元八拉麵 (已結業)

叫左個凍湯拉麵(唔記得個名),係用一D類似鰹魚汁既湯浸住既冷麵.一向鍾意食中華冷麵,呢個咁多湯汁真係第一次見.個湯以鰹魚汁黎講唔算鹹,甜度適中,正;麵頗幼,夠彈牙,亦好;可惜配料太少,只得四小片豬肉,幾條荀.另外D青瓜絲唔太新鮮亦有苦味.

某晚看戲前吃飯，因為我們一行8人，就得一個又唔就得另一個，最後決定來food court。男友要了一碗拉麵，冇尖咀等得咁耐，我舀了一小碗來吃。湯底好香好濃，麵條淥得恰到好處，但cwb呢間配料較少。

星期六下午一點幾去到，Food Court 仲有幾多空位。未幫襯過元八，所以我同娘親要了兩套套餐：分別是中華麵+飯團+凍綠茶($48)和元八拉麵+餃子+凍綠茶($55)。兩碗麵湯係幾好味，不過應該係落勁多味精，因為之後超口渴！麵本身就麻麻，部分重黐埋一舊！叉燒算幾正，食落鬆化，而且唔太瘦，最衰係分量少！餃子只得三隻，而且係好細隻，得兩節手指咁大！好在味度唔差。舊飯團普普通通。杯綠茶就唔惦，毫無茶味。總體講，唔值咁$。

有一次係UA睇戲前朋友推介我試既拉麵店..... 選揀唔多.....而且係food court 食碗拉麵要成$5X 都幾貴....點左個招牌元八拉麵.....又真係好味味喎.....估唔到food court 有D 咁好味既日式麵.....講真呀...食過咁多拉麵...呢間係我心目中真係數一數二....第二次去食既時候唔記得之前自己食果個叫咩名....只記得有幾片叉燒....就order 左叉燒拉麵.....都好好味.....但後來走果陣先見到佢果個食物模型櫃內有元八拉麵同叉燒拉麵.....之但係我又睇唔出兩者有咩分別...不過是但啦....好味咪得囉......P.S.跟麵有杯綠茶送...不過好難飲....

個同事話呢度D拉麵幾好食，就拉埋我來吃。呢度麵的粗幼都可以選擇，有三種粗幼度，在日本都只在九州「一蘭」試過，好少有咁樣的選擇。叫了兩個套餐，一個拉麵加煎餃子，一個拉麵加飯團，都是選擇太麵﹝即最粗的麵﹞。餃子和飯團是大路貨，填飽肚子而已，談不上特色；拉麵用大湯碗上，奉送冷麥茶，賣相幾對辦，豬骨湯底濃郁，有味精但不算過份；雖然招呼的侍應坦白說出拉麵是本地製作，但亦好彈牙，整体來說味道唔錯。埋單一百蚊左右，淨食拉麵都係咁上下價錢，略貴，吃打正招牌的日本拉麵都係咁上下數。老實講唔係好講得出係咩風味，但味道還不錯，可以一試的。To Openrice Editor:可否加埋個洋名「Ramen Ganpachi」？謝謝！

我真係好似未食過甘好食既麵. $54食左個叉燒拉麵, 佢個豬骨湯底真係好味到傻, (不過望落去有D似出前一丁0個隻豬骨湯麵, 哈) 大大碗俾我飲到渣都無得淨~~仲有佢D"叉燒"又係勁好味, 有四塊薄薄既圓型豬肉片. 佢係用D半肥瘦既豬肉, 但係食落感覺又唔太肥膩, 入口即溶~ 超級好味~~總之最正就係個湯底, 叉燒第二正, 反而麵本身就唔係好特別.