佳美餐廳

营业中

休息中

於中環區工作了一段時間，一直沒有發現一間名為「佳美」的餐廳，這次也是因為同事帶我前往才知道原來平日經常路經的街道上，有一間地下餐廳，走過一條長長的樓梯，上方掛著一盞吊燈，添加了幾分神秘感食物方面以西式為主，包括了沙律，扒類及飯意類。另外也設有少量東南亞美食，例如湯河、拉麵及烏冬等，每份套餐已包括了餐湯及飲品，價錢介乎於$70-$110左右環境方面，燈光比較暗淡，以梳化卡座為主，感覺舒適，而裝飾佈置方面，以電影設計為主題，梳化位上貼上了一個個模仿電影拍攝的黑影，而其他位置也甚有藝術氣，掛上一幅幅掛畫，即使掛鐘也別具風格餐包每份午餐除了餐湯外，還有一個餐包伴著喝，餐包與一般的不同，燕麥較多，翻熱後暖暖的，感覺鬆軟，打開餐包塗上牛油，味道更佳，一向覺得餐湯若果缺少了麵包，滿足感真的會大大下降蘑菇忌廉湯 而忌廉湯，質感較稀，不算綿滑，而且味道較淡，只有少量蘑菇及肉粒，味道只屬一般，沒甚麼特別大蝦天婦羅蟹籽螺絲粉沙律 （$83）來到時有點失望呢. . .說好的大蝦呢. . .原來只是兩只日式炸蝦. . . 還要是超幼的那款. . . 雖然炸得尚算不錯，入口是鬆脆，而蝦肉不會太腍，但咬開炸粉後，蝦

好又一餐... 唔好又一餐...都唔知道是誰發明上面這句說話。不用付錢還勉強說得過去，但在百物騰貴的香港地，實情係好又一餐，唔好就蝕到入肉。中伏，唔係憑阿 Q 精神，就可以一個深呼吸就唔記得晒。話說之前已評過這兒的黑面服務。這天，三個同事圍埋傾 Lunch 食乜好。有同事提議去佳美。好，不妨給一次機會，就試試會不會改觀。今次午餐，依然見到黑面小姐，不過她沒份招呼我們。換了一名男服務員，都算勤快有禮。午餐跟餐湯、餐包、飲品。主菜以沙律、西式為主，亦有東南亞食品。　餐湯可以選擇「Dry Dry」羅宋湯，或「無味」甘荀忌廉湯。Dry 者，一味得個酸字，單調也；飲完舌頭 Dry 得很，乾涸也。故私下命名為 Dry Dry。至於同事的忌廉湯，被她評為「無味」，簡潔到位。　叮叮芝麻包有點乾身，不祈求「溫、柔、香」，但至少有加熱過才拿出來，以西式快餐來計還過得去。　登登登鄧！三道主菜先後送到，速度十分之快。第一名是同事Ｌ的「螢光雞扒」，即係扒美國珍寶雞扒配鮮橙香檳汁意粉。雞扒不大，看那全沒煎焦痕跡的雞皮，以及那螢光橙的汁，我就沒有食慾。一問之下，Ｌ的回答是：「不好食。」詳細，不問了。而我的「黑牛」亦

這個星期六特別回公司加班，中午與幾個同事一齊出外食晏，大家一致同意揀這餐廳，主要覺得這餐廳食物可接受，價錢較合理。這天點了鮮蝦雜果沙律套餐，除主菜沙律外，還包湯和咖啡。羅宋(紅)湯與忌廉(白)湯供選擇，我揀了忌廉湯，不算太杰，尚可接受，口感潤滑，忌廉味道略淡，但仍覺鮮甜。鮮蝦雜果沙律，絕對是名不符實，明顯是雪藏蝦仁，但做得也算爽口，沒有霉的口感，味道就真的沒有鮮味；雜果入口就知是罐頭貨，但菜蔬就算新鮮，口感清爽，菜味鮮甜。餐後咖啡，算是不差的即磨咖啡，味道香濃，入喉有回甘。

