元気寿司

营业中

休息中

今日到Mikki 元氣食lunch， 剛開始食兩碟，有職員好似情緒唔穩定，系度執台的時候突然大力將D碗碟掉落個盤度，將之前座位D剩餘湯水彈到周圍都係，之後就走左。當時我右邊身衫褲和檯面D壽司食物和隔離一位女仔的身和食物都被彈到。之後要揮手叫其他職員過來，才有人協助幫手將D壽司換左。好差的體驗

特大赤海蝦壽司 $17 (期間限定)🦐🦐好鮮甜，好大隻😍大大啖蝦，好好食帆立貝壽司 $18🐚🐚夠厚身，入口鮮甜花の恋壽司 $23🌸🌸有3片三文魚，入口好滿足八爪魚🐙🐙不過不失蒲燒鰻魚壽司 $12🔥🔥冇骨，夠香口，不過就真係有D太薄

經過mikki黎食個lunch，最尾決定食元氣，今日可能錯過飯點唔係太多人排隊，好快可以入座.怒點壽司🍣太正啦辣味三文魚 蟹柳 雞軟骨 炸魷魚 軟殼蟹 一切既🦐壽司全部係我至愛

周末晚，6點幾，去到mikiki，唔知食乜又怕等位，就去唔會點大傷元氣嘅元氣壽司。講迴轉，又壽司啷又鬥鮮，元氣都被搶唔少客，所以等位比從前快很多，5分鐘入得。壽司飯相對其他會細舊啲，啱我呢啲唔湊米氣人士。筋子呢啲必食，始終得佢有，此外嗌碗兒童烏冬，兒童成碗ko 哂。因心水係油甘魚，我特別鍾意佢新返嘅雙重厚切油甘魚配柚子醋果凍，兩塊呈十字疊面，油甘湯滑溜夠鮮，柚子醋果凍如果大滴啲會更帶出鮮味。另一驚喜係個火龍卷，即鰻魚牛油果卷，呢類卷喺第二啲壽司店都食過，但呢件鰻魚好香口同軟滑牛油果好襯。活赤貝三件裝食得出唔係雪藏，係劏開整隻新鮮赤貝分開三部分配落壽司飯。

呢間元氣係高速線，小朋友好鍾意睇住壽司搭車過嚟。叫咗好多壽司同手卷，大部份都中規中矩，今次就集中介紹我最鍾意嘅兩個菜式首先係三文魚頭湯，呢一個係每日限量嘅，湯十分之足料，有三文魚肉，蔥，仲有蘿蔔。蘿蔔吸收左三文魚頭湯嘅鮮味， 好好食。三文魚粥係念着三文魚頭骨嘅咁所以食嘅時候有啲麻煩。不過今次個魚皮有鱗片，處理得唔夠乾淨，之前都冇發生呢樣嘢，希望只係個別例子。元氣有幾款大蝦壽司，分別係原味，灳燒，海鹽，但係我都係最鍾意而家呢款。

今日去到mikiki見其他餐廳都好多人排隊自己又好肚餓就去左幫親元氣入到去佢完全冇入50%（仲要全滿）入到去見佢有個「迷你吉列豬扒飯堡」最初以為應該同mos burger嘅就差唔多（因爲佢呢個迷你嘅都唔係好抵食）咁個飯堡原來係由壽司飯整嘅（雖然佢本身係賣壽司，不過最初expect佢d飯係熱嘅）跟著飯凍嘅都冇所謂最特別係佢個炸豬扒都係凍嘅仲要根本上好似係食緊炸粉最離譜係最後叫左個甜品（奶凍）之前次次食其實叫完好快就有（因為佢係預先整定，攞出黎就得）點知等左20分鐘都未有咪搵個staff過黎幫手追追點知追左3次都未有，再等多5分鐘（total等左40分鐘）都未有就直接取消左佢走又唔係平又等咁耐，永遠blacklist！

又係間歇性壽司引🍣發作時間， 要立即止引就即刻要搵壽司吃😋！到 Mikiki的元氣壽司吃晚餐， 而家用qr code落單好方便， 加上元氣的高速列車，又可以減少人手，兩個人點了三文魚$14，北寄貝$17，芥末榮螺$14，芥辣八爪魚$14， 北寄貝沙律$14，海膽墨魚$17，加州卷$22，珍寶皇帝蟹柳$10，赤海蝦$20， 脆蒜鰭吞拿魚$20，青森蒜香槍魷魚$22，青森芝士蛋糕$22。今次有期間限定的青森蒜香槍魷魚， 煙煙韌韌帶點蒜香味，珍寶皇帝蟹柳用煙燻過特別香， 吞拿魚好鮮味，其他幾款味道都好平均， 最後食埋青森芝士蛋糕做甜品，正！😋👍🏻

元氣速食 晚上8點多到 先前用app 已攞定飛但都等咗半個鍾 個人覺得黃大仙區嘅元氣尼間服務態度算幾好 每次都必點吞拿魚腩今日水準無失準 入口即溶 冇筋冇渣茶碗蒸雞蛋嫩滑發現小食螺肉轉左 第二隻比之前嗰隻難食但呢間炸雞軟骨食咗幾次覺得都係偏鹹其他食物不過不失呢間鋪面淺窄 係細咗啲 而樓上又多住客要一早攞定飛

