佐禾町居食屋

营业中

休息中

⭐️#黃店《#佐禾町居食屋》🇯🇵🍱🍣🧏🏻‍♀️要係香港搵到食物質素好又便宜既日本菜唔容易！見呢間評價好好又好抵就試吓啦，但食完未去到好滿足嘅感覺🙈。⚠️如果經過都可以去試吓支持吓小店，因為真係唔算貴。1. #雜錦刺身拼盤（細）🐟🐠🦐：有海膽。三文魚。北寄貝。油甘魚。甲紋魷魚。帶子。甜蝦。⏩份量唔少，不過樣樣都正正常常咁又未去到好新鮮肥美🙈由其海膽，本身期望好鮮甜，雖然唔腥但無乜味🤥，其中一舊食落異奇黏口，呢個口感我諗唔係個個都接受到🌚，另一舊都有少少味既。味道：7.5/10Price: $2082. #火炙左口魚邊壽司（兩件）🍣：呢個唔錯，燒過後魚油好豐富，半融保有口感，唔腥。味道：8.6/10Price:$323. #日式牛肉鍋🍲：🤩肥牛份量好多👍🏻肉多過🥬。有啲洋蔥大白菜豆腐蛋。⭐️個壽喜燒湯底好夠味，咸甜帶肉味，唔會得個甜字。正😋味道：8.8/10☑️Price:$624. #燒汁厚切牛舌丼🍱：賣相就吸引。但食落啲珍珠飯好唔掂❌唔夠熱，有啲一塊塊痴實左，有啲又好鬆散🌚飯量好多，但冇汁送飯。🤷🏼‍♀️牛舌厚薄適中，好軟熟，唔係燒個種口感，似滷多啲，無乜調味。（最後靠小小黑椒同燒汁味既洋蔥撈飯食

之前聽人講太子有間食日本嘢嘅黃店，又好食又抵！就趁着放完假之前去試一試可能早去到雖然舖頭世都咁岩有位錯，坐低咗之後就全部都要等位啦，店員有禮貌，有文宣，有Yellow咭。。。。Set lunch 都有幾款，最後叫上一個刺身定食，一個魚生丼飯啲嘢食都好快到，同埋睇多幅圖都知道整得好靚仲好好食，個丼飯仲有大大隻蝦，刺身定食都好好食，尤其是個烏冬有蔥油味第一次食呢啲刺身飯係會食得飽不過係位置少咗啲食完就即刻走啦費事阻住人哋個位。有機會要再嚟幫襯因為真係有好食又平！Total $160幾蚊

一直以黎我都覺得黃店既食物麻麻，每次食完都唔會想黎第二次，但今次呢間小店卻令我想短時間再黎!! ☺️雖然座位同環境狹窄，但高性價比既食物，有笑容既職員，都令我留下深刻印象。6點黎到既我仲諗住入座等，但原來餐廳要人齊才可入座，好彩友人早收工，否則唔知等幾耐先有位。星期五晚6點半已經滿座，唔想等既朋友，其實可以電話預約。我同友人都中意食炸物，所以先柯打吉列炸蠔 $38/6隻炸蠔新鮮炸出黎，雖然粉厚左d，但炸得岩岩好，食果陣仲要爆汁，結果漏到一枱汁😂。當晚同場有幾位男士吹水食串燒，同職員表示，即使已經點左好多串燒，但都仍然繼續柯打牛舌，更講左一句「你地呢度d牛舌好味丫嘛!!」😏。我同佢地意見一致🤤，覺得牛舌串燒係必食之選!! $52/2串厚牛舌以鹽同黑椒調味，肉質爽彈，口感好好，以$26一串既價錢黎講，相當合理。壽司點左兩款卷物，分別係炸蝦反卷$48/6件同炸軟殼蟹反卷$48/4件呢兩款卷物比軟遜色，除左size比較細卷外，味道亦麻麻。首先炸蝦已經細隻，卷物再切到咁細卷，食落無蝦味😥，加上炸得未夠脆，食落更無層次；軟殼蟹卷都有同樣問題，食唔出蟹味；要食卷物既頭尾先食到蝦、蟹分別。海膽甜蝦拖羅卷

