元朗冰室

营业中

休息中

呢個舖位原本係間日式料理，日式食店結束後，一段時間都冇新店開，之後開咗呢間元朗冰室後，街道光啲之餘，仲咗人行㖭…其實小編喺呢到都食過唔少次，呢到出名豬扒，所以好多豬扒嘅相關食物，尤其是厚豬扒，隨咗豬都有好多日式食物選擇。龍利柳飯，魚柳煎得幾好，魚肉唔會煎到好乾幾好味。厚豬扒蓮藕餅飯，豬扒肉厚好淋，唔會有柴皮嘅感覺，蓮藕餅煎得好香好好味。除咗呢兩樣，小編都食過日式烏冬、同埋最愛嘅照燒汁原隻魷魚筒配飯、好少喺餐牌見得返嘅焗豬扒飯…等等，但最想就係，再食焗豬扒飯啊…

星期日來食lunch門口好多人排隊等左10分鐘就可以入坐坐得比較迫夾而且可能係星期日，餐廳好多小朋友 好嘈之前試過佢午餐 口水雞 都ok厚豬排配圍頭酸菜 $48男朋友好中意食酸菜 成日話呢間d酸菜好正宗夠酸又夠爽脆厚豬排無得頂果然係厚切！配埋個甜甜地既豉油 好好味但豬排都幾多肥膏 同有條骨 去除後 剩低d肉不算多Double厚豬排飯 $58食肉獸當然要食兩塊厚豬排先後喉豬排煎到金黃色 一d都唔韌好鬆軟 好好食飯量都夠多下次可以再encore厚切豬排

中午在附近買完東西後想食少少野醫下肚，經過見到大大個招牌『元朗冰室』，好隨意就入左去。冰室地方挺大，人流多顯得有點嘈。但最不幸坐正冷氣風口位，全程不停吹不停吹，勁大風勁凍第一眼見到餐牌有特餐，沒想太多就呢個啦沙嗲牛肉麵配蒜蓉多士&炒滑蛋 +凍檸茶，當然味道沒什麼驚喜，就是香港人傳統的常餐吧，哈哈！唯一挑剔的是蒜蓉多士邊實在太硬，需要切邊食。切完鋪上炒滑蛋一齊食

這天約了老友來到長沙灣的元朗冰室下午茶, 四個人一張枱剛好,四個茶餐分別係冰室熱狗$28, 一口多士$29, 特大炸雞脾併薯條$36, 馬來咖央多士$25先來熱狗, 唔知點解呢度個熱狗做型較奇特, 熱狗飽是從頂部劏開攤開兩邊放生菜絲/熱狗腸再從上面直接唧上密"S”形白汁, 無疑白汁唧得相當大方, 但呢個做形係呢期流行定係師傅想創新一點呢, 眼見友人由神態自若地用刀义鋸之, 但印象中港式熱狗一般係從飽嘅側面入刀,夾入餡料後唧汁再從頂插上兩支牙籤固定之, 方便用手揸住食! 另一個令本人側目的是 特大炸雞脾併薯條, 在這張下午茶餐牌上呢個價位唔算低, 但隻雞脾絕非特大囉, 算---就當這只是名字而已, 跟上來的薯條被炸至過晒龍兼且無索過油表面呈深啡色, 雞脾同樣地浸在油內時間過長或者油溫過高又或者鍋油太老了, 雞脾肉汁盡失,同樣表面深啡色,  但當我睇返其他客人的評語就知道自己並非挑剔而只是這裡的炸脾做得實在太。。。不過當日亦有留意另外一些由廚房拿出來的炸脾，有些就咁睇個色淺好多，即是話一係換咗人做又或者換咗油？！不過我估係換咗人多d囉另外兩個多士就似模似樣, 尤其是一口多士算係花了心思,

落單，四眼侍應哥哥幽默地跟我前輩女性朋友說喝奶茶可能睡不著！間接令我們有個愉快的用餐經驗。食物尚可。叫厚豬扒飯配藕餅，豬扒飯就ok，始終茶餐廳水準，豬扒好「鬆肉」但我係預咗，茶餐廳係咁，個人覺得可以。藕餅係煎的，細塊似午餐肉，有2塊，茶餐廳有這個算獨特。也想講一下，佢嘅米係幾香，可能依個原因會令我下次經過附近返吃！服務唔錯喎！大概夜晚7:30，收碟阿姐好禮貌，又唔會趕我地走，整體服務係好的！環境就新裝修，以為新開冇耐？價錢都公道，埋單$110，人均$55配凍飲。

下午茶我最鍾意去茶餐廳因為款式又多選擇又有我最愛的凍檸茶，經常喺長沙灣遊蕩的我試過無數次附近嘅茶餐廳，今次試吓呢間連鎖店。一入到去冷氣有啲凍，店員都好有禮貌幫我轉枱，睇來睇去我最後都係揀咗炸雞髀配沙律炸雞Size一般大小(但餐牌上邊係寫住特大炸脾)結果嚟到有啲失望食落去點解一個雞髀面好似有啲蜜糖咁嘅嘢， 甜甜地感覺好怪個餐牌亦都冇寫明係蜜糖雞髀，因為本人唔鍾意食甜野。凍檸茶就一般般，略嫌茶味比較濁唔夠清不過價錢還可以，店員服務好好。

