仙跡岩 (至秀商業大廈)

营业中

休息中

食物質素跳樓式下降一直有幫襯，覺得平味道又唔錯。可以話童年回憶，一直都支持。點知無嚟一排，就變哂。花枝丸麵線已經好似改哂貨源，味道完全唔同。 麵線變成類似壽桃牌麵，完全唔係以前嘅台式麵線了。 花枝丸又係，變左無咩味，以前嗰隻好有花枝香。講真，食左20年，個味唔同左一食就知。另外，湯底淡如水，煮得非常求其，成碗都無食了。 如果咁無心做，食物質素咁，真係好難再支持了。可能真係變成回憶碎片……………………..

這店在佐敦地鐵站B2出口行1分鐘便到達，地面的入口小小，要行樓梯上一層才到餐廳。很久沒有到仙跡岩，這店在香港仍生存真是很難得點了杯珍珠奶茶（$30），味道很好，奶和茶的味道很平均，清甜也甜度適中，有茶香也有回甘，珍珠煙韌，大小適中，份量足始終這品牌在香港是珍珠奶茶的始祖，三十年前已供應珍珠奶茶，曾經紅極一時，也曾是學生放學的茶飲聚腳地，這店的奶茶味道質素如舊，維持水準，如舊用這款的厚身玻璃杯盛載，很懷舊，也讓你回憶過去的時光

吃台灣菜始終喜歡去元祖的仙跡岩，香港的分店不多了，要回味以前的足跡。飲品我最喜歡是冰荷可可，感覺有點像吃雪糕的滑而凍適宜在炎炎夏日喝又可選擇重量級大大杯慢慢品嚐。其次喜歡卡布點子，個人喜歡不太濃的咖啡而且口感幼滑，正！蜂蜜綠茶味道可以接受，不過不失賣相像啤酒似是。🍺🤔這裡的烏冬大大碗😬，配上吉列豬扒也可以簡中一試無壞！食物種類不算多。墨汁炸丸我就覺得味道一般而且熱氣，價格不算平屬一般。這裡的滷肉飯類淋了點如果可以硬身啲會更好，常黏在喉嚨。吐司我就比較鍾意藍莓果味，不算大件但Okay ！暫時心路歷程是咁多個人比較忙於工作，今年5月13日是卡布點子餐其餘的餐類也是之前的感覺，飮品最喜歡是冰荷可可其次是卡布點子，其他果味飲品屬一般貨！這裡銷費不貴，70多元有滿足感。

今日嚟到佐敦一間小編細個成日會去食嘅餐廳。當然我以前就唔係嚟佐敦咁遠，記得以前元朗有個商場叫新元朗中心入面都有一間仙跡岩，久唔久就會同屋企人去食個多士飲杯珍珠奶茶。嗰時候嘅台式手搖飲品仲未好盛行，珍珠奶茶對我哋嚟講係一個甜品級嘅存在。➡️豬頸肉滷肉飯$55 必須講第一眼睇落去佢係幾大碗，份量都充足，覺得係幾抵食嘅。不過佢嘅外觀就唔算好吸引，有啲似小編以前中學會食嘅學生餐…🤣滷肉嘅味道偏甜，冇乜滷水嘅香料味，而且佢嘅滷肉偏乾瘦。豬頸肉調味都係差唔多，不過好奇怪嘅係豬頸肉非常之淋，冇乜爽口彈性嘅感覺，非常奇怪，最後都講一講飯底偏濕同爛，小編唔多喜歡。味道🐽🐽➡️大塊雞（半份）（+$19）佢都係用台式嘅炸法，食落都幾脆口，不過中間嘅雞肉就比較薄，而且佢嘅調味粉唔夠均勻，有時有一大炸，有時有完全冇味。😟味道🐽🐽🐽➡️雙拼吐司 $24望落去佢係比以前細份左（定個人大份咗？😅），而且有一個幾嚴重嘅問題，就係我哋叫咗兩份，第一份明顯烘得唔夠，可能係焗爐未預熱好嘅關係，所以第一份唔似多士，只係一個厚方包，第二份烘嘅程度就明顯好好多！☹️至於味道，我哋試咗花生、椰香、蜜糖同草莓醬。花生蜜糖同草莓味道都正正常常。

