來多客餐廳

营业中

休息中

來多客餐廳，位於深水埗元州街154號地舖。 餐廳座位寬敞， 服務有禮。 菜式款式多，晚餐🥢 ～ 鐵板扒餐 ( 巴西豬扒、鮮嫩牛扒) + 羅宋湯+蒜蓉包+ 喳咋 $70 、 惹味沙薑雞+油香飯+油菜+ 中湯+海帶綠豆沙 $70。 🔸鐵板扒餐 ( 巴西豬扒、鮮嫩牛扒) ～ 可以任選兩款扒， 我揀了豬扒和牛扒，兩款都軟嫩配上蒜蓉汁，味道更佳， 薯菜份量亦多，非常豐富。 🔸羅宋湯+蒜蓉包 ～ 羅宋湯酸中帶甜， 配上香脆的蒜蓉包，美味雙拼。 🔸惹味沙薑雞+油香飯 ～ 沙薑雞嫩滑美味，整道菜充滿濃郁的沙薑味。 🔸油菜 ＆中湯 ～ 有油菜和中湯， 兩者都幾好味。 🔸海帶綠豆沙 & 喳咋 ～ 套餐仲可以選飲品或糖水。 餐廳性價比高， 價錢親民。🏷️溫馨提示～ 整個用餐體驗均屬個人分享意見， 只作參考😊。

呢度晚餐都係五字頭價位又成日換款式絕對唔係頹貨跟餐係送糖水平時糖水舖都要賣廿蚊啦同埋d員工落力做野 認真做事不過OpenRice好少正評我覺得要幫幫佢地同埋香港嘅飲食野要學下佢地唔好再整劣食出嚟

來多客喺深水埗元州街多年，我覺得最大賣點就係啲位夠闊落，通常都唔使等位，除非你係超繁忙時段，杯碟碗筷都係乾淨，食物質素多年來都係不過不失！今日食咗豬扒包配糖水，佢有樣幾特別嘅嘢就係飲品可以轉糖水，喳喳 或西米露都係唔錯選擇！今日揀咗豬扒包配熱喳喳$40，雪菜鴨絲炆米配熱咖啡$51。兩樣都係正常嘅味道，唔會有太大驚喜，我覺得如果做學生係呢間餐廳食幾抵，因為佢有張叫「飯飯掂」嘅餐單，着校服可減$6🤣🤣🤣🤣仲有佢下午茶係去到6:30 ，我都有試過收早6:00衝入去食個下午茶飯餐做晚餐，平價之選！

6:27pm叫咗下午茶：日式叉燒拉麵跟馬來家財，鮮茄火腿雞絲炒意粉跟椰汁西米露。$102 埋單。冷氣夠凍。地方寬敞。嘢食好快。環境嘈吵但舒適寬敞。會繼續返嚟。👍

成個疫情，我最欣賞呢間餐廳又清潔又整齊。令我好放心入去食嘢！啲員又有禮貌，又很少聽到有吵鬧。相信街坊都好喜歡支持佢哋入去食嘢！一個有團隊精精神。能使餐廳最大得益。👍👍👍👍👍👍

好耐冇嚟深水埗「來多客餐廳」，今日近傍晚經過見佢仲有下午茶 (2:00-6:30)，於是便入內座低休息下兼食啲小吃。一👀餐牌，仍有我喜愛的糖水，於是叫了三文治+糖水。😚“午餐肉鮮茄治”～午餐肉煎得夠香脆，加埋鮮茄酸酸甜甜，味道夾得嚟剛剛好！😃“午餐肉蛋治”～午餐肉+蛋係絕配，蛋算炒得滑唔錯！😄“熱、凍海帶綠豆沙”～呢款係至愛糖水，不嬲都有水準，海帶綠豆煲得唔杰、唔稀又唔太甜，剛剛好！👍🏻😋總括而言，食物質素👌🏻，坐得舒服，價錢經濟實惠！😘

下午茶時間經過，見裝修環境都唔錯就入內試試，坐下卡位舒適，叫咗個沙嗲牛肉麵試下，ok好味，牛肉滑霖，沙嗲汁香，麵爽不太霖。服務員的服務態度也ok,價錢一般平民價。下次會再幫襯，試試其他。

一晨早係深水埗搵早餐食，👀有間叫「來多客」嘅茶餐廳，顧名思義即係叫多啲客人入嚟幫襯，既然係咁就不妨入去試下啦！😉餐廳內地方尚算寬敞整潔，早餐款式亦都唔少，最後選擇了👇🏻兩款例牌早餐：“沙嗲牛肉湯意粉”～沙嗲牛肉叶得唔錯，咸淡適中有少少甜，肉質唔韌，意粉都幾彈牙，加埋煎蛋腸仔，好夠飽！😊“香煎豬扒公仔麵”～豬扒比較薄，幸好肉質頗滑兼調味唔錯，午餐肉就麻麻哋好似食緊麵粉咁，公仔麵就一般啦！🤷🏻‍♀️例牌“啡走”～咖啡味都算夠濃郁，兼另上煉奶自己落，都幾細心喎！😘

