伊賀日本燒肉料理 (已結業)

係Openrice search 到呢間放題，見好多笑臉就book 嚟試試！一去到，仲有好多枱！以尖咀嚟講星期五晚上仲未爆既話都好難得坐低不久，朋友已經覺得燒烤既煙好淹眼！ 環境一般食物方面，刺身唔算新鮮，沒有想encore 的衝動！ 燒蝦霉霉地，肉類還可接受！以三百幾既放題比咁既質素真係麻麻！最後movenpick雪糕係要問佢先比你，如果唔記得問就真係連雪糕都蝕埋！Btw ，點解會有咁多 ?!?!?!?!?!?!

👫今次嚟到尖沙咀呢到食日式燒肉放題，店鋪呈日式裝修，環境寬敞，座位都好舒適🤓 同埋採用開放式設計，食完都唔會咁重油煙味😚一一一一一一一一一一一一一一#華美清馥燒肉放題 <$258>🔹限時120分鐘🔹平板電腦自助下單🔹此價錢只限星期一至四🔹75折優惠食物種類選擇繁多，有刺身、小食、野菜類、燒物類、海鮮類、炸物、壽司、酒類、飲品類及醬油😚.刺身有三文魚、甜蝦同仿鮑片刺身等等，全部都好新鮮😳.小食有沙律、味噌湯、芝麻八爪魚等等😊野菜類有翠玉瓜、牛油粟米等等，牛油金菇係必食推介，牛油味好香，加埋煙韌嘅菇，口感好正😋.燒物類有牛肉、豬肉、雞肉等等😁豬肉醃得好入味，燒到微燶，好似街邊啲串燒咁香咁正，基本上唔使蘸醬都夠味🤤牛舌食落爽口彈牙，漬壺牛比較細塊同濃味啲，啱曬鍾意食得重口味嘅朋友☝🏻辛口海鮮醬豬頸肉都幾辣下，不過好香，醬汁比較多，就算用大火燒都唔會乾身🖖🏻除咗肉之外仲有腸仔同墨魚丸，燒到外皮燶燶地再食真係好似bbq咁，好正😳.海鮮類我地淨係嗌咗燒帆立貝同活蜆，食落無腥味都無咩鮮味，要蘸醬先夠味😕.炸物有香芋丸、炸薯格、雙皮奶卷、炸雞軟骨、天婦羅等，全部都係即叫即炸😝榴槤控嘅我

外甥女考完試，都知佢辛苦咗好耐，就帶佢去食燒肉放題，等佢開心下。來到尖沙咀一間燒肉店，環境唔錯，座位寬敞，最欣賞係抽氣系統夠力，又夠靜，食起燒肉時，都唔會大油煙，亦唔嘈。外甥女一啲都唔客氣，吩咐我拎起部 Tab 幫佢點嘢食。先食些熟食:-火灸三文魚壽司、八爪魚和唐揚炸雞，味道唔錯啊!再來就係燒肉拼盤、五花肉、一口牛、裡肌肉、漬壺牛、牛肋肉。好新鮮、細細件。燒起上嚟好快熟，好快有得食。一口牛，超好食。青口和大蝦，啖啖肉。呢度連墨魚咀、八爪魚鬚都有，當然要叫嚟食啦。燒啲南瓜、冬菇、生菜來食，僻下肉味，無咁漏。掛住食燒肉，差點忘記食帶子刺身，拿臨補飛，食番先。其實，食咩都無所謂，只要外甥女開心，我就開心。

今日係假日，去咗呢一間日本燒肉，叫做伊賀！先唔講佢嘅食物，但係佢哋嘅地點好特別但好難搵到亦都係一個新起既大廈。入到去，員工服務非常周到，先來左一個伊賀燒肉頭盤，裏邊,牛小排，一口牛等等，但我最鍾意嘅就係安格斯牛肉！除咗頭盤之外，我哋都可以自己用電子餐牌去叫唔同嘅嘢食，由於係減肥期間，所以我就叫左兩個沙律，分別係三文魚沙律，同埋凱撒沙律，兩個都好清新，唔多着兩個都好清新，啱晒開胃同減肥嘅你呀！由於食物款式眾多，但我哋都冇可能做得晒，所以之後我哋就叫咗啲壽司，叫咗火石三文魚壽司，令我最覺得特別嘅事，牛拖羅，而且佢真係好鮮甜，入口即溶，好多肉汁，大家可以不妨試吓！啲小食，我哋叫咗炸雪糕，佢仲有其他唔同口味可以俾我哋揀架，我哋仲叫咗令我哋覺得好意外呢都會有嘅食物，就係炸薯餅，但係略嫌個薯餅唔夠趣同埋有啲硬！我哋仲叫咗啲海鮮，以佢哋嘅海鮮都好新鮮，喺圖片可以見到，嗰啲客係好大隻同埋好新鮮。最後店員送咗一個movenpick雪糕俾我哋食，真係好好人同埋服務好呀！大家都可以去試吓！

