元朗茶記@夢工房 (已結業)

大年初二，去到元朗逛逛，順道去目標餐廳有否開門，結果是沒有，於是再看看有哪幾家食店開門，終於要在元朗茶記落腳。元朗茶記是不折不扣的茶餐廳，內裡是頗為光猛，坐也舒適。看過餐牌，沒人加價，與平時價位差不離，只是選擇較少吧。點來西芹肉片飯，雖說是碟頭飯，卻是與平時一樣。西芹入口清爽，軟硬適中，咬落咯咯聲，肉片軟腍，卻要蘸上醬油調一調味，食落又不錯，起麻碟飯是熱的。來一杯熱咖啡，作為餐飲，咖啡香濃，夠咖啡味道。整體來說，是不差的，可以再去。

行完山後便來了此地食下午茶，因為週日在元朗找吃很難，難得有一間有座位坐下，大家累到什麼都不想便走入內坐。可惜我們想吃什麼就沒什麼，大家都只能選擇其他食物。這裏的食物味道也算不過不失，價錢還不算很貴，能有地方坐下來吃都不能要求什麼了。*******************很辛苦我們才找到一間有座位坐的茶餐廳，元朗茶記。元朗茶記地方很大，能坐下很多人，週日都快坐滿坐了。看看茶餐之選都不少。鮮咖脆脆豬扒包，HKD28。這個不脆的脆脆豬扒包，豬扒還算調的入味，再配上鮮茄片和生菜，在不脆的包之下吃，味道真的不過不失。凍檸茶，額外加HKD3，這茶餐便是HKD31。茶味較重，還有點甜，所以味道很一般。

唔係周圍都無位真係唔會黎呢度食，服務態度差爆，串串貢，問乜叉都話等陣，落單又等陣，黎錯野又等陣，等到幾時先得閑呢？？炸脾乾到裂開，仲要無底，咩料，得半隻雞脾？？後面個邊呢？切左？？西多正常有花生醬，但都係乾柴。雪菜米，大快樂水準，跟餐加六蚊。熱奶茶幾好但唔夠熱，半温吞想點？！

好神奇的餐廳, 待應落單『B01 粟米班塊』可以同你落一個B01餐嘅粟米班塊再加一個獨立嘅粟米班塊. 4個人4個餐DOUBLE 8樣野. 仲要吋吋咁話你又NUMBER 又菜名會混亂 要拍枱問係味玩野至收聲. D野又唔多好食卻要用"必食"來推介. 好一間「元朗茶X」. "必食"排骨比鬆肉粉浸到梅, "必食"粟米班塊多粉硬有一兩團齋粉冇魚, 椒鹽骨唔用椒而用走氣淋晒嘅金蒜, 牛肉抄菜雖然油多了點但叫做正常.

食团購餐食到$22位真係反通漲，今次冇令我和老婆失望。來的東西樣樣新鮮碟碟熱，先講奄列，算幾有蛋香用疍超過一隻，火腿分量亦毫不輕手，多士烘得剛好不會太焦太熱氣。豬骨湯扭扭粉是必食推介是我在茶記食過最好吃的貨式，份量比連鎖快餐店多出不少。最後戲肉是兩隻鹵水雞翼，豐滿大隻的全翼咬落彈牙juicy及多肉，鹵水味恰到好處及滑溜，一定是高檔來佬貨加上冇雪味堪稱另一必吃。而飲品也是中上，好立克味濃奶茶夠滑不苦。唯厠所設於街外有點小不美，但不得不提是室内十部分体冷氣跟牆上多幅砌磚彩畫（見圖）乃夏日清新的享受。

睇到yahoo有元朗茶記ge下午茶團購，22蚊有兩隻雞全翼、多士、火腿奄列、扭扭粉/米線/米粉/公仔麵、配熱飲，覺得幾抵，而且也是熱賣，於是便買了幾張同朋友前往試下～去到茶記，先講環境，同普通茶餐廳無咩分別，都有一個水吧，但問題就正正在於餐廳的食物種類：普通茶餐廳應有的食物都有，但問題是晚市更有日式放題，雖然食ge係下午茶，但見到茶餐廳的格局卻有日式放題，感覺是有點奇怪吧。。。講番正題，下午茶22蚊真係幾抵，我同幾位朋友都食唔哂（抱歉😅）。但係食物質素真係好普通，甚至麻麻😅。多士焢的時間比較耐，食ge時候已經唔脆，比較硬身；而雞翼應該係鼓油雞翼，但食ge時候無咩質感，味道；火腿奄列則不過不失；而通粉質感則唔差，唔會太硬，但湯底感覺是味精湯，食ge時候會有點口渴；最後，飲品方面則是凍奶茶（凍飲需要加3蚊），味道不錯，奶味不會太重，亦唔會太澀。整体而言，以22蚊的價錢可以食甘多野的確相當化算，購買了但未使用下午茶團購的朋友不要抱有太大的期望吧。。PS：小弟第一次選寫食評，希望各位能夠加以指正，以便小弟能夠作出改善，謝謝

