傷心酸辣粉 (越秀廣場)

营业中

休息中

🍲 90分鐘雞煲放題（$138/位）估唔到而家傷心酸辣粉除左酸辣粉之外，仲可以用一個好相宜嘅價錢嘆到雞煲/烤魚同打邊爐放題雞煲味道方面有辣有唔辣，今次我同朋友揀左椰子雞煲；唔好睇個煲好似細細個咁，好足料，有半隻雞同大量椰子肉，湯頭清甜，食完雞煲之後仲可以加湯打邊爐打邊爐配料方面雖然選擇比起平時嘅放題無咁多，但蔬菜，肉類同丸類都一應俱全；飲品方面係非酒精為主🥚 貢菜皮蛋（$32）貢菜食落好爽脆，皮蛋用左黃金皮蛋，相比普通皮蛋味道容易入口，蛋香味亦相對較濃🐓 鹽焗手撕雞（$39）手撕雞份量多，調味啱啱好，不過略嫌雞肉嚡左少少

接完男朋友收工就喺附近食餐飯🙌🏻見到$138打邊爐任食咁抵，就入去試下🌟九十分鐘雞煲/烤魚放題 $138有好幾款雞煲同烤魚，有辣有唔辣，選擇都好多😙🌟胡椒豬肚雞煲個湯底好濃，輕輕飲咗一啖係唔錯嘅😚雞件同豬肚都好多，但唔太入味，個煲傳熱好快，幾乎唔洗等就有得食😆自助區有齊食物、飲品、醬料🙌🏻可惜冇肥牛🥹不過有牛肉、豬腩片、丸類、蟹柳、魚塊、魷魚，種類話多唔多，話少唔少，點都夠食先😆不過如果每款食物有埋個名稱就好啦，始終肉類好難就咁望就分到🥺🌟蔬菜類印象中菜類食咗生菜、金菇、蓮藕、冬瓜、粟米、芋頭，蔬果都好新鮮，蓮藕爽脆、粟米清甜等等💕-🌟肉類黑椒腸同豬腩片都唔錯，係大家想像到嘅味道👍🏻-我自己仲加咗一碗薯粉，DIY自己整一碗🤣湯底好食，煮咩都好食🥰🌟海蜇手撕雞 $43男朋友想食海蜇，額外叫咗一個海蜇手撕雞，揀咗BB辣😍海蜇爽脆彈牙，雞肉嫩滑，最正係落咗好多香油，辣度係後勁慢慢滲出嚟，唔會太嗆，份量都唔少，兩個人share都夠曬👏🏻整體嚟講好明顯係以價錢取勝去吸引客人，最尾仲要冇加一😲都係平到笑！我會因為個湯底再去食😝

今日特意去新蒲崗越秀廣場，就係為咗55蚊10餸飯放題而黎，屯馬線通車後喺啟德站落車穿過airside同mikiki商場就去到。呢個10餸飯放題每天都有，隔幾日就轉下菜單，55蚊可以一個鐘任食。呢個放題主打係潮式炸蠔餅，鹹蛋黃雞翼，但有時要等少少時間先至炸好，然後至有得拎，炸蠔餅蠔仔份量唔多，係幾脆口但略鹹，雞翼炸得幾脆，同鹹蛋黃好match，放題食客好多都係捕住雞翼。其他菜式方面，有炸小酥肉，潮式炸粿肉，都算有鹹香味但唔太突出。䓤油雞味道正常，菠蘿咕嚕肉肉味同酸甜味夠但炸得唔夠脆，反而蟹柳蒸水蛋出色，食落好滑溜。呢度有蒸白飯可以叫員工送上，有例湯冬瓜薏米湯天熱飲可以解暑，飲品只有泡茶同熱豆漿任飲，糖水只有紅豆沙，但有時要通知員工去再煮先至食到。55蚊10餸飯放題可以食足一個鐘，雖然食物整體唔吸引，但一分錢一分貨，呢個價錢絕對抵過茶記一餐晏晝啦。

叫咗重慶麻辣雞煲（半隻），上枱時熱辣辣，仲有個爐繼續整熱佢，蒜頭同辣椒嘅香氣撲鼻，煲底仲有少少焦香，夠晒鑊氣。雞肉煮得嫩滑，麻辣汁唔會嗆喉，BB辣啱啱好帶出香味，連平時少食辣嘅表妹都夾咗幾件。食放題既話食完雞肉仲可以加湯打邊爐，不過我哋今次唔係放題，下次再試二人餐加咗個精選二人餐（$146），我地揀左口水雞、海蜇脆耳、酸辣土豆絲、黃金花枝丸：•口水雞，加左＄３０升級做下例，份量三個人食都合理，雞肉滑溜，麻辣汁唔會過膩，唔怪得咁多年都係皇牌。•海蜇脆耳爽脆入味，加埋青瓜絲，三樣野都清爽得嚟夠惹味，送啤酒一流（可惜我哋叫咗茶）。•酸辣土豆絲切得幼細，酸味醒胃，辣度溫和，我同表妹搶住食。小食精選•黃金花枝丸：外脆內彈，配埋泰式辣醬，正！•香酥軟骨：炸得乾身唔油膩，軟骨嚼勁足，灑咗少少椒鹽粉，食到停唔到口。•貢菜皮蛋：平時D皮蛋係黑色， 佢地皮蛋係白色仲係流心，配麻辣蒜蓉同青椒，味道濃郁但唔會過鹹，值得一試。