老公知我鍾意食日本野有日話要帶我去食又平又正嘅良心小店我地收工去到都6點30分左右因為我地即興食就無卜枱同埋係平日諗住唔洗卜都得點知去到全場滿晒！得返一張要搭枱 店員問我地介唔介意緊係唔介意啦～最緊要有位！ 一睇個餐牌 嘩 樣樣都咁抵食嘅？四十幾至九十幾蚊 一個丼飯心諗應該都好細或者唔太好食 老公知我鍾意牛舌又想食刺身就叫咗個牛舌丼$44同一個火炙魚生丼$70因為我地諗住咁平 應該好細碗所以想再叫刺身 想叫拖羅刺身 點知佢賣晒再想叫油甘魚刺身 佢又賣晒嗚嗚 咁無辦法啦 唯有食住先啦 唔夠食先再叫啦！ 每人有一碗味噌湯 有蜆肉 紫菜係入面 幾足料 味道都唔錯！牛舌丼上菜先 我忍唔住食咗一啖牛舌整得幾淋身 幾好食喎 同埋都有4-5大塊44蚊嚟講 真係勁抵食佢個汁似出面牛丼連鎖店個味撈飯食好正 老公咁大食食完都話飽 之後到我嘅火炙魚生丼啦一睇個賣相好正呀火炙三文魚燒過之後充滿油香 入口即溶送飯一流 中間仲有一塊帶子同火炙蟹柳唔會太單調 我最後仲食唔晒啲飯好彩無眼闊肚窄 再叫其他刺身如果唔係就實食唔晒 整體真係超級抵食 絕對係平民飯堂♪(๑ᴖ◡ᴖ๑)♪

這天在附近辦了緊要事，鬆了口氣，決定吃了一頓暢快的午餐。來到一間日式餐廳，叫的是一客午餐定食，應該錯不到那裏去。沒料到定食的前菜居然有大蝦刺身，蝦大隻不特止，蝦肉鮮爽彈牙，令人愛不惜口！主打的一大條銀鱈魚，經過西京燒的處理，魚油居是肥美泛濫的，魚肉自不然潤滑甜美，趁以少少沙律醬，一啖一啖的和著美味的白飯送入口中，滋味之處無法言諭！此外，跟餐的味噌湯雖然略為淡口，倒也夠熱，吃口飯再喝口湯亦為不錯。又試了一餐不俗的日式午餐呢~~

聽聞呢間係手足開嘅舖頭，而且性價比極高，所以決定嚟幫襯下佢！本身係想食佢個午市刺身拼盤，好可惜去到嘅時候已經賣晒。於是點左一個壽司餐，咁多件壽司，連埋湯，沙律，炸物都係$78。好抵玩。我覺得壽司都算新鮮，咁啱帶子賣晒，有幸地轉左海膽俾我，海膽係好鮮甜。三文魚切到好長，好滿足。炸物係炸蠔，味道都唔錯。湯都係正常嘅麵豉湯。唯一有啲失色嘅係個沙律，其實佢好足料，但係可能係啲吞拿魚醬令到佢濕答答，水份太多過水。感覺有啲奇怪。如果想食記得book位，舖頭唔算大，加埋限聚原因，每枱淨係可以坐兩個人，好full。

因為朋友咁啱係太子上堂所以就約左佢係太子食lunch係openrice搵下邊間好食朋友又話呢間店聽講好好食 咁我地就決定黎試下嚕係出面等緊朋友果時見到好多推介食品樣樣睇到都好好食🤩咁啱我地好彩，果時完全唔洗等位一黎就入得去啲野食真係好抵..日本嘢係香港黎講咁既價真係好少見好多嘢想試 但我真係太怕凍冬天食魚生我應該會凍到傻正所以我決定食個牛舌飯 (不過要留意返可能會無架，因為呢個係限量架)上到黎嚕好吸引 個味噌湯好好飲裡面仲有蜆肉仔😍牛舌飯係完全suprise左我...真係好好食牛舌個軟度好適中，一咬唔會覺得難咬或者太"淋"下次一定會再黎試多啲唔同嘢真係完全喜出望外呀Cp值高，但重點係味道好出色😍好推薦大家試下