先前係YAHOO 團購見到有個茶餐 $22有雞翼,多士面底加火腿痷列咁岩補習經過附近就買左一張黎試食啦一入去感覺好光猛同冷氣好夠 重有好多電視而且人少少 都十分靜 好岩同朋友三點三傾愒由於冇二人枱的關係只好一人覇四個位 畀左個團購呀姐之後啲野食就好快上左~2-3分鐘到但因為雞翼賣晒 所以要再等多5分鐘到(其實姐姐一開始有offer雞髀畀我不過我推左)等到我食到嗰時個烘底多士已經唔再脆不過個火腿痷列入面啲蛋煮得啱啱好 外皮熟得黎入面重好多汁 火腿都十分重料 好好味雞翼方面可能係我個心口味問題(因為我同家姐雞翼用開超濃郁+煮超耐 焗超耐的手法煮較濃味同骨)我覺得比肉比較粗糙同冇味 不過都係平均水準 又冇話覺得有咩秘製醬汁係入面至於個公仔面印象就深啦個侍應姐姐一攞過黎已經聞到好香 食落係豬骨湯味的 唔鹹唔淡 唔洗落豉油 感覺都幾飽肚 應該冇話因為團購而縮水杯加三蚊轉的凍咖啡... ...真係完全同雀X咖啡一樣 大家都知咩味 唔講啦啲員工態度好好人我趕住去補習所以雞咁腳咁走點知就出事啦 漏左部IPHONE係位啲員工幫我執返之後等我自己返轉頭攞個收銀有同我做核對(叫我用餐廳電話打畀自己電話先,睇

茶樓等唔到位而黎左茶記，黎呢間貪呢度冷氣涼同坐位濶少少，擺bb車都唔會太阻擾。下午茶四十幾蚊，價錢合理。叫左幾個餐，星洲炒米好鹹，乾炒牛河好油，另外仲叫左炸脾薯條同炸魚薯條，兩者都係炸都超乾又硬，炸脾仲要切走一半，無哂啲脾肉食完都滿足。除左個幾樣，另外啲又唔太差嘅。餐蛋治，蛋好厚又炒得嫩滑，餐肉煎得香口，上枱熱辣辣，新鮮整起好少會唔好食啦。福建炒飯，夠汁又多料，飯炒得乾身，小朋友食得最開心。熱檸茶，檸香茶濃。主角熱奶茶，黎親茶記都係為左杯熱奶茶，香滑茶靚，好飲。

今次難得友人提議去呢到食早餐,咁就要一試,呢到中西日大亂戰,咩菜都有,早餐有數款選擇,我地選了一個b,同n,b係南瓜鮮茄排骨扭扭粉,加3元有多士腸蛋,十分優惠,南瓜應該係連排骨煮成,好入味,骨夠諗,扭扭粉都唔錯,多士唔夠脆,蛋唔錯,n係魚柳沙律多士,魚柳好滑,香脆,沙律夠凍多料,加8元多鮮牛扭扭粉,牛肉嫩滑,有湯不夠味,飲品就選了蜂蜜紅參茶,同蜂蜜柑桔生薑茶,有香味,但味不夠濃

元朗愈來愈多人…想搵間近市中心…唔駛等位…唔駛搭枱…經濟好味…有電視睇…又坐得耐既茶餐廳實在唔多…今次就發掘到呢間…無論坐邊個位都可以睇到環迴一週既電視…早餐款式有十幾款…特色在有我喜愛既南瓜蕃茄…至少到現時為止…未發現其他地方有呢種湯底食…朋友就選左N餐吉列魚柳沙律餐…再加$配鮮牛扭扭粉…沙律夠凍…感覺新鮮…唔會有好多薯仔…青瓜甘荀比較爽口…魚柳皮脆而鬆化…牛肉唔韌又無鬆肉粉味…但湯底好味噌感覺…A同B餐都係南瓜蕃茄排骨扭忸粉…但B餐多$3就有埋腸旦多士…比較抵食…一睇到碗粉就已經好開心…好明顯南瓜係炆過哂既…排骨好腍…應該同步炆過…可惜只得3粒…腸旦多士無咩特別…熱少少就更加好…餐飲係蜂蜜紅蔘茶，蜂蜜柑桔生薑茶…未飲已經聞到蔘味香…生薑只得薑辣味而無薑味…無渣似沖粉出來…

