元朗冰室

营业中

休息中

疫情關係諗住入去買個外賣，一入門口已經自己行去量體溫，但部機冇反應，應該係冇電，果位《帶眼鏡攣頭髮短髮嘅收銀女士》超冇禮貌咁同我講：喂！你未嘟喎，我答佢你部機冇反應冇電，佢就自己行去部量體温機睇，跟住自言自語話冇電，咁我就企定喺度等佢量體溫，就直接企係收銀處預備落單，落單前已講左我用八達通付款，落完單佢叫我比現金，佢話：你比現金啦，我嘟左喇！我答佢：吓，我頭先咪同你講左比八達通囉，咩你嘟左？佢好大聲咁喝我：部八達通機壞咗呀！我當時都冇出聲，咁我就行開一邊拎銀包諗住比錢，當時我下一位男士同樣地比八達通成功付款，我就同果位收銀女士講：你頭先同我講話八達通壞咗，你叫我嘟果時部八達通都冇燈，你根本都冇用到八達通收我錢，跟住就極冇禮貌咁同我講：我叫你比現金呀，部機壞咗，咁我就問番佢：壞咗點解人哋又用到丫？你根本都冇㩒到八達通，我緊係比唔到啦！收銀亞姐答：咁你橫掂都係等外賣，咁你等到有人入嚟買嘢先用八達通比錢啦！我答佢：吓，你自己搞錯要我企係度，等到你有客入嚟買嘢先再用八達通比錢。收銀女士繼續用佢嘅極差態度再一次叫我比現金，但等待外賣時已經有幾位人仕都係用八達通付款，我都唔明點解尼位女士諸多刁難，

叫咖喱豬扒飯冇豬扒 得一堆菜同咖喱另加一隻蛋 我叫咖哩豬扒飯目的就係食豬扒 因為冇豬扒得一堆菜同咖喱係想點？雜菜煲？咁我咪打電話落去投訴希望可以得到賠償 點知一打過去個阿姨就係到話唔清楚 呢d嘢佢唔清楚 話要問下佢地先 然後cut我線 過左10分鐘都未打返黎 請問係咪想借d易走甩？ 搵員工搵個乜都唔清楚嘅人間嘢可以點好得去邊？宜家不單止係佢地做事唔嚴謹 態度都已成一個問題 認真之前仲好鐘意佢d豬扒 但係因為態度同認真度 真的唔想再幫襯

疫情緩和，周圍尋食。穿插來到深水埗長沙灣內街，幫襯元朗冰室。在門口有電動探熱器，店員叫直接行入去搵位，不用探。聽完有啲嚇親，諗諗下，我都係叫外賣喇～望下餐牌，想飲紅荳冰，職員話冇。想食意粉和焗飯，店員話要等好耐。我哋四人都ok，慢慢等。外賣自取四個餐 職員比兩袋外賣我時我發現兩個外賣袋的底部好油好濕泣已經發現餐飯的汁漏咗出來我通知收銀櫃面嬸嬸知 比佢睇個膠袋佢大聲又惡話：個膠袋好硬淨 冇得換 一係收你一蚊買膠袋聲大夾惡 差劣服務！

在媒體上得知這店是吃厚切豬扒，碰巧今天要到附近購物，便來試一試。地方大而且乾淨企理，有多款不同人數的餐桌選擇，店員招待不錯，有愉快的笑容，即使是被口罩掩蓋，但仍能從面容及聲線感受到歡迎之意!店內牆身還有一隻可愛的豬圖案，門面亦有另一可愛豬師傅屏幕，幾有趣! 用簡單裝飾將廚房及員工的工作枱與坐客區分隔，看上去整潔之餘又可以讓食肆整體上更美觀，與一般茶餐廳的格局有別，未知食物質素如何?特餐 -  雪菜肉絲米粉 味道適中，肉絲份量較少，有少許辣椒，在平凡中有點刺激!特餐包括嫩滑炒蛋配蒜蓉多士炒蛋嫩滑，蒜蓉多士有蒜香味，多士厚身，多士中心較軟周邊較脆。熱檸水和熱咖啡都是滾熱，味道正常。焗意式厚豬扒飯 香味不錯的豬扒飯，有芝士在豬扒的表面，醬汁調味適中，豬扒入味及腍身，算是厚身，味道不錯!從餐牌可見有多種食物選擇，結賬時沒有加一服務費，算是抵食!

