伊賀日本燒肉料理 (已結業)

為什麼我的朋友都是吃貨🤣🤣🤣今天帶著我去了尖沙咀一間叫伊賀的店吃烤肉。難得看見有個露台，即使有點熱，我們還是揀了最有感覺的地方。因為露台外不同裡面，室內全都系電爐，外面卻是碳爐，好特別。點菜都挺方便，用的是pad ，二話不說就先點了一大堆。先上的是用船載著滿滿的刺身，炎熱的夏日，火辣辣的烤肉，遇上冰涼的刺身，簡直是最棒的配對。嚐完前菜，當然得開始烤大量的豬牛羊雞還有海鮮，最推介聖子，很鮮味。還有大量不同的飲料，吃放題就是得這樣多選擇才來得爽😋😋

連唔喜歡任食既媽媽都讚好既一餐! 跟媽媽到伊賀食任食午餐, 想著應該會很大味, 但環境不但乾淨, 也沒有很大油煙味, 令人食得舒適! 要推介既主要是肉類和炸物, 因為真的有別於一般任食餐廳! 整餐暇喜歡是黑椒牛仔骨, 伊賀一口牛, 漬壺牛和牛肋骨, 牛肉質地很鬆化軟熟, 味道亦很鮮, 入味但不會過鹹! 雞肉都很可口, 肉質嫩滑, 好吃! 炸物基本上一定要食! 它的好是脆口得來不會油味重, 而且炸得乾身但內裡保持新鮮味及水份, 尤其是酥炸杏鮑菇, 金香同時能保存菇的水份, 自行加上七味粉, 味道更佳! 還有皮薄鬆脆滿滿芋茸既香芋丸, 薯格, 榴槤炸彈, 雙皮奶卷, 娘惹山葯, 都是encore 之選! 又燒又炸真的很熱氣! 不怕! 這兒有罐裝冬瓜水, 可以清甜滋潤一番! 真的不錯的一間燒肉任食! 值得一試!

星期六中午去食燒肉放題，入到去一枱客都無，最後食完兩個鐘都只係見到得兩枱客。唔明點解會有咁多正評，燒肉極難食，從來未食過咁差嘅燒肉，冇一款牛放得入口，燒左兩轉已經唔想再叫燒物。刺食非常一般，三文魚叫了一次已經冇再叫，炸物一般。汽水要$8一罐，Lunch放題$298加一 都冇汽水送。唯一慶幸係走嘅時間啲衫唔會太大味，因為現場根本無客，同埋啲燒肉一啲都唔香，食同聞都無味從來未試過喺Openrice打食評，但因為呢間野實在太差，好想提醒其他人，唔好中伏

難得有朋友請食燒肉，咁我就應他的邀請，嚟到佢所Book嘅燒肉料理餐廳品嚐一下啦。第一次上來，感覺裝修華麗，帶有日本風情。除此之外，餐廳內的私隱度很高，基本上只有企喺身才知道鄰座有沒有。人享用該餐廳的服務。另外，該店嘅間隔不像其他韓式燒烤餐廳般，很寬闊，很舒服。咁落單後不久，店員為我哋帶來刺身船，雖則是燒肉料理，但刺身質素不錯，幾好。再者，店員就帶來我哋所點的肉。不過肉嘅份量並不多，如果習慣以放題形式的情況下去燒，相信一定不會產生飽肚嘅感覺。相反，如果係以肉的質素嚟品嚐，呢間店舖嘅質素不錯，真的一分錢一分貨。最後，離開時覺得身上沾有很重的油煙味，可能該店嘅抽氣質素欠佳，亦或者燒肉料理就是這樣。

晏晝想喺尖沙咀搵間高質嘅燒肉放題一啲都唔容易，而且嚟嚟去去介紹都係得嗰一兩間。之前聽朋友講過話呢間都唔錯，一於決定嚟試下啦😁食物嘅質素都唔錯，上菜速度亦都非常之快，漏單嘅情況亦都比較少，而且佢哋係用pad落單非常之方便， 我自己亦都好支持呢一種方法，因為夠曬環保，唔使用咁多紙，同埋可以睇返自己落過啲咩嘢食😊而我就最鍾意食佢哋嘅蟹子沙律🤣 唔係燒肉唔好食。。而係燒肉以外嘅食物，最鍾意就係呢個沙律青瓜夠曬爽脆

很久沒來吃午餐，突然又想起了。現在的午餐比之前更便宜，四十到六十元左右，可以有燒肉、刺身的的選擇。我選了$48的角切魚生飯，刺身種類很多，因價錢關係，對質素沒有太大要求，普普通通嘅吧。還包飲品呢。