照顧小兄妹的平日，我其實很喜歡吃茶記的早餐，貪它平靚正。今天寫這間元朗茶記與緣聚、校長燒肉屬於同一集團，都是主打晚市日西式放題（另也設散點），至於日間就分別經營各自的菜系，顧名思義，元朗茶記就是主打茶餐廳食物。這裡的卡位特多，座位也較一般茶記舒適；定價會貴上一點，不過食物的確不錯，無論是鬆軟熱暖的餐包、香口的餐肉或嫩滑的炒蛋，食味都不錯。還拌上是蜜味茄汁豆上檯，更添一分洋氣。鮑片粟米通粉看似很寡，實則味道清淡得來幾有鮮味，加上通粉煮得口感剛好不會過腍，很快就能將之清光。反而茶記核心的奶茶沖得不是很好，其實那茶味是不錯的，但就不太夠滑；這點對面的太興要強多了。對這裡放題的興趣不大，不過可以找個中午試試它其他食物如焗飯，相信也不差。

嗌左三個小菜...1) 肉排煲已經唔好食，但仲叫做入到口。2) 喇沙茄子雞煲，啲雞裡面凍，無味，勁大浸雪味。3) 蝦米粉絲海鮮煲，啲粉絲浸到淋晒，仲 shock 晒啲蜆既腥味，一食落口已經想 lur 返出黎！送既例湯，好咸！飯，好硬！老實講，咁大個仔未食過咁難食既一餐！

黎呢到食早餐，只貪佢環境幾闊落又坐得幾舒服，味道真係有待改進。呢間元朗茶記真係好厲害，有茶餐廳野食外，仲有日本野壽司刺身咁，又有泰式，越南野，印尼野等，真係包羅萬有，好唔好食就唔知，因為每次都係黎食港式早餐，味道就麻麻地。火腿絲粟米通粉，通粉好淋，湯底又淡而無味，好彩火腿絲鹹鹹地有番啲味。雞肉腸，午餐肉，茄汁豆呢啲都係現醒野無特別，炒滑蛋好硬好油，餐包又係好硬仲好乾添，懷疑係咪擺左好耐？比啲冷氣吸乾哂。友人分左半舊炸魚柳比我試下，嘩，腥到呢……熱檸檬茶，好澀好難飲。

天氣開始轉涼, 放工已經好肚餓.. 諗住求其係公司附近醫肚就算. 經過西菁街見到茶記入去試試, 呢間茶餐廳面積都好大間, 有好多弧形既SOFA好吸引, 好似好好坐咁, 可惜我得自己一個人只可以坐其他卡位.. :-/由於太肚餓既關係, 一睇MENU見到有$38一碟魚香茄子飯就好快咁落左ORDER....(仲叫左落單姐姐多飯比我TIM... )無幾耐, 碟熱辣辣既飯已經有得食啦  落單姐姐仲走埋黎問我夠唔夠, 唔夠仲可以同佢開聲再加比我... 呢D充滿人情味既服務,估唔到仲會有, 真係值得一讚!  平時出街食既魚香茄子有一半機會都會幾油... 估唔到佢煮得一d都唔油, 仲炒得好香口! 天氣凍左真係會食多左野...竟然我可以食得晒成碟飯....OMG 搵日帶埋同事黎坐弧形SOFA食LUNCH先

本人由只係夢工場時已有間中食下,主要係下午茶時間(即返工lunch時間)…以前都可以以不過不失來形容,因為價錢合理…有壽司有麵有野飲三十幾蚊…!!所以間中會食下…!!自從裝修及改名後…地方乾淨燈光充足…坐得舒服咗…!!開始時有幫襯,因實在近工作地點…但情況每況愈下…每次都只係想坐得舒服D先去…食個冇乜要求嘅餐…沙嗲牛肉米粉,磨菇奄列,凍奶茶…!!話說…入去之前見門口多咗個放題餐牌,都冇為意照入,入到去心諗“嘩!!今日駛唔駛咁多人呀!!” 差不多坐滿八成枱,今次又食同樣下午茶…咁就出事啦……!!首先…1.奄列中磨菇…有一pat似忌廉物體…唔溶不是                   流質唔知想點…所以冇食,只有食奄列邊           2.沙嗲牛肉米粉…有色冇味(之前食好香沙嗲                味)一路望住沙嗲色, 一路食入口係清湯冇                 味…食 到一半已經食唔落去……!!           3.唯一寄望秠奶茶…又出事…“鞋”口架…老到飲                        一半又係飲唔到落去…!! 一個咁簡單嘅餐$40…剩一半…