信興隆食品

营业中

休息中

dec 28, 09,5時1/2左右嚟到,可惜最想食嘅砵仔糕己沽清,所以買咗 : 1) 紅豆糕-比較軟腍身,但並唔喺"削",因好有紅豆嘅清香味,所以應該好足料同用上靚豆-甜度適中-可惜我食佢之前飲咗1啖白茶(膠樽裝),令到我食佢時都帶有好輕微嘅苦味-初時我仲以為微苦味出自紅豆糕,但友人話無"押"-食完之後我再飲多啖白茶,就知道苦味嘅源頭喺佢,浪費晒紅豆糕嘅真味 2) 菜甫蝦米茶果-未食個茶果面已裂開-個皮望落都幾厚喎-友人話好夠菜甫味 3) 眉豆蝦米茶果-我慣性揀鹹味茶果-不過個皮真喺厚咗d-個餡亦無我喜歡嘅5香粉味-普通-同大澳財哥差好遠~~~

好耐無食過的砵仔糕又再出現了.今次除了平日食開的砵仔糕,仲有茶果.當然還有上次好好味的紅豆糕啦!茶果皮煙煙韌韌,用上眉豆鹹鹹地幾好味道.白色的砵仔糕仍然是少豆,我覺得多點豆味道更好,今次又整得唔算太甜,椰汁味也俾起上次吃的突出,只有一個真是太少了紅豆糕的紅豆好少呀!最愛是不太甜,一個也也幹掉了二件半.吖,今次發現原來唔雪都幾好食,雪左會硬一點,唔雪的話超軟又夠滑.看來下次都不用放在雪櫃了

砵仔糕, 茶果, 西米糕全都是鎮店之寶, 所以, 我毫不手軟, 統統把它們買下來咯~吃過以後, 我終於明白信興隆引人之處, 全因它的所有粉漿/皮做得相當不錯, 既幼滑又鬆軟, 用料十足, 餡料味道也不會太甜或太膩, 多吃兩個也無妨呢~ 下一次定要再試其他糕點, 如馬蹄糕, 紅豆糕, 桂花糕, 芝麻糕和白糖糕 順帶一提: 我於下午二時多到達信興隆, 最初老闆跟我說只有砵仔糕和西米糕售賣, 因為茶果平常要三時左右才預備好的, 正當失望之際, 老闆娘大喊一聲茶果剛剛蒸好, 於是我就有幸吃到剛新鮮出爐的熱騰騰茶果咯~ 至於一致好評的白糖糕, 老闆說近來很忙, 沒有時間做呢~ 那希望下一次有機會吃到吧~

媽媽今日路過紅磡又問我吃不吃砵仔糕.最後我要2個,1個啡1個白色.白色那個充滿椰汁香味,好軟滑,只是實在太甜了.至於紅豆烚得好淋,好香口豆味.黃色的味道也好好,夠滑,還有唔算好甜幾好味道呢紅豆糕第一次吃,雪到冰冰凍凍.咬下去嘩不得了實在太好味了,既唔甜又有豆味,最最重要真是整得勁滑溜,只是略嫌紅豆粒唔太多,這個甜品是夏天的必吃佳品.

買左兩個砵仔糕,一件紅豆糕~$10三件砵仔糕係暖既~唔算好多豆~但唔太甜,所以ok~佢係淋身o個種砵仔糕,感覺唔似其他地方的用大菜絲整.但如果用多d豆會更好~紅豆糕的顏色好紅但好少紅豆,質感都係淋身..但我覺得唔太似紅豆糕,除左佢係紅色之外~唔知點解呢間野講到自己d糕點咁出名呢?個人認為都唔係好特別~佐敦o個間紅豆糕比呢間名副其實好多..

媽媽星期三買了砵仔糕,黃色同白色都有.事先聲明一向我也有是愛白色多點.所以今次都係評白色先啦白色的砵仔糕係有好多的椰汁味,最愛入面的紅豆,真係煲得好淋,好有豆味,好似有食緊紅豆沙的感覺.不過,稍稍甜了一點.如果可減甜更好至於黃色的就稍為整得滑一點,同埋無咁甜,豆都係一樣啦!只是不覺得特別好味道如果大家都係4元,我就會揀白色了

