元朗冰室

营业中

休息中

今日即興約朋友食飯 就近黎左附近嘅元朗冰室之前已經有食過灣仔附近嗰間 上次係食特餐 個炒蛋唔差今次朋友強烈推介 話黎呢間一定要食佢個厚切豬扒 因為唔想食飯 就嗌左焗意粉中午時間1點幾到 餐廳都有8成full餐廳人手都好足 上菜都唔慢個意粉黎到 賣相就一般啦食落豬扒的確係好厚 但好冧好易咬開 唔會好柴就咁食個豬扒係好好食嘅個意粉都唔差 個醬甜甜地好開胃 意粉都好入味但係豬扒同意粉個醬放埋一齊就麻麻地豬扒本身有鹹味 加埋個醬好唔match 建議想試都係試返普通豬扒加白飯會好食好多

夜貓時份冇咩餐廳揀，難得有餐廳未收，就去試吓。🍗炸雞脾+特脆薯條🍟炸雞脾新鮮即炸，都幾大隻，唔乾又唔硬，皮脆香口！特脆薯條又真係好脆喎！脆卜卜得嚟唔會好硬！以宵夜時段來說，呢個餐一點都不馬虎！🥩炸豬扒+特脆薯條🍟見餐廳推介特厚豬扒，就試吓！又係大大塊，兼且有厚度，但"鞋"口，唔嫩且硬實，連切都有點吃力，應該是肉質問題，真失望呢！希望下次再幫襯時已改善。炸雞脾明顯比炸豬扒肉嫩，不妨作個參考。

間唔中星期日都會去長沙灣呢間元朗冰室，早晨套餐都係$33蚊倒，好抵食，佢嘅B餐-金牌沙嗲牛肉麵，雖然沙嗲味唔係好夠，但係牛肉呢就真係冇得頂，份量多之餘肉質仲好林滑，香烤蒜蓉多士又好鬼脆。睇倒openrice d食評話厚切豬排🥩好鬼正，我搵日真係要過黎試下。

晚餐隨便搵間餐廳食，呢間餐廳以厚豬扒為賣點一於試下厚豬扒配司華力腸飯 $51睇落豬扒比我想像中薄，但食起黎口感岩岩好。司華力腸普通，值得一讚既係都算煎得脆卜卜白飯配甜豉油，有醬汁撈飯唔會乾爭爭極品厚豬扒併特脆薯條 $45呢塊豬扒比上圖飯餐既豬扒厚少少，啖啖肉口感更滿足呢個厚度切落算有小小吃力，再厚啲應該真係好難切，所以小妹覺得厚度岩岩好薯條真係幾脆，而具無油益味，推介黑椒牛扒意粉 $60好大碟！但牛扒無牛味，非常普通。意粉亦完全無汁，略嫌有點淡

喺同事口中聽聞元朗冰室既豬排好出名，今次終於可以試到有幾出名。—————————————————————#厚豬扒🐷出前一丁 💰45有出前一丁/烏冬揀。午餐黎講呢個價錢算可以接受🤔最緊要係試到佢既厚豬扒。豬扒個size 相當大，厚度同其他既茶餐廳差太遠，真係好厚身。厚得黎肉質唔會好「鞋」，食落仲有肉汁 🤤，味道唔會好重口味，岩岩好，絕對係必食之選。出前一丁好咸，落得太多調味😱，早知揀烏冬算。好味指數：7/10🍚: natalietongym 👉🏻#跟住皇后去長沙灣

Happy Friday，約了長輩食晚飯，簡簡單單在附近的茶餐廳食。元朗冰室的招牌食物是「厚豬扒」，我唔太餓，所以好似食茶餐咁叫左豬扒薯條。薯條熱騰騰，但唔脆。豬扒鬆香，唔un。老公食豬軟骨拉麵，d豬淋到好似食炆牛腩咁長輩食飯叫餸：梅槊肉飯及雲耳蒸雞餐飲紅豆冰+$4，d豆好硬

份量少其一，豬扒飯份量基本上得半碗飯，係咪可以收一半價錢呢。梅菜扣肉飯非常乾，想加汁店員就講明係袋裝過黎舖頭番熱，唔係即整所以無汁加。店員愛理不理，唔休無生意做。所以唔會再幫襯，亦極度唔建議。

最近上左一套期待已久既電影，好彩由好朋友度得知附近有間戲院做梗買一送一優惠，即刻約埋佢去睇。由於睇7點鐘既關係，DINNER時間只剩番唔夠一小時，係未決定食乜既情況下，比我見到呢間厚豬扒專門店「元朗冰室」。令我諗起我D同事試過後都話豬扒大塊、幾抵食，所以今個晚餐就交比佢。餐廳除左有厚豬扒飯餐之外，仲有日式拉麵、PIZZA、西式既意粉餐等選擇。但據我在場既觀察，十之八九都係點厚豬扒，咁我地當然「入鄉隨俗」點番個厚豬扒餐啦!!極品厚豬扒併特脆薯條 $45無論係豬扒定薯條都同個餐名好一致，厚扒大約有一吋厚，而且好鬆軟，又多汁，重點係調味唔會太過重手，果然唔錯!!脆薯條炸到黃金色，味道似薯格，入口外脆內軟，又有薯味，醬都唔點已經好好味。厚豬扒配司華力腸飯 $51原來司華力腸只有半邊，我個人覺得又唔係D咩貴野，唔需要做到咁姑寒。餐飲加錢轉紅豆冰 +$4紅豆似係自家煲，因為全部都係原粒紅豆，而且有D偏硬，但比起罐頭開出黎既紅豆蓉，我更中意呢個質感。可惜糖漿落太多，非常甜、太甜，啖啖糖漿….呢度既厚豬扒確實唔錯，但所有食物，包括個豉油汁都好油，食果陣係覺得好味，但食完之後就會覺得好油。

