佐賀屋台和食科理 (已結業)

由於小妹很喜歡食日本菜, 所以除左連鎖店日本餐廳外, 還喜歡到一些較地道的日本餐廳嘗試下~佐賀屋坐位很舒適, 燈光較暗, 食物種類較多~餐牌~ 壽司 - 很新鮮, 選擇種類較多 (我相信大家睇相都感受到)~刺身 - 夠新鮮肥美~鐵板牛肉 - 熱辣辣, 份量都頗多~

原來是跟同事去添好運食點心的，不過見到等候既人太多，同事們決定放棄，求其走過對面的什麼佐賀屋開餐。有時不付出是真的不能吃到好東西的。隨便找間沒人的餐廳，換來就是失望要回，我自然更加要溝貨，真冇蔭公。四個人，點了鐵板蒜香牛肉、壽司拼盤以及海鮮火鍋。前者先到，看其鐵板送上，仍是了無生氣，心知不妙。果然，溫度是不足，牛肉又乾又韌，醬汁只得一個咸字，難吃。這個壽司拼盤，有三文魚、帶子、鰻魚等等款式，合共二十二件。可以這樣說，十一款口味，廿二件，全是令人沮喪的，如三文魚有筋、帶子不肥美、鰻魚的醬汁甜得過晒火位、北寄貝有如擦字膠、魷魚更滿是腥味，飯糰更加是我吃過最差勁之一。我還是第一次見到，剩下半盤壽司無人問津。所謂的海鮮火鍋，就只一隻帶子、一小隻蝦、兩隻青口和一點魷魚鬚，其餘的全是菜。吃了帶子，沒半點彈牙口感，青口也是不濟，求其吃幾條菜就算。看同事們起勢飲這個湯，我倒沒有興趣。今日唔知搞咩鬼，呢餐已經是地獄底口味，晚上的那餐，又是令人失望，另文再談。

契爺極力推介的店, 之前爸爸跟契爺來過1次都說不錯, 這晚就帶小妹來試~menu好幾個有基本的有季節限定的, 花多眼亂, 先叫個3文魚刺身~ 這裡的是5塊超厚切, 爸爸吩咐要薄切, 師傅也很貼心將5塊厚切的份量切薄成10片, 份量不變~ 1張additional 壽司menu, 1律$9, 所以都叫了幾款試試。 先說那堆壽司飯... 完全體驗甚麼是"1夾就散", 小妹的favorite 腐皮壽司, 甜度適中不過有點兒太濕。 炸蠔軍艦, 炸物配壽司飯實在不太搭調。吃著吃著, 爸爸說試個鯛魚刺身, 看樣子似乎很新鮮, 1吃, 裡頭有雪, 是解凍後翻雪再拿出來, 然後更是未再次完全解凍...... 完全無魚味, 只有雪味。炒野菜太濕而且太多黑椒, 只得鹹味, 而且很油膩。 西京燒比目魚.. 沒甚麼魚味, 油浸煎魚1塊, 油多得魚肉1夾就散開。 爸爸跟店員提出意見, 但是店員卻表示"鯛魚有雪嗎? 吃過另1款吧", 可能只是打工的所以毫不在乎吧, 對自己店的不足沒有正視的態度, 只是要客人吃別的, 這算是逃避問題嗎?整餐只有3魚是算得上水準, 其他都是有名無實的日本菜。契爺跟爸爸常說焗蠔好味,

一晚吃兩次dinner，先在沙田吃，到了這裡又再吃一次。本來想去某米芝蓮點心店，見到人多，不想等位。其實都只是想找個地方坐，並不肚餓，所以只點了少量食物，過過口癮。這裡情調不錯，燈光昏暗，全部都是梳化位，幾舒適，地方亦清潔企理。餐牌選擇甚多，還有三十款特價九元壽司，整體食物價錢都比很多日本餐廳便宜，夜晚十點後還全部半價，是食宵夜的好去處。點了五款壽司（三文魚，魷魚，蟹子，螺肉，海膽）：三文魚好大片，幾乎能包住整舊飯，因為我不太喜好三文魚，所以沒食。魷魚普通，沒特別。蟹子壽司大大件，好多蟹子，味道普通。螺肉汁濃，一件壽司都有三四粒，大大件。海膽壽司一客只有一件，沒腥味，不過鮮味也不足。美中不足的是壽司飯不夠實，夾幾下就散了，食得很狼狽。帶子裙邊：特價小食，食落像魷魚絲，亦像機燒元貝，咬下咬下都不錯，看來是佐酒小食。鐵板金菇牛肉卷：一客五件，並細心地將每件一開二，分成十件，整整齊齊，包得又夠實，一口一件，食落好方便。以往食金菇牛肉卷都是整件上，食時咬不開金菇，結果牛肉和金菇分開食，看得出這間店確實幾有心的。上檯熱辣辣，牛肉煎得剛好，大大片，有燒烤味又不會燶，金菇大大束，夠爽口，汁香濃，好好