全香港咁多間元氣壽司，老實講我食過唔少，亦喜歡食，但係新蒲崗呢一間食過幾次算係食物丶賣相同埋態度都唔係好嘅一間。我仲記得之前去過幾次全部都係一係漏單丶一係態度唔好丶一係啲店員掛住吹水叫極都唔過嚟。出到嚟啲壽司可以好似打過颱風一樣完全唔知入面發生過咩事🤦‍♂️。重新裝修咗火車軌之後我終於有時間可以再去一次，而家換咗一啲店員丶經理服務亦好殷勤，出到嚟啲壽司雖然唔叫好整齊但最少合情合理你到亦都相對地比以前好咗。整體嚟講進步係大嘅，希望佢哋可以繼續努力。

2019年6月1日入去食下午茶，一開始就甘落單，之後加單服務員話冇就甘落單服務，要下載元氣手機軟件自己下載，但此分店沒有任何iPad提供點餐，我二個月前先去完旺角朗豪坊分店食，都冇話一定要用手機軟件，點解一樣元氣落差甘大。感覺服務員吾想做生意

今晚朋友約聚會，朋友剛收工未食晚飯，我就喺屋企打咗底先出嚟，機緣巧合下嚟到元氣食嘢。嗌咗好多碟嘢壽司同小食，當然唔少得我好鍾意食嘅雞軟骨啦，煙煙unun，好爽口。天婦羅蝦壽司$10亦係必選嘅，每次都維持水準。上至下、左至右分別係：鰻魚壽司、炙燒明太子三文魚、炙燒牛油熟帶子炙燒黑椒熟蝦、炙燒澳洲牛、炙燒辛辣三文魚腩榮螺、牛油果軟殼蟹卷香辣吞拿魚卷、辛辣長鯺吞拿魚甜蝦蟹膏、玉子小柱飛魚籽食物味道毋庸置疑，呢個唔逐一寫喇。衛生情況良好，我哋都冇肚屙或唔舒服。服務良好，上菜速度迅速，店員都好有禮貌。環境闊落，坐得舒服總結，除咗價格高，其餘各方面都好滿意，難怪佢有成70幾間分店啦。

今次去返有陳鋼線的元氣壽司，自助落單方便好多，餐單亦都多好多選擇，點返平時會食嘅下午茶餐，一個燉蛋，另加可選烏冬，但因為我不餓，選了炸墨魚嘴，再加一個壽司刺身的併盤，只是$62！非常抵食！壽司有炸蝦卷，墨魚和北寄貝壽司，還有三文魚和蝦刺身，三文魚有2片，不算薄切，燉蛋有魚蛋和元貝，一直都十分好吃，炸墨魚嘴就失色一點，鹹了一點和比較稔，不過以這個價錢來說，勝價比十分好，以後去元氣都要算有新幹線的元氣好了！

今日去左新蒲崗mikiki商場睇中醫，對面就係元氣壽司見到有午餐就入去坐低叫餐，雖然得四個餐但每份餐都好豐富，魚生都新鮮，唯一就欠缺無蒸蛋叫，只限下午茶時段先有。

元氣呢個名其實我哋由細都識到大， 真係食過無數咁多次， 但係我通常都係晚餐先會幫襯， 第一次食佢哋嘅午餐， 原來都唔錯喎選擇都幾多，仲好豐富添！我哋叫咗兩個set都非常豐富，又有烏冬，沙律 ，壽司，炸多春魚，燉蛋賣相都唔錯， 大約七十幾八十蚊就有一個set， 都算好抵食！炸多春魚真係冇得頂同平時出面炸嘅有啲唔同，佢塊皮係有少少香草響入面夾埋多春魚嘅鮮味，真係好啱嘅配搭另外我哋仲加多兩碟壽司，食落都好新鮮元氣做咗咁多年都有唔少嘅fans，佢哋嘅食物都保持一定嘅水準

星期日同妹妹去食晏，就去左位於九龍城Mikiki既元氣壽司食壽司唔知係咪因為唔近地鐵站，即使星期日中午去到都唔駛點等位。由於無食早餐，我地都點得幾多壽司~三文魚腩壽司上面舊魚生幾厚肉、而且魚肉都幾新鮮。至於長嗜吞拿魚壽司都唔錯，塊魚生同魚生上面既辣椒同沙律醬好夾，好好味！玉子壽司係我的至愛！厚厚既玉子包住少少飯，啲玉子唔會太膩，仲有啲飯送入口，成件壽司真係好正！炙熱左口魚群邊又係我另一至愛！燒過既左口魚群邊散發住淡淡既魚香味，魚油都經過炙燒之後滲哂出黎，食落去有入口即溶既感覺。另外，花之戀又係另一推介！三至四片既三文魚，配以面頭既沙律醬同三文魚籽，食落口，三文魚既鮮味、沙律醬既甜味同三文魚籽脆卜卜既口感，簡直係完美既配合！