元気寿司 (粉嶺名都商場)

营业中

休息中

其實成日都食元氣..我係元氣粉絲..比起板長果d..我覺得元氣性價比都高d..所以做埋會員..有得遙距取票係好好多..起碼等少d時間...我地一黎就有位..但有要台所以再等多左一陣..一坐低即刻寫order紙..但竟然係熱食黎先..岩岩炸起..好熱但好味..最後壽司先兩大盤一齊黎..有我最愛既芥辣八爪魚..呢間仲要勁新鮮..好正👍🏽👍🏽呢間d壽司同炸物都好新鮮..反而d炸蝦卷同豬扒卷就無廿新鮮..有d淋..但總括黎講 都係大滿足😊

元氣壽司日日夜晚都是排長龍好多人食，粉嶺名都同中心都冇乜日本餐廳，所以咁多人食。我就好早來排隊入去食，所以唔算多人，入去食左口魚壽司，就正入口即溶，同埋佢新出雪糕都好好味，有個米字，食落真係有飯，好特別

晚市持續長龍的元氣，要食佢又唔需要考你耐性既，禁張飛等電話就ok，想食日本野但又想平就諗起佢，各款壽司都中規中矩，海膽墨魚幾好食呀。荷蘭醬焗牛油果好特別，蛋黃線醬多牛油果香堅好食呀。

想食壽司，屋企附件唯一食得落嘅選擇就係元氣，然後我哋就一家人嚟到元氣去食啦啦啦。對比上一次食，好似出咗好多新嘢，鍾意試新嘢嘅我哋當然係全部叫晒。先講芝士炸年糕，哩個十分唔錯，芝士味唔係話超級濃，所以食完都唔會有濟嘅感覺，仲可以食多兩粒。(食得太快冇影相)然後就係炸吞拿魚卷，其實就係將成個吞拿魚拎去炸…炸得唔脆味道又冇甚特別，唔係明白咁樣整嘅用意係咩。另一樣新嘢就係炸多春魚，對於全家都咁鐘意多春魚嚟講，一咬落去我哋都大失所望，皆因…5條入面得2條係有春…er…仲要佢比嘅檸檬係兩小嚿...無言...新嘢就真係另人失望啦，但係其他食物都仲係另人滿意嘅，必點嘅有炸軟殼蟹卷、炸蝦卷、波士頓卷、煙三文魚壽司、大蝦刺身、炸蠔(蠔越嚟越細)，最後當然係泡芙!!!最後溫馨提示，大家要預早時間去攞位，超級超級多人!!

娘親最愛吃壽司，今年中秋第一次無仆返屋企食飯，同老媽子出街食無咁辛苦。由於唔係會員，當然要拎飛等位，等左大半個鐘左右，入席。三文魚刺身，我媽至愛，元氣質素確實好！吃得出的新鮮！到我至愛，北寄貝刺身，其他都可以，是新鮮的：）三文魚壽司，顏色好靚，光澤！無太多肥紋！加上元氣既wasabi都ok, 滿意！自從下午茶食過三文魚湯後都中意左，麵豉味唔會死咸，鮮味十足！蟹籽沙律應該係全餐最唔滿意既一款，太碎，個醬又稀，但蟹籽是新鮮的。全晚高潮黎唔！蒲燒鰻魚芝士卷！塊鰻魚厚切肥美！加芝士好夾，有青瓜同飯中和鰻魚芝士既濃味！推介！食飽就夠鐘賞月啦！

在公司奮鬥了一個上午，中午同同事去醫肚，去到唔使排隊，因為已經2點，店內一貫黃色加淺木，好醒神！我哋坐咗迴轉位，因午餐太大份，又未到下午茶時間，迴轉帶上壽司已經無乜，所以最後散叫！螺片（$10）螺肉有咬口！赤貝（$22）赤貝比較細片，幸好新鮮有咬口日本溫泉玉子烏冬（$28）粗烏冬彈牙，溫泉玉子滑溜，蛋黃撈埋一齊，加上脆片增加脆脆口感，好味！帶子壽司（紫碟$16）見到迴轉帶上帶子好厚肉，所以攞咗一碟，帶子滑溜，仲幾鮮味！二期作米雪榚（$22）三款味道，揀咗呢隻米味，米味道唔強，清清地唔過甜，不過中央夾雜嘅飯粒，雪到好冰好韌，有啲硬！就唔係咁鍾意！三文魚子軍艦（$32）同事食，賣相唔多好，啲三文魚子凹晒，唔阿新鮮！海膽軍艦（$25）同事食，海膽有點溶！湯烏冬（$18）同事食！池川煎茶雪榚（$22）同事食，佢話抹茶牛奶味好正！店員勤快，好快有回應！壽司午餐快靚正！

