傳奇源記 (已結業)

想不到在這一條小街竟然會出現一間出色的大排小檔！露天的大排檔範圍不大，只能擺到數張小檯，但環境尚算企理乾淨，絕對是大排檔的特色之處。現時香港也所剩無幾了。上菜的速度是有點慢，幸好味道上都很有驚喜，所以也很易平復到內心的燥鬱，加上員工的禮貌與體貼，絕對值得再回來的。椒鹽類食品值得推介，點了一個椒鹽九肚魚，麵粉的份量沾很少，油溫應該很高，所以炸出來十分酥香，而且半點油感都沒有，高技術表現！外酥內軟滑，加上炸香的蒜粉，十分味美！唯一失望的是椒鹽粉有很多味精成份，如果可以改良去掉味精成份便100分了。油鹽水煮蜆，很足料！蜆是大蜆來的，所以肉質肥美又鮮甜！蒜蓉炒油麥菜夠火喉，味道剛剛好，菜式簡單，但絕不馬虎。啫啫雞煲也很美味，雞肉嫩滑入味，豬潤新鮮，味道濃郁，重點是個煲很熱，小心燙到！薑蔥魚雲煲很香！味道當然也不用多講，就是一流！期待下次再來！

一黎到就見到呢張霸氣十足既banner同埋一堆好有風味既排場好地道呀我中意！我見到連外國人都黎食然後諗深一層呢度都係帶外國朋友黎體驗地道飲食文化既好地方先黎食個乳鴿薄薄脆皮加d肥膏仔d肉好入味做第一道菜令人食指大動啦開哂胃呢碟黃金鮮魷望落唔似好多蛋黃但食落又真係黃金既蛋黃味喎佢d蛋黃磨得好碎唔似平時食開個d 咁粗粒不過咁樣同佢塊好滑既鮮魷又幾夾喎同行朋友好中意食鵝腸架我見佢地咁中意食我都試下因為有時食d鵝腸都有d怪味呢碟又無介紹錯個汁好味又d腸無怪味我都食左好多條唔怪得知朋友話要黎呢間食鵝腸啦哈哈我見隔離枱有好大隻殼好威咁樣我又跟住叫d肉好入味而且開哂殼同粒粒都有肉都幾抵食金銀蛋白菜仔佢好多肉碎好正呀d湯汁好夠多浸住d白菜仔好juicy呢度員工好融洽個個都笑哂口又播哂歌令到氣氛好高昂好high真係非常地道係一個好正既大排檔

今日係深水埗行完街。同個朋友過左南昌街近石陝尾嘅大排檔食飯。因為我同朋友少去街邊大排檔，見到坐位就在馬路旁係覺得自己似去左台灣。原本想叫椒鹽白飯魚但售罄了，所以改為椒鹽鮮魷。粉漿太厚，魷魚亦唔彈牙，椒鹽味唔濃，但賣相一流，亦夠大碟。再叫三味魚湯，（魚、蝦、蜆） 需時頗耐，材料有好似大魚的鮮魚。份量都有三四片，大量白菜同少量豆腐，侍應話蜆售罄所以改為只有魚蝦，成碗有四隻中蝦但冇問價錢，不過就結賬前係見到仲有豉椒炒蜆的。湯味道有些咸，料算新鮮。夠五六個人飲。去大排檔當然要枝黑啤啦！兩人結賬$240。

媽媽不在家煮飯，甘就同老爸出去食下啦.平日行過明星旁邊見都幾多人，今日就來試下。我地6點幾就來到，唔洗等位.餐牌都幾多野食😊都係平時小炒系列.本身叫左5樣菜，最後等太耐取消左黃金蝦.金蒜大蜆：好鹹，連飯食都覺得鹹但係佢係推介之一...金磚配鮮魷：炸得幾脆口，即炸即上魚香茄子煲：足料又大份但唔夠味，唔知係咪個蜆太鹹影響.仲有飛天通菜：又係好足料，好多肉碎同魷魚. 味道最岩岩好。本來仲想等黃金蝦...但我地d菜都食晒，所以唔等就走。埋單唔洗$500 排檔來講算抵食.

我好開心深水埗又開左大排檔 呢間真係值得推薦 我同我老婆嗌左兩菜一肉 無唸到甘大份 尤其係碟菜苗 勁大碟 啫啫雞都無得頂 真係實惠 又好食 地方都五錯 係街但五污槽 勁有香港地道風味 正！

路過幾次見到呢個大排擋都幾爆場，做冬決定同家人黎試下，呢間野除左小菜之外，主打係海鮮，訂位時接電話個位先生幾nice, 介紹左幾款海鮮，問左價後覺得ok 就落埋單試下！ 最正係隻長腳蟹，大大隻啖啖肉我地十個人都食唔曬；貴妃蚌同海蝦都好大隻好新鮮；其他小菜味道都ok，尤其椒鹽鮮魷肉質彈牙。今次家姐埋單所以吾知幾錢，不過佢話好抵食喎，除開每人二佰鬆d..要食海鮮記得要預早一日訂，佢哋本身係做海鮮批發生意，所以d海鮮可以做到又平又新鮮