自問是愛吃日式烤肉的狂熱份子，一有烤肉新店開張或人氣熱店也必試，唯獨是曰式烤肉放題倒是未曾試過，今天就去試試看。這間日本燒肉料理位於尖沙咀赫德道。餐廳裝帶有日本特色。放題午餐內容十分豐富，有刺身、小食、燒物、海鮮、炸物、壽司等，全部都是任點任食！這兒的烤肉細細片，可以多試其他款式。燒物中，首推黑椒牛肋肉，牛肋肉肉質細嫩軟稔，又juicy 又入味；牛舌幾有肉香，口感爽爽的，帶點脂香；而伊賀一口牛細細粒，有肉味，帶點嚼勁，唔會過於肥膩。海鮮有活蜆、帆立貝、虎蝦同牛油青口等等。燒過的活蜆蜆肉嫩口，滿有海水味，份外鮮美；虎蝦大大隻，燒過更為甘香，仲有唔少蝦膏在蝦頭，正！火炙辣味琉璃蝦壽司這琉璃蝦壽司蝦肉爽彈，帶一點辣勁，味道唔錯；三文魚子壽司的魚子醃得咸香，粒粒爆汁，完全唔會腥；火炙牛拖羅壽司的牛肉，薄薄的充滿脂香，牛味十足；龍蝦手卷的饀料唔少，龍蝦肉伴上沙律醬同壽司飯，簡單而滿足。還點了比較特別的荔枝紅茶同水蜜桃紅茶。前者帶有荔枝味，酸酸地又冰涼，十分解渴。而水蜜桃就甜甜地，茶味比較突出。一小時暢懷任食，完全不用考慮價錢。298 + 10%, 全單七五折，即約$245一人。以二百五可多試各款

呢間放題烤肉我已經食過無數咁多次！之前夜晚同朋友喺尖沙咀開完會，都會選擇係呢一度食放題同烤肉。不過唔講唔知道，原來佢都有午市，而且午市都幾受歡迎，亦都有唔少嘅客人捧場。午市或晚膳唔同嘅地方，係佢會提供日本丼比客人食，咁就唔洗驚食唔飽。我同朋友同以往一樣，每人都幫襯放題優惠，用嘅係電子螢幕嘅落單儀器，一次過點晒好多唔同類型嘅刺身，真係非常之興奮！好鍾意食佢嘅甜蝦同埋帶子，全部都很鮮甜，以這個價錢吃到這樣的貨色，算是不錯了。而且職員通常係送多俾你，你寫10件佢上12件，好正呢。我朋友就比較鍾意食熱野食燒肉，佢二話不說叫咗好多唔同類型嘅燒肉，係我印象之中我比較鍾意食牛仔骨因為始終認為牛肉連着骨骼，是比較健康和充滿牛味的。另外的豬頸肉亦不錯，燒的時候很香，脂肪融合在熱力裏面揮發出來，實在令人精神為之一振！另外我亦叫了一個烤粟米，寫了兩份，但來的時候只有一份。為什麼呢？原來他們把兩份的份量放在一個大的盤子裏，烤的時候十分香甜，有些牛油味，非常多粟米。仲有唔同類型嘅壽司，原來比較後先黎，因為師傅都需要時間包妥，我哋叫咗啲手工壽司全部都好花功夫，好似劍魚腩同火炙壽司類型等等。果然等的時間沒有浪費，壽

地方算係坐得舒服, 坐位夠大, 呢點很重要, 有D餐廳圓桌成日俾人撞黎撞去呢到有最愛既玉子燒食, 味道算不錯, 比較硬身既玉子燒有d係十分鬆軟既玉子燒, 呢到係硬身d既.2種都好食.芝士玉子會俾個鐵碗仔俾你放入去燒溶d芝士先既~呢到d肉比較得意, 平時點餐係幾多份, 呢到係幾多件.寫4就係4件. 如果你點1, 佢只黎1件要注意.呢到肉黎講比較好食我覺得係牛肋骨比較多肉汁, 燒起上黎都易鎖到d肉味.豬黎講呢到d豬都調好晒味, 味道黎講算係好食呢到仲有sushi食, 火灸都係呢到最好食既類別,香港人本身多數都係愛火灸多 表面看到係熟既,同埋食落既口感係最彈牙同軟身呢到d爐就一開始會比較痴底, 之後慢慢先會溶左d脂肪無咁痴 就會油返小小呢類爐都係易起火.