是晚朋友打算上黎我到整曲奇因為怕整完先食晚飯就太夜, 所以就近近地, 係屋企附近食哩間日本野坐低之後叫左壽司, 一個牛肉鍋, 叫左一個脆龍卷各款壽司都幾新鮮, 都唔錯架牛肉鍋唔知佢用咩湯底...甜得有D過份不過配返佢附果一個醬汁酸酸地又幾夾...不過我個人就唔係咁食醬汁, 如果個鍋唔好咁甜會OK好多而脆龍卷個炸蝦真係炸得幾脆, 雖然裡面有我唔食O既沙律醬但係我都覺得哩款食品唔錯整體黎講, 食物唔係一流, 但係都幾好, 價錢亦都唔算係貴不過環境有D暗, 唔知係咪而家潮流興, 定係暗D有咩D客都睇唔到?而服務生態度都唔錯, 會主動加茶再加上係我屋企附近, 非常就腳^^我係門口見佢有PROMOTE話11點後有8折, 不過11點後真係太晏...而且得8折好似唔係好吸引咁

星期日成班朋友係度食午飯, 大家都係好壽司之人, 叫左幾款壽司幾個朋友分, 點知個蟹司食落有好強勁既酸宿味, 即刻叫waiter過黎佢話問下廚房, 番黎就話呢款係醬油味既特式, 我地緊係點都唔信架, 咁咪叫經理黎羅。 等左一輪經理先過黎, 都係講番之前既野, 係加多句如果我地唔滿意可以幫我地退左佢。 我諗我地五個人唔會一齊唔識分醬油同變變壞掛。 我以後真係唔咁黎呢度再食野, 幾方便幾好食都無情講

上個月母親節時到過這間食店, 感覺幾好, 座位舒服, 店子美觀, 食物都ok, 價錢不貴, 於是決定父親節再來光顧, 結果, 我跟上次一樣, 我自己先到達攞好位子點定菜等家人到達就可開餐~但今次真的令我感覺以後不會再來光顧, 那位安排位子的阿姐( 紮馬尾名叫SxSx )真的非常沒有禮貌, 其實剛到達排隊時, 已有另一位食客正破口大罵她, 但最後我明白, 為何那客人會罵她!其實我到達時, 我是排第3位的, 但結果, 前後已有9張枱子的食客已入座, 但那位阿姐完全沒有交代一聲給我要等到齊人才可入座<< 但上次我是一個人已可入座還有點定菜 >>, 於是我上前請問那位小姐我將會幾時可入座, 那位阿姐居然用呼渴及極無禮貌的語氣對我講, " 你到齊人就入啦 ", 這究竟是什麼態度?! 哈! 這樣趕客走嘅服務態度我一定不會再來光顧, 亦真的"鄧"那食店的老闆擔心!

等bb放工就去左食好野行下行下見呢間鋪外表唔錯就入左去食唔駛一陣就幾乎滿座bb鍾意刺身就點左刺身拚盆跟住地獄烏冬, 牛肉飯, 串燒雞翼地獄烏冬完全冇火辣辣既味道不過我唔食辣既, 冇咩所謂牛肉飯唔夠熱牛肉口感都一般 串燒雞翼就唔太差bb對個刺身評價就一般坐位都幾舒適服務就一般, 個個都好似好趕咁價錢中等食物既選擇好多, 可能我地唔係點佢地拿手既菜式冇太大驚喜不過如果下次經過冇咩人, 行開附近都可能會再黎食

