皮爽口，淋上甜醬油食好味。蒜香蒸排骨/四寶滑雞扎/蜜汁叉燒包哩度既點心真係籠籠都好大份，足料！蒸排骨好好味，芋頭好林。雞扎兩舊都好大，件雞好滑。流沙奶皇包真係流心呀！好好味。

我們倆很少去飲茶。等上菜時，禁不住幻想，有天老了，滿頭白髮的我們，手拿報紙，旁邊放著杯茶，邊讀報，飲啖茶，吃啖點心。想著想著，畫面可笑得笑了出來。鮮蝦腐皮卷很少去酒樓會遇到如此熱心的店員。她不時為我們斟茶，又主動問我們要不要把腐皮卷剪開。雖然炸得很脆，但實在很油。整張吸油紙都變了色。包著頗多蝦，滿滿的，但沒有鮮蝦的爽。腐乳通菜充滿光澤的通菜沒有想像般油。莖很爽，葉則少少腍，份量都幾夠。蜜汁叉燒飯原來是一碟叉燒加一碗白飯。叉燒雖然賣相不算討好，但吃起來又不太差。肉腍，半肥瘦，不太甜又有少少蜜味。白飯乾身，硬度剛好，是我喜歡的口感。原籠金蒜斑腩蒸飯一見到咁大籠，覺得好抵食，不過其實幾淺，兩個人最後全部吃光。荷葉墊底，有很微的荷香。蒜香滲入炒飯，蒸飯不會太濕，味道可以。斑腩一般，肉不多，不爽，味道不新鮮。最大的問題是，皮沒刮乾淨。有幾件的魚皮上，見到一排排整齊的魚鱗，恐怖得不敢吃。有不少深黃色的蒜，蒜蓉很多，本來很香，但放得不均勻，某幾啖太鹹。紅豆沙比想像中好食，不會太甜。直至離開的一刻，仍然對它的服務十分滿意，未試過在酒樓有這麼貼心的服務。

係美孚返工都一段日子，一直未試過lunch hour 飲茶，適逢今日有同事last day，咁一於farewell一下Lunch 時段都比較full，等左一陣就入座。見到d 點心都新奇特別，令人好期待首先係鵪鶉蛋燒賣，好同事最愛即刻蒸出來既燒賣，新鮮熱辣，正！黎個燒腩仔皮脆肉厚，香脆好味。再黎奶皇流沙包斯得慢d都流曬d汁啊！佢係奶皇味道，無鹹蛋黃咁膩最後係黑松露野菌餃呢個餃子包的好靚好有誠意，裡面松露同野菌好夾，估唔到飲茶都食到呢隻餃子今次lunch hour比較趕，試住呢幾樣先，下次可以晚餐再來

近期佛系一詞紅遍全城,但用來形容這次在美孚這酒樓晚餐的起因卻十分貼切!母親大人對外出用膳向以兩大要求,一是要環境舒適,二是食物一定要過得去;也剛巧最近與好朋友聊起這話題,其中有人推介此酒樓或許會滿足到家母的要求;再看過在Openrice大神的食評,覺得值得前往之,便與母親大人商量,哪知一傾談之下,她很快便答應,真是緣份到了,就會享受到其中的美食!打電話去訂好位,特意詢問一下開瓶費的情況,答案是視情況而定;那就準備帶上一枝紅酒前往!周日七時多的美孚人車不算很繁忙,來到酒樓附近,已離遠看見其招牌發出醒目的光芒;而大門入口從外到內都有種融入歐式風格的裝潢;更令人有所感受的,當從樓下樓梯走上酒樓的大堂時,所呈現出高樓底,明亮的燈光,映照著簡約而整潔舒適的裝潢而營造出的氛圍,尤其踏上一整塊鬆軟的大地氈,就連一向有要求的母親也面露讚賞之情!觀其菜單,以夏日組合套餐為主,很快便點上心水菜式;順道一問經理,答應了免一枝酒的開瓶費,就旋即把酒打開了;套餐孖寶第一味的蜜汁叉燒皇上來,整體調味得宜,但略嫌脂肪不夠豐腴,猜是為迎合現時偏向健康飲食的方向;即便如此,但咬下去發覺肉質厚實而不柴,兼且肉汁能鎖在裡面

