佳佳粉麵店

营业中

休息中

其實點解會話呢間車仔麵係懷舊呢，睇佢個鋪面裝潢就知道佢係幾咁有懷舊味道嘅粉麵鋪，而且亦係由一位講飲講食嘅前輩口中得知呢間鋪頭隱藏喺大角咀嘅舊街道裏邊。今次行過，終於記得要入嚟試試！除咗個人口味之外，總覺得車仔麵最基本係要食咖喱魷魚、豬大腸等等。始終每個人只得一個胃，所以今次我亦只係叫咗滷水豬大腸、咖喱魷魚、豆卜和韭菜，麵底要粗麵。聽阿姐講，今日都算係一個「大日子」，事緣鋪頭今日重新賣返咖喱魷魚，原來已經停售超過半年！原因係佢哋用開嘅澳洲/紐西蘭魷魚缺貨。佢哋對咖喱魷魚製作嘅堅持和水準，亦係從前輩口中得知其中一樣必食嘅餸！結果冇令人失望，咖喱汁微辣充滿咖喱香味，魷魚質感柔軟，唔會死死實實，差不多接近新鮮魷魚嘅鮮美！至於滷水豬大腸，同樣地質感都是非常柔軟，滷水香味濃郁，充滿油脂，我甚至懷疑佢係唔係新鮮豬腸！？但豆卜就比較硬身，有少許失望。湯底非常鮮甜，我沒有加辣汁，只加咗咖喱汁，喝了大半碗，之後完全沒有半點口渇嘅感覺！可以睇得出，店舖對食材嘅要求以至湯底嘅餚製，都非常有要求！店舖裏面冇乜裝修可言，但牆上保留着古老嘅大鐘，舊式嘅紅色膠板白色字大餐牌，以及舊式士多嘅汽水櫃。中午所見，差不多每位

一直住喺大角咀，所以成日幫襯呢間車仔麵。由中學10幾蚊一碗，加價到而家三十幾蚊一碗都繼續幫襯，因為出邊真係成班呢隻味。令呢度聞名嘅係豬大腸，但我怕食內臟所以吸引到我嘅係佢嘅牛腩。因為煲嘅火候好夠，所以全部都好入味兼且肉質鬆軟。選料上乘，筋同肉嘅分布啱啱好，所以咬落口感一流，每次來我都必點兩份牛腩，配搭幼麵及牛腩汁。而手工繁複嘅蝦子柚皮呢度都有得食，建議來呢到食記住加入點單！因為已經食到係熟客仔，所以每次佢都知我揀咩😂😂個份人情味，真係時間浸出來

中學時代最喜歡的車仔麵，老實說佳佳比很多有名氣的更美味更值得推介豬血；既沒有腥味而且滑口魚旦；有魚味亦有陳皮味，彈牙，讚大腸；是必吃的，入味到不得了柚片；坊間少有所以試試，但我不太喜歡，因為有苦澀味，而且炆得不夠醬汁夠香有微辣，米粉亦滑身。其實還有很多選擇如酸齋、三寶等，炸雲吞都出色。如果經過就不妨一試，價錢實惠，支持老店！

「佳佳粉麵」專食車仔麵的店子🍜 餸麵款式非常多～每款價錢平均$6，另外仲有$8，$10，但以$6為主！「最低人均消費每人$20」呢到食車仔麵唔係劃紙仔，出去排隊即點即整即比錢😉食得😋（特別鍾意呢個風味）呢到d餸煮得好入味😌蘿蔔又夠林！特別推介豬腸，豬腸個汁底好濃郁，加埋煲到入晒味，好食另外，牛肚炆得好夠林店主介紹我食牛骨，味道不算入味，勝在口感非常爽脆，新嘗試

行過索到一陣兒時味道,就係袖皮湯味,馬上入去!見到有D座位對牆壁的台,又諗起以前嘅車仔麵舖的感覺呀！ 係宜間車仔麵內見到兒時细細粒魚蛋😆 入呭味嘅羅白😋,豬紅好滑,牛肚好入味好淋呀,,韮菜,芋泥圓😋內有芋泥,少蒜,雲吞皮包𠰍一齊炸,加牛腩汁同辣汁米粉索袖皮湯底😋😋😋😋！見到兒時炸雲吞皮😋😋😋一定要食呀！ 炸雲吞皮

