佐禾町居食屋

营业中

休息中

星期六下午去食，都等左15分鐘位，入到去都坐得舒服，亦有茶提供，我地就叫左兩個set~刺身定食$98（18:00後+$30）配：刺身6款（赤貝、三文魚、油甘魚、帶子、生蝦、北寄貝）、沙律、前菜（餃子）、麵豉湯、迷你蔥花烏冬Lunch 100蚊有找嘅刺身定食真係值得一讚，赤貝係好鮮甜，其他刺身都好厚身，都唔會好腥，仲有前菜係炸餃子，都好okay，只係烏冬淋左少少，但成個set cp值都好高！壽司定食＄88（18:00後+$30）配：壽司6件（三文魚、帶子、油甘魚、海膽、魷魚、生蝦）、卷物3件（玉子壽司）、沙律、前菜、麵豉湯壽司嘅魚生同刺身嘅味差唔多，都係好食，對得著個價錢，海膽就差少少，有少少咁腥，但都要重申係對得著個價錢！

《不負責任食評—佐禾町居食屋》評分：🌕🌕🌕🌕總評：價格相宜，大件夾抵食，質素唔錯叫咗兩個餐再加幾個小食都係每人$200有找，會再翻兜——————————————《刺身定食》總共有六款刺身，上網睇到每一日嘅款式都會有少少唔同個人覺得最抵食就係嗰隻赤貝好多時出去食一隻都要4-50蚊刺身都新鮮，質素唔錯本身跟餐係烏冬但係可以免費轉壽司飯或白飯《炭燒鰻魚定食》一上枱睇落其實有少少失望鰻魚唔算好肥美，比較瘦削，而且份量偏少食落就都係一般急凍鰻魚嗰種口感，無乜驚喜下次會主要食返佢啲壽司或者刺身《日本生蠔》肉質飽滿、味道鮮甜，食完好滿足《燒油甘魚鮫》外皮燒到有啲焦脆，油香十足建議要放少少七味粉同埋檸檬汁，超好食！《和牛粒串燒》見$38兩串就嗌黎食下一食就超級失望因為其實佢唔係真正嘅牛肉粒而係用類似漢堡扒嘅肉嚟整成粒狀燒同我想像中嘅出入太大唔會再encore

太子日本菜黃店🤨🤨之前見到好多人都介紹呢間，之前專登去試下係咪真係傳說中咁好食先🫠❤️ 刺身定食 $98刺身定食有味噌湯，麻醬豆腐，炸餃子，刺身拼盤同烏冬～麻醬豆腐正常發揮無咩特別😂炸餃子就唔熱既，可能係預先整定，但都算脆，只係配沙律醬有d搞笑🤡值得一提係味噌湯有幾粒蜆肉，加左少少分🤣刺身方面就真係有少驚喜，本身呢個價錢都無expect有咁多款😝帆立貝，三文魚，油甘魚，北寄貝各兩件，另外仲有一隻蝦同生蠔😆刺身比想像中新鮮，食落都有鮮味，魚都幾肥美，只係隻蠔略嫌太腥😵‍💫😵‍💫但呢個價位食到呢個質素既刺身幾surprise! 烏冬係扁烏冬，唔煙韌，唔係讚岐/稻庭烏冬，醬油湯底，呢個就真係for你食飽only，麻麻地🥲❤️ 壽司定食（B）$88定食B主要係火炙/熟既壽司，都多選擇但食材都係同上面嗰d差唔多，都唔錯但刺身好似食得開心d，另外可以加$6配烏冬，呢個定食本身係壽司，唔加都應該夠飽😎另外發生左都少少搞笑既小插曲，因為之前網上見呢間都多人排隊，餐廳開12點，我地大概12:10到，落單既時候店員同我地講話未有壽司飯唔落得壽司住🫣話要1230先可以開始落單，而我係唔明點解唔可以落住先，你到時