我之前成日食日本野突然好想食返中菜添，見到美孚有間中菜新裝修又幾新淨，諗住我自己一個人去試下啦。一入到去真係又幾新淨又大，入到去其實唔算好多人，但房裡面有人擺宴會，都唔理啦，坐底之後一到點菜就中蕉了，其實有幾個部長態度都OK...其中有個部長態度係衰到嘔者，仲要比我聽到唔應該聽既野。見到晚市孖寶都算平丫，之後我點左【蟲草花雲耳蒸石斑件】、【果皮蒸大連鮑魚】、另外叫多個【上湯浸時蔬】一黎到就知中蕉了【蟲草花雲耳蒸石斑件】一黎到見到都唔係斑件既，完全係班頭腩既位既，完全都係骨，你地早講係斑頭腩或寫明我唔叫啦，同埋似頭頭尾尾齊埋一碟比我地咁，我諗住係斑件會冇咁多骨架嘛，勁多細骨。【果皮蒸大連鮑魚】初頭見隔離都有叫鮑魚同蒸元貝丫,佢地都好大隻，應該冇衰啦，我地都叫鮑魚黎試下，一黎到....唉...點解個鮑魚好似咁細隻同好似蒸過左龍咁架...縮左水咁...但食落又好似冇咩野，係好多油同好鹹囉【上湯浸時蔬】咁多個之中係最正常，D菜心好爽口好清甜。我一定之後唔會再黎D間食....

今日去美孚朋友屋企探BB, 不知不覺就到夜晚，廢事打攪朋友都係離開出街晚餐吧！落到街見到一間十分光猛既酒樓，就一於入去食埋飯先返屋企。上到1/F 原來地方都好大而且仲好乾淨光猛。餐牌選擇都算多，不過最吸引我嘅係海鮮孖寶餐，$198（星期六日另加$30）有2款海鮮，必食之選！果皮蒸大連鮑魚 （6隻）鮑魚size 偏細，不過味道鮮甜仲好彈牙。蒜蓉粉絲蒸元貝（4隻）一上枱蒜蓉味已經好香，元貝好大隻，肉質鮮嫩，好好食！大澳一字骨份量多，肉質軟嫩入味上湯浸菜心菜心新鮮鮮味，味道清甜。話咁快就食飽飽lu! 呢餐都真係幾抵食。

今晚到''京都薈"晚飯，估唔到咁正！好回味！與住在美孚的好友二人都好享受今晚所選擇的小菜…… 洒樓只有一層，光猛坐位舒適，裝修大方平實，見不少似是街坊客捧場！再睇菜單不少抵食套餐推介，也有生猛诲鲜，小炒，不同配搭的小菜很吸引！見 鄰枱都有叫片皮鴨餐，見賣相都好靚！而我們選了;濃 湯花膠雞煲翅 $ 168瓦煲上，堂前加熱，滚熱辣的，足料！湯夠濃！鲜甜！！足四碗！從多款抵食孖寶套餐中選了;蒜 蒜蓉粉絲元貝(四隻) 醒目泡龍躉球一份 $ 198眼前一亮！大大隻的元貝非常肥美！入口爽甜！新鲜！！粉絲爽滑蒜汁充足又惹味！！ 龍球泡在濃濃鲜甜鱼湯中，有六件之多，件件夠件頭，屬厚切！肉質彈牙！充满膠質的鱼皮肥美甘香 ! 口感一流！配菜中的勝瓜嫩滑请甜，木耳爽口，整個菜的配搭 相得益彰！以 $ 198這價錢有這麽質素簡直~超超值！！ * * * * *另一個小菜金磚豆腐 $ 78外層炸得非常鬆脆，内豆腐軟滑！面層灑上了點點淮塩口感很滋味！最後送上糖水，為這個晚餐添上完美！ 遇上抵食！味道好！招呼好！我和好友都好滿足！真不錯！

本來美孚區內都知呢間野係唔掂，但老人家唔知頭唔知路去咗搵位，咁就算啦外邊氣溫係30度，但一入到去，間野係完！全！唔！開！冷！氣！唔係開細咗，係直情冇開！搵人問咩事，又冇人答到我，門口又一張告示都冇！有冇搞錯？食物質素係點我已經食不知味，反正都係外邊返貨嘅標準點心，我地一行人已經一路食一路大汗疊細汗。臨走想去一去廁所，後巷位真係前所未見嘅污糟，行去深水埗後街都未有咁油立立！以後同集團永久blacklist！

公司附近開左呢間酒樓一段時間都未試過，今次就約埋同事午飯時間一齊試試，午飯時間都幾多人，好彩我地早到唔使等點心選擇都唔少，價錢亦唔算貴蝦餃既皮夠薄，蝦亦都新鮮，味道唔錯黑松露野菌餃，材料豐富而且有濃濃黑松露味煎薄餐，唔係間間酒樓都有得食，所以一見到就即刻叫，味道都OK鮮蝦腐皮卷，炸得好香脆鵪鶉蛋燒賣，大大粒好夠料流沙包都係每次飲茶唔少得燒腩仔，唔會太肥而且皮夠脆紅棗糕好煙韌，味道清甜馬拉糕好鬆軟，食完唔會覺得漏食咁多野都係2百幾蚊真係幾抵，順便一讚既係侍應都好親切，好有街坊飲茶既感覺