小弟晌返工日子一向食晏唔俾錢，原因只不過公司包伙食，甚少出街食晏，但既然老友大佬東難得晌廣州返落嚟公司「述職」，突然打嚟叫我一齊食晏，當然點都要奉陪啦！雖然大家都喺「中環友」，不過一個晌東，一個晌西，就番佢工作位置，揀定嚟「佳美」食晏，然而，我就要由街頭（相對嚟講）行到去街尾，差唔多由中環嘅一邊行到去中環嘅另一邊。位處地庫嘅佳美，入口細細，其實唔多起眼，雖然其為一間電影主題嘅酒吧餐廳，內裡有唔少電影海報、人物剪影，但僅此已矣，講真唔多覺有電影主題嘅氣氛。由於臨時臨急，都無訂到位，所以被安排坐晌高腳枱櫈用餐，對我哋兩個男士而言，都無話有咩唔方便。一室主要都喺深啡襯白，不過，高腳櫈就改用鮮艷嘅橙紅皮梳化椅。午餐套餐主要分為4大類：「創新健康沙律。素食」、「無限煮意。歐陸風情」、「魅力意粉。焗物」及「精選東南亞美食」，一共14款，部份款式訂明可配有機紅米飯、金粟菜香飯、鮮茄醬意粉或薯角野菜沙律，價位為$72 - $108，奉送餐湯及茶啡，如揀特飲則需要另外補錢，加一就慣例啦，溫馨提示，要滿$200先可簽卡。小圓麥包．羅宋湯麥包就當然唔喺常見港式嗰種，喺一小個粗麥嘅小圓包，猶幸小圓包仲帶微暖，

一直對這間在公司附近的餐廳，感到興趣。位處地牢的它，予人神秘感，午餐價格偏高。某天早晨，決定走到地牢吃個早餐再上班。幽暗的餐廳，原來是一間電影主題的酒吧西餐館，有些意想不到。但比餐廳環境更暗的，是侍應的臉色。長期黑面，見到客人站在 reception 只看你一眼，便一聲不響走開，完全沒打算理會我。等了一會，確定沒人招呼，我便自行走進去找個位子。這餐廳內有一些電影海報，以及剪影圖案。就氣氛而言，的確可以令餐廳更具特色，但不算很特別。至少，比起 Megabox 那間電影主題美國餐館，就有點失色了。早餐供應歐陸西餐，早餐價格不貴，最後選了炸魚柳炒蛋，配牛油多士。幾喜歡牛油多士，是烘底的，外脆內軟。牛油足，半融的狀態就最美味。至於奶茶，就相當平凡了。炒蛋都做得幾香滑，不錯。而炸魚柳，略嫌外皮炸得過火，以致不夠鬆脆。而內層的魚柳，尚算軟滑。不過最讚的是上碟時，是熱辣辣的，大大提升了味覺享受。總體而言，這間電影主題餐廳的食物水準尚可，偶爾一試無妨。幽靜的環境，亦比一般茶記悠閒得多。而侍應的服務，始終如一，雖未至於無禮貌，但全程黑面，態度麻麻，更不會主動待客。想找人埋單也等了很長時間。這，是令人卻步

