人和荳品廠 (已結業)

30-12-2005 1918我有時喜歡食過遲來的下午茶先至返屋企食晚飯，今晚去銅鑼灣搭車時，經過這裡，想食的荳類製品，咁這裡適合不過。叫了一碟釀鯪魚煎豆腐先，4件新鮮煎，就算隔左一陣，都係不錯，鯪魚肉應該只係落左少少粉溝稀，如果有果皮落埋去就更加正。之後再整多碟炒麵，炒麵我叫佢多芽菜，真的冇拓手掙，質感及味道，加埋芽菜仔的影響，與粥舖質素有過之而冇不及，就算凍食都一樣美味。如果叫我淨食芽菜既話，自己係街巿買然後自己煮仲好。兩碟都係9蚊，加埋唔駛廿蚊，如覺得平時在附近的午飯或晚飯價錢貴，這裡絕對係抵到爛之選首位，還比魚蛋粉飽肚，當然要計埋營養。