倫哥火鍋私房菜 (已結業)

之前觀塘返工成日見到倫哥個招牌 搞到成日心思思想食 今日係太子收工決定約埋friend一齊去附近食倫哥！前菜係麻辣木耳同四季豆有6款火鍋醬料任加超足料中湯 有雞肉、雞腳、豬肉、茶樹菇、杞子 煲到夠火喉飲落又好清甜冬菇燜鮑魚 分量每樣一人一隻鮑魚燜到好淋 冬菇超厚肉麻辣雞煲 我地叫左少辣 雞煲好入味 加左少少胡椒 芫茜 洋蔥 令味道更豐富 雞肉都幾嫩滑 食完唔夠喉仲可以免費添食雞煲食到咁上下就可以加埋啲鮮尤同牛栢葉落去煮 鮮尤同牛栢葉都幾爽口食夠雞煲就開始打邊爐 我地揀左蕃茄薯仔湯底 湯底味道啱啱好 唔會太咸太酸海鮮盤 啲海鮮好新鮮 有聖子 蟹 生蠔 象拔蚌 唔夠喉嘅話蜆 蝦 馬刀貝龍躉片鯇魚腩仲可以免費添食牛頸脊 雪花均勻 肥肉雖然唔多但口感唔會太韌 牛味都重任食火鍋配料仲有蝦滑 墨魚滑 雲呑 餃子 蟹柳 腸仔 芝心牛丸 豬肉丸 魚蛋 沙拉丸 真心推介魚蛋 好爽口彈牙！響鈴同炸魚皮當然唔少得 我地encore左幾轉最後仲有甜品燕窩燉蛋白有微微嘅椰香 蛋白好滑！食完真係超級滿足 下次有gathering再嚟食過！

今天陪老公去深水埗運輸署換十年期的駕駛執照，之後在深水埗行左一陣，天氣突然變壞，熱左幾日，而家凍左又落雨，老公說不如去食火禍，因為之前去親友度拜年，提起深水涉福華街開左分店的倫哥火鍋私房菜，一個價錢有任食雞煲、海鮮火鍋、冇酒精飲品任飲………，好底食，於是我和老公就依地址去食晚餐！新年有中獎利是派！餐廳地方雅潔，混醬配料齊備，入座後送上前菜2碟，汽水和自製飲品任飲。每人一個燉湯，好足料，湯清甜又滋補，蟲草花有益又爽口，記得食埋。每人一份鮑魚冬菇，鮑魚鮮甜，冬菇爽口，都好入味！任食雞煲，有辣度選擇，我選了BB辣，係最少辣的一種，雞件已加入特製醬料醃製，上枱時立即放入煲內煮，並加入芫茜和蔥頭，使味道更香，侍應會解釋如何煮法，也會從旁協助，最後加入魷魚和牛柏葉焗一下就食得，雞肉入味又嫩滑，味道惹味帶微辣，好味到令人食不停口，我也追加了一次。食完雞煲就換左煲蟹鍋湯底打邊爐。首先送上海鮮拼盤，這盤是2人份量，有蠔、蝦、蜆、馬刀貝、貴妃蚌、象拔蚌、半隻蟹、脆鲩片和龍躉片。留意，有些是一次性，追加要加錢。有些可以免費追加。多款火鍋配料，其中有爽口的丸類，彈牙的蝦滑和墨魚滑，雲吞、水餃等都是即包。因為老

狗年第一日開工，梗係要同大少兩個人去返餐好啲㗎啦！我哋都試過倫哥其他分店，今次選擇困難症發作，所以今次就book間新啲分店試下啦！我地今日訂咗7點半，早左少少到但已經滿咗7，8成喇！好彩有一早訂定枱一坐底店員就已經準備好個配料架比我哋喇！都係一般火鍋應有嘅配調味料啦！跟住好快就有兩碟小食上枱，有涼拌雲耳同青瓜兩款基本上都係差唔多嘅調味。有麻油香，有少少麻同酸，十分開胃啊！跟住上枱嘅就係蟲草花燉烏雞湯。火候十足，唔會因為大量供應而質素下降，而且超足料呀，飲落去絕對唔係味精水，真係正嘢！值得一讚原來仲有一個頭盤，就係鮑汁炆鮑魚花菇。雖然唔可以同高級酒樓果啲比較，但係以呢個價錢絕對交足功課！啲花菇炆得好入味，連平時唔鍾意食冬菇嘅我都啪哂😜跟住落嚟就到雞煲出場喇！！因為我唔食得辣，所以就揀咗BB辣啦！啲雞都相當入味，十分嫩滑有少少麻辣更帶出佢嘅鮮味，相當惹味！亦唔會因為係任食就影響到佢嘅質素食完一round雞煲已經唔係好餓，怕食唔到其他嘢就無再加雞喇！之後就到打邊爐喇！店員首先放底可以任食嘅食物，啲丸同餃類都唔錯，唔係放題就求其比啲嘢你咁。湯底就係蕃茄粟米湯，都幾清甜。之後再來嘅就唔係全部都可