臨急臨忙之下last minute book咗呢間餐廳食個quick lunch。之前雖然已經食過幾次，但感覺都只係一般豉油西餐味道，除左location比較就腳之外基本上無乜野特別，只係俾茶記坐得較為舒服。餐牌既選擇比一般餐廳為多（有成14款咁多！），喺香港既set lunch黎講比較少見。是日叫左F餐（香煎美國豬扒伴牛油粟米配蜜糖洋葱汁）。首先上場既係羅宋湯同埋麵包。坦白講，非常一般，極其量我只會話佢同「椰X閣」或者「花X餐廳」既質素差唔多，應該都係果D bulk purchase 一大lot買返黎既product果D質素。口感方面一如所料，成個飽都係凍既，一口咬落去既感覺係好硬、好硬同埋好硬，好似啱啱喺雪櫃拎出黎咁，攞去微波爐叮返熱都費事！湯方面，again一般茶記水平。料算係不過不失啦，都可以搵到兩三舊紅蘿白同埋少少菜頭菜尾既，不過口感就真係好一般，好似飲緊羅宋湯開水溝味精咁，得個鹹字，完全搵唔到任何蔬菜或者肉既味道喺裏面！主菜方面，坦白講比expectation重要差。豬扒雖然煙得好鬆軟，好夠火喉，但係當放咗係洋葱汁上面既時候，因為個汁凍左慢慢開似凝固，令到好似有一pat野咁

到中環紅十字會捐血後馬上要補充鐵質，朋友便建議到佳美餐廳吃牛扒去。我們都是第一次光顧，走到地庫後眼見門口沒有人，店內好像毫無動靜，還以為已經打烊。接著有位侍應來招待，坐下後我才發現店內正進行聯誼活動，佔用了大半的地方，更令我意外的是其中一個參加者是我的師兄。呵呵，世界真細小，原來他會這樣交友呢！言歸正傳，晚市套餐有十三個選擇，令我的選擇困難症又發作了。我們點了兩個晚餐，食物包括～餐湯：貫徹慣例，點了一紅一白。羅宋湯很濃郁，內有爽口的西芹和其他蔬菜，好。而忌廉湯亦有水準，香滑得來濃度適中。餐包：雖然不是新鮮熱辣，但有芝麻香。紐西蘭肉眼($82)：本來點了美國T骨扒，但落單後侍應說已售罄，於是改點了紐西蘭肉眼扒。份量十足，鐵板熱辣辣，香氣撲鼻。牛肉嫩滑，而配菜的西蘭花也很爽口。 澳洲牛柳扒大蝦配松露菌田螺汁($118)：相比鐵板餐，這個精美晚餐有點失色。牛肉比較小，更比肉眼扒韌；而唯一的大蝦不算「大」，肉質一般。餐飲：我們喝了凍咖啡和凍檸茶，兩者都是合格的質素。甜品：是夜甜品是士多啤梨慕司，色澤和味道都很假。整體而言，以百多元能在中環鋸扒，價錢合理，佳美餐廳可以偶一為之。

同阿媽四圍行, 想食西餐, 俾佢個價錢吸引左入黎, 平O既飯, 40-50有交易, 想据下扒, 70-110 左右一個SET DINNER , 中環地區直頭抵, 所以入去試一試, 入到去, 環都幾好, 雖然係地庫, 但樓底一樣係高, 好!所有O既野都唔係貴, 我同阿媽都對同一個餐有興趣就係扒美國極黑豬柳配焦糖蘋果汁先有個都幾有質素O既油醋沙律, 本人極愛, 我係唔食沙律醬沙律的, 而呢個油醋沙律都用上了貴價的沙律菜, 讚!羅宋湯非常十分的一般, 但佢有埋, 當然係飲主角扒美國極黑豬柳配焦糖蘋果汁出場肉質林得黎唔係悔, 好! 沒有肥膏, 但有類似豬肉青的爽口, 唯獨要講係個汁我係完完全全食唔到佢講O既焦糖蘋果汁味架...最後, 即磨架啡, 好飲. 但全晚做得咁好, 係做衰個尾, 餐牌寫明有是日甜品, 但我問佢時, 佢話賣晒, 我O個時6點幾, 你賣晒????? 即係由始至終你都冇心去有甜品同埋, 我覺得, 你一係另外寫送是日甜品, 再括住佢, (送完即止).佢地依家寫明有, 之後唔俾. 即係你去食懷石料理, 佢淨係俾舊石你望住, 咩都唔俾你食, 原因, 賣晒. 但你聽完後, 仲要乖乖俾$

