佳記餐廳 (已結業)

星期六晚上溫書後。經過尖沙嘴，見差不多「開飯」時間，在寶勒行見「佳記餐廳」裹，光線十分"搶眼"吸引，心想不知道好不好吃？決定入去試一試。我點了魚柳蝦仁西蘭花小菜，加錢轉套餐配有羅宋湯、白飯及熱好立克。由小菜先說起，觀感不錯，熱辣辣的。有紅蘿蔔，草菇及薑片和西蘭花及魚柳。魚柳算"大塊"，配上芡汁，但是食起來無魚味及好油膩。鮮蝦不算"大隻"。  但是就爽口彈牙，不過無蝦味。西蘭花，好青綠，食起來夠爽脆，好有田園的風味。餐湯夠熱，十分足料。有蕃茄，紅蘿蔔，椰菜，牛肉碎粒等；酸酸味味的，蕃茄味道夠濃，好飲。好立克夠暖，好重淡奶味道及立克味道，好好飲。餐廳座位不太寬敞，侍應的服務態度尚可，上菜等十分鐘左右。

星期六早上要返工，返工前通常約埋同事一齊去食個早餐，以往去開樂道食，今次同事建議去寶勒巷的佳記，反正我都未食過，當然贊成去試下個早餐。餐廳地方幾大，好多坐位，去到同事已經攞左位，跟住就睇下個餐牌早餐選擇唔算多，都係主要茶餐廳的經典早餐，我揀左個A餐－火腿素鮑魚絲通粉，碗通粉一上枱，就感覺到好大碗，份量好多，火腿和素鮑魚絲都鋪滿成碗，鮑魚絲食落煙煙韌韌，真係有啲似鮑魚，湯底就用了雞湯，味道唔錯。成個早餐都係唔錯，價錢比起同區其他餐廳都平幾蚊，再加上份量夠多，同事果然無介紹錯，又多個食早餐的好地方。

同女朋友到佳記食個港式早餐，經常見到佳記，但又未光顧過，所以今日決定一試。我地叫左佢嘅早餐套餐，每個早餐都跟豬仔包炒蛋。我叫左豬扒公仔面，味道唔錯；不過豬仔包無跟焾奶，有點美中不足...熱奶茶夠茶香，好味

行街行到肚仔餓，唔知食咩。。。。。見佳記裝修乾淨明亮，坐得又舒服，就入去醫肚啦。平日下午茶時段，唔多人即有位我超鍾意食嘅 炸醬麵 份量足，好好味非常飽肚，個湯仲有兩粒魚蛋麵質保持軟硬度，但湯倫喊。。有兩粒魚蛋係驚喜。另外一個下茶餐都好好食，超飽肚啦。。。。有水準之作。茄湯牛肉通，一個字正奶油豬 無得頂啦，諗起又想再食。。其實個奶茶都唔錯，茶餐廳就係我嘅家鄉菜。兩個人，兩個下午茶餐$102蚊份量足，味道好茶餐廳永遠係我最愛。

今早仍然寒冷，想食飽才返工，故又去佳記，這次叫B餐沙爹牛肉，我改了米粉。星期日早上，餐廳比平日少客人，清清靜靜的，嘆早餐更寫意！配餐的炒蛋火腿和餐包依然好吃，炒蛋尤其出色，滑滑而不油膩。本來想轉方包，不過想減吃牛油，所以仍然吃餐包，又是新鮮好吃。牛米以前吃過多次，但很久沒來已忘記了味道。這裏的沙爹做得有點接近印尼沙爹，有少少甜，內有花生粒。牛肉大塊和不韌，份量也不少，加上有很多沙爹汁，混在幼滑的米粉同吃，相當美味。在尖沙咀區，這個$32大大份的早餐，比「大」字快餐店更平，味道又好，性價比實在高。

這兩日早上的氣溫只有八、九度，返工前想吃個熱辣辣早餐。在尖沙咀區，如果不想去連鎖快餐店的話，茶餐廳其實並不多。已經很久沒有去佳記，這裏仍是我在同區的首選。原因包括了味道、價錢和環境舒適程度。佳記有兩個舖位，座位充裕，在早餐時間，即使要搭檯坐得仍然寬敞。還有一個原因是，這裏較少自由行旅客，不比對面的讚記。這裏的早餐選擇不算很多，但全部都是經典的港式早餐，由於可以自由配搭，故除了沒有麥片餐外，款式亦算齊全。這兩日我分別選擇了西式早餐A火腿素鮑魚絲通粉，和C雪菜肉絲米粉；配香腸炒蛋和火腿炒蛋，餐包和熱檸檬水。這裏的粉麵都是大碗的，以$32來說，頗為抵食。因為在「大」字連鎖店，炒蛋餐加配細碗粉麵，已經漲至$33.5（$27.5+$6），但質素相差得遠。先說火腿素鮑魚絲通粉，湯底有很濃的鮑魚味，十分鮮甜。而雪菜肉絲米粉，拍照時餸料似一般，但原來沒有舖在米粉面而已，吃到下面仍然有很多雪菜肉絲。而且肉絲有肉片那麼粗，不是切成幼絲的。兩樣都甚好吃，實在是各有千秋。至於炒蛋，正如其他網友所說，雖然沒有加鮮奶炒，但亦很滑。我最喜歡是油量不多，吃得較安心。餐包也很好吃，微微熱，也可以轉為方包，牛油均是另上的

