倫哥火鍋私房菜 (已結業)

今日臨時臨急book食晚飯7:30係深水埗分店,服務員好好有禮貌，態度一流，又好傾談，又教導點食，點處理雞煲！第一次一路食一路同店員又傾又講😂😂😂😂😂味道又一流，正到冇朋友😂😂😂😂

一班人聚舊食乜好？又要食得好，又要傾到計，呢度就啱晒你啦！平時中式打邊爐，比張圓台你，同對面嗰個實冇交流啦。呢度又唔同喎，我哋一行八人，俾張長枱，四個四個對住坐，可以照顧哂每一個！首先每人一宗燉湯，蟲草雞呀，夠晒滋補，仲好有派頭！之後有鮑魚仔做小食，永冇失禮！雞煲，非常之香，啲雞好入味。侍應會教你點樣煮先好食，要計埋時架，包你唔會煮過龍，好認真！所有海鮮都好新鮮，好鮮甜！蟹煲個湯底都不得了，完全比足料，又有蟹膏！肥牛仲誇張，肥瘦分明，淨係睇顏色都只係靚嘢，入口即溶，上等牛肉也！汽水係任飲嘅，自己拎。飲品都多選擇，連自家涼茶都有差啲講留咗個甜品，燕窩燉奶，好有貴氣呀

朋友生日，有人想食雞煲又有人想打邊爐，星期六難訂位，諗到頭爆最後揀左倫哥私房菜，7:30前入座仲有得抽獎。人未齊叫左汽水飲住先，無耐就到抽獎時，抽中一張300蚊現金券，仲有得即時扣減，抵呀！人齊雞煲到，選了兩個唔辣雞煲，都好香囗，雖然隻雞細細地，不過都好嫩滑。食完雞煲，好快又上左個蕃茄蟹煲，勁鮮甜既湯底，過左一陣火鍋配料送到，大堆頭又新鮮既海鮮，超鮮甜！墨魚滑兩款我自己就鍾意黑色個隻多d，彈牙d，響鈴都炸得好香脆，無油益味，食多兩條都唔怕。碟牛肉都好好味，又唔會太肥，菜既選擇都好夠，雖然佢係任食，不過我地食左一round就飽到反肚👍🏻👍🏻👍🏻

唔明點解倫哥咁多人 Marketing 真係好重要好多人黎應該係黎抽獎 食合家歡既氣氛 好嘈同價位要火鍋食物質素好既 一定唔係依度 呢度加埋一要＄300依度熟食比火鍋料做得更好裳鍋湯底係另上 唔係用雞煲加水海鮮唔係特別新鮮 已經死曬 其他店上枱仲會係郁 任食海鮮有會 魚蝦蜆 質素可以既牛肉冇得任食 跟set得一碟牛肉 不過個碟質素都幾好 美國牛丸類餃子係街市質素 係有餡既 白色魚滑都好 好彈牙 黑色既一般跟set 好多野俾漏 要係咁追 可能係我地遲入蒸象拔蚌仔 都幾好食 感覺新鮮鮑魚就追到好耐先上 不過係煮得好食夠林剛剛好雞煲最好食 好香！ 小辣都幾辣下 媲美雞煲專門店野飲任飲 有五花茶冬瓜茶汽水⋯最後甜品係潡蛋白 熱上 加少少燕窩 清清地 都幾好味

諗食咩對好多人黎講都係一個好煩惱嘅問題。遇岩今晚又想打邊爐又想食雞煲，一於book哩間開左無幾耐嘅倫哥whatsapp book枱好快回覆吾算細隻，幾入味少辣雞煲，味道岩岩好.encore左1次，第二轉就比較辣，分量好多，去到哩度其實已經飽左😂火鍋湯底我地揀左蟹，隻蟹新鮮多肉牛2個人一碟，夠食丸類係靚野10點半食到1點無停過口，好多野食吾晒，所以有啲俾吾到comment。埋單每人3百幾，吾係平。但絕對抵一定會再黎店員好好服務，雞煲好主動幫我地整。1點收工我地食到1點無黑面趕我地，好好禮貌

成班同事約埋有咩做？就梗係打邊爐啦！係我同事介紹之下，我哋就決定去倫哥私房菜啦，每位都係＄278 ，任食火鍋配料任飲汽水！仲要有埋雞煲同前菜！都幾抵食嘅！介紹下先：前菜唔錯整得幾入味，夠曬辣蠔皇扣鮑魚：好普通囉，冇咩特別我要講下呢個燉湯，真係幾足料，好多椰子，好香好清甜雞煲份量都好足夠，但我嫌佢唔夠入味報咗海鮮拼盤啦！我覺得款式都幾多，但係欠缺新鮮牛頸脊，兩人一碟，份量都OK嘅，肉質都唔錯配料係任叫，好多丸同餃子都好好食，我地都係咁encore 總括嚟講，間餐廳環境都一般，因為坐位太迫，唔舒服同海鮮唔夠新鮮，但最後都竟然送上甜品，誠意搭夠！