上星期日去長沙灣嘅元朗冰室，叫左個B餐，沙嗲牛肉麵，煎雙蛋加杯凍飲。好多餐廳唔識做個沙嗲汁，一係偏鹹兼夾冇乜沙嗲味。今日呢個沙嗲牛肉麵，沙嗲味都ok嘅，唔會話偏咸，而且牛肉好有口感，（不過牛肉份量就小左啲）😬雙蛋都煎得好靚，又熱又流心，仲好有蛋香；成個餐敗筆就係件蒜蓉厚多士，黎到唔多脆，但都總算有蒜蓉香味嘅😬。

呢日朋友嚟搵我食晏，所以去咗天悦嗰邊搵食，本身想食漢堡包，但排哂長龍，唯有即刻轉場。五月都未到，但天氣又熱又曬☀️，見元朗冰室咁大應該有位啩，就入去了，懶得再搵。餐廳真係好大，但午市竟然都坐滿哂人，犀利。不過阿姐(服務正正常常的)呢個時世仲問我哋搭枱得唔得😅，我哋心諗唔係呀嘛？就算我哋肯，對方都唔想啦！如果真係迫我哋要搭枱嘅話，我哋就走囉。最終我哋兩個人坐四人卡位枱，成程都無被人打擾，加上點半過後人潮都少咗。餐牌食物選擇超多，花多眼亂，普通茶記有嘅佢都有。而呢到最出名嘅係🐷厚豬扒，我之前都食過一次，算唔錯。原來呢到仲有賣港式全日早餐同日式鰻魚飯等，應該總有一款啱食。厚豬扒系列有成十款揀，早上11點後供應，即係全日都係呢個價，都算抵食👍，但午市應該平多幾蚊嘛，哈哈。我要咗厚豬扒配辣肉醬飯($53)，首先隻碟真係大到一個點，好誇張呢！呢碟飯有一塊厚豬扒、一堆辣肉醬、少許蔬菜同白飯，成個感覺好鬼麻甩🙈。依餐嘅豬扒比我上次食厚，但就無咁大塊，不過我覺得好味咗😋。因為上次肉質太鬆，疑似落咗大量鬆肉粉。今次豬扒鬆得來，啱啱好，加上夠厚，食落滿足啲。雖然話比起上次細，但其實都好大，非常夠食。至於旁邊嘅

早幾日喺尖沙咀好想食茶餐廳嘅時候，已經係尖沙咀分店試過，實在太啱我胃口，令到我非常回味，所以今日行過嘅時候見到呢度有分店，決定再食一次，上次食豬扒非常出色，今日試吓我好耐冇食過嘅魚柳，其他配菜一律不變，首先講下條魚柳，粉漿唔會太厚，魚肉滑滑唔會鬆散，感覺好似fish & chips 既fish, 正， 牛角包一樣非常鬆軟，熱辣辣，今次滑蛋轉咗做太陽蛋，連埋火腿一齊切，夾落去牛角包，自製左一隻潛艇，再加埋茄汁豆撈埋一齊食都係好好食

今日晚上約了朋友放工食野，點知朋友放工放夜左，凌晨2點先出到黎，係唔知食咩既情況底下，就決定黎“元朗冰室”食野。雖然長沙灣個頭附近又有串燒丫，點心丫，打冷舖咁，但朋友話好肚餓又想食雞脾就黎左呢到喇。元朗冰室（厚豬扒專門店），睇間舖名就知佢主打食厚豬扒，所以佢係有個厚豬扒餐牌，主要都係豬扒再配一款食物咁（有辣肉醬，司華力腸，蓮藕餅咁樣）。而我當晚就點左佢個貓頭鷹套餐（價錢較為平宜），同樣都係厚豬扒配司華力腸飯，貓頭鷹時段就$43，厚豬扒餐牌就$51。講返豬扒方面，佢真係無呃你，夠大塊，而且真係都好厚下，貨真價實，唔會好似出面有d店舖食既豬扒咁薄身，咬一兩啖就無左，抵食。而我朋友就點左個辛辣麵套餐，餐包括有辛辣麵，蒜茸多士，配厚豬扒/炸雞脾，跟一杯飲品，$47。我初時係到同朋友講笑，公仔麵我煮比你食都得啦，點知上菜後就發現其實呢個辛辣麵套餐都好豐盛下，佢既辛辣麵就真係平時食開果d辛辣麵（韓國牌子，d麵粗身d果隻），但唯一特別既就係在於，配菜方面，佢餐跟塊蒜茸多士 ，佢塊多士唔係薄身果d黎，又係好厚既厚多士黎，另外岩先都有講過厚豬扒好大塊好厚，而佢個炸雞脾都不輸蝕，都係一樣大大舊，見到呢個組

今日同女朋友去到長沙灣約咗啲朋友一齊去到長沙灣開枱打麻將打麻將之前就醫飽個肚仔先求其去咗間茶記食黎到呢間叫元朗冰室嘅茶記有幾個午餐 價錢全部都係$47我地就叫咗個1號同2號餐蒜茸汁雞扒腸仔飯 $47茶記質素 雞扒煎得唔錯嘅不過感覺都係頹啲一般茶記質素 不過不失仲有條腸食下咁啲飯幾多下 都食得好飽咖哩魚塊飯 $47咖哩好麻麻少少甜甜地魚塊係炸過嘅冇乜味 吸唔到咖哩汁味兩杯餐飲一杯叫咗奶茶一杯叫咗茶走感覺ok唔錯嘅