一直好奇佢嘅賣點係厚豬扒，究竟好食到咩情度到可以開到咁多分店呢！每次想起去呢就多數撞正午市人山人海而放棄，終於今日下午茶時段我得閒想食時佢又有位。厚豬扒全日早餐火腿片、炒蛋、香草豬肉腸同茄汁豆正正常常。牛角包又凍又韌有老油條質感！沙律菜唔新鮮核核突突咁，豬扒確係厚身又大塊但梳打到毫無肉質纖維，食落仲有乸喉feel！連食咗一半都無就頂唔住放棄。預估計除咗譚仔阿姐獨有語言系統外，呢度好快都會有！落單時叫凍檸茶少甜同熱檸水，嚟到變成凍奶茶走甜同熱檸茶....問阿姐佢就比個黑人問號樣我！如果認為咁就係「好味」豬扒的話，為今日年輕人口味悲哀。

星期六係呢邊見客遠處見到大大隻字寫住元朗冰室 一心諗住試 冰室嘅常餐入去坐低 座位都幾闊 四人卡位 真係坐到四個人唔係要四個人逼落兩個人嘅卡位 除咗常餐都有好多唔同種類嘅食物有焗飯有炒粉 當然入到嚟梗係要試豬扒啦叫咗個常餐加十蚊轉厚豬扒見到紅豆冰只加四蚊，不過最後冇叫常餐多士都軟熟炒蛋 有蛋味，不過份量略小豬扒非常大塊 而且林得黎唔會冇左彈口豬扒都好厚身，近骨位置最好食不過如果再煎香d,相信會更好味整體而言，小有冰室有大過塊面既豬扒非常有特色，而且冰室好旺場，多人光頭豬扒同麵分開碟上，更見貼心

今日幫襯食早餐，入到去無人招呼入座，唔緊要，我自己揾位囉！點知幾乎張張檯都係未執拾，未抹檯，想點呀？！無得揀之中，我揀咗張未抹檯坐，點知一睇餐牌，唔齊早餐牌，3張有2張重複（附圖），中等長度hair style 職員走過嚟，問我地食乜嘢？！我話無早餐牌，佢就話「咪嗰度囉」，跟住就走開咗！佢唔知道當我係盲眼，定係唔識字！正常係人都見到個餐牌，未聽清楚睇清楚，就覺得係個客問題。唔該再培訓吓！係咪想趕客！PS:點解我要寫hair style ，因為OpenRice 個字庫，顯示唔到個啱嘅「髮」字，呢個係錯嘅，唔想教壞人。

29/12/2018，我6:30入座，相信我係第一個客，睇咗餐牌，諗住叫嘢食，叫咗喺吧檯嗰個職員，竟然望都唔望，好似聽唔到，於是我再叫多聲，唔該寫嘢！都係為反應，火到我即刻攞嘢走，搞乜！

今天約了客戶中午見面，因為他有事要去長沙灣處理，所以我們就約了在長沙灣碰面，約12:30 我們就來到元朗冰室，因為在外面看到有卡位，所以就選了這裡午餐，這裡的午餐選擇也很多，我選了粟米魚柳飯，味道可以但兩塊魚柳真是大小而且薄了，我的客戶就選了一個沙薑咸雞飯，他就覺得不錯，走時看到其他人點的厚切豬扒飯賣相不錯，下次有機會再來食午餐，一定要試他們主打的厚切豬扒。

元朗冰室位於長沙灣的東沙島街。 餐廳舖面很大， 可容納很多人。 假日下午茶時段不用等位。朋友點了咖哩牛肉飯($42)下午茶餐的咖哩飯跟正常的分量是一樣。咖哩很香很濃， 微辣， 但仍可接受。 咖哩內有很多蔬菜，朋友很喜歡。另點了全日早餐($48)這個餐非常豐富， 有兩塊牛扒，兩條豬肉腸，兩塊火腿，炒蛋，焗茄汁豆，沙律和牛角包。 牛扒雖然不重牛肉味但很腍。 豬肉腸仔是幼身的，帶點甜味，吃完不太膩。 牛角包味道很好， 只是外皮不夠脆。 48元超大份超抵食。飲品麻麻地。 凍奶茶比較甜， 熱奶茶茶味不夠濃。整體來說， 這個下午茶餐很豐富很抵食。 下次應該要試試這裏很出名的厚豬扒。

今晚，叫咗個常餐湯米粉，阿姐放係枱上，發現食物內有昆蟲浮浮下，叫阿姐嚟，佢望咗一眼收起咗，不過，一句抱歉的說話都沒有。我仲聽到廚房話， (不)走佢咪得囉！😳其實，都唔只一次㗎喇，上次係晚餐的前菜沙律。不過，上次個阿姐有禮貌得多，收咗仲話送過另一碟，最後，我都無要這前菜。我都明白食肆一定有，只係你睇唔睇到啫，不過概然係被發現，為何唔整過呢？至少比客人良好感覺，總好過永遠不光顧……