如果搭交通工具，呢度嘅位置的確要行一段路。不過如果揸車的話，呢度就係好選擇，因為左近車位任你泊，加上呢度食嘢無限時，落地玻璃門又睇到出面，都唔錯㗎~食咗呢個餐，我家細佬已經响其他店食過幾次，話質素好唔錯，有機會要試試，所以$288都無懸念~因為同行有小朋友，所以揀咗bb辣雞煲，食咗一啖已經決定下次一定要試中辣，佢嘅「麻」好夠，辣味亦夠惹味，而且份量好足，雞肉亦唔似得有啲店得層皮同骨，而係啖啖肉，好滿足。再嚟海鮮盤，雖然2人份只得半隻蟹，但隻蟹肉質好鮮甜，好想enchore呀～蚌類亦非常新鮮鮮甜，蟶子皇完全無沙，大蝦好爽口，係好有質素嘅海鮮盤呀～生蠔煮後無縮水，絕對係靚料~手切牛肉味香濃，有嚼頭得嚟又唔靭，嗜牛人士一定大滿足~孩兒對魚皮同響鈴極為鍾愛，仲話唔放湯一樣仲好食強烈推介呢兩款蝦滑及墨魚滑，蝦滑故意加入完整蝦肉，墨魚滑亦係加咗墨魚片，口感層次豐富得多~任食嘅丸類同雲吞餃子等，老實講，其實都好好食，但我哋兩個老人家已經飽到不得了。我諗呢個就係真的假不了~燕窩燉蛋白，甜度適中，但質感非常幼滑，絕讚~ps:呢度嘅員工尤其係有位樓面姐姐非常周到，好好禮貌兼時刻留意住我哋嘅需要，今時今日呢

見朋友去倫哥打邊爐既相，好豐富，見呢幾日凍一於去試吓。Book左6點，早d食可以慢慢嘆店員帶左我地入房，可容納3張檯,都幾闊落~ 一坐低先送上小食開吓胃先, 有醋蒜雲耳, 辣辣地既蒜香豆角 , 仲有鮑魚冬菇 同埋燉湯: 蟲草花烏雞湯, 啱哂呢D天氣,凍凍地要提高免疫力,補而不燥~  飲品有自家五花茶, 甜度剛好,仲有汽水雞煲黎啦, 先煲2分鐘,炒一炒再煲,要少4次先食得ga, 墊紙都有圖教一人派左張抽獎咭~ 我地可以減 $100香噴噴吖,我地揀左bb辣, 醬汁調較得好惹味 ,食完雞可以加既,不過要留肚食火鍋~湯底係蕃茄薯仔湯, 幾清甜, 湯底配其他食物都好夾好夠味, 唔洗點豉油都好正 最期待既海鮮拼盆真係不得了呀, 有一次性既蟶子,肉蟹, 蠔, 可任食: 龍躉片,脆肉鯇,刀貝,花甲,象拔蚌仔, 貝類都幾款 , 全部都好新鮮牛頸脊油脂平均,肉質鮮嫩,入口爽滑味濃其他配料有 : 自家包既雲吞,水餃 , 唔好睇魚蛋好似好普通, 一咬彈牙鮮味,  芝士丸,牛丸 都唔同出面既貨色特別要讚既係手打蝦滑, 墨魚滑, 有D一粒粒既蝦肉, 墨魚肉,好鮮好有咬口最後仲有甜品 : 椰皇燉鮮奶, 夠哂滋潤 每