之前聽啲朋友講話呢度食嘢好正，所以今晚特登約咗朋友試吓，我book咗張枱九點鐘去到嘅時候店員話未有位清緊枱，咁我地唯有等吓啦，跟手入去食嘢第一盤上嚟嘅海鮮真係好吸引，之後問題你啦，問咗個服務員原來係冇火鍋紙係就咁同服務員講加食物，呢樣都唔係問題，問題係侍應講完成日唔記得跟手有冇落單，要重複同幾個侍應講先至加到少少野，完全沒有服務可言，只係好簡單同佢攞個鉗鉗蟹殼，都要嗌左五六次先攞到，加嘢食嘅服務更加唔使講，完全係失敗嘅一間鋪頭，最後叫埋單，又係嗌左四五次，唔收錢都係咁我真係真心覺得呢間食店完全係垃圾級別，如果公司管理層見到唔該好好管理下你哋嘅員工，不過都無所謂因為我以後都唔會再幫襯呢間鋪！

朋友介紹，諗住試吓，都唔係做生意嘅，3個預約電話都打過，無人聽，Whatsapp預約，半個鐘先回一個，足足一個半鐘都未回復到我地有冇位，連基本嘅服務態度都無，未食都已經一肚氣，請我都唔會試，奉勸大家唔小心！

情人節係比人鋸錢既日子，所以一早search 定諗住食啲唔加價既地方。平時好少打邊爐，見倫哥有私房菜，雞煲，火鍋，簡直係滿足三個願望😆最重要係唔限時又無加價，野飲任飲。其實早兩個星期其他分店已經full 晒，得番深水涉有位，所以要食就記得早啲訂喇，留意番觀塘分店佢話無燉湯送的。今日比原定時間早左半個鐘到，七點黎到都係得幾枱人。環境唔算大，二人枱雖然唔算細，但放滿野食都有啲迫爆感，如果枱底可以多個籃擺下野袋就更貼心喇。由於早既關係，上菜速度勁快。一黎就送上小食，蠔皇扣鮑魚，蒸bb象拔蚌 同燉湯。小食都好大碟，本身見咁多辣椒唔敢食。但雲耳其實唔辣的幾好味，不過另一碟就無試到😜鮑魚就真係bb size, 不過炆得幾淋幾入味。Bb 象拔蚌，粉絲有啲乾身，不過個蚌好鮮甜啊😍燉湯都好飲，烏雞，豬肉，蟲草花，勁足料。不過以上三項再追加就要收費喇。之後到招牌雞煲，每隔二分鐘要炒一次，total 4次。職員都好好，得閒會望下同炒兩炒。😋不過好搞笑係，一打開煲蓋全間店啲人都咳😂啲香料實在太勁吧。不過個雞真係幾滑幾入味，配埋啲乾蔥啊香料唔錯，不過就油左啲，可能係因為要爆炒下一樣野食。雞煲食到一半就可以加豬皮

三個女人一個墟我地仲係六個要傾得放食得好就要去D唔會限時嘅餐廳食得㗎友人介紹之下我就book 咗倫哥深水涉新店WhatsApp book 位好方便，早一星期book 好彩有位！任食火鍋店都好多，但唔限時就真係少有啦，而且用料新鮮！真係值得推介先來個任食🐔煲小辣，雞煲係乾身果種，而且好入味，有小小麻，食完可以再加，但一轉火鍋就唔可以再食番🐔煲啦每人一隻鮑魚，size 都唔細㗎，有誠意仲有一個燉湯，不過忘記了影相粉絲蒸象拔蚌，友人上次試咗龍蝦湯底，咁今次就試埋大蟹湯啦，隻蟹真係好大個蟹蚶都係店員幫我地開，太大唔夠力嘛不過友人話龍蝦湯比蟹湯更有鮮味咼牛肉就唔係任食，我見有2碟份量都唔小而且係牛頸脊追加都係$38一碟個海鮮拼盤好大呀除左蠔，帶子和聖子冇得追加之外，其他都可以，蝦都有兩種其他火鍋料都有好多，丸都有五六款，九菜餃亦不錯炸魚皮係必叫同必追加的最後仲有個3.6牛奶布丁，好滑吖.....

今次有朋友生日而之前已有朋友話尼間唔錯咁就兩星期前訂位佢服裝態度有誠意之前三日會apps你定人數咁去到佢有前菜。汽水。五花茶（值得飲唔會過甜）。任飲雞煲...夠晒味..聞都估到有幾辣員工會口述一次如果處理但都會幫手煮味道係好味...！咁食完後佢會轉過個鍋比你邊邊👍🏾👍🏾👍🏾本人推介..龍蝦湯底雖然要加錢旦絕對底...！（見圖）配料好足..其實第一轉都夠晒份量蝦。鱔片。蜆類都任食係如蠔。聖子一人一份（講真算係咁。比你任食既話唔驚就假。平均一人$330左右佢要無限時..我地由19:00坐到23:00👍🏾🙇🏻