真心唔明點解可以有二百幾個好評。是我要求高？還是大多數人容易滿足或者要求低？啲食評究竟有幾可信，真係幾迷惘。其實幾句已經講完，食物碎濕濕，食味普通/偏差，通風不太理想(進入餐廳後咳咗一輪)，一定唔會再去。大多數肉類都是碎濕濕的，一口牛只有約一釐米丁方，壺漬牛是極幼極碎的肉絲，放在網上燒不久就燒焦，不同種類/名堂的肉味道都差不多，食完都唔知食咗啲乜。天婦羅碎濕濕唔緊要，但加埋皮厚又無沾汁和蘿蔔蓉，真係唔掂。海鮮又係碎濕濕，帆立貝只有五毫子大小，蜆又係細細粒，龍利魚又係細細粒，蝦和青口大小正常，但蝦好乾，青口帶腥。$298加一都無包嘢飲，另加無酒精飲品$30一位任飲，有酒精就$50一位任飲，開頭話一叫就要全枱都叫，仲要叫同一樣嘅，即係唔飲酒都要收飲酒嘅價錢，講講吓又話四個人起碼要兩個收飲酒價錢，一時一樣，講明話只有一個人飲酒都唔得，結果唯有一個陪三個唔飲酒，呢種不站在顧客的角度著想的營商手法，完全杜絕回頭客。服務中規中矩，算快（可能因為只得幾枱客），但最不可接受就係久不久有人埋黎搖兩搖你的飲品罐，甚至唔搖照收。唯一可取就是用平板電腦落單較環保，不像其他放題浪費大量彩色印冊的紙張。

首先，見到2xx幾個好評，滿心期待去食於是訂位，輕鬆訂到位。一去到坐底，無人話我地知放題食幾耐，稍等左一陣我地出聲先有人理我地。之前有一盤肉類是先比左我地燒先，咁講真，食燒肉，肉一上台便知龍定鳳，一睇感覺是中伏多，吾理啦，照食。味道當然是非常的一般再黎刺身，基本野，吾算差，好又說不上好其實我好少打食評，簡單黎講，我想帶出既重點係，吾明點解可以咁多好評，野食真心麻麻，仲有係職員收完碟勁大力掉入個盤度，好幾次個心離一離，係好影響到客人用膳。真心吾推介，打呢篇食評為左吾好再有人中伏

位於尖沙咀赫德道，地點方便；環境格局感覺充滿日式風情，坐位舒適。伊賀採用電子餐牌及電子自助下單，程序簡單方便快捷，上菜時間亦算合理；既可享用韓式燒烤，亦可飽刷一頓壽司刺身，各式其式，適隨尊便。價錢尚算合理，星期六、日$298，平日價錢更相宜，只需 $258，電話訂座可額外獲得75折優惠，但要留意優惠更新或變動。 大量不同款式肉類任點任食，伊賀一口牛味道尚可，不會太韌；漬壺牛，這個已預先調味，烤起可不用點醬油；帶骨牛肋肉，喜歡有骨的朋友，這個可以滿足一下口感吧；日式五花叉腩，燒起來火光紅紅，惹味香口。地獄雞翼，辣味濃郁，半支骨可讓客人優雅進食；怕辣的可選芝麻雞翼，兩款味道都不錯。香草龍脷雖然是冰鮮龍脷，經香草醃過後，沒有腥味或雪味；用小銻盆盛起來烤，讓牛油汁都留在盆子又不易燒焦，安排精明。刺身新鮮美味，帶子刺身薄切，要多吃幾片才能滿足。甜蝦三文魚不過不失。沙律菜新鮮，芝麻醬好味，簡簡單單的一份沙律。燒烤一般都比較少蔬菜，這個正好補回不足之處。牛油金菇金菇同樣用銻碟盛著燒，讓牛油不會流失，做法聰明； 沾滿牛油的金菇，太美味了。

哩間係烤肉放題，價錢中等，食物質素都不過不失，千祈唔好有期望，我印象好似冇乜野食值得推介，唯一好處係每人送一個movenpick雪糕，如果想平食燒肉放題可以一試，否則想有要求的話就唔推薦這間

餐廳喺尖沙咀赫德道The Hart嘅3樓，鄰近K11，shopping完嚟食就啱晒。呢度用平板電腦落單，唔駛寫紙仔咁煩，食物種類都幾多，除咗燒肉燒海鮮，仲有刺身、小食、炸物、壽司，要澱粉質嘅仲可以叫白飯、熱烏冬。等燒期間梗係先食刺身啦，叫咗三文魚、帶子、八爪魚、榮螺、松葉蟹棒刺身。帶子刺身又甜又綿，雖然薄啲細粒啲，但任叫就無所謂啦～八爪魚刺身鮮爽；榮螺刺身就又大粒又甜。蟹籽沙律都幾大份而且蟹棒係差唔多佔咗一半，仲有大量蟹籽，絕不欺場。火炙壽司不嬲係賣飛佛，火炙三文魚壽司、火炙牛拖羅壽司燒到啱啱好，牛拖羅食落有微微烤香味再加油脂香味，正。肉類主要係牛、豬、雞肉。伊賀一口牛唔算肥美但肉味都算豐富；日式五花叉燒就同平板相片唔同，冇調味，不過味道都OK。芝麻雞翼就係我對燒雞翼情意結所以又係必食。海鮮類我哋叫咗三種。活蜆係一兜連湯上，不過可能個兜有啲厚，所以都燒一陣先開口，蜆就細細粒不過都幾入味。牛油青口就係必食，隻隻青口都好大隻，上面搽咗牛油，青口新鮮再加香濃牛油味，如果唔係太飽每人食十幾隻都得。牛油金菇又同樣係一兜上，食金菇最麻煩係黐牙，不過牛油嘅鹹香同金菇嘅甜香混合又係無法抗拒。炸物 -