上次已經嚟過一次~覺得佢嘅刺身都算新鮮，今次索性過嚟試佢嘅刺身定食❤️由於刺身係當時發板嘅，所以都唔知上菜嘅時候自己係食咩㗎😂 隨時可能都會食仲自己唔想要嘅刺身~整體嚟講，刺身定食都不過不失，味道還可以，大份都夠新鮮，唯獨是定食入面個烏冬已經索曬水， 已經淋曬冇咁好食😰😰$98已經算幾抵另外，叫咗份牛舌定食，牛舌定食份量一時時，上次去嘅時候牛舌多到爆炸， 今次去嘅時候牛舌少咗1/3， 不過味道還可以，68蚊嚟講不過不失，都算淋身👌夠飽呢間嘢我都會再幫襯，下次要試埋佢嘅壽司定食先❤️#黃怪獸 #黃怪獸覓食 #太子美食 #香港特色 #日本 #日本菜 #japan #japanesefood #yum #yummy #foodie #foodblogger #foodiehk #hk90s #hkfood #hkfoodie #食好d食平d #食好西 #食好d #食食食 #食 #壽司 #刺身 #sushi

前前後後過黎食咗五次，試過壽司＆刺身定食，鰻魚定食，天婦羅定食，牛舌丼飯，覺得係值得推介嘅同路人店舖！原因主要有兩點：1. 嘢食好味，佢嘅魚生食得出好有鮮味，可以感覺到食材檔次（或者處理方法）高過壽x朗（呢個係基本要求啦，但好多日本料理舖都做唔到）；鰻魚好鮮甜多汁，冇腥味；牛舌厚切，爽朗彈口；而佢嘅前菜每次都唔同，有時候係豆腐，有時候係貝類，但都幾開胃。2. 價錢有競爭力，呢間嘢嘅定食系列最貴（刺身定食98＋晚市額外30蚊）都係128，但會食到比較貴嘅食材（例如虎蝦刺身，海膽），對比啲連鎖壽司舖，如果叫同樣等級嘅嘢，分分鐘會更加貴。而且有平價且質素高嘅選擇，例如68蚊嘅定食系列，甚至係48蚊嘅丼物，都好值得食。

聽同事介紹，係太子金鳳大餐廳附近有間日本野幾好食，叫佐禾町居食屋，所以就去試下😍我自己就叫咗一個三文魚腩碎丼，叫之前其實都有定心理準備一定係切頭切尾的位，不過諗住都係三文魚腩嘅話應該唔差啩....上到嚟就真係有啲失望~其實佢嘅味道係ok嘅，不過就真係見唔到有三文魚腩嘅肉喺入面，腩位有啲特徵，佢成個三文魚肉碎入面都唔見有😢佢打算將佢變做三文魚碎我哋就食唔出睇唔出？？ 我頂多只可以話佢將三文魚腩入面嘅三文魚部位「可能」有混搭到，但係最香最肥美嗰層，最外面嘅三文魚腩你唔會見到~所以我將佢夾起咗畀大家睇~不過好彩食落去都算新鮮，而且佢配搭油金魚同帶子都仲係有鮮味，所以食落都滿意😀而且價錢唔貴，$68👍🏼👍🏼仲包埋一碗湯性價比都可以㗎啦~不過建議寫住三文魚碎會好啲，唔應該寫三文魚腩碎😂😂😂身邊幾位朋友就食熟食，我自己就冇試過，不過成個套餐都係68蚊，都係包六塊刺身，有餃子有湯，有飯有主食，其實都算幾抵👍🏼唔排除下次我去試下佢嘅熟食，再同大家講下味道😁整體嚟講我覺得都算ok，68蚊嘅價錢嚟講，免加一仲有刺身有湯，而且的刺身都有鮮味，還可以啦， 性價比還好👍🏼#太子美食 #太子 #食好d食平d #食

出菜非常慢，必須要耐心等候，食物質素一般般，以這個價錢周圍都有，可能質素仲比佢哋好，服務態度非常差。佢地明明係餐牌寫住六點後需要加收15蚊，但我係五點50分入坐，五點55分佢幫我落單，埋單嘅時候我問佢點解要收多我15蚊，佢話當我六点鐘入座，如果以佢噉樣講嘅話就冇必要寫喺個餐牌度，係度誤導顧客，又或者如果佢態度好啲我覺得15蚊可以當係 Service charge，所以食完都背脊骨落，唔會有下次!!差、差、差

食物不過不失。服務差。在店只有一半客人時也強迫搭台，說繁忙時間一定要搭台，空台已預留給人。但到食完，也不見再有其他客人。😕😕防疫意識非常差，強迫搭台，但不提供膠板間隔。