近期好忙到今時今日有時間去沙田買碟睇，返到粉嶺開始肚餓一個人就去左元氣（當然係火車上經已電子攞飛啦）去到就岩岩叫到我，有時唔好話科技進步得太快呀一坐落嚟就睇個餐牌（但迴轉帶上總會有驚喜，餐牌上未必有的）雖然睇到識背但點都要温故知新，叫左侍應落單啦壽司開始嚟啦小柱係女王至愛我就今次自己試下，一入口鮮味重經已將其他兩樣ko左留意個帆立貝我係叫海鹽帆立貝但次次都唔比海鹽我，我追左個侍應先有得食（但點解次次都係咁，仲要唔同分店喎）講返水準香辣吞拿魚第一次叫，辣度同吞拿魚好配岩岩辟左吞拿魚的怪味，好野味；筋子貨源可能穩定返無咁鯹，但象拔蚌同螺片好難分同埋會有時有陣鯹味，帆立貝我就要海鹽咁先夠鮮味點少得海膽呢？前排就算係下晝4點都經已無得叫，依家穩定返同埋好鮮味唔會食到苦味炸墨魚咀真係好大粒仲有就係十次有九次都係辣咀，咬落去要有汁咇係個口腔到真係好正，真係老老豆豆同墨魚咀嚟個法式濕吻👄👄，但無酒飲又係爭咁d野牛油配赤海蝦都幾日式和風但就做到唔湯唔水咁牛油同赤海蝦味道分離，牛肋骨不過不失依然霸氣十足牛味一流，左口魚下次要試下原味先可以比拼，海鹽帶唔出佢獨有鮮味食左元氣十六年都有見到佢想求變的心，但就

其實節日不一定要出外慶祝，只要一家人開開心心聚在一起吃飯便可以。剛過去的母親節，母親大人想安在家中舒服地享用晚餐，於是我就去元氣買外賣回來，因為這間6時已大排長龍，要堂食確實不易。壽司排得整齊，賣相精緻吸引，肥美三文魚腩壽司，入口即溶，北寄貝壽司很爽口，帶子壽司很肥美，還有嫩滑的玉子蛋壽司。不過炸物壽司就差一點點，此終經過十幾鐘後未夠香脆，不過還可以。

本人是元氣壽司的常客，也做了會員。想吃壽司，元氣都會是首選。個人覺得粉嶺中心分店的食物較上水中心的好吃。下午茶時段，提供午後茶餐，價錢比繁忙時間便宜，下午茶餐由$48-$60，由1食選壽司類，2食選小食類，3食選輕食類，各選1款，另可再追加餐牌下端的食物。先自行調製綠茶，元氣不是用茶包，是用綠茶粉的，濃淡自己選擇，自行加水。我選了壽司盛E($48)+2食選蟹子沙律+3食選湯烏冬，三文魚壽司，味道不值一提。赤海蝦壽司，新鮮，肉爽，味道鮮咁。炸蝦卷--即炸即做上枱，脆卜卜而且蝦有甜味，好吃。壽司飯，不算大件，飯粒軟硬適中，水準平均。烏冬非常好吃的，湯底清甜，麵質細滑。蟹子沙律味道不錯，有青瓜、蟹柳混合日式沙律醬，上面放了蟹子，開胃菜。追加了軟殼蟹手卷(追加價$9)--又是新鮮炸起，大約有四分一隻軟殼蟹，紫菜脆口，即食，加上一些沙律醬，入口不會油膩。(急住食，忘了拍照)日式芝士蛋糕(追加價$12)，本人不愛吃甜品，但我愛吃元氣的日式芝士蛋糕，凍凍的、芝士味濃郁，個人覺得比一些不用心製作的酒店出品更好。埋單$76，超值。以前常到元氣壽司，服務和食物也是平均的，近年價錢加了不少，而且人龍很長，繁

去到元氣，緊係要叫佢地好出名既蒸蛋。個蒸蛋好滑，D料好足！入面既冬菇更帶到鮮味出黎，不枉係人氣既產品不得不提既仲有三文魚三味，當中燒三文魚十分出色，三文魚呈現係半生熟既狀況，真係令人十分回味！當然其他壽司都好有水準，一個字正