平時食午餐都系求求其其就算...但今日由於早上多野做又冇食早餐，勁肚餓嘅情況下，一於去食個午市放題先..😋😋可能系我地兩點幾先上去，過左午餐時間.所以人吾多，可以舒舒服服地坐..佢地系用I-pad落單，吾自己寫既方便又快速...首先當然先一盤刺身食住先啦...我地叫左刺身甜蝦三文魚北寄貝鮑片玉子 帶子八爪魚刺身⋯⋯放題黎都算好新鮮...每款都食到鮮甜既味道，點幾多黎幾多..吾似有d放題都系亂比一通...👍👍之後當然就系主角嘅烤肉啦...一口牛雞腿肉辛辣海鮮醬豬頸肉活蜆凡立貝虎蝦沙嗲魷魚鬚 漬壺牛比利時五花腩薄切𥚃肌肉芝麻雞翼地獄中翼其實講真都比我叫到吾知咩打咩了..😁😁因為佢地實在太多野揀..每款都不會失望...海鮮新鮮，肉類亦醃得好入味...😋😋佢地仲有其他食物例如有：特級蟹盛軍艦雙皮奶卷芝麻八爪魚所以一定會食得飽同會系好滿足的一餐...😋😋😋😋

好一陣沒吃燒肉放題了，掛念那盡情任點任食的感覺，是日相約朋友來到伊賀，之前食過幾好食㗎。我地食早場，人不太多，店內幾乾淨，枱上用具無黐納納。任食不包括飲品，但枱上有綠茶提供，個人覺得已很足夠，除非想飲冷飲啦。用pad落單方便快捷，基本上很少漏單，除非已售罄。日式燒爐，如燒到燶左，可要求換網的。時間尚早未多食客，店內頗大，如全場一齊燒唔知抽風做得夠唔夠好呢。除了燒肉，仲有刺身食㗎，質素一般啦。壽司幾好食喎，飯軟腍餡多，細細舊剛好一口一件。蟹籽沙律勁多蛋黃醬，正。日式沙律貪佢用麻醬呀～炸物系列，都幾多款，較特別有炸雙皮奶，甜甜地幾得意。燒肉，都係牛、豬、雞啦，肉質一般，但勝在細細塊，焯一焯就熟，好快燒完又下一round，食肉獸啱哂，燒肉燒到飽嘅快感。個人覺得伊賀的豬肉好食過牛肉，可能因為醃左？雞肉同沙鮮都ok嘅，不過是日點的蔬菜沒來，仲想燒下菠蘿。美中不足沒有甜品，如果有雪糕送下就好了。

<抵食燒肉放題>🐷🔥呢間喺tst既伊賀 食燒肉放題 晚餐就258 一位 7點前就217 , 價錢合理食物質素唔錯 . 入面環境舒服 多係卡位 私隱度高👍🏻 通風設備都可以 不致於太大油煙 , 先進地係用ipad點菜 客人可因應自己需要點唔同數量既食物再落單 👍🏻 所有show喺ipad 0 蚊既食物就包喺放題入面 如果好似某d海鮮 海膽 酒類等 🍸 就要再加錢 今日小試牛刀食左 齋放題 冇加錢 食物都十分唔錯Ipad上既食物 豬牛雞分得好清楚 🐷🐮🐤 食物眾多 1.個人覺得佢既燒牛仔骨 同牛肉粒唔錯 好夠juicy 牛舌好夠爽口 加d 黑椒都幾入味 🔥 而豬肉方面 五花腩都夠哂肥美 juicy 但就唔可以食得太多 海鮮方面 海蝦 魷魚等都幾新鮮唔錯 醬汁有d辣都幾惹味🦐🦑仲有青口 帶子 😍仲有墨魚丸 多春魚 南瓜 肉丸等材料都十分唔錯 2. 仲有熟食 🔥 好似煉奶卷夠香脆 推介 我仲食左冷烏冬 都幾爽滑 同唐揚抹茶🍵呢個熱既甜品 都幾特別 3. 有刺身點 三文魚 八爪魚 帶子 等等 🐟 甜蝦🦐 味道ok以放題黎講算係平靚正 👍🏻最後仲有movenpick雪糕一杯 士