#chuchu食在太子📍 佐禾町居食屋嗰日同朋友約左食呢間💛小店，成日見人讚，就黎試吓，裝修唔會話好fancy，但係真係好抵食，今次散嗌，下次要食定食！—————————————————————❣️ 雜錦壽司 大$268三文魚x4油甘魚x2 帶子x2 甜蝦x2 北寄貝x2鰻魚x2 三文魚子x2 海膽×2，total 有18件壽司，飯嘅size唔大，但都算新鮮！如果刺身再凍小小就好！.❣️蒜片一口和牛 $58#chuchu推介 好好好好食！！！！真係入口即融，有牛味，雖然58蚊但份量都唔小！！.❣️西京燒銀雪魚 $108老是常出現，因為是🐷的最愛！好好食！好滑，又抵食！.❣️ 鹽燒牛舌 $56/2串燒得好香，連平時唔食牛舌嘅🐷都食左舊，加左青檸，冇咁核突，都幾彈牙，唔似同牛打茄輪.❣️牛油炒雜菌 $48超香牛油味！好味的！🫶🏻—————————————————————不專業評分👅好味指數:8/10💰性價比:8/10👍🏻推薦:8/10—————————————————————🏡地址: 佐禾町居食屋 (太子)太子荔枝角道104號地舖—————————————————————#chuchu食日本野———

之前同朋友食過一次，覺得幾抵，朋友又話佢嘅魚生飯好食，今日一於就再去食多次！😋今次叫左個三文魚腩碎丼，呢個算係定食，包麵豉湯，個麵豉湯好大碗，又足料！有海帶同蜆肉仔！🤩個丼都唔差，就咁睇以為好細碗，但佢三文魚腩個量都唔少！分分鐘仲多過D飯！lol個人建議加埋D蔥一齊食，咁就冇咁滯胃~個飯仲包左北寄貝同帶子刺身！真係好抵食！佢仲有幾塊紫菜，鍾意食紫菜嘅朋友可以用泥包手卷，不過個人唔食紫菜，冇咩評價，但摸到D紫菜係脆嘅！👌🏼一碗飯一碗湯，兩樣加埋真係好飽！想平平地食魚生丼嘅可以去試下！😉

嘩嘩嘩，係社交平台見到好多人推薦太子荔枝角道佐禾町居食屋嘅定食，就咁望到張相同個價錢其實都幾吸引，係一百蚊內有個賣相咁吸引既套餐，作為一個貧窮人士就一定立即狗衝去體驗一下。咁舖頭外都有唔少人排隊，但可能早果批人食完就好快就可以進入餐廳內。入到餐廳內第一眼見到好多充滿日式畫掛在係牆上面，其實都幾有感覺。我就坐係近出餐位到，不時都有餐係我頭上擦過，如果我個頭動作大小小都會撞到個餐，真係要好小心。落左單之後就等左十分鐘，就已經上餐。開頭見到個餐真係擺得好有美感，食物既賣相都好吸引。烏冬的味道略為淡，炸餃子就正常味道但略嫌沒有岩岩炸起既溫度，凍豆腐好好食，麵豉湯入面意外地發現有蜆，壽司的鮮味很足，唯一美中不足係吞拿魚蓉的口感不太好。如果$100來講，我覺得用餐體驗都ok。如果未試過都可以去試下。

估唔到我第一次打食評就係俾咗呢間餐廳今日下午六點左右，我入餐廳跟店員講：兩位店員：有冇book位我：冇佢：冇book位就坐逼啲我哋冇所謂照坐，叫完嘢食坐喺度等嘅時候，我頭頂突然之間喺度漏水，原來滴緊冷氣機水，仲要滴到成枱都係我同店員講：我哋想調位，因為呢度係咁滴水佢：唔好意思，我哋位全部book咗，唔可以調（但見到有4至5張空枱）我：冷氣機水濺到我人同枱面都有店員冇理會，就咁抹下張枱面上嘅冷氣機水就算我再要求調位或者有冇隔板可阻擋滴水，佢仍然冇理會我，跟住我同佢講唔食，直接走了！其實滴冷機水唔係問題，但至少你要在意客人用餐感受，及幫助客人解決問題，呢間餐廳比我感覺係完全無幫助客人的意欲。如果要我全餐飯被冷氣機水滴濕或濺到食物上，我寧願唔食。貼錢買難受奉勸各位唔好食呢間店，完全不顧客人感受