粉嶺火車站附近有3間壽司堂食店通常都會去元氣首先就係因為佢感覺上新鮮d雖然佢晚市唔似另一間咁有拉麵果d但壽司黎講係3間入面最好辣味三文魚軍艦同蟹子沙律軍艦係必食另外一提 元氣用綠茶粉沖茶遠比其他用茶包嘅好飲

九點幾收工，同事話想吐下苦水，粉嶺商場嘅食店都幾早收工，比較好坐嘅餐廳唔多，就黎左元氣。員工通知十點半收工，有一個鐘頭食，夠啦。其實都仲坐滿人，不過貌似佢地都食飽，留係度吹緊水。回轉帶上淨幾碟壽司而已，唔落order真係無野好食。叫左幾樣野，但其中又有啲話賣哂，算啦，其實都係過下口引，又唔係認真肚餓，廢事再加單了。大滿足系列，同事話ok。親子丼飯，賣相不俗，同事話好食。辣吞拿魚手卷，少少辣，魚肉肥美，好食。蟹籽手卷，同事鍾意食，咩都係叫蟹籽，佢話好食囉。特大帶子刺身，鮮甜肥美，唔點豉油食仲正。蝦刺身，對蝦敏感無食，同事話爽口彈牙。牛舌壽司，好香牛味，少少韌，牛舌大大塊好滿足。十點幾，員工提醒last order，飲多兩杯茶吹吹水，又一餐。

連日來也要到粉嶺工作，由於大多是舊式商場，所以附近沒有甚麼特別好吃的，所以就選一間連鎖式食店，感覺比較不會中伏吧店前放有大大張鵝肝壽司的poster，感覺吸引先看看餐牌，沒有太多新品，所以仍然點了常吃的炸蝦卷、軟殼蟹卷及芝士鰻魚卷炸蝦卷［評分：8/10］由於是直接order，來到時蝦身還是脆的，配上綿軟的壽司飯，口感豐富之剩又香口，果然是每次必點之選軟殼蟹卷第2款必選的就是軟殼蟹卷，大大件的炸軟殼蟹入口香脆，配上青瓜、牛油瓜及松子仁，青瓜入口清爽，松子仁又脆又香口，口感豐富～芝士鰻魚卷［評分：8/10］大大粒的芝士軟粒，芝士入口又香又軟滑，芝味香濃，再夾雜著少量鰻魚，兩者味道相夾，加上上方的黑白芝麻粒，令鰻魚卷味道更香～鵝肝壽司［評分：6/10］被宣傳海報所吸引，特意點了一件試試，少小的一件鵝肝，上下煎至微脆，但鵝肝油香不足，由於份量太少，口感欠俸，非常失望呢芝士飛魚子豬扒卷［評分：6/10］於迴轉帶上看到這客賣相特別的壽司，就取了一碟試試，可惜豬扒又凍又硬，表面當然也變得淋淋的，配上少量沙津醬同吃也感到有點乾呢炸墨魚咀［評分：8/10］大大粒的墨魚咀，表面脆漿頗厚，表面炸得金黃鬆脆，

閒日的中午，只得一支公在家，開火煮飯沒興趣，在附近走走，又不想吃得太heavy，壽司又的確是一個不錯的選擇。中午時份挺多人，但一個人總是最容易找位的，只要不多多要求，往往「攝位」，問題不大。先在迥轉壽司帶取來北寄貝壽司，可能放得太耐，飯粒跟北寄貝已經變涼，不單口感差了，而且有點硬，北寄貝亦不見得大件，有少許強差人意。另外order了一份近年最愛的左口魚邊，用火槍略加灸過，令油份逼出，滿有魚肉的香味，肉質鬆軟，好味。灸燒牛油特大帆立貝作價不便宜，但帶子身肥肉厚，灑了點香草及同樣用火炙過，而且是即叫即做，看來下次還是另點壽司，品質有保障得多。一頓午飯差不多要成百蚊，偶爾一次問題不大。

早幾日收到元氣卡，雖然並沒有即時折扣，但可以蓄積分，每十蚊一分，變相即是九折。午間來了粉嶺中心的店子，找了個卡位坐，相當舒服，從食物帶上先來一客蟹籽壽司，蟹籽多得快要跌出來，吃起來飯粒醋味輕柔，紫菜又不會一身水氣，不錯。再來是近月最愛的左口魚邊，充滿油份的甘香，魚味濃郁，又是一絕；最後是北寄貝壽司，可能放得太耐，北寄貝有點乾身，吃來一般。不過還是會再來的。