伊賀日本燒肉料理 (已結業)

今日朋友生日，我就預先book咗呢間燒肉放題同佢慶祝birthday。伊賀日本燒肉料理。燒肉放題一般都係熱，而呢間餐廳個冷氣機牌子，係用名牌，超爽個爐好乾淨。雖然係燒肉放題，但啲刺身絕對有驚喜，好新鮮！夠夠都好爽口。肉類都算多，每一件都好細件，食完可以再叫，咁就可以樣樣都試到。成碗可以放到爐到燒。蝦刺身必叫，超正。海膽手卷必叫，海膽量唔少。壽司都係，堅正。所有肉類都好好食，特別係牛，冇得頂！排得好靚呢

番咗五日工。星期六放假要放肆一下。中午黎「伊賀」食個🔥肉放題。中午食平d時間尚早人唔多。油煙味都無甘犀利。用ipad落單。方便又環保溫馨提示小心order。有價錢要額外俾錢架。飲品要$8罐。一坐低會送上🔥肉拼盤。雞翼一條條。易🔥又易入口。個味道仲唔錯添貴價海鮮青囗同大🦐都有提供。大🦐新鮮彈牙。最驚喜係有蝦膏燒肉點少得牛舌牛仔骨。牛舌薄身。燒幾秒就食得日式放題嘅芝士年糕。香芋波波。榴彈波波都有得食。必點之選。靜🐔🐔話你知。為食妹👧🏻最怕食燒肉放題。最怕食到個身一陣臭味。「伊賀」嘅抽風系統唔錯。完全個身無臭崩崩情況出現。

週日放假雖然都要溫書準備考公司試但難得幼稚園同學叫到出黎食燒肉放題好掙扎之下一於偷下懶出黎啦XD餐廳環境都唔錯的雖然係燒肉店不過煙烤味都唔錯好濃通風做得唔錯亦係抵讚呢度點餐採用Ipad落Order夠哂方便而野食款式都幾多最後我地叫左刺身組合同埋炸物另外燒物就叫左香草龍脷柳、一口牛、牛舌、地獄雞中翼、雞腿肉、翠玉瓜、茄子同埋冬菇刺身組合有三文魚、甜蝦同埋玉子燒啲刺身夠新鮮厚切三文魚同甜蝦夠大隻誠意加哂分炸物上枱香脆熱辣依然即叫即整亦係優點之處地獄雞中翼辣度適中唔會太辣唔似咁地獄所以少食辣既朋友都啱食而且佢幫埋分開兩邊食得好方便香草龍脷柳香草味濃醃得入味亦夠嫩滑燒好食落亦唔會好鞋牛類牛舌同一口牛都系我至愛燒起上黎又吾會冇晒牛味肉質都仲好嫩就算燒完食落亦唔會好鞋菜類有小食枝豆, 翠玉瓜, 茄子同埋冬菇可以消化下順便有個健康啲既感覺XD燒烤必叫

朋友推薦有間好吃日式放題燒肉店，於是星期日的中午便跟好友來到了位於尖沙咀The Hart的伊賀日本燒肉餐廳裝潢富居酒屋感覺，恍如置身日本放題肉類選擇甚多，有比較少有的雞泡魚乾和豬大腸，還有刺身、壽司、小食、炸物等等。餐廳採用自動化點餐系統，把食物分門別類，非常方便呢隨便點了些刺身來吃，質素不錯，三文魚幾新鮮肉類方面點了牛舌、一口牛、雞翼等等，牛肉質素不錯，牛味濃郁。我最喜愛既係燒雞翼，雞翼已貼心地切開了一半，應該係加左泡菜去醃製，香辣惹味炸物方面，熱辣辣，油溫控制得好所以炸得金黃色。推薦炸多春魚同芝士年糕，肥美飽滿，好好食！另外仲有榴蓮炸彈！內餡豐富滿溢，榴蓮味濃，身為榴蓮控的我表示大滿足蔬菜類大大塊厚切，夠晒健康喜愛燒肉而又大食既朋友可以黎試試

都有不同刺身擇，食左少少北寄貝刺身同帶子刺身。沙律都多姿多彩，我哋叫咗伊賀沙律同蟹子沙律。另外點少得枝豆同埋牛油金菇呢。伊賀沙律比較多橄欖油及有帶子和三文魚刺身，好和味，菜非常新鮮！蟹子沙律就比較多沙律醬，肥點，但都係異曲同工做法。反而可能覺得蟹子脆又有汁就比較鮮味。提一提，海之卷似花之戀咁。蟹籽好脆，帶子幾新鮮無乾冰凍味，飯都處理得不錯，無散開哂。仲有火炙牛拖羅壽司好吸引紅美美，牛肉好嫩口，夠牛味！牛油金菇好好係係真正小碗燒，好細心切細左，我仲加左一份蒜蓉好調味。嘻嘻，超正，重蒜又嫩菇，好香。同埋用小碗少冇咁容易黑哂，健康好多。點少得真蔬菜，有南瓜、翠玉瓜、茄子同燒京蔥，呵呵。燒得最好係茄子，因為易軟易林點，醬汁易入味。之後肉類，由左至右。頭先燒雞泡魚干、手打墨魚丸、帶骨牛肋肉、比利時五花肉、伊賀一口牛及漬壼牛。燒雞泡魚干，以為整好，點知可以自己整飛舞魚于！超新鮮熱辣辣，好好味，咸咸配酒更一流，喜愛這小食！手打墨魚丸彈牙喎又大粒，正！帶骨牛肋肉係比較愛既牛肉，可能因為有骨，所以比較入味咁同香點，唔係話嫩，但牛肉質好實在同燒耐點也不老！比利時五花肉一半肥一半肉，靚，豬皮都處理無毛，放心