上星期五晚20-FEB-2009(9:00pm),和同事放工後在深水埗區打算找一家店吃晚飯+宵夜,行了幾個圈都發覺沒有什麼新鮮感的食物和餐廳,因為這裡巳經吃悶了,所以決定行路出太子或旺角區看看.但在途中我們看到這一家店,看一看裡外面門面餐牌都不錯,加上有一位侍應馬上出來介紹,決定一試.坐底後看一看餐牌,食物總類不多,但又不夠專,可能是新開的原因...隨便先叫了幾款自己和同事必吃的食物,有甜蝦,海膽,鹽燒三文魚頭,帶子鍋物,三文魚壽司等,其實必吃的還有很多...不過有些這裡都沒有.第一個來招呼的就是在門口的那個女侍應,我們希望她能夠介紹多一些招牌菜色給我們,但發覺原來她只是客串的,所以幫我們落了幾樣就換了另一個穿制服的過來,不過這一個不太有耐性了.只介紹了兩樣我們都沒有幫襯,她就走開了說轉頭再幫我們落單,其實當時店裡都沒什麼客,隨了後面的上菜,她再沒有回來了,結果我們沒有再加菜了....帶子鍋上了,湯底夠濃帶子都可以沒有問題....特價壽司等都上了,以價錢去衡量它們是還可接受.問題到了,點了的海膽來了,我們點的是細板60元,大的是90元,其實我兩都愛吃,大的一板肯定都不夠,不過吃慣海膽的

見到呢間日本菜已新開張一段日子, 終於有機會來試下, 點左三文魚, 芒果甜蝦, 鰻魚,帶子,吞拿魚壽司(有成30款壽司都係$9碟, 好抵呀) , 最緊要係材料新鮮, 味道不錯, d飯唔會硬, 最怕果d xx超市壽司, 又唔新鮮, 放得又耐,d飯又硬, 仲要成$4件.另外仲叫左一個日式帆立具pizza, 批底幾薄幾趣, d熔熔地既芝士, 加上有d沙律汁係面, 好味. 一碗日式野菜拉麵, 好多雜菜, 拉麵彈牙, 不會太"林", 湯底ok.

2008.11.22 (六) 上個月經過仍是裝修中，話咁快已開張，港人效率可見一班，真係敢認第二，誰認第一？！老遠經過已望見大個9字，九蚊碟好吸引喎﹔經濟不景氣 食都要慳住食，要抵食好食才是上冊。兩個小時前才食過麻辣川，七時多不餓不飽又步進佐賀，貪圖不用排隊兼有卡位。近門口燈光幽暗氣氛不錯，九蚊壽司三十款，第一輪點了12碟，有三文魚(x4)﹑醋鯖魚(x2)﹑希靈魚(x1)﹑蟹柳(x2)﹑明太子沙津(x1)﹑香芒甜蝦(x1)，另加了一客海胆壽司($27)﹔即叫即整 “Good”，最突出的是明太子沙津，四方體既魚子粒爽脆，自從在 YAMM品嚐過此物已喜歡了它﹔第二輪點了蟹子($9)(x2)﹑串物-青唐(燒小青椒)($18)﹑一客稻庭烏冬($51)﹔原先是要添食明太子沙津，誰知錯點了蟹子而有點失望﹔兩串小青椒沒椒香味而且像縮了水似的可以唔食﹔稻庭烏冬更不像樣，又薄又幼似麵線兼且不煙韌怎看也不像烏冬簡直不堪。記得友人曾在大圍街市買過三十多元四個既稻庭烏冬打邊爐，質地煙韌彈牙到不得了，相比這個有名無實的實在爛得可憐。全場女侍年青有禮樣貌娟好，多坐一會兒也沒趕客感，我倆發現有位壽司師傅雖然戴帽，其

這間日本餐廳剛新開時去過一次, 地方不是太大, 樓面人手足夠, 食物方面, 刺身壽司同熱盤都好好食, 而價錢方面, 個人覺得比同類日本餐廳的底這是我點的菜:稻庭風冷食烏冬(彈牙~正)蛋包飯(好好食)海老天婦羅(一般, 不過不失)墨魚咀(一般, 比小菜王差, 但現在小菜王好像沒有墨魚咀供應)粥(名記不起, 價錢好像是$7x, 這個都好好食)鵝干壽司(勁好食, 但一件好像要$3x)芝麻雞翼(這個不可不食, 超好食, 好在他沒有餃子雞翼, 如果不是就食不到這道菜)泡菜炒拉麵(這個都好食, 值得一試)鰻魚炒飯(差, 太油)