一條友找吃，食車仔麵是好選擇。喜歡去佳佳，雖然阿姐有時有點惡，但食物真不賴。麵底我多半揀油麵，但並不是重點，最愛的是三款配料，有酸齋、豬腸，同埋雞腎。豬腸圓碌碌，咬落口感尚佳，保持中芯的脂香；酸齋好夠酸，愈吃愈醒胃；雞腎則夠晒爽脆，又不是硬轟轟。呢三個餸，當真不吃不厭。這不是抵食夾大件的店子，但就憑呢三個餸，俘虜了我的心。

在大角咀一帶只有數間車仔麵, 佳佳是比較光顧得多而又不用等太久的一間. 講返依大半年係度食既經驗先依段期間試過好多唔同既餸,遂樣講下啦:咖哩魚旦: 麵粉比較多, 冇咩特別咖哩尤魚: 主要係尤魚翼, 暫時未見過有鬚.厚薄適中, 味道普通, 多數丫姐會問你要唔要多D牛腩: 比較碎,最多都係一粒魚旦既size,味道上膠質算重牛筋: 份量比較少,味道上膠質算重酸齋: 酸甜適中,但如果碗粉加左辣會變得比較奇怪炸雲吞: 唔係即炸,尚算脆,唔太大隻反而較易進食鴨腎: 芝麻加汁俺製,偏咸,薄切蘿白: 比較唔穩定時甜時淡有時有渣魚肉: 份量唔多,麵粉亦較多,味道尚開豬紅: 唔係一定有貨 試過成個月都冇貨, 自中央屠宰後得2間車仔麵既豬紅我覺得仲係ok, 1係銅鑼灣新記,2係佳佳. 前者秘制辣豬紅係必叫味道辣且甜,後者雖不及前者但口感類似.講講份量同價錢,普遍黎講如果你安份守己咁叫一碗4餸麵應該2-3小時後就會開始餓,如果你係比較食得建議叫多份麵底.雖然每排座位也有價目表,小弟一直也找不出他們計算的方程式,往往坐低左之後先會諗點解貴左呢... (價目表亦寫明坐低後勿議價) 

突然間好想食車仔麵， 之前係附近返工都一直無試過， 今日決定去食過下午茶。下午時段人唔多， 去到就係食物前落單。 要左米線，鳳爪冬菇咖哩魚旦同蘿蔔， 加腩汁同小辣汁， 再要支忌廉就成為42蚊。宜家食車仔麵真係唔平。。。。米線軟硬適中，冬菇有兩大粒，味道幾好。鳳爪有4 隻， 不過覺得可以入味d 同淋d。咖哩魚旦3粒， 係細細粒舊式個隻魚旦， 味道可以。蘿蔔有3 有塊， 不過唔夠甜。整體上味道係可以，有懷舊既味道，不過價錢係貴同份量太少，食唔飽。

聼家姐話呢間野幾出名，於是叫家姐帶我去，話就話旺角，但鋪頭入邊寫ge係大角嘴，的確，較近大角咀，去到ge時候已經係2點幾，鋪頭入邊得一臺客（完全古5到），我地叫野食拉家姐叫左油麵+雞翼尖+雞腎雞翼尖沒有好淋，味道卻不錯雞腎看上去是用了好多調味料去調味，但咬落去依然可以食到浸腥味，不能接受油麵我冇食到，所以5知到我個啦叫左米綫+鳳爪+豬耳+豬腸米綫5會太淋太粗，最驚食到D好似油面甘粗ge米綫鳳爪好味，燜得好入味，同平時酒樓飲茶個D有得揮豬耳事先調過味，仲有芝麻個D痴係面，又爽口，5錯豬腸一樣燜得好淋，但5知係咪佢D鹵水ge 關係，我食到甘甘的味道，不太中意整體來講一般吧，辣汁也沒有好出色，沒有想食第二次的衝動

好後悔冇上來open rice 睇左食評先去食，$34 外賣自取淨餸，要牛腩、芋丸、大腸、豆腐、牛肚，d 餸小得可憐，d 牛腩全是碎腩，芋丸細小過魚疍，大腸得小小，即場已經表示點解份量咁少，佢唔答我重黑面用雙眼厲住我，算了，以後冇交易！