好少經過美孚這地區,今日偶然機會下在這區做嘢， 順道搵間餐廳食午餐, 由於這裏餐廳比較少，結果最後找到這間酒樓- 京都薈，可以嘆返杯茶食返個靚包先。這間酒樓應該是新開冇幾耐，若然不是就是保養得幾好， 裝修睇落還是好新， 地方也很大， 座位坐落寬敞，感覺舒服。午膳時間居然還有些特色套餐， 只需一百五十八元就有個午市三重奏， 自選兩款點心、一款炒粉麵飯 和一款小食 ，兩個人食啱啱好。這個午市三重奏我們最後點了醬皇蒸鳳爪、 鮮蝦炸雲吞、干燒伊麵和脆皮燒腩仔， 單看所選食物種類，咁嘅價錢絕對是非常之超值。而食物品質絕不馬虎， 干燒伊麵炒得好有鑊氣 ，油不是太多，食完沒有肥腻的感覺。 鮮蝦炸雲吞也做得非常脆口，食落卜卜脆 ，加上鮮蝦的爽彈，口感不俗。 脆皮燒腩仔雖然睇落肥膏較多， 但鹹道適中，肉身較嫩，味道幾好。平時去香港區飲茶叫幾碟點心連茶錢加一都超過200幾， 現在食咁多嘢連加一都是一百八十幾， 估不到美孚都有平靚正嘅酒樓，抵食。

因為22/4約了外母等人去這間酒樓飲茶，見到有一個全包宴餐 - 夏日海鮮九大簋，價錢是星期一至四$1688，星期五至日是$1888，問了侍應供應到何時，她說到月尾，於是在24/4打電話去酒樓訂30/4晚一圍，並問清楚接電話姓黃的女知客價錢是$1688，到29/4星期日我再打去酒樓問，她說這個餐當晚要加$700元，於是我説之前是$1688，現在突然又加了價，這樣我就不要了，大約十分鐘後，酒樓姓黃的女知客打電話給我説不加了，價錢可以$1688，我便答應了。30/4下午她再打電話給我confirm，我亦說冇問題，誰知晚上七時許我的姨仔去到酒樓時，坐下來發覺餐單價錢是$2388，於是跟他們理論，但那個經理説那個餐的價錢一個星期前已經沒有了，並加了價$700，他又說你們可以不吃，這樣不守盛信及反口復舌的人，我們肯定不會光顧，於是怒氣沖沖地走了，我亦打電話給酒樓跟那個話事人理論，他問我是誰跟我講及有沒有落訂金，我說你的知客沒有跟我說要給訂金，所以他就不承認，首先，那個知客由始至終都沒有跟我說要比訂金，再者，29/4已跟她再confirm價錢，現在又反口，這樣的酒樓要人怎麼相信及光顧呢。

新裝修之後第一次來幫襯，估唔到差成咁！無論系服務態度定食物質素，都糸垃圾！雪山叉燒包：晤夠熱！痴牙！未食過咁難食的雪山叉燒包！芝麻卷：樣就好正常，但口感極不正常！似食緊橡膠，冇芝麻味！炸雲吞：呢個相對來講系今餐最正常的食物，點左汁，都ok好味。潮州粉粿：簡直恐怖！真系第一次食咁難食的粉粿！晤Q都算！但估唔到筷子一夾，成舊散晒！散得好誇張添，d皮粉到冇朋友，好似被水浸過咁！鮮蝦菜苗餃：麻麻地，毫無特色。水晶蝦餃王：皮粉粉地，唔好食！鵪鶉蛋燒賣：正常野，冇特別已經好感動！四寶滑雞扎：失敗！比唐記差得多！成舊芋頭硬嗗嗗，不得了！

一家人本想高高興興食團年飯，點知...部份親友咁岩有人當晚肚痛，真係唔知同餐飯有無關係喇食物方面：有些過鹹、有些過淡；最尾的糖水仲要係唔熱，而水果（柑）：有一半是乾水，其中一個係爛嘅....服務方面：我只能講是一般差...由於係團年飯，所以需要預先比訂金留枱，呢樣係預左嘅。但職員沒有提醒客人，佢訂的菜嘅價錢只差少少親可有房，唔洗坐大廳，到食飯當日又點解要講「你加多少少就有房坐啦」，真係聽到我火都黎！

今早去飲茶，人不太多，女經理係要我坐埋牆邊的較迫的位，因已坐低在四人枱(其實都只可坐兩人)，我不肯，佢就做其他枱也不幫我執枱！後來我叫佢開茶，佢話要等！今時今日香港服務業已越來越差。