倫哥火鍋一直都幾出名，都未有機會試，原來太子有分店，所以今晚凍冰冰最好就食火鍋，於是約了老爺奶奶去倫哥火鍋食雞煲及打邊爐⋯來到門外已經見到餐廳人頭湧湧，一團團冒起的煙充滿火鍋氣氛，收費$288半任食火鍋＋雞煲，價錢都合理⋯倫哥火鍋的面積算大，枱及座位都夠闊，足夠放食物，也座得舒服，餐紙還教客人進食雞煲前的幾個小步驟⋯每枱入座都有2款涼拌小食，分別有黑木耳和四季豆，清涼又酸酸辣辣好醒胃啊﹗另外有冬菇炆鮑魚，炆得軟腍又有咬口，正﹗還有茶樹菇燉瘦肉湯，在吃火鍋前可以先享受鮑魚和燉湯確實是一種享受⋯麻辣雞煲可以無限添食，雞肉非常嫩滑，我們點了小辣，這樣可以吃多一點，始終食辣是會越吃越辣的，所以由小辣開始，就不會會因太辣而吃不下去，倫哥的麻辣雞煲色香味俱全，跟著餐紙的步驟抄局四次後就更入味了﹗雞煲吃到接近尾聲時可以加入鮮魷及牛栢葉，再將醬汁抄至均勻，盡性吸收精華，非常野味﹗吃完雞煲就來火鍋了，以蕃茄薯仔作湯底⋯海鮮拼盤有蟹、沙井蠔、鑽石蜆、刀貝、海蝦等等⋯另外還有牛頸脊，看到鮮紅的顏色加上脂肪紋理就知道新鮮又重牛味⋯正啊﹗其餘任食的火鍋配料也有很多選擇啊﹗不過火鍋前已經食得非常豐富，所以簡單的火

天氣持續寒冷，火鍋店生意應該火紅。個個出外吃飯多數選擇暖身的火鍋。在深水埗做完工事，都快６點，又快是晚飯時，提早吃飯。抬頭見到好搶眼的燈飾寫着火鍋店，以為時間早一定有很多位選擇，原來很多人郭了枱的。好彩还有一張枱。原來這裡吃火鍋還包雞煲，坐下店員問我們可吃的辣度，店鋪會調較辣度配合客人。店員亦會講解煮法，鷄件嫩滑入味，吃到一半再加放其它材料，雞煲豐富惹味。雞煲吃完跟著是鮑魚冬菇，鮑魚軟腍入味。燉湯料足，湯清甜鮮味。$288火鍋任点任食包蟹湯底，湯底上到，見不到單蟹的踪影😳！海鮮拚盤有蟶子，蜆，蠔，海蝦，鱔片，八爪魚，刀貝...夠盛大了。海鮮新鮮，又鮮甜😋。打邊爐又怎可少了牛，牛頸脊油脂均勻，入口軟熟溶化。只可惜得一碟，追加要付$哦!墨魚滑，蝦滑，新鮮彈牙👍。炸魚皮，炸響鈴，脆而不油膩，打邊爐首選。其它還有各式各樣餃，吃到撑肚皮😄。最後甜品

凍凍地同屋企人去打邊爐，屋企附近有間雞煲邊爐店經常滿座，所以去試一試。好彩一早訂了位，7點多去到幾乎全場滿座，價值每位三百頭。一坐低店員超級好招呼，又介紹有咩食及放低了兩個小食及調味料。再問雞煲要幾辣，有BB辣至大辣，我們就揀左中辣。之後就送上一人一盅燉湯。燉湯超級足料，有雞、豬肉及蟲草花。花菇鮑魚更是妏得非常入味及腍，花菇尤其大隻，鮑魚就比較一般。我叫了一個菠蘿蘆薈飲品，比較甜。屋企人就飲啤酒，加士伯都係$22/支，非常抵。雞煲上枱後等約8分鐘後，店員會將魷魚、豬皮及牛柏葉倒入煲內炆煮，等多一陣就食得啦，一開煲蓋超香的麻辣味非常刺鼻，雞肉嫩滑且辣味十足，不過越食越麻。魷魚、豬皮及牛柏葉吸收了麻辣味道，既香且辣，最重要係無論雞煲定後加料都可以任食，真係食完雞煲都夠飽啦。之後再要了一個番茄薯仔蟹湯底，火鍋料除了牛肉及部份海鮮外，其他都是任食，基本上上一輪都已經很飽肚，不需要再落第二輪。火鍋料中手切肥牛、蝦滑及墨魚滑都是亮點之一，牛肉嫩腍且味道濃郁，蝦滑爽口彈牙。其他火鍋料都不錯，其中的芝士丸更是入口爆心。海鮮拼盤有7-8款，其中貴妃蚌、蜆及魚肉片是最鮮甜，蟹肉都很新鮮，不過蜆肉有沙。甜品