今日同我男朋友慶祝生日去左伊賀食午市放題發覺無咩人食我地去人地都走哂得我同我男朋友兩個食但係服務員係全程黑面野食啲五花腩肉勁碎，同得肥膏埋單走人，行行下諗下點解咁貴先發現佢話午市75折，佢收我夜市正價錢太離譜啦 ，我就比多左錢勁嬲，明明咁少人都可以做野求其仲要收錯人錢我信你地，點知你地點收錢以後唔幫襯

The quality of the food is desperately bad. We ordered beef with bones, and were expected reasonably good quality food for this price (300HKD per person). Well, bones, there were... and rubber beef as well. Almost uneatable. Even pork was awful...This was my shortest stay in a “all you can eat” buffet, 3 minutes after being served, we were out of it. We paid for 1 instead of 2, which is the only positive feedback I can give to this “restaurant”.I hope this comment will be useful for future poten

我的一個在尖沙咀上班的朋友，時常想和我試試位於赫德道的伊賀日本燒肉放題,「伊賀」使用無紙餐牌，它的電子餐牌介面interface不俗 ,給我一個十分unpredictable的 user experience。我們當然立刻動起手指來，點了一席新鮮食材。伊賀一口牛、鮮貝、牛排、虎蝦等等。每一件食物都係一口過, 易食又方便，更加唔使整污糟個嘴 。當然要再叫一些魚生當中有三文魚 、帶子 、八爪魚、希靈魚、等，都retain到剛上水般的那樣fresh很新鮮，當中嗌咗一碗冷烏冬，惟麵質較硬，粗糙但有烏冬香，當然把它拌了些芝麻醬後更煥然不同了！還有一些小吃小食便是紅紅的冰凍的八爪魚同味付螺肉。當中八爪魚大到我一個口都食唔曬,超滿足。最後叫了一些蟹子沙律同雜菜，非常鮮甜。 這間餐廳值得一讚食物同價錢都親民，服務也十分周到，侍應連忙地換骨碟，這些體貼服務真的讓我想明天再複桌(再來)。這就是一口大墨魚。蜆肉煮熟就可食，海水味重兼突出，而蟹子沙律的蟹子份量澎湃也值得encore。這大圓枱酒吧有好多種酒，可以同朋友品嚐 當然是要再另收費的呢。

今日同朋友行街之前去食個豐富午餐先去左伊賀日本燒肉料理入到下望下個PAD都幾多野可以點既樣樣叫住D先個環境都幾舒服講下今日食左咩先刺身類:八爪魚刺身,帶子刺身,榮螺刺身,北寄貝刺身,甜蝦刺身燒物類:鰻魚玉子燒,伊賀一口牛,紅酒洋蔥豬肉片,日式五花燒,帶骨牛肋肉,雞泡魚干海鮮類:牛油青口.墨魚咀,虎蝦,沙嗲魷魚鬚,炸物:多春魚,雙皮奶卷,娘惹山藥,芝士年糕,香艼丸有D材料俾你加,蒜加好多地方都好好食多春魚,雙皮奶卷,娘惹山藥,芝士年糕,香艼丸--多春魚超香口得黎仲要唔多粉,真係內熱外脆沙嗲魷魚鬚--野味到呢,個汁真係幾好食D豚肉都好香,薄薄地快熟鴨胸都幾啖啖肉牛都算幾好,重牛味冷盤八爪魚仔都唔錯,幾好食刺身,我真係狂食甜蝦加帶子,因為真係好新鮮好味食下D菜同沙律都唔錯中和下龍蝦手卷食落都幾正,配埋個汁落黎去好夾味燒菠蘿同大蔥真係好香口,又多汁,超開胃

Very disappointed by extremely limited choice of beef of this restaurant. We can see angus beef on their brochure but it doesn’t exist anymore. We ordered the one with bone but it was served still frozen and tasted like rubber! Totally not eatable!! Almost 300 hkd for this? We preferred leaving 5 minutes after than being served with such stuff! Horrible !!!