傷心酸辣粉的10餸飯放題絕對是平價美食愛好者的福音！這次我幸運地成為第一批客人，10樣餸菜都非常齊全，令人驚喜。其中，雞翼外皮酥脆，肉質鮮嫩多汁，令人忍不住一口接一口；梅菜扣肉肥而不膩，梅菜的鹹香與豬肉的油脂完美融合，搭配白飯簡直是絕配。其他餸菜也毫不遜色，每一道都充滿家常風味，讓人吃得滿足又安心。以這樣的價格能品嚐到如此豐富美味的菜色，性價比真的非常高！傷心酸辣粉的10餸飯放題絕對是忙碌生活中的平價美味之選，推薦給所有喜歡家常菜的朋友！

見此店推出祇須$55就可以在6O分鍾內，食足10款餸和任食白飯及任飲老火湯和荳䊢，揾食肥華和靚媽在2月12日嘅晚餐，就喺去食呢個1O餸飯放題，入座後肥華取食物攞餸菜時，發覺食物盆上没有此個放題菜單上列明，而喺肥華至想食嘅(梅菜扣肉，虾仁炒蛋，手撕雞)三個菜式，問侍應姐姐點解冇呢三款餸供客取食，佢回覆話今日冇貨喎，姐姐呢個答案令肥華覺得，有啲中伏感覺。還幸此餐其他餸菜仍算OK，個老火湯和碗白飯更為出色，用$55可以食到咁嘅質量晚餐，都冇乜可彈。⭐️⭐️⭐️😘😘😘

傷心酸辣粉@新蒲崗🪡新蒲崗寧遠街3-23號越秀廣場地下G10-G11號舖💰$100-$120傷心酸辣粉竟然有出二人超抵食套餐，人均$100就可以食到四餸一湯，白飯任裝，絕對可以飽住出門口，飯點餐廳都爆場，值得一提餐廳仲做埋雞煲烤魚任食，好多選擇。🍲燉湯二人套餐包每人一盅燉湯，海底椰燉湯超清甜，冬天一飲超滋補。仲有花膠雞燉湯，食材好足料，份量啱啱好，飲完成個人暖笠笠，好舒服。🫖飲品Menu包兩款飲品，豆漿及水果茶任飲，以自助形式自己去倒飲品。不過我覺得豆漿太濃郁，唔係我鍾意既飲落順滑既豆漿。🐥鹽焗手撕雞手撕雞味道鮮美，雞肉經過鹽焗後，肉質嫩滑，提升口感層次，份量又足料，好啱撈埋飯一齊食。🍤蒜茸蒸開邊海蝦值得推薦既一款菜，蝦肉嫩滑，超香蒜茸味道，蒸煮後都可以保持鮮甜味道，以依個價錢食到依個味道，絕對係性價比。🥬豆豉魚炒油麥菜油麥菜味道鮮香，豆豉嘅鹹香同魚嘅鮮味融合，提升咗整道菜嘅層次感。油麥菜清脆爽口，家庭餐必須要有青菜。🐟清蒸黃花魚🥺本身係因為黄花魚先食套餐，但點知條魚令人有啲失望，條魚太細條了，不過食落魚肉嫩滑，只係份量多啲會開心啲😂

位於新蒲崗的「傷心酸辣粉」一點也不傷心，最近推出性價比很高的火鍋放題，提供多款肉類及蔬菜，限時90分鐘，很適合入秋後，約好友們一起來🍲- 原味椰子雞煲 （2位起）$128@1椰子水味道清甜，充滿椰香，雞肉份量豐富，雞肉緊嫩彈滑，嫩滑多汁🤣- 火鍋放題✨肉類牛肉、豬肉、雞肉等✨丸類魚丸、墨魚丸等✨蔬菜多款新鮮蔬菜，生菜、西洋菜、娃娃菜等✨果汁汽水任飲，可以試試自家出品粒粒葡萄或菠蘿，味道偏甜- 海蜇手撕雞 $43海蜇爽脆配搭嫩滑雞肉絲，味道清爽開胃🙈- 涼拌豆腐皮 $22豆腐皮柔軟，調味鹹香惹味😎- 紅油蒜泥青瓜 $22青瓜清脆，加上辣椒及蒜泥調味，相當開胃😍