跟朋友來個放題日式燒肉，因為上次吃燒肉未盡興，決定放題！在香港，能吃到日式燒肉的地方不多，更莫說放題了。上開飯找找，找到尖沙咀的伊賀。自己幾年吃過晚市，覺得都ok，中午應該質素也差不多，價錢比晚市便宜，時間許可不妨試試午市！人比較少，坐得舒適一點又少一點油煙（其實抽風不差的，不過晚市滿座，不多不少也有油煙味嘛⋯⋯）每枱以電腦下單，有什麼吃一目了然，挺方便。放題最怕做大嘥鬼，這裡的肉類，按一，意即一件，所以無需估估下，想吃多少就多少。肉類種類也算多，牛豬雞各有幾款，亦提供海鮮，應該可以滿足各位食肉獸吧！肉類切割上是有點小，燒過後就變得更小了（汗）好處是快熟，但有點黏網，也有點像「炒肉絲」的感覺（笑）想起沒調味的牛，可試一口牛柳粒和牛肋骨。豬肉方面我覺得全部都不錯的，調味對辦，起碼不是韓式烤肉的味道。肉的質素就是放題的味道，你懂的。除了一類，也提供壽司，約十餘款，可惜午市壽司師傅落場，只能吃一轉就沒機會再點。刺身新鮮，也是約十餘款。炸物超多選擇，炸秀珍菇，蕃薯，炸壽司（經典！）我覺得都OK，可能是我本身喜歡炸物吧，哈哈～解膩之選有各式沙律，也有幾款蔬菜提供作網燒，萬眾其待的菠蘿點了幾次也沒

看到朋友仔分享睌餐~燒肉，突然燃起了這顆食肉的心，這次就來點新意，放棄以往經常吃到的韓燒，改吃日式燒肉吧。今天約了男朋友及媽媽食個人氣日式燒肉午餐，為方便媽媽返公司，我們選擇了位於尖沙咀赫德道4號The Hart 3樓，這裡任食午餐選擇多有燒肉、海鮮及其他不同食物，每枱獨立平板電腦下單非常方便快捷。店內的燈光昏暗，而天花上掛著日式小方燈，磚牆上則掛有各色日本風掛畫，感覺挺有情調，門口側的圓形開放式bar 枱位，供客人一邊細心欣賞師傅為你準備美食的過程一邊享受美食，亦可以與師傅交流，戶外燒烤坐位讓人感受到另一番風味。餐桌上備有三款醬汁，分別是醬油、麻油及燒肉汁，隨意用你調配帶出肉類及海鮮的鮮味。尚未開始吃燒肉之前，先來一客任點魚生刺身。這裏的刺身選擇不是很多，但尚算肥美新鮮。🍣刺身，厚切三文魚腩入口啖啖肉又新鮮，帶子同甜蝦味道鮮甜🍣火炙牛拖羅壽司，牛拖羅以火輕輕燒過後，肉質嫩入口即溶，脂香迅間充滿了口腔🍣特級蟹盛軍艦，蟹肉滿佈整個壽司，色澤新鮮，混合蟹子更有口感鮮味甜🍣七味三文魚軍艦，碎三文魚沒有辣味，質感偏腍不像三文魚，略為失色先食🥗胡麻番茄沙律，基本上沙律的味道不會出亂子吧，沙律內裏