一班胃口大既朋友搞聚會, 通常都會選擇放題, 近幾日天氣凍, 打邊爐就最好不過!早排有朋友經過見到倫哥火鍋有任飲任食打邊爐, 食完雞煲、再食海鮮, 最正就係"無限時!!" 岩哂一大班朋友慢慢傾,慢慢食!! 旁晚7點左右, 餐廳內人流未算多, 但已經full booking, 大約8點左右, 餐廳內已經座無虛席, 人氣超旺!! 由於無限時關係, 最好都係預先book位, walk-in的話真的是無了期等位都未知幾時可以入座。侍應先送上前菜、混醬配料(每位價錢已包醬油費)飲品有五花茶同埋罐裝汽水選擇, 五花茶不是糖水般甜, 打邊爐清熱最佳選擇。蟲草燉烏雞湯 滋潤, 又清甜, 真材實料!食雞煲之前, 還送上鮑魚同埋冬菇, 鮑魚彈牙而且入味, 東菇幾爽雞煲可以自選辣度, 有唔辣、BB辣同大中小辣, 我地揀左BB辣, 唔食得辣既朋友都可以試試, 惹味又不會太辣, 雞件已預先調好味, 送上檯才正式煮, 侍應告知每隔兩分鐘再開蓋攪拌一下, 重覆四次就食得!最後加入魷魚同牛柏葉, 稍為煮30秒左右就可以食。烹調時間掌握岩岩好, 肉質很嫩, 很入味。 雞煲食完唔夠可以再免費追加食完雞煲後, 就正式打邊爐

今晚早放工，約了舅父去深水埗的倫哥私房菜打邊爐及食雞煲。餐廳是以半任飲任食為主，其中雞煲、魚、蝦、蜆、打邊爐料（除了手切肥牛外）全部都是任食，飲品就有汽水、五花茶、冬瓜茶等都是任飲。五花茶不會太甜，食雞煲就一定要飲，可以下火。先來的小食雲耳及豆角。蟲草花烏雞燉湯，十分足料，湯鮮甜肉嫩。可能是過年關係，有冬菇妏鮑魚，花菇大隻且腍，鮑魚是鮮鮑，有咬口。主角雞煲，店員細心解釋要先煮焗8分鐘，等差不多時間到，店員會幫忙將三寶即牛栢葉、豬皮及魷魚倒入鍋內炒煮再焗一焗就食得啦。雞煲是我食過的最香最惹味，我們點了中辣，辣味初時尚可接受，但越煮越辣，而且麻味開始慢慢滲出，越食越刺激。三寶中魷魚非常爽脆，豬皮吸收了雞煲的麻辣味，入口幾乎噴火，牛栢葉則比較一般。食完雞煲，選了個蟹煲打邊爐，湯底是番茄薯仔，蟹是另外送其他海鮮一起上，包括蟶子、貴妃蚌、蝦、蜆、脆肉鯇、龍躉片及蠔等，有差不多十款。手切肥牛色澤鮮紅，油脂均衡，牛肉鮮甜嫩腍。其他任食的芝士丸類、魚蛋、墨魚滑及蝦滑、午餐肉芝士腸等，其中白魚蛋及蝦滑爽口彈牙，必食之一，其他芝士丸超級爆汁，真係要小心食。最後還有炸魚皮、響鈴、蔬菜，其中炸魚皮比較硬及腍，

約左幾個朋友食開年飯有個friend住深水埗個邊就提議食倫哥好彩一早book左位咋8點幾去到都好多人坐滿哂前菜有豆同埋木耳辣辣地都幾開胃之後有蟲草燉烏雞湯好滋潤好補而且係真材實料正！再黎有鮑魚好鮮開年飯必有既菜式食完前菜就到雞煲店員好有耐性咁教我地每隔2分鐘就要炒一炒一打開個煲蓋就聞到好香炒左4次就可以食啲雞好嫩滑好入味食到一半再倒埋啲魷魚、牛柏葉落去一齊炒好食！食完雞煲就打邊爐打邊爐款式都幾多牛肉同海鮮都好新鮮部分款式仲可以refill最鐘意食蝦同埋芝士牛丸飲飽食醉又hea左一晚好滿足！價錢又合理 食物質素又ok 飲品仲可以任飲推薦比大家！