記得有youtuber拍過啲回憶系列嘅影片，其中一間就係仙跡岩👣。⠀以前細個都中意去仙跡岩食嘢，滷肉飯🍛、麵線🍜、珍珠奶茶🧋，為咗一探究竟仲係咪以前嗰陣味，我就嗌咗豬頸肉闊條拉麵$42(轉麵線+$4)同凍茉香珍珠奶茶(原價$30，點粉麵飯可半價$15)。湯底偏淡、不過都食到有啲蒜味，豬頸肉唔錯唔會好鹹，配麵線味道適中，另外有幾片椰菜點綴🥬。⠀碗麵嘅份量算少，如果唔嗌飲品應該女士們未必夠飽😅，不過都唔太追求味道嘅質素啦，話晒都係香港嘅台灣料理鼻祖🤣，食個回憶咁啦🤣。

童年回憶既仙跡岩，全港得返四間分店🤣對上一次食應該係接近10年前。今次返去食返個回憶先。佐敦呢間分店都幾多卡位坐，幾啱朋友仔上嚟傾偈聚會🙌🏻和風吉列豬扒湯烏冬🍲大大嚿豬扒，炸到吉列皮好脆，豬扒都鬆軟，好不錯！呢隻烏冬食落都彈牙，配埋甜甜地豬骨湯，幾滿意的。花枝招展(炸花枝丸，蕃茄魚鮮濃湯拉麵)🍜花枝丸切開一半有兩粒🤣即係加埋得一粒。雖然食落幾香口幾好食，但得一粒有啲失望。而個拉麵本身以為係港式拉麵嗰種，點知似係好腍身嘅上海麵。個麵同湯都偏向淡味，不推介。小食-脆豆腐另外嗌左四件脆豆腐，外皮太厚，雖然豆腐嫩滑，但係都係冇咩味🤣飲品-夢幻雪香，香芋珍珠🧋兩杯嘢飲都OK ，吾會過甜或者過淡，珍珠都煮得啱啱好👍🏻

跳入仙跡岩這個「時光機」，就算日頭差點晒化，都仲留住當年嘅美味。先說小兵哥牛肉麵，牛肉片香濃有嚼勁，好得意，湯底過癮，每一啖都帶點鄉愁味道；面線吸晒湯汁，入口即化，讓人罌粟。叫埋場台風大塊雞，咬落去，肉質嫩滑，那種「脆皮軟心」，真係正啊！再點返杯芋頭珍珠奶茶，一啖珍珠嘢已經嘆為觀止，淡淡芋香，甜到剛剛好。諗起三牛麵嗰份酸甜滋味，配上啖啖牛肉嘅滿足，真系揾番童年記憶。飯桌對面嘅司機朋友話，佢個豬軟骨滷肉飯都係滿分表現，佢話滷得滑口唔油膩，個人特別推薦。脆豆腐外脆內軟，完美示範咩叫「外剛內柔」；隔離枱嘅嘉賓正享受佢哋啲花枝丸，香脆唔膩口，驚喜萬分啊👏🏼。不得不講，杯裝胚芽珍珠，增加咗啲獨家特色。彷彿一秒鐘，又返到曾經嘅好時光；每一次啖啖食，心頭都暖笠笠。這裡，唔單止係食客間嘅「味蕾對談」，更係一場時光嘅盛宴。仙跡岩，你話老土？唔，呢度就係記憶中嗰碟味道。🍜🥤🌟

話說呢間餐廳送餐嘅速度就真係非常之慢，係可以推咗佢三次都叫我等吓，重點就係遲過我入座嘅客人都已經有嘢食啦，身為一個趕住返學校嘅學生，真心差啲俾佢搞到遲到到佢俾嘢食我嘅時候已經差15分鐘就夠鐘上堂，等咗成半個鐘，仲要用鯨吞嘅技術先可以快速將食物食完，順利趕回學校，我頂。我同我嘅朋友應該以後都唔會再幫襯呢間餐廳喇

我同班frd之前去食都覺得ok，但係今日去到，嗌完野食等咗差唔多半個鐘都未到，最後改咗做單點。啲嘢食係真係好食，但係出餐太慢，而且我哋喺同個服務員講完改單點之後，再嗌佢就已經不耐煩。