去了太子區，搵良心外賣。外賣價錢都幾平， 見到好耐未食過嘅魚生飯，雖然呢啲食物係應該堂食，可以慢慢歎，但由於疫情關係所有餐廳還是停晚巿，沒有辦法之下都要叫做外賣，挺著打一個鐘頭食物不會變壞而吃壞肚子的冒險，買雜錦魚生飯回家。開門時見到內裡有很大的連豬和pepe, 門口poster, 立場鮮明。回到家， 吉列豬扒飯，燒汁牛肉飯隔一小時當然差很多，但味道都正常。反而凍食的雜錦魚生飯仍然好味， 魚生有八個款式， 而且質素很高， 吞拿魚魚生還有炙燒過，第一次吃吞拿魚魚生居然會有爽口的感覺， 唯一缺點是壽司豉油太少，不夠混飯吃，但足夠蘸魚生吃。＄70的雜錦魚生飯，絕對超值，食緊＄120質素。麵豉湯竟然有蜆肉，雖然有一點點的砂，是來貨問題，但是誠意可嘉。推薦。fb區區食玩遊，太子 佐禾町居食屋

天氣開始凍 想食牛丼暖下胃 行過見到呢間日本嘢有啲人排隊 時間充裕又排埋一份 好彩排咗隊 等兩枱15分鐘左右 後面越嚟越多人哈哈哈望望餐牌 四十幾蚊就有牛丼 雞丼 牛舌丼 仲送面豉湯午市滿場 等咗20分鐘左右有得食牛舌有六片左右 好冧好香 有洋葱伴碟 應該係用黑椒同醬油燒 唔會過咸 好好送飯飯俾好多我食唔曬哈哈 細食人記住嗌少飯我嗌多咗個野菜天婦羅 四十幾蚊有8件分別有冬菇 茄子 南瓜 蕃薯 除咗南瓜略嫌無甜味之外 成份天婦羅無嘢好挑剔 好好味放耐咗依然脆口 食到捧住個肚走~ 雖然午市好繁忙 得2個侍應睇曬咁多枱 但態度好好 唔該前唔該後 客人都會更有耐性等多一陣我見有啲食評話午市刺身同壽司餐好早賣曬 我臨走之前都聽到侍應姐姐話賣曬 所以建議一係早啲去(我嗰陣係2點幾) 一係就試下熟食 可能有驚喜~

環境：🌟🌟🌟🌟食物：🌟🌟🌟🌟🌟服務：🌟🌟🌟🌟 除左西餐，日本野都係好favorite，而旺角日本居酒屋都多，但今次呢間係性價比超高和食物質素好好的小店！！強烈推介✅當是8點幾去，無book到位，但好快等一台就入得，不過提提大家餐廳不收卡，只收現金。兩個人叫左細魚生拼盤，一個魚生飯，同一條鯖魚。個魚生拼盤好新鮮，二百幾蚊有好幾款魚生揀，竟然仲有海膽係入面。我本身好怕食海膽，因為好怕腥，但呢次入口好鮮甜，超抵食！魚生飯一樣好差不多5款魚生，平時食魚生飯出面都要百幾蚊左右，今次只係80幾，仲要係有質素的食物🤩🤩最後埋單，兩個人先食左300幾蚊👍👍

繼續限聚令. 試小店4人啱啱好好彩三日前Book 咗枱. 7:30到，8:00已經坐無虛席！平日星期二小店有如此生意，應該係食物質素中上先可以.Menu 內選擇不算很多，但對於小店廚房來講，就差不多了. 點了雜錦壽司(大)［尚算新鮮],椒鹽雞軟骨, 鹽燒牛舌, 燒玉子,燒油甘魚鮫,加州卷,蟹子沙律. 份量好足，完全滿足大食仔嘅我地😎Service 方面，係full house 嘅情況，一個女仔好辛苦咁滿場走，都可以有好好嘅招呼。值得一讚👍🏼👍🏼性價比高嘅小店！