食火鍋搵倫哥!!!先黎兩款麻辣小食:四季豆+雲耳,辣辣地好開胃!!!食完雞煲食火鍋,重未夠,重有足料燉湯,鮑汁冬茹扣鮑魚,海鮮部份重要有得無限潻加,真係抵食!!超抵食!!!先上雞煲,辣度自選,可以無限加雞!!!雞煲味道濃郁好入味,店員教落埋豬皮牛柏葉鱿魚重正!!!食完雞煲就換個鍋食火鍋!!!湯底選左個清清地既蕃茄薯仔粟米湯海鮮船好有份量,海鮮好新鮮,當中貴妃蚌,象拔蚌仔,蠔,蟹不可潻加之外全部都可以無限量添加!!!d海鮮令個湯底好鮮甜,湯都飲左兩碗!!!食到途中店員就上燉湯同冬茹扣鮑魚火鍋配料無限潻加:魚皮+響鈴+芝士腸+蟹棒+午餐肉+丸種類+餃類+手打滑類等等+蔬菜等等,選擇蠻多!!!總括:真係好豐富,食得咁豪都每位都係三百蚊有找!!!真心推介!!!

我和朋友的食後感是：星期一都爆棚是有原因的！我們於七點多來到只有數枱，但到八點左右，竟然出現了人山人海的情況，這種情況簡直可以媲美旺角，強烈建議有興趣的朋友一定要先訂枱!$288有鮑魚燉湯和海鮮食，部份食品還可以任點任食！頭炮是雞煲，選了bb辣，已經很入味，重點是：雖然只是二人份量，但實在是大得很！！之後是鮑魚冬菇，冬菇入味夠腍，鮑魚size十足，想不到這個價錢會有這麼高的質素。雞煲食到差不多時，店員送上一碟牛栢葉，建議與雞汁撈在一起吃，的確有特色而且好味！跟著上的這盤食物要用「不得了」來形容！一上菜我們已經嘩嘩聲！生蠔非常大隻，鮮甜肉厚，還有多種不同類型的海鮮：象拔蚌仔、脆鯇和班片非常新鮮，2人份還有半隻蟹，既驚且喜，很驚食不完會浪費食物，但又覺得精彩好食。手切肥牛亦不能錯過！牛味濃郁，好坦白，食過你不會再覺得日式放題火鍋的牛肉好食。其他丸類和餃類也很有誠意，餃類雲吞餡料也是重手的！連燉湯也是要讚的！火喉夠，有極濃菇香，我們兩個飲到一滴不剩!雖然是任食，但我們二人食了一轉之後已經滿足到頂點，性價比超高，好抵食!最後要提一下，雖然這兒座無虛席，但員工們服務態度真的好好，就算忙都笑臉迎人

一個價錢可以吃到私房菜，雞煲，海鮮和打邊爐，真的是十分抵! 這裏就是倫哥私房菜， 相信大家都有聽過它。因為倫哥私房菜大受歡迎，常常會爆滿，所以都建議大家要預先訂位。 而他的定位制度是很特別的， 當你訂位時，定下了時間和日期， 他便會告訴你，哪一間分店上尚有位可以訂， 你可以選擇合適的分店，或者再選擇其他時間和日期。安頓後，會先上雞煲，而雞煲要每隔兩分鐘搞拌，8分鐘後便可以吃嚕。同時餐廳也會上當天特製的私房菜，我們今天是足料雞湯， 炒豆角，雲耳和鮑魚。炒豆角很好吃，覺得十分有鑊氣 。而 鮑魚的大細不會太細隻，而且味道很入味，又好吃。雞煲超重香料味， 喜歡香料的我，這味道完全是我的喜愛。 他的雞煲十分之重茴香味，太讚了!!它的雞肉很多， 而且，雞煲的雞可以無限添加的喔! 在香港很少有任食雞煲，是可以任添雞的，但是這裡可以!吃到一半，便可以倒入豬皮蘿蔔， 吸盡雞煲的精華，很正。多吃完雞煲後，便可以向職員提出打邊爐， 職員會協助會換上打邊爐的煲。 溫馨提示 : 換了打邊爐，便不能再添加雞煲的雞，所以吃夠雞才換邊爐喔!換上邊爐後，職員會把調味料提供，讓客人可以自行調製出喜愛的醬料。我是蔥愛好者，