疫情後第一次返嚟食番呢間早餐，疫情前，通常星期日10點後都要等一等位，所以今早9點幾就嚟，感覺上少咗人,可能為咗防疫關係，有一排枱直接拆咗，避免食客之間坐得太近。睇番餐牌，價錢同以前差不多今次叫咗沙嗲牛肉意粉加太陽蛋餐肉，飲品係奶茶，全餐$36。所有材料加埋都無令湯底太重味，咗有少少菜，幾適合作為早餐。而呢間的奶茶一向都唔錯，有茶味，唔會太稀，又唔會濃到澀，基本上每次都係飲奶茶或者茶走。另外，友人叫咗個牛扒餐，食到一半先記得影😂，牛扒無根易切，其他正常發揮。不得不提，如果食粉麵餐，可以試吓個米通粉，通粉形狀比較長，比平時的麥通粉彈牙啲。

夜晚無無聊聊唔知食咩好，行過見到呢間餐廳有得加6蚊要碗糖水，就決定行入去坐低叫左個星洲炒米，加個凍既椰汁紫米露星洲炒米炒得有啲濕，但熱辣辣即炒抵讚！料都好足，蝦都爽口，呢個價錢五十幾差不多啦！最期待個糖水，紫米好有咬口，其實加6蚊就有既就，我會比200分

農曆八月十四本來是「中秋節」裡面的「迎月」，可惜香港當日天氣異常地惡劣，整日都在下着滂沱大雨，又有閃電，所以即使我在「長沙灣」看完電影，食完晚飯回家仍然看不到月亮。結果我即使已經到了八月十四，始終還未正式切開和享用「冰皮月餅」。話說八月十四當日，我在「長沙灣」看完電影，始料不及香港正在下滂沱大雨，即使我已經攜帶雨傘，還是阻止不到被雨水弄濕衣服和鞋襪。加上我們一家人早已經在八月十四之前提早造節，一早已經食完「中秋飯」，所以沒有需要再顧忌晚餐的內容，改為在「長沙灣」、「深水埗」裡面找食店享用晚餐。結果我一邊用手翻查「長沙灣」和「深水埗」茶餐廳的資訊，一邊好像「驗明正身」一樣，翻查餐廳裡面有沒有「牛腩」可以食，有沒有「雞扒」可以享用，結果還是顧此失彼，找不到可以安心食「牛腩飯」的餐廳。本來我在「元州街」近着「長沙灣」港鐵站一帶路段裡面，找到一間港式茶餐廳，餐廳名稱叫做「來多客餐廳」，知道「來多客餐廳」有「咖喱牛腩飯」之餘，又有「咖喱雞扒飯」，還有「水蜜桃水晶乳酸」飲品可以選擇。怎料我點餐完不久之後，「來多客餐廳」侍應立刻告訴我，「咖喱牛腩飯」已經不幸售罄了，讓當時的我感到異常的失望，失望在於

補寫食評，１年多前來吃的。2019年２月 某星期六，零晨４點被叫醒，媽媽腰痛得難受！要去醫院！５點等到９點，辦好入院手續；回家稍稍休息，下午５點至晚上８點，又跑了倘醫院，累！！累！更要好好吃飯！來多客是我姊建議來吃的餐廳，她說：平 靚 正的店！果然！晚上９點還客滿，要等１張。３人點了３份主食、２碗糖水，share吃：#咖哩魚扒飯，咖哩汁很香，伴飯好吃！#滑蛋牛肉飯#菜遠炒牛肉配白飯#海帶綠豆沙#馬來喳咋，這個很足料，加了椰奶，好吃！

百搭鐵板扒餐真係CP值超高牛扒同雞扒都超淋超好食仲送大大碗羅未湯奶茶又重奶香 唔落糖都冇苦澀味成個份量大到根本一個普通食量既女仔冇可能食得哂黎食左勁多次都係要同人share🥴🥴值得食😋😋

今日去完順豐取貨，轉角見到間茶餐廳，時間岩岩好，又係tea time我叫了羅宋湯豬扒公仔麵，羅宋湯底並不是罐頭湯，加入了蘿蔔條，鮮蕃茄，蕃膏加深了湯底的顏色，豬扒已經切成條狀，方便食用，豬扒夠厚身，吸收了湯汁，都唔錯，另外公仔麵鋪在底，條條分明，份量都大，一切飽肚老公叫了秘製豬扒包，無錯都係豬扒，豬扒包的麵包主要是豬仔包，包就熱辣辣，烘過很脆口，要小心食，但配上的居然唔係羅馬生菜又爭緊少少，鮮蕃茄片好鮮味，豬扒煎得岩岩好，仲好juicy,沙律醬少許，沒有搶走豬扒包的風味加$2升級飲檸蜜，如果三塊檸檬片就正，見佢好滿，收貨啦

收工行過見咁多人食，入面試試先！見個百搭鐵板扒餐先$65 咁平！就食你啦！佢唔同一般扒餐得普通豬、雞、牛！好特別可以要吉列魚柳、吉列豬扒！就連豬扒都可以選唔同味道：麻辣、香茅、巴西豬、煎豬柳扒.可以選2款食物.（牛扒同麻辣豬扒）配白飯意粉薯菜仲送羅宋湯同蒜蓉包，飲品仲可以轉糖水，抵食！我心諗咁平個碗都唔大得去邊，湯同蒜蓉包先嚟到！咁大碗嘅！鐵板到啦！啲份量都好大份下！扒都好大塊！牛扒唔會韌.麻辣豬扒冇想像中咁辣，但都幾好味.糖水：喳喳糖度適中，仲要好多豆！今餐飽到頂上心口！