這間位於中環某大廈地庫的西餐廳，提供的是港式西餐。每次到中環食飯，就會想起這店。這裡的食物談不上美味，但店內的氣氛和食物的味道總給我一點懷舊感。價錢不貴，永遠不用等位，也是這店的賣點。我點了蕃茄猪扒焗飯午時套餐。餐湯是羅宋湯。味道很濃，感覺很實在。反而主角—蕃茄猪扒焗飯，味道和份量都好一般，勝在夠熱。不過，係中環食個$38嘅午餐，要求不能太高。最後上嘅餐茶—檸檬茶，質素都可以啦。想平平地，又坐得舒服，可以考慮這店。

說真，細心數數我工作的部們在公司搞「大食會」的機會也蠻多；繼上次壽司派對後，這次到會的是「佳美」，整體食物水準不錯。當中最好吃的是「香橙豬柳」，豬柳肉先煎香再用橙汁焗，香甜惹味。另外「蜜椒雞翼」亦大受歡迎，蜜糖味特出，一人攞一雙雞翼係手，很有「甜蜜十六歲」的感覺！

每次我地一諗唔到食d咩好，就會黎呢到，事關呢到近我地公司，二來d野好食。呢日都係咁，我同同事冇帶lunch，又諗唔到食咩好，於是落左黎呢度食happy friday lunch我叫左黑椒汁牛仔骨set，同事叫了奇異果汁吞拿魚set是日soup係薯仔soup，濃濃的potato味好正，配上蒜蓉包 一流!!!!之後好快個main course黎到，先試同事個奇異果汁吞拿魚扒佢個汁好特別，d 奇異果唔酸，吞拿魚扒煎得岩岩好，唔會好乾，反而上次個三文魚果個乾D，佢同個汁好match至於我個牛仔骨set，d牛仔骨唔係好肥個sauce好正!!!配薯菜唔會太飽好好味!!!!!!!最後餐飲coffee good!!!!!!!!love it;)我諗如果我地日後諗唔到食咩，都會去番呢度!!我們的飯堂

離開前和Maggie姐的一餐飯, 還有慣常的飯友有一兩次o黎都話fully booked, 唔知有咩咁犀利今日一嚐, 的確無驚喜選擇不是多, 價錢略高, 款式也幾行貨要了個三文魚扒跟飯, 魚塊一定不是新鮮貨色, 三文魚味不濃, 只係入口不韌伴汁也淡淡的食過就算了, 最緊要大家take care

最近呢間餐廳既早餐有discount計起黎仲平過大快樂所以叫左個沙爹牛肉稻庭烏冬take awaywaitress充滿笑容招呼我love it等左十分鐘，就拎得走既時候waitress仍然對我smile咁講byebyeso warm一早遇到人情味既事講番個麵先濃濃既沙爹湯味，好香，好入味，牛肉好fresh，爽，入到沙爹味，同賣真係稻庭烏冬正!杯咖啡好香好滑，good coffeelove today

今日同事想出去食lunch，所以大家都冇帶飯黎呢間食，因為同事俾佢既new menu吸引嘻嘻落到去，book左位都要等一陣，中環食lunch特色。坐低我地就叫左一個安格斯西冷配法國鵝肝，一個黑松露蟹肉蘆筍意大利飯。餐飲係呢度最正既熱咖啡個安格斯西冷好好味，好腍，個sauce好入味。不過有d生，下次叫熟d先。同事好鍾意佢個意大利飯，好濃味好香。最後個熱咖啡當然超正。very goodlove it

第一次黎喱間餐廳幫襯，叫左個吉列豬扒沙律。肉質爽脆，雜果沙律好有份量，套餐包括蒜蓉包都幾香脆，熱檸茶都ok，餐湯係羅宋湯（唔記得影相）好creamy。同事叫左西冷牛扒，無影到相，分左少少黎試，唔靭口，好味到不得了。