佳佳粉麵曾幾何時也在我的心水餐廳之列, 那年某一個週末正打算到此一遊, 方才發現身形跟我不相伯仲的少年食神剛在媒體上介紹這家街坊車仔麵, 結果媒體效應下當然令小店非常熱鬧,長龍不斷的在小店門前,我也只好打消光顧念頭,反正想吃的地方多的是。事隔幾年再來,慕名而來的人龍早已不見,小店也回復寧靜,推門而入還有大量座位任選!牆上紅底白字手寫的車仔餸寫得密密麻麻,還是看著車仔檔的實物來點較合意,多個格仔/飯煲/盤子裡盛著各款車仔餸,最吸引視線的當是飯煲裡黑漆漆的一鍋豬腸,聽聞這鍋就是聞名已久的鎮店豬腸了。淨餸外賣選了:咖喱魷魚以土魷煮成,魷魚本來被咖喱汁浸泡著,只是浸湯後回復其原狀及原味,咖喱味早已跑進湯汁裡去,魷魚爽口厚身,咖喱味還能隱約在魷魚中感覺到,要不是浸湯太久, 應是相當濃味。特意點給大人的牛腩碎得利害,好不容易才在碗底裡找到一堆肉碎,全瘦牛腩像煮完湯般樣子,雖則說車仔牛腩都不會太大件,通常都以碎腩煮成,但碎到如斯程度,唯有從另一面看就是一定煮得夠入味。豬皮看似入味其實還是爽爽的狀態,當不能跟煮至深色,淋如軟布的入味豬皮相比, 車仔麵還是要有幾片豬皮才夠味道。每款車仔餸都是顏色較深,某

幫襯了十多年的佳佳麵食早前被膶腸食神吹捧上天,隨後而來就係一大堆"趁機加價""水準下降"的劣評.說句公道話,這兩年邊家食肆唔加價?接受電視台訪問故然不應成為加價原因,可也不應成為不能加價的原因啊!又有關水準下降,佳佳的食物從來都係唔穩定的.同樣係豬腸,佢啱啱鹵同鹵咗成日味道都會唔同有時又會少少黐底燶燶地都照俾你.與其話佢水準下降,不如話大家而家對佢要求高咗.膶腸食神浮誇嘅表達手法更加令食客對佳佳有不合理期望,一間又話豬腸肥膏滿瀉,一間又話辣汁味道直衝"雲精"佳佳啲豬腸本來就唔係特別肥美,有時仲偏瘦偏罕.想食肥豬腸應該去花園街明記.服務方面佳佳以車仔麵店嚟計直頭係好,人多做唔切就無計.人少時阿姐係會叫你揾位坐先,佢轉頭拎碗麵俾你.是日光顧佳佳,烏冬配牛膀,餐肉,牛筋加辣汁.牛膀粉糯無雪味,牛筋炆得淋滑,餐肉炸香用來索湯別有一番風味.加埋辣汁就係惹味飽肚嘅一餐,埋單HKD24.專程去佳佳就不必嘞,經過形品星寓嗰頭又想食車仔麵嘅就不妨一試.

下午一點多路過,看見無乜人食嘢就走入試試,地方都幾窄下,自坐形式先叫東西後比錢............我叫了四個餸:牛腩,豬皮,大腸,魚旦+河粉牛腩好碎好少豬皮四至五件魚旦四小粒大腸四小件+小小河粉多謝二十七元.車仔麵原意是底食及大件,所以買的東西多數都是下難嘢,不過時代變了,下難嘢變了高當嘢,二十七元食碗双併雲吞都有找..........

多得電視節目效應，早幾個星期排哂長龍，超多人。今日路過，唔見人龍，可以舒舒服服地試下是否真的咁好食。兩公婆一人一碗，都係油麵。一碗係牛腩、牛肺、酸齋、豬耳拼柚皮。另一碗係豬紅、雞翼、水魷魚拼蘿蔔。牛肺柚皮好少做車仔麵菜式，ok；豬耳牛腩OK；水魷魚蘿蔔普通；豬紅唔似硬身jelly，軟身又入味，ok。檯面辣汁多香少辣，唔錯。湯底及車仔辣汁都唔錯。兩碗要50幾，比較貴。可能少客，招呼都可以接受。門口可以停車，路過唔多人的話，會再幫趁。

一向都覺得呢間車仔面有心做亦唔太差, 可以係其中一個選擇, 不過今日起就BYEBYE啦.淥面時,仲問我要一個面定2個, 乜你明知自己D面少咩?!經食神一推, 日日排長龍, 今日行過見唔使排隊就入去買. 以前食開$3個餸, 今日竟然變左$5. 心諗+66%喎!!!