附近路過時見到，見佢馳名豬扒便入去試試看。見都接近4點多都全滿，有所期待，雖然入面好少人食豬扒。豬扒辛辣麵，$46辛辣麵都煮的彈牙。豬扒很厚切，是普通茶餐廳的3倍厚度。不算入味，但口感搭夠。

平日放假揾野食，見呢間係長沙灣都開左一排未試過，就去試下個雞脾下午茶，平平地36蚊都幾抵既，叫左個雞脾配薯條，黎到個樣睇落去都幾大份幾好味。但係一食落去，個雞脾酸既，以為自己味覺有問題，叫友人試下，佢都食到酸味，之後問店員點解食落去酸酸地，好似放左好耐既肉咁，店員話係正常，話完全無問題。都唔知係醃料有問題定係天氣熱壞左，食左兩啖就唔想再食，D員工服務態度又差，總之以後唔會再去食。出面大把茶餐廳好食過佢。

五成熟既牛扒我食得多，五成熟既烤雞真係未試過。切開諗住只係小小位置唔熟，點知再食落去成隻大部份都唔熟，真係咩胃口都無晒。幾廿蚊當係買個教訓～菜式選擇又小，獨沽一味得厚豬扒叫見得下人，但水準也是時好時壞，食餐飯都真係要睇下彩數。

本來想去的那間餐廳排長龍，失望之餘，一路搵食，路過呢一間，見到出邊的豬扒相都幾吸引人，又見到個名係元朗冰室，聯想到華嫂冰室，所以想入去試下，餐廳唔複雜，所有套餐50左右，包飲品。第一次來，當然要食厚切豬扒🐷了。有叫多一個沙薑雞🐔。豬扒果然夠厚身，切開見到肉汁，感覺幾juicy，食落口，果然都幾入味，又唔鞋。送的煎藕餅味道一般般，但感覺健康。沙薑雞，都算良心之作，唔肥，雞皮呈金黃色，幾誘惑，雞肉食落去好滑。又多了一間開飯餐廳之選，開心

老婆餅唔會有老婆，雞仔餅無雞仔；呢一間元朗冰室亦唔係喺元朗，好幾次叫人去元朗冰室佢地都會問點解去到元朗咁遠？其實佢係開係東沙島街近青山道，門面格局跟一般茶餐廳分別不大，今次重點介紹佢嘅特厚豬扒，無論早、午、晚餐佢地都有豬扒供應，早餐起碼要加十元左右，不過我建議最好兩個人分享，因為你一個人一定食唔哂，呢塊豬扒一定要用刀叉食，好易切，切開會見到嫰粉紅色，加上即炸熱騰騰，絕對非一般豬扒，咬落去不油不NG，我敢講第二度唔會食到我囝囝就最鍾意呢個炸蝦多士燴飯，始終年青人愛香口

今次輪到朋友介紹，話去長沙灣呢間元朗冰室，一睇就知係新開唔係好耐，一係就係唔揚眼既地方，因為我都成日去果頭，都唔多覺眼，但去到門口，就發覺元朗冰室大大個招牌😂好養眼。不過事實都係開左唔係好耐。就試下你啦。我一向鍾意食豬手，就叫餐廳特別推薦既燒豬手啦，可能因為即刻燒出黎，所以都需要等大概15-20分鐘，我朋友個豬趴到左我都未到，係正常既，等下啦。終於都到左，哇！好大份！呢度絕對係三個人份量！大大舊肉，皮同肉分開，肥肉都好少，d皮燒到好脆，有d硬，開頭食都覺得幾好味，食多兩舊就發覺太鹹，有飯送就好d，點d黃芥末黎食，味道幾夾唔錯既，而且唔會太嗆鼻，不過d肉就唔夠汁，乾得濟。食多兩舊會好飽。另外仲有一個黑椒汁，呢個黑椒汁同平時既唔同，甜甜地，撈飯一流，黑椒味唔會太出，幾好。我fd既厚豬排配酸菜飯，豬排真心夠後，而且夠汁，又唔會有咋，容易咬，親熱食，好好味，炸到好脆。d酸菜又係我鍾意食既！唔會太鹹太酸，係甜甜地酸酸地，我最鍾意！總括黎講，雖然唔係非常極度好食，但呢個價錢食到呢個水準算係咁上下啦！46蚊厚豬排，98蚊原隻豬手！抵食啊真心

朋友介紹這裡最聞名的是厚豬扒，確是名不虛傳，又大又厚，不過我個人食肉要全瘦，所以唔係好啱我，因它難免有些肥肉。第二次再光顧，今次改食烏冬餐，嘩!比想像中豐富，味道又不錯，價錢又合理，以後下午茶又多一個選擇。

上堂前食個輕便晚餐！！一個面一個餸加個炒蛋再加塊多士送多杯野飲其實都飽同豐富！環境好新淨，好光猛，又夠大，員工幾多，一落單不用五分鐘就有野上台，岩晒趕嘅朋友仔！我朋友同我食嘅係一樣，佢嗰碗較油，我碗正常，看來廚師深知我健康飲食🙈🤣

屋企附近唔知食乜好，想食果d又要排隊，見呢間唔駛等位就入黎試下母親大人叫的烏冬，除左塊叉燒幾好食之外，整體黎講，都係味精湯，普通烏冬我就俾佢名fake左以前安格斯，點知...塊扒"淋"到呢...一d口感都無，乜安格斯扒原來係咁？唯一的優點，呢到既野食份量比較多！