入到餐廳都叫做乾乾淨淨，企企理理，姐姐熱情招待，服務態度絕對冇問題之後叫左酸菜魚，望落都OK，可惜食落唔夠味～岀左去拎啲丸呀、雞件黎食，啲丸味道有啲特別😀，雞件亦有驚喜😀，薯粉正常，但餐廳可唔可以提供啲夾，我想話用筷子夾薯粉真係好高難度🥲最後食左半條烤魚都冇就走左⋯⋯但眼見個場都好多客，咁可能係我唔好彩啦😀 不過咁嘅價錢，絕對抵食啦😀點知到咗第二日個肚仲同我講好掛住琴晚嗰餐😀好可惜唔係住附近，如果唔係都想日日去食

最近發現「傷心酸辣粉」原來有烤魚、雞煲、羊蠍子、麻辣火鍋任飲任食放題，而且有多款精火鍋配料，汽水及啤西無限添加食足90分鐘，不同入座時段或離座時段，價格都不一樣，而最平收費，每位只需108元，免收加一服務費。😋是日選擇：1️⃣原味椰子雞煲 🍽雞肉肉質鮮嫩，而帶有自然甜味和清新的椰香，令湯頭香氣四溢。加上不同的火鍋配料，令配料更加鮮甜，增添食材的味道。 2️⃣香油海蜇 🍽脆爽的海蜇，入口滑嫩，作為開胃小菜很合適。 3️⃣滷水拼盆 🔸豬大腸、雞蛋、雞翼、鴨腎 🍽滷水香氣濃郁，每一款都充分吸收了滷汁的風味，各具特色。 4️⃣雪梨無花果海底椰 🍽無限任飲，是餐廳自家製飲品，甜中帶有一絲微酸，清新而不膩。

傷心酸辣粉雞煲烤魚90分鐘放題任食任飲每位都只需$128仲要免加一；喺指定時間入座/離座更低至$108💰💰💰有多達9️⃣款鍋底俾你揀今次揀咗藥膳雞煲配沙蔘玉竹鍋底相當足料，雞件多又唔會嚡；湯底都帶有少少藥膳味佢仲有多款火鍋配料任君選擇亦有簡單醬料區同兩款餐前小食麻辣雞翼尖同鴨血都好入味飲品方面，汽水啤酒都係無限任飲；仲有冷泡茶同自家製芒果汁，夠晒特別飲飽食醉都只係$128，真係十分抵🫢（沒有用餐優惠）

✨ 今日經新蒲崗「傷心酸辣粉」後生時好鐘意嚟食辣到飛起酸辣粉，原來而家餐牌多咗咁多選擇。***** ***** ***** ***** ***** 我哋先叫一個「原味椰子雞煲」打鞭爐🥘2:30時段每位只$108，除了有一個雞鍋，可以放題出面嘅肉類、粉麵、菜蔬、瓜類、多不勝數。雞煲啖湯好香椰子味清甜香口。另外我哋order咗：「bb辣炒四季豆套餐」🫛🫛🫛「bb辣青瓜」🥒🥒🥬「bb辣口水雞」🐓🐓🐓全部bb辣即係非常輕微嘅辣度，小菜都不錯，價錢經濟實惠。整體來講，撇除環境裝修依舊不變，以價錢來說還可以。

一直都唔知原來傷心酸辣粉係有雞煲烤魚放題！仲要放題價錢係超親民平價❗️抵食之選！CP值很高～難怪屋企附近間分店成日都會見到有人龍排隊～- 🐟烤魚或🐔雞煲放題 （每位）/ $128今次就試左烤魚放題～揀咗最Basic嘅招牌豆花味小辣～ 食到後期都真係幾辣下🌶️90分鐘限時～罐裝汽水紙包飲品啤酒類全部都係無限任飲～另外都仲有好多款精選火鍋配料如蟹柳，丸類，豬牛雞肉類，蔬菜類等等都係無限任食㗎👍🏻其實淨食放題都已經好飽～但口痕好想試埋小食😆最後叫咗呢三款小食～(推薦必點花枝丸！）- 🐔麻香雞翼 / $32- 🦑黃金花枝丸(6粒） / $22- 🐮海蜇牛展 / $46💵最後埋單$356免加一～ 二人份人均約$178

今日打完波好累隨便搵咗一間食辣嘢嘅餐廳入到去，先知道原嚟係鼎鼎大名，傷心酸辣粉。呢間店有好多分店，而且好多人。所以就同朋友求其點咗一個二人餐要求小辣，點知都係好辣食到我喊。

平日， 跟一班好朋友聚會，我們去了傷心酸辣粉吃晚飯。👅餐廳的價錢消費貼地便宜，食物味道好吃，很想下次再跟朋友們一起再去吃。下次我一定點我最愛吃的酸辣粉，非常好吃好期待啊