週五來到長沙灣店, 由於還是在衝突期間, 9點多大部份鋪頭已經關門, 這店是少數還維持營業的店鋪之一, 只想吃點簡單食物。隨意地點了蒜汁雞扒意 $60 , 來到的碟頭看起來相當夠, 擺碟係雞扒同意粉一半一半, 在中間放一些炒雜菜, 餐牌上寫的奉送田園沙拉可能忘記了又或者送晒沒有來不過我們也懶得問因為諗到係茶記沙拉唔食也沒有損失, 留給有興趣的客人吃吧！雞扒煎至外皮少少脆身, 肉質保留到水分雖然味道是一般的醃肉味但也是正常調味吧!意粉只是汞水煮熱返但就沒有撈什麼茶記蕃茄汁或者調味炒炒所以意粉是完全依賴跟扒的汁拌食, 看似多的扒汁用起來原來有點唔夠, 食到最後幾啖意粉係無汁了。所以如果你係個鍾意撈汁嘅客人建議叫他們俾多汁! 太座叫的宵夜雙拼三文治$22 +熱檸水$6, 雙拼的是咸牛肉拼蛋, 厚厚的夾在中間, 咸牛肉唔算咸, 蛋只是中規中矩, 三文治麵包也是一般。

現今，周維都有好多冰室，其實都唔知餐廳，冰室的分別，哩間係位於長沙灣既元朗冰室，應該係由元朗開出嚟九龍間中星期日，都會到長沙灣探親戚，每次早餐都會去元朗冰室，哩度既B餐，沙嗲牛肉麵+煎蛋🍳+蒜蓉包，真係好正沙嗲味濃，牛肉有咬口，麵質都可以，仲會加幾條菜，蒜蓉包大多數都會暖笠笠，蒜蓉味濃，好鬼正，加杯醒神凍奶茶哩度既服務好好，曾經一次多士黎到係凍嘅，叫侍應更換，佢都冇問題，真係要比個讚d侍應👍🏻

第一次嚟呢間 元朗冰室，試下佢哋嘅厚切豬扒飯唔想食咁飽所以就冇叫到Double先嚟咗杯凍檸茶 (-2分)但係有污水味究竟係啲冰有問題?定係啲杯洗得唔乾淨?破壞曬今餐嘅食慾咁就飲水算啦好彩最後主菜 都冇令我失望個豬扒真係好厚咬落去 仲以為食緊西多士仲冇柴皮 有肉汁 個皮仲係脆的可能畀啲梳打粉乸到冇乜豬味淨係靠啲鹽調味， 啲鹹豉油 可以唔落都得但淨係食到呢個口感 同成塊面咁大塊 嘅豬扒已經對得住 $53呢個票價仲有兩塊炸蓮藕肉餅加埋個白飯都幾大份粟米粒同埋少少菜應該可以飽到聽朝早

份量多，選擇多，味道差，麵包正今日選擇元朗，係因為東張西望介紹過一間港式傳統麵包公司，只是交貨比幾間鋪頭，元朗冰室系其中一間，另外就系佢地推介的厚豬扒。厚豬扒包餐($40)4分- 睇落真係好厚，豬扒有骨，算是肥美同吾硬，幾好味，麵包真係吾同，好正，好鬆，好真材實料，食半個都差不多飽。豬扒麵餐（$43）2分-哩個豬扒一樣咁厚，但比較乾和實，無咁好食，即系食物標準不一，個麵好大，但太淋。咖央多士（$22）2分-方包好厚同幾鬆，但無豬扒包個包咁好食，咖央太少同得個甜味無香味。性價比好低沙爹牛肉麵餐（$33)(2分）-沙爹牛肉好多根，有幾塊食吾到，麵好淋，雞蛋系要熟蛋，但好似爛曬咁，但有蛋香。咖啡無香味，一般般另外-服務比較差和亂，問佢系咖啡定乜都吾應，-無端端又來多一個豬扒麵餐。-早餐選擇其實幾多，吾系其他食評寫得咁少。

呢間茶餐廳已經唔係第一次幫襯，每次都係食厚豬扒，佢既豬扒已經出晒名厚，而今次我決定要試一試佢隻大雞脾🍗🍗🍗大雞脾都真係唔輸蝕比厚豬扒👍🏻大隻得黎又夠厚，炸得岩岩好，皮脆唔乾身🤤絕對低食，$50又有雞脾，又有多士，仲有出前一丁，邊到搵😎

今日好早起左身，見好肚餓就去食個早餐😆呢間茶餐廳都開左好耐，假期嘅朝早都幾多人黎食呢度早餐嘅選擇唔算好多，亦都係common個幾款🥢沙爹牛肉麵個面要自己撈均先有味😅沙爹麻麻，唔香唔濃郁啲牛肉比較厚同大塊😅而且食得出有筋同比較韌😞公仔麵就正常水準🥢煎蛋多士煎蛋唔係幾靚仔，極之麻麻地...亦都過熟👎🏻多士蒜茸味好香口👍🏻但包皮十分硬😕🍹凍咖啡正常，唔重咖啡味，但亦都無苦澀味算唔錯