佳豐粉麵店 (已搬遷) 新店位置

睇完醫生，之前係祥興食過既早餐已經消失得無影無踪，下午又約了朋友入赤柱，見仲有時間，就係北角四處逛。佳豐粉麵門面只是一般，店內客人不多，一片冷清的感覺。隨意找個角落坐下，又是自助形式的車仔麵店，也好，可以看看食物的賣相。牛肚水魷生菜配粗麵牛肚炆得夠腍，亦算入味，要求不高的，可以接受，水魷咬落爽口，原先印象幾好，點知一挾起粗麵條時，一陣令人討厭的鹼水味直衝嗅覺，扒了兩口便放棄，第二餐話咁快完成。

經常在北角出入, 一諗唔到食乜野對腳自然就會入左去佳豐粉麵食車仔麫幫襯原因由於這間車仔麵檔價廉物美 這裏款式很多, 應有盡有, 是一間頗傳統的車仔麵檔最特別的是韭菜餃很新鲜, 還有特製辣醬辣得嚟很香不可以錯過。 每次必吃的就是西洋菜, 七蚊大大碗, 又有菜味又香又嫩每次幫襯完一碗車仔麵都覺得大滿足

寫左附近嘅權記雲吞麵同真正豆腐坊，今次終於輪到佳豐啦 水餃米線 水餃有3粒，係韮菜餃嚟架咋，唔好以為$15有豬肉餃呀！ 即叫即煮，粉麵店黎講等5分鐘都叫幾耐，不過起碼新鮮搭夠 水餃d皮超薄，筷子一篤即穿，一咬d菜漏晒出黎 d韮菜好多油，好似薑蓉咁用油浸住d菜 米線聞落有陣用糯米粉揼湯圓嘅麵粉味，食落紉紉的，幾彈牙 可能米線都有好多種，呢間嘅口感完全唔似譚仔咁，但別有一番風味，$15黎講唔會比譚仔遜色

如果你口袋只有$12, 想食碗車仔麵填肚，恐怕剛剛夠付一碗淨麵，或者連淨麵也不能。不過這間小店只要$12 就可以食到單餸麵，$20就有三餸，看見車仔檔上的食物和餐牌上的價錢，有如返到回歸之前的年代，或者這就是北角區仍然保留不少富人情味特色的地方。路過很多次也是擦門而過，今晚得自己一個搞掂，於是就入去試試，最初我也沒有看價錢，隨便的叫餸，有雞翼、蘿蔔、生菜、魚片頭、跟河粉，結果晚餐$26就搞掂了！小店只有兩個亞姐一腳踢，但都面帶笑容，態度好親切，可能幫襯的都是附近的街坊，經常見面吧！湯底幾好飲，絕對不只是靠雞粉開湯，至於是不是豬骨湯底，那就要你自己想想喇！魚片頭夠大件，而且非常彈牙，仲要有三件，雞翼雖然只有兩隻，但都炸得幾好食，河粉份量都唔少，食完真的飽飽了！情常在的車仔麵，一定會再返黎。

Stopped by this little joint for noodles, however its ordering system is different. It was similar to ordering noodles in Sai Kung, however the noodles at Sai Kung are much pricier and they will take the noodles to your seat after you have ordered and paid.At this restaurant, you order what you want, pay for it and then YOU collect your bowl of noodles and find a place to sit down.I was not keen eating beef organs so I just chose fried luncheon meat.The noodles were not the ones I were expecting

作為北角人的我呢間店開業以來幫襯左無數次原因好簡單: 因為 "平靚正" 三個字十一蚊包一麵一餸再加餸每款4蚊一般我去都係食3餸1麵加埋都唔駛20蚊 本人絕對推介要加辣呢家d秘製辣醬好好味加少少辣成碗麵都香好多