朋友話想食呢間日本菜，見佢新開又係黃店，就專程嚟幫襯下😎又係好抵食又高質喎，要撐💪🏻💪🏻·💛雜錦魚生飯 $70有一大隻赤蝦、兩塊三文魚、兩塊油甘魚、兩塊帶子、黃金魷魚、芥辣八爪魚粒（相中睇唔到）、甜蛋、蟹柳望落有好多款嘅感覺，好吸引呢🤤赤蝦鮮甜，有挑埋蝦腸👍🏻黃金魷魚我第一次食，幾爽口唔錯芥辣八爪魚粒匿埋係魷魚下面，亦都係屬於爽口彈牙😚其他都係正正常常，價錢又唔貴，性價比幾高🤪·💛 火炙魚生飯 $70呢款就有五塊火炙三文魚、兩塊火灸帶子、蟹柳、蟹籽呢個相比雜錦魚生飯明顯失色啲，因為主要都係三文魚為主，較為普通啲🤣😂·💛活赤貝 $36店員推介呢款話好新鮮好多人食，咁我都見openrice多人點呢款就試試，我都係第一次食，連殼一齊上，又幾新鮮，幾爽脆👍🏻👍🏻·💛中吞拿魚腩 $58/4件呢個有筋，唔係入口即融，口感好似一般最普通嘅吞拿魚咁，有啲失望，差過壽司郎/Donki，唔推介🙈·🌟呢間正💛，會再嚟encore🤤🤤🤤下次應該會叫壽司/小食類👏🏻👏🏻

本身諗住去食午市刺身定食或者壽司定食。到去爆晒，要等大概3張枱。都等左差唔多成半個鍾先有位。等到有位入去叫野食，才知道刺身同壽司定食都冇，十分失望。咁就點左一個吉列豬扒飯同雜錦魚生飯。每個飯都送左個湯，不過就一般，唔夠熱，如果熱會再好啲。先黎左個吉列豬扒飯，其實係滑蛋豬扒飯，開頭黎睇落去個樣係ok,不過拎起啲豬扒就發現啲飯好多水，水汪汪咁，完全唔掂，吉列豬扒好大陣油益味，可能啲油番炸左好多轉啦。食左一半就冇食喇 ，真係食唔落。個魚生飯就算可以啦，刺身係ok既，不過啲飯就真係唔得喇。唔夠黏，有醋味既，口感一般。本來仲想叫啲小食既，不過最後都冇叫到。餐廳較少，比較迫，但都是可以的。員工態度都可以，如果能一早講有啲咩係冇既話，我諗我應該會冇咁失望。

同事介紹左我食呢間日本料理，因為好近我返學既地方、所以食飯時間約埋同學仔一齊去試下，高質素既日本料理，價錢亦都好高，但呢間質素好但價錢親民。我覺得日本料理要試好唔好食，最好就係試下魚生飯，叫左一個三文魚腩碎同刺身飯，我覺得佢既魚生好新鮮，而且份量亦夠大份，就算男士食都夠飽，而且刺身種類亦好多款。

今日嚟開附近，聽朋友講最近呢度開咗間新嘅日式料理就嚟試一試。店舖外裝修走日式原木風格，連門口都跟足日本餐廳，少少透咁好似日本大廳啲屏風，即使就咁係條街行過都會俾佢吸引到望一望👀門口已經擺放少量餐牌，唔駛$50就有野飲同野食，而款式選擇亦唔少，雞牛豬魚都齊，十分吸引😍入到餐廳見到牆上掛滿類似日式浮世繪壁畫，同時店內裝修風格貫徹始終，採用大量木質材料，透露出傳統日式氣息，使用黃燈感覺更溫暖。💛🥢帶子$28兩件 油甘魚$28兩件 三文魚$22兩件 蟹肉蟹膏$24兩件 先叫個壽司開始呢一餐，帶子夠鮮甜，油甘魚同三文魚都切得夠肥厚，蟹膏亦夠甜唔腥，值得一讚係軍艦壽司嘅紫菜唔淋夠脆，呢個價錢絕對抵食😋🥢火灸三文魚腩$30兩件 火灸左口魚邊$32兩件 推介🔥火灸後迫出三文魚同左口魚嘅魚油，令口腔充滿魚油嘅甘香，火灸左口魚特別好食，夠肥美爽口🤓壽司質素頗高，食得出材料新鮮😋🥢軟殻蟹反卷$48四件軟殻蟹炸得香脆，亦都食到蟹肉，唔係一層好厚炸粉，再配上青瓜同蟹籽，饀料十足，大大件好滿足。計返一件只係要$12咋🤩🥢日式牛肉鍋 $62除咗壽司當然要試埋熟食😌牛肉份量十足，食極都仲有，但略嫌牛肉唔夠嫩滑。勝在湯