我第一次食燒肉 食到間舖似tvb火警場面咁 煙多到抽唔走 勁攻眼 收三百幾蚊 無咩特別野食 上菜既肉 全部碎濕濕 仲要自助點餐部機hand埋 有段時間無得落餐 唔知點解可以咁高分。

今日同3位同事一起聚下 搵左尖沙咀呢間燒肉刺身 本身對間野都抱幾好感覺 點知坐底開始叫野食就出事 首先叫既數量不符所點的 野食味道真系好麻麻地 刺身壽司可以冇壽司豉油 都算 食到最後吹買單 讓枱 但當時仲有好多枱同冇人定位 個價錢仲要5平 燒波羅未見過紙甘薄 切個位只可以讚刀工好 款式已經俾其他地方既少一大半 刺身又要讚一讚切個位 好刀工 紙甘薄都夠膽出俾客食 真系有良心既姐一句講哂食得勁5愉快 服務員又5好態度 試一次就夠 免費請我都5再黎

幾乎逢週末都會經過尖沙咀，需果腹時都會特意走到赫德道一帶尋覓質素高的餐廳，在樓上的伊賀燒肉料理餐廳 ,入場費同區來說偏中價約250元連加一，只看吧檯上的純正大吟嚷也足夠氣派。在此揀不同喜好的酒去同三五知己品嚐，當然需另行自費。以電子餐牌點餐，既方便又不失環保。放題來説，刺身款式選擇也足，帶子、甜蝦、三文魚等也必點。燒肉放題，顧名思義也有雞翼，一口牛，豬腩肉，牛小排等 ,食材新鮮肉味也突出，燒烤後只需輕點醬汁，味道更濃郁。一爐到處皆等待熟成燒肉，享用放題最緊要order快 ,燒烤速度勁快。地方要寬敞光猛 ,讓我們也 feel comfort, 更重要的是食物新鮮品質高好。附近放題店隨時需動軌一小時在門外排隊，這裏應該advance booking,人數也有限制吧。不用花時間在等位，我們也會再次相約朋友一嘗「伊賀」燒肉的滋味。

放假去尖嘴行街Shopping兼搵好嘢食，這間位於赫德道的＂伊賀日本燒肉料理＂中午時段有七五折幾抵食，人流不算太多環境安靜，有120分鐘慢慢休息下，食飽飽先有力行街架😎甜蝦刺身，帶子刺身，燒牛肉壽司🍣想不到食燒肉放題可以吃到高質的刺身🤩甜蝦大大隻黏口新鮮，帶子柔嫩細緻鮮甜燒牛肉壽司牛肉入口即溶牛脂微燒有焦香味，蟹子沙律🥗蟹子沙律即叫即做很新鮮😋伊賀燒肉拼盤🍽一坐下還未叫嘢食先來一盤伊賀燒肉拼盤質量不錯👍🏻虎蝦，伊賀一口牛🦐虎蝦大大隻夠彈牙鮮味，一口牛肉質煙煙韌韌味道濃郁帶骨牛肋肉，牛舌👅最鍾意有骨落地🤣🤣牛仔骨香濃軟腍，色澤鮮潤質量高，牛舌較薄身但有咬口牛油粟米，牛油金菇🌽牛油粟米和金菇encore了幾次，牛油味香滑，建議燒時間長些令底部微微焦更香口👍🏻

每次A姐話好肚餓，佢就會話：食得落一隻牛。之但係每次佢都未食到一碟就已經開始話飽，不過，佢今朝好唔同，佢竟然話食得落兩隻牛，難得佢今日咁開胃，一於食晏都去食放題啦。呢間位於尖沙咀嘅伊賀日本燒肉料理，除咗燒肉，仲有刺身，選擇好多，而且夠大夠闊落，坐都坐得好舒服。日式小食日式小食係我哋每次放題必點項目，最愛螺肉大大粒，好彈牙。刺身食放題又點少得刺身，刺身選擇有松葉蟹棒、榮螺、北奇貝等，我哋就主打三文魚、帶子、甜蝦，雖然三文魚唔算厚切，但勝在肥美度搭夠；而甜蝦就新鮮彈牙；驚喜在於放題選擇有高成本嘅帶子，真係食多幾粒都回本。燒烤食燒肉料理又點少得燒烤呢？呢度嘅選擇唔少，有牛、豬、雞、海鮮同蔬菜類等超過50款，其中首推新鮮彈牙虎蝦，夠晒新鮮彈牙。至於呢個燒肉頭盤，我就最鍾意安格斯牛小排，牛肉味濃唔韌。伊比利亞橡果一口豬嘅肉味好出又多汁。至於漬壺牛嘅調味好正，肉質入晒味。至於一口牛的的骰骰，但牛肉味香濃，唔痴牙。牛舌雖然薄切，但肉味頗濃，肉質軟滑帶嚼口。金菇燒到乾身，牛油味香濃，必點。後記：當日店內職員唔多，常有漏單情況出現，而且去到last order時，會話賣晒，但同樣嘅嘢隔離枱照上。