今日難得冇落雨就出左黎太子食日本野😋😋 餐廳唔大，應該得十令張四人枱左右，好彩早少少到唔洗等位～Lunch Set Menu:餐廳走平民日本野路線，多數都係$100樓下就食到 仲要唔洗加一～壽司定食（A）+ 烏冬 $94 🍜🍱🍣由落單到有野食等左起碼三四個字，但餐廳唔多人，而加其他食客都已經上晒菜，出餐真係出奇地慢😟 趕時間就唔建議大家食但一上枱見到賣相咁靚仔覺得等待係值得的！一百蚊唔洗有咁多野食真係好抵，前菜仲要有兩隻炸蠔，真係喜出望外～ 💁🏻‍♀️麻醬凍豆腐 -正常發揮～ 預計到的味道，豆腐冇話好滑💁🏻‍♀️炸蠔 -外表炸到好酥脆，蠔就冇話好新鮮，但食完兩隻真係好滿足💁🏻‍♀️迷你蔥花烏冬 -呢個就唔建議大家加錢食，因為麵質都幾淋，加上個湯冇咩層次，純粹係醬油加水💁🏻‍♀️麵豉湯 -湯入面有粒粒蜆肉，幾足料～但味道就冇話好好味💁🏻‍♀️至於重頭戲壽司🍣值得highlight既係帶子、牡丹蝦同三文魚 ，好鮮甜，好食～ 魷魚上面竟然有海膽！真係估佢唔到，海膽就冇話好鮮甜 但起碼唔會苦先。其他壽司就不過不失～ 呢個價錢食到咁多野真係好滿足！性價比爆燈💡

喺花園街買完嘢，突然想食魚生飯，於是行過荔枝角道幫襯佐禾町居食屋。呢度全日免收加一，叫個雜錦魚生丼，先嚟碗麵豉湯，雖然都係一般貨色，但湯入面有三粒蜆肉，算係較有誠意。魚生丼幾大碗，面頭鋪滿刺身，有三文魚，油甘魚，帶子，北寄貝，玉子各兩件，牡丹蝦一隻，仲有黃金魷魚同芥末八爪魚，都幾大堆頭。我覺得最正係牡丹蝦，大大隻，又夠鮮味，蝦頭仲有少少蝦膏，好正；三文魚同油甘魚幾厚切，亦肥美；經醃製過嘅黃金魷魚同芥末八爪魚非常入味，送飯一流。美中不足係冇日本酸薑提供，食唔同魚生時未能夠重置味蕾。

今日約左朋友食飯，朋友係小資食家，專登揀左呢間上網見到CP值高又評價唔錯嘅佐禾町居食屋。去到先知喺我以前跳舞studio對面，隔離金鳳都有食過，但的確無留意過呢間，不過見佢裝飾乾淨，但都有一定年月了，究竟點解嗰陣無食過呢🧐我糾結左要唔要刺身定食好耐，但最後都係揀左蒲燒鰻魚定食($82+15)，因為佢都包左三款刺身🤤 朋友就叫左西京燒鱈魚定食($98+15)嚟到都驚左一訝，因為好豐盛🤤 雖然睇menu都知包左主菜+刺身3款+前菜+麵鼓湯，但無諗過會有呢啲食材🥰麵鼓湯以為係普通野，但佢裏面除左有好多海帶之外，仲有幾粒蜆肉，唔係就咁攞粉沖嗰種🍲刺身三款都唔hea，每款都有兩塊，而且刺身都新鮮，唔係求其打發你走🍣本來以為前菜會係普通料，中華沙律、味付螺肉嗰啲，點知登登登登，竟然有蒜蓉焗蠔出現😱 蒜香仲要好惹味，係隻蠔比較細隻，略嫌唔夠食🥲主菜鰻魚都好好食，好柔軟，我平時食鰻魚都會驚有骨拮親，但呢度絕對唔駛驚🥰 都試左朋友少少鱈魚，其實本身我唔太鍾意食魚，餐廳係絕對唔會點佢嗰個，但試落都幾好食，甜甜地☺️呢間餐廳絕對係可以encore再嚟多次，CP值實在太高😍 見到佢其他menu，唔要定食，丼飯價