久不久經過也到此處下午茶。今天坐在最理想的位置, 品嚐着最喜歡的食物和飲品, 服務比之前有改善, 難得味道不變, 價錢也不貴。如果要挑剔的話, 部分傢俬比較殘舊, 最理想可以換沒有破損的。

同朋友去佐敦搵野食，行行下見到「仙跡岩」，這食店是我那些年代已經係度，已經有29年歷史，難得仍未結業一於走入去懷緬一下。勁肚餓一坐低先叫一人一碗招牌小兵哥三牛麵，嘩！材料十足，大大碗牛腩牛筋都算入味好淋，再叫小食有酥炸魷魚，ok ! 滷水蛋未夠入味仲可以好D，香脆蝦丸幾好味。天氣太熱我實在太口喝連飲兩杯，珍珠奶茶🧋生果茶，兩杯不太甜。環境方面經歴咁多年沒有太大裝修，所以也有點舊式佈置，餐枱面比較細。不過勝在同朋友開心食下野傾下計可以呀😊交通非常方便👍🏻

好耐冇見過仙跡岩，行過見到有一間，即管上嚟坐吓。食物同飲品嘅味道都同以前一樣，唔錯。珍珠奶茶係我心目中嘅味道。甜不辣係即叫即煎，熱辣辣幾好。價錢都相宜，$42 閒日下午茶。

仙跡岩係我讀書嗰陣同一班同學仔嘅回憶。印象中仙跡岩係第一間係香港賣珍珠奶茶既店舖，我哋放學後都會去飲嘢。最深刻係一杯叫「隨便」嘅飲品。每個人叫「隨便」都唔一樣。同一個人每次叫都係唔一樣。好特別！當然有人唔鍾意啦，因為有時唔知嗰杯係咩黎。今日放半day，過吓慢活生活，唔洗趕，放慢十倍速度，好舒服。經過佐敦見到仙跡岩，好耐無去過，上去坐吓hea吓。上到樓，可惜窗邊位置滿座，只好事但坐一張。下午茶時間食件cake，嘆杯珍珠奶茶都唔錯。其實食完lunch食唔落其他嘢，不過大家都話甜品係另一個胃，所以就咁決定。本來想食雲石蛋糕，缺貨轉食Tiramisu。味道麻麻，完全唔甜。後來先知係少鹽少糖食店。珍珠奶茶甜道就啱啱好，不過我都係少糖飲食嘅人。得閒黎食吓下午茶其實都幾舒服。希望下次有窗邊位啦! 

仙跡岩越來越少，不過在佐敦仍有一間，我間中都會去惠顧，因為我一向都喜歡飲它的苿香珍珠和牛筋牛腩麵線的，今次也不例外，但今次叫了三样餸(牛筋、牛腩、牛展)，牛筋和牛腩仍然不錯，但牛展就比較乾和韌，所以我下次不會叫這間的牛展了，雖然這樣，我加了$3轉麵線，麵線幸好無失準，可惜分量太少了;而苿香珍珠依然是香滑，青香得令人心曠神怡!本是沒有餐飲的，但可用半價來叫飲品，以下就是今次的午餐消費啦!除此，它的餐牌亦有很多配搭和各式各样飲品，所以仙跡岩亦是可以間中來的餐廳。

始祖係要去回憶下嘅，其實之前買過佢嘅即沖嘢飲包，好好好好飲😂今次特登去食lunch，其實主要都係飲番啲回憶shake到有泡泡嘅原始飲品😋坦白講，其實無抱有任何期望，真係純想飲珍珠shake shake，所以無期望都無失望😂嗌咗個紅燒牛肉麵，湯底好甜，甜過我杯無糖珍珠奶茶😂牛肉好入味，其實幾好食，酸菜都好甜😂朋友嗌咗杯芋香珍珠奶茶，都係無糖，對比起無糖珍珠奶茶有多啲味，層次豐富啲！不過啲珍珠好似發脹左，飲館好難吸到，仲有啲黐住。呢個價錢都差唔多啦，平時lunch 想hea食都可以去嘅