😋身邊有不少好友都知我是位燒肉控，時不時會蒐羅來自唔同地方既燒肉資訊俾我，太幸福了！今次呢間系朋友食完話好食推介我一試👅我唔想夜晚食燒肉放題咁邪惡的關係所以就揀咗晏晝食！減低罪惡感😍.晏晝有個好處就系唔洗вooĸ位唔洗等位！唔洗逼 坐得舒舒服服😗😗.店內裝修系傳統日式燒肉店既裝潢！9成係卡位！無論兩個人或者四至六個人食都會覺得好有高嘅私隱度！因為佢係大枱而中間放了木板分開兩組客人😌👍🏻👍🏻想點單嗰陣發現咗呢度好環保！用ipad落單！簡單操作又清晰👍🏻⭐️值得一提既係佢張餐紙上面有個細心既解說就係燒肉既秘訣💁🏻‍♀️將牛肉放在爐中間燒，可以短時間內燒熟又鎖住肉汁。而其他兩款雞肉和豬肉燒燒的時間比較長，要放爐邊慢慢燒。店員見我地點緊野食既時候放低左碟前菜🔥頭一轉點左刺生，厚厚既三文魚， 爽口既北寄貝，鮮甜既帶子同埋甜虾，雖然唔係勁高質但全部食得出都算新鮮😌有刺生，無理由冇壽司份，浦燒秋刀魚，火灸牛拖羅，小肌魚，呢幾款都唔錯呀。火灸牛拖羅值得一試，用🔥火燒過後特別油脂豐富！😛好食燒肉就當然唔小得啦，係呢餐既主角💫點左大大粒既伊賀一口牛，燒過後仍然鎖住肉汁，唔乾之餘牛肉味仲好重添，果然日本牛係唔肉

已經唔知幾多年冇試過呢啲任食燒肉，食日式燒肉通常會去到日本先食，今次朋友就約咗黎食燒肉。裝修同個格局都俾人一種好乾淨嘅感覺坐低之後店員就會比部tablet我哋點餐基本上所有＄0嘅嘢都可以任食，就咁睇啲款都幾多，又有刺身又有肉又有海鮮，啱晒啲食肉獸即係我。不過要留意嘅就係 所有飲品無論果汁或酒，都係需要另加費用嘅，不過佢都有供應熱茶，加唔加就睇個人喜好～未點餐之前，佢就率先送上燒肉拼盤，呢六款係餐牌上都可以嗌返，有齊晒牛同埋豬～開始之前我就食個沙律先，帶子同三文魚仲多過菜。食食下就上埋刺身，甜蝦同北寄貝都幾鮮甜，反而三文魚麻麻，冇乜味搞咁耐 先食到第一塊燒肉，牛仔骨係幾有牛味又juicy 必食！個爐火夠大 好多款牛都係燒兩燒就食得，好似牛仔骨咁連骨就要燒耐少少，另外啲肉都有預先醃過，所以唔使點醬都好夠味，不過點埋燒汁就多重風味姐～海鮮類 最搞笑係連鯖魚都有得燒，即刻嗌黎燒下睇下好唔好食，結果係同日本便當入面個舊鯖魚一樣，一樣咁好食醃過嘅魷魚個味都唔錯架～尾聲就開始燒啲素，牛油金菇！好好味！溝埋粟米食又得，幾啖食晒。仲有生菜本來諗住包肉食，但見佢成盤上又打消念頭了。今次久違的燒肉體驗都不錯

閒日到尖咀食日式燒肉，發現到一間性價比高的餐廳，任食嘅形式但食到好味嘅牛有唔同嘅座位，吧枱或者係卡位，岩一班朋友食又得，自己靜靜地食都得。首先會有一客燒肉頭盤畀我地，有七款牛同豬的不同部位，但唔係全部嘅肉款，想狂食肉都仲有其他款架～原來黎到係唔同餐紙介紹個啲款...每款有兩舊左右，志在試下味先～個人最鍾意牛小排，牛味濃又有啲咬口，重手落蒜，好惹味！餐前小食，芝士八爪魚係我私心最愛，食放題任食乜乜乜都要嗌先心足。同樣係咩都有得食，緊係唔少得刺身，款式都夠齊，三文魚、北寄貝、甜蝦、八爪魚、鮑片、玉子、蟹棒，全部都嗌左小小黎試。總結係：麻麻，可以一試，都係專心食燒肉好了。食完冷盤就開始主角，燒肉！整體上我覺得牛係好味過豬，同埋肉類本來都有調味過，所以唔使點醬都食得～雞翼係單骨真係好貼心，食起來方便好多。再嗌多round 肉同埋菜 解下膩紫菜炸多春魚！推介 咬落香脆又啖啖都係春一人都可以食到好幾條！連海鮮都有得燒，蠔同蝦都係我覺得唔錯的，蠔有鮮味唔會腥，蝦就大大隻 新鮮爽口，可以再戰。講到燒點可以冇燒茄子呢 慢慢燒到佢又腍又多汁！同埋牛油金菇都好正，吸晒啲牛油香～成個lunch燒左兩個鐘，店員