員工嘅態度十分之惡劣，食物麻麻，根本就唔值呢個價每位三百幾蚊，仲係有咁嘅員工咁嘅態度。首先，Book位時話＄298➕1，因為我哋10點半入座話有八五折，點知到買單時係完全冇折扣，未夠兩個鐘就提你要走人，個員工全程黑晒面，＂乒鈴乓啷＂扔啲碟入箱俾錢人哋仲要睇人哋面色收費方面根本就喺度嘅厄人唔會再有下次明明係開開心心同D同事去食飯點知被佢啲激到我哋個個都未夠鐘就要比人哋趕走，個員工話食唔晒就唔好叫啦，小心折墮

一個風和日麗的星期天中午，和一班爲食團友，到尖沙嘴赫德道的依賀燒肉料理食日式燒烤放題。依賀沙律，有三文魚蟹子等，一人分量剛剛好。蕃茄胡麻沙律，芝麻醬汁夠味。日式燒烤放題的主角，當然有不同款式的肉類。我們點了依賀一口牛，燒後有咬口;漬壺牛經醬汁醃過後，惹味;帶骨牛肋肉夠脂肪，燒後仍保留肉汁; 日式五花叉燒好搶火，可以不用再加醬汁已夠味，地獄雞翼的辣度尚可接受，不過個人口味就較爲喜愛芝麻雞翼; 雞泡魚乾燒後好有風味。糖心菠蘿，好快被大家清碟。香草龍利，牛油香草味濃。虎蝦大小適中。週末想在尖沙嘴吃個午間燒肉放題又不想和人逼，這裡可以多一個選擇。

午市放題! 好耐無試過，今日又熱又焗唔知食乜，去放題最好! 任飲任食，而呢度既放題有120分鐘，相當唔錯。一入餐廳看到有得圍住坐，幾有趣，第一次見燒肉餐廳有咁既設計其他都係卡位，坐得舒服。一條條抽油煙機，好震撼呢度都係用網但係粗身網旁邊有齊調味粉，燒汁，豉油唔少餐廳都轉左ipad落單，方便快捷又環保另外食物種類非常多，而且有寫明食物既份量。餐廳先俾左少量食物我地燒住先再慢慢點其他野食，so good前菜唔少得沙律，青瓜加蟹籽，入口清新爽口，好岩夏天食。雖然夏天都驚刺身易變壞，但三文魚同帶子既溫度都keep得唔錯，味道都唔錯，香夠甜。好鍾意餐廳既份量，一份只有半隻，即使唔鍾意食都只係食半份就ok。而且量少，可以食多幾款唔同既食物都得，唔會好快飽牛舌同雞翼唔錯，但牛舌唔洗燒太耐，燒太耐易乾之餘好易痴網五花腩最正，燒得岩岩好，點少少醬汁，入口又香又彈炸物都唔輸蝕海苔多春魚夠哂入味，除左多春魚夠甜，仲有滿滿既海苔香味，味道非常夾encore首選係青口，夠大件之餘加上芝士汁，燒起又香又多汁蒜蓉牛油煮蜆都唔贏蝕仲有鰻魚玉子放哂上網一獲熟蜆夠甜夠入味，而且蒜蓉牛油味超香，食落仲要無沙，正呀!!!榴

第一次喺open rice寫食評，因為呢間所謂燒肉放題實在差得太誇張...我同幾位朋友一入座 個個都feel唔到個冷氣有風吹出黎，開埋爐燒肉 啲煙焗住我地，好似去咗bbq咁，大排檔都涼過佢！同個staff講，佢話已經開到最大，成餐飯濕住條頸食。到食物質素，老實講人均三百零蚊 點知野食質素差過一般二百蚊嘅放題，刺身一見到已經知唔新鮮 唔甜又唔太凍。連wasabi都要喺ipad度order 既混亂又唔貼心。以為 一口牛實無死啦？錯啦，連咁基本嘅野都可以煮到無味，好似食緊瘦肉咁！真係一邊食一邊嘆氣。另外，企reception個男職員埋枱時態度惡劣，語氣強硬 眼神凌厲，明知個下欄箱近客都照樣 “乒鈴乓啷” 扔啲碟入箱，仲要幾次。未試過不餐廳差到我想寫食評，佢係第一間！叻仔希望呢間野日後各方面嘅質素係對得住個價錢，唔好要啲客比錢買難受。