今日返左風，樓下超凍喎！但一早就比老公拉左去食早餐...叫我陪佢返工，專程黎到尖咀梗係要試新野啦！呢間茶餐廳係寶勒巷，行入少少，餐廳多人架喎！個餐都幾抵，$32就有早餐食，我叫左D餐，鮮茄濃湯牛肉通粉、火腿炒滑蛋同牛油豬仔包。先講下豬仔包，豬仔包幾抵食，有成1個唔係半個，仲有豐富既牛油！豬仔包皮薄，外層嗰塊脆皮仲卜卜脆tim！滑蛋好滑，好似用牛奶炒過咁，個feel有d麥叔叔蛋既質感，夠嫩滑。至於通粉，由於我放左起碼15分鐘先食，湯已經杰晒，味道超濃，鮮茄味味道好夠，好甜亦好多蕃茄！最後配返杯餐飲，真係good morning呀！

叫服務員落單叫左幾十聲見到都唔睬你，到落單時粗聲粗氣，態度極之惡劣，問你要乜好似欠左佢，不會再幫襯，簡直俾錢買難受。食物品質一般貨色，但價值又並非物有所值。是次叫了泰式雞球飯作午餐，落單後等了半小時才送上餐湯，後來再過十分鐘才送上午餐，而當時餐飲還未送上，待吃了一半飯後向店員查詢，才發覺沒有落單，難怪該店員落單只會呼呼喝喝而沒有聽清楚客人要求，還給予滿面不滿的樣子，該店員名叫靚姐帶上黑色粗框眼鏡。強烈建議不要光顧這間餐廳。

星期一同朋友行尖沙咀兩點幾整個下午茶落完單, 等左一陣就有得食, 兩人大家分享等嘅時間又唔算太耐十分鐘, 接受到! 四寶的叉燒紅腸飯賣相都幾吸引, 齋睇樣都幾好, 仲有幾條菜心伴碟, 不過只是賣相好而份量少先試菜心, 入口發覺佢只是暖身而叉燒真係燒得幾香, 肉身鬆軟但外邊頗硬, 可幸味道有蜜味, 香香甜甜但唔會太甜, 接受到; 至於紅腸切得好薄, 紅腸肉質幾硬身, 又唔香, 好一般! 雞肉亦切得薄，肉嫩咸蛋不過不失咖哩羊架飯四方碗型又類似碟上，咖哩幾杰！淨食一啖幾香香草味，唔辣但香，係印度式咖哩！羊架四支好肥美，瘦肉佔八成！食落一啲都唔膻，肉質又嫩！好味！連啲薯仔都入晒味，洋蔥仲爽口，咖哩跟飯，改意粉或薄餅加錢！心唸好多餐廳都吾洗加，感覺吾低所以吾改幸好白飯夠熱又鬆軟，撈咖哩汁一流！值得一提係呢度辣椒油都幾香都幾有水準!

呢間餐廳雖說很大午餐時間經常都爆十二點半門口排長龍好彩同朋友早左到, 完全唔使等都有位了, 坐左一陣都已經幾多人了午餐通常五款懐舊四寶飯及燒腊雙拼飯例牌日日都有今日我地點了燒腊雙拼飯先來例湯及飲品燒肉切雞飯 - 燒腊的份量真的不是講笑，份量多到差點見不到飯，燒肉的沙皮十分香脆而且燒肉的肥肉平均肉味及鹹鮮味真的一流，至於切雞雞味濃郁嫩滑，食吾到雪藏真係雞有雞味燒肉有燒肉味，跟飯再加一個例湯及飲品在尖沙咀$50真的超值。

好耐冇嚟食，原因午餐成日要等位下午同事話想食這裡今天不是多人，但都緊緊有位大家都叫芝加哥豬扒拼煙肉飯最快到羅宋湯，湯味濃開胃好飲飯的份量吾少-見到個飯時個汁是橙紅汁，以為是茄汁但是沒有甜和酸味，應該茄膏多過茄汁感覺怪的。好彩豬扒仍然保持肉汁，D肉不会好dry,醃得夠淋所以幾好食，但係最衰豬扒係暖嘅。煙肉香口，應該是炸而咸味剛剛好這裡地方很大仲有閣樓而且都乾淨企理我好耐都冇飲過好喝的咖啡了，咖啡很香夠濃。很滿足的午餐！

今晚要去尖沙咀參加一個聚會，在寶勒卷。知道那裡有幾間茶餐廳。一望見到佳記，見它燈光明亮，裝修尚算雅潔，又有卡位，就入了去先吃晚飯。一坐下，打開餐牌，嘩！價錢跟翠X差不多。大部分食品都不包飲品，要另加$8才有。終於叫了個單拼燒臘飯套餐，見餐牌上例湯的賣相也不錯，有湯有料，我就㸃了一個义燒飯套餐。但侍應端上例湯來，只有水，沒有湯料！跟餐牌上賣相完全不同。我就跟侍應反映，一個好像是領班的姐姐，不理客人的意見，就回答：「這是送的，就是這樣了。」今時今日仲有這種服務態度，真是氣人。一碟义燒飯收$56，那有人相信這碗例湯是免費送給客人的。經過這次經歷後，不會再光顧這間茶餐廳了。

再不会去了，服务态度不是一般差，对待大陆人更恶劣。对待顾客起码的尊重都没有。吃个饭还要看脸色也是够了。进去时还拿了张菜单，以后也不会用了。祝其他去的朋友今后好运

$47一份下午茶，洗唔洗細份到咁？6歲小朋友都未必夠食。比多半碗飯要幾多錢成本？ 我宗旨是一間餐廳慳到咁d用料質量一定唔方好。 永不再幫襯.............

去完海港城買禮物,去茶餐廳食就最穗陣下午時間唔多人不要排隊,成斑幾個朋友食野吹下水係好地方勝瓜海鮮飯$56湯底真係好鮮甜,入面都足料湯份量都多,好好飲雪菜魚蛋片湯米線$39$16一份叫左2份好脆口,一份都好飽肚呢個食完又食.好正凍檸茶一人一杯百幾蚊都OK