影片
更多
2018-02-13
370 浏览
呢幾日氣溫一日低過一日，一早一晚都係得果幾度，真係凍到傻，梗係要搵個邊爐打下至得啦。之後阿媽就話上次阿哥同同事去屋企附近間倫哥火鍋幾好食，2百幾蚊1個人而且又唔限時，既然係咁又近近地，點解唔試？倫哥火鍋喺福華街近楓樹街，其實比較近太子多一點點。去到門口就見到呢個易拉架啦，$288無限時任食海鮮火鍋，如果宵夜時段，仲有8折添，認真抵食。天氣咁凍，真係全場坐滿架。餐紙有教你點樣食雞煲先最好味。一黎每人先送個燉湯，凍冰冰有個燉湯暖下胃真係爽，而且湯料又夠晒足。味道絕對唔係一般茶餐廳例湯，質素極高。再黎每位一隻冬菇及鮑魚，冬菇味道鮮甜，鮑魚炆得夠淋再配上鮑魚汁，夠晒入味。我地唔係食辣之人，所以雞煲只叫左BB辣，按倫哥教我地嘅步驟，先等佢滾起，之後每隔2分鐘攪一攪拌，一共攪4次就食得啦。雞煲食到一半，記得加埋牛柏葉、魷魚、豬皮落去，味道就更加好啦。歎完雞煲，就到火鍋時間，侍應奉上大大碟牛頸脊，色澤紅潤，紋理分明，一睇就知係上等貨色。牛頸脊如要添食，需另外收費。海鮮航空母艦黎啦，呢度嘅海鮮盤無劃一設定，只會安排每天6-9款最新鮮嘅比客人。今日就有生蠔、象拔蚌BB、螃蟹、鮮蝦、墨魚、珍珠蜆、貴妃蚌等
真係凍到傻，梗係要搵個邊爐打下至得啦。
之後阿媽就話上次阿哥同同事去屋企附近間倫哥火鍋幾好食，
2百幾蚊1個人而且又唔限時，既然係咁又近近地，點解唔試？
倫哥火鍋喺福華街近楓樹街，其實比較近太子多一點點。去到門口就見到呢個易拉架啦，$288無限時任食海鮮火鍋，
如果宵夜時段，仲有8折添，認真抵食。
天氣咁凍，真係全場坐滿架。
餐紙有教你點樣食雞煲先最好味。
一黎每人先送個燉湯，凍冰冰有個燉湯暖下胃真係爽，而且湯料又夠晒足。味道絕對唔係一般茶餐廳例湯，質素極高。
再黎每位一隻冬菇及鮑魚，冬菇味道鮮甜，鮑魚炆得夠淋再配上鮑魚汁，夠晒入味。
我地唔係食辣之人，所以雞煲只叫左BB辣，按倫哥教我地嘅步驟，先等佢滾起，之後每隔2分鐘攪一攪拌，一共攪4次就食得啦。
雞煲食到一半，記得加埋牛柏葉、魷魚、豬皮落去，味道就更加好啦。
歎完雞煲，就到火鍋時間，侍應奉上大大碟牛頸脊，色澤紅潤，紋理分明，一睇就知係上等貨色。
牛頸脊如要添食，需另外收費。
海鮮航空母艦黎啦，呢度嘅海鮮盤無劃一設定，只會安排每天6-9款最新鮮嘅比客人。今日就有生蠔、象拔蚌BB、螃蟹、鮮蝦、墨魚、珍珠蜆、貴妃蚌等等。
另外侍應都有講解個別海鮮如生蠔等都不屬任食項目，要特別注意一下啦。
仲有其他火鍋配料好似雲吞、水餃、貢丸、麻吉燒、蟹柳等。
我地揀左蕃茄薯仔湯底，佢係用新鮮蕃茄餚製，而唔係用茄膏，所以茄味香濃，而又唔會蓋過海鮮同牛肉嘅鮮味。
最後食完個火鍋仲每位有一份燕窩燉蛋白，味道唔太甜，但都算幾滑，感覺非常滿足。
臨近農曆新年，倫哥呢度仲搞左個抽獎，每日每位惠顧食客都可抽一張抽獎咭，我地除左抽到利是封同揮春之外，仲好幸運咁抽到6位送1位嘅優惠卷，
咁下次叫埋阿哥阿嫂黎就可以有1位免費啦。
张贴