趁阿爸阿媽去紅磡行街及買0野食, 工作關係無得去0既我唯有「搭單」叫佢0地買d 中式糕品返0黎試試=P, 結果佢0地買了$30 0野, 有砵仔糕, 茶果及西米糕各3 件($10 / 3 件).試了芝麻椰絲餡的西米糕(另有紅豆及綠豆餡), 西米好煙韌又帶點西米0地清甜味, 不過層皮都幾厚, 少d 耐性都唔掂, 芝麻椰絲餡亦夠香又夠甜, 唔錯.茶果就有4 隻, 分別係(紅)豆沙, 綠豆, 芝麻椰絲及一隻鹹味的餡... 試了豆沙餡及鹹味的, 層皮極黏, 好軟又幾煙韌, 不過因為太黏太軟, 好快散晒; 豆沙餡又香又甜, 鹹味0個隻餡就有豬肉, 冬菇及蝦米, 除0左豬肉比較乾同硬之外, 勁對口味, 幾好食!砵仔糕拎到返0黎九龍城仍然暖暖的, 應該係新鮮出籠, 夠晒吸引. 食落軟軟的又幾滑, 味道清甜, 紅豆亦唔硬, 唔錯! 連一向唔多食砵仔糕的我都覺得好食, 嗜砵仔糕的, 值得試試!有時間專訪土瓜灣的的話, 會買其他糕試試.

路經此地，買幾件糕來吃吃。除了很「人氣」的碗仔糕﹝對不起，這個賣相何「砵」仔糕之有？﹞，還有馬蹄糕、紅豆糕、桂花糕、芝麻糕、西米糕等等各來一件。碗仔糕真的是這樣好嗎？吃起來很「立口」，紅豆硬硬的，可能是退步了？還是大家見傳謀追捧又不敢說差？不知道，但這不是吃過最好的砵仔糕。反而其他幾款糕都很不錯，俱不太甜又各有味道。最喜歡的是桂花糕及馬蹄糕，很清香又滑溜，雪得微凍才吃，很美味；芝麻糕很香，也做得很滑身，如果可以做到「菲林筒」賣相的芝麻糕，就滿分了；紅豆糕也是碗仔糕的弊病，紅豆硬硬的；西米糕很煙韌，綠豆餡也美味，不過有點點油膉味，美中不足。每件都獨立用膠紙包著，邊行街邊吃也可吃得乾手淨腳的。十蚊三件，經濟抵食，是不錯的老式糕點。

小時,我媽最經常買給我兩姊弟的小食中。砵仔糕是列表之一。我當時這麼小,不知她給我們吃的砵仔糕是從哪買回來的? 現在她走了,也問不到。最近,看雜誌時說,這裡的砵仔糕很好吃。男友又會去那邊,所以託他買給我吃。因為我只有地址,沒抄下店名。所以他花了半個多小時找店,才買到給我吃。看到實物,講真的,不太討好。它不像現時的砵仔糕般,有平滑的表面及完整的碗仔形狀。但入口時,馬上被那紅豆香味,滑滑的椰汁味糕身,所吸引。令我記起小時我媽買給我們吃的砵仔糕。這個滿有回憶及愛心之砵仔糕,個人而言絕對是滿分。

在銀漢街賣缽仔糕賣到開巷的"信興隆",原來已搬到去馬頭圍道,石塘街附近,在一片"集體回憶"之風潮下,很多舊時舊物也開始陸續出土.缽仔糕是我輩二尾三頭的其中一種回憶,當然也不例外.缽仔糕一啡一白,前者的用黃糖,後者的用椰汁.同樣用粘度極高的粘米漿製成,再加上口感鬆化,味道極濃的紅豆.就成為眼前的缽仔糕.時下大多年青人吃得連鎖快餐迴轉,或在街邊掃街多,這等老味也許未聽過,或者缽仔糕這些功夫煩複之小吃,賣得$10三件,利錢又不多,難怪會日漸式微.幸好懷舊風吹得正盛,再喚醒起大家正視其價值.啡同白的質感一樣,吃落香滑.是分別在味道,黃糖同椰汁各有各風格的甜味.活到這個年代,能吃到這等童年之味,已經很不錯.但過多十年八年之後,又會如何?

銀漢街店已經關門大吉，所以主人與奴隸獸撲了個空。尋尋覓覓後，原來信興隆已搬去馬頭圍道。因為時間已晚，砵仔糕經已售罄。奴隸獸覺得唔買番D食實在對主人唔住，所以呢…….1. 白糖糕（HK$3.5）：食白糖糕最怕有一股酸味，此糕嗅到但食唔到，是一件OK的白糖糕。2. 綿花鬆糕（HK$3.5）：此鬆糕一點也不鬆，卻是煙、彈牙，頗有『咬口』，口感像煙的上海年糕，主人話可以加入椰子味就更加好了。

經開馬頭圍道，見到信興隆剛搬過來，記得上次在石塘街幫襯的砵仔糕唔係咁得，今次比多次機會給她教量；要了個黃糖砵仔糕及綠豆蓉西米糕。砵仔糕仍不是驚人貨色，跟坊間很多小店相若，不過西米糕就得妥很多，不甜漏之餘還有淡淡西米香味，而搭配綠豆蓉挺是不錯，無怪這盤西米糕要放在舖面當前！今次的笑臉食評是給西米糕，砵仔糕要進步啊！