元気寿司 (黃埔天地)

营业中

休息中

元氣壽司是我最愛的壽司店之一。我的家人比我早到，所以當在到達便可立即入座。我們點了的壽司：帆立貝，三文魚腩，鰻魚，蟹子，鵝肝。帆立貝（好滑，好鮮味，啖啖肉既口感，正！）鰻魚同蟹子（中規中矩）鵝肝（又香又滑）我們點了的刺身：吞拿魚，三文魚，油甘魚三文魚油甘魚好好食，但吞拿魚就無乜油水服務都正正常常，ＴＡＫＥ　ＣＡＲＥ得幾好。總的來說，好味抵食，值得一去！

忽然由原本$9件加到$10件真無奈.叫左:赤海蝦,三文魚腩,小柱,炸蠔軍艦赤海蝦:細隻左好多,唔新鮮,冇咩蝦嘅鮮味好淡口.三文魚腩:有油香,肥美好味.小柱:味美鮮味,沙律醬好好味魚子鹹鮮.炸蠔軍艦:蠔味十足,可惜炸得燶左D.忽然又加價,真真無奈.

叫左:小柱,汁煮帆立貝,他他牛,赤海蝦,三文魚腩,灸燒辛辣三文魚腩,炸蠔軍艦,牛肉薯餅小柱:新鮮味美,紫菜好脆.汁煮帆立貝:清甜味美,帆立貝好鮮味.他他牛:好嚡牛味唔足.赤海蝦:細隻左好多,唔夠新鮮,冇咩蝦嘅鮮味,味太淡.三文魚腩:好有油香,肥美好味.灸燒辛辣三文魚腩:同其他灸燒三文魚分別不大,只係加左味道似xo醬嘅物體,普通啦.炸蠔軍艦:蠔味十足,炸得香脆野味.牛肉薯餅:薯餅好硬,炸得好油,完全食唔到牛肉味,薯蓉算甜,講賣相真係0分.加價後,質素反下降,希望下次唔好再差落去.

今日午餐食左幾樣野，其中象拔蚌壽司，放入口即時想吐番出黎，既不彈牙及有怪味，最可怕是我同那位員工講，佢話好多客都話呢隻品種好腥，仲問我係咪冇食開象拔蚌？是不是不接受腥味的食物 ，笑死人，我真係未食過的又淋又腥不新鮮的象拔蚌，個位男員工仲要冇換其他壽司或取消的意思，之後我埋單同另外一個同事講佢先話可以重新換一份⋯⋯⋯我已經説埋單所以沒有換，結果那蝶不新鮮的還是計在單上⋯⋯

叫左:壽司盛E,壽司盛D,吞拿魚手卷,鰻魚手卷,三文魚頭湯壽司盛E:有三文魚,赤海蝦,特大皇帝蟹棒,炸蝦卷,湯烏冬,蟹子沙律三文魚壽司唔夠肥美,味道一般,赤海蝦壽司可食但唔夠鮮味唔彈牙,特大皇帝蟹棒壽司味道普通唔鮮味,炸蝦卷蝦炸左好耐完全淋曬,湯烏冬湯做得幾好,烏冬滑溜.蟹子沙律蟹子鹹香,青瓜清新美味.壽司盛D:有熟蝦,厚燒玉子,燒牛肋骨,炸蝦天婦羅,特大皇帝蟹棒,湯烏冬,炸野菜餅熟蝦壽司好淡唔新鮮,厚燒玉子OK甜蛋味美,燒牛肋骨好油肉好嚡,炸蝦天婦羅可以嘅但蝦唔太新鮮,所以唔夠彈牙,炸野菜餅油到好利害,重要有油益味.吞拿魚手卷:味道好淡好嚡重要有根.鰻魚手卷:味道一般,可食但冇驚喜.三文魚頭湯:湯味幾好,但全部係魚骨冇肉食.睇來下次要食都要想清楚.

今日可能係好日,事事順利連食嘢都心情靚.去左食元氣食Tea.叫左:壽司盛C,壽司盛B,軟殼蟹手卷,栗米薯餅,小柱,炸蠔軍艦,和風栗子蛋糕壽司盛C有三文魚,吞拿魚,赤海蝦,飛魚子,芥辣八爪魚,泠稻庭烏冬,日式炸雞.三文魚壽司可以有油香,吞拿魚壽司普通味道淡而冇咩口感,赤海蝦壽司可食但唔夠鮮味,飛魚子軍艦鹹香味足,但永遠係個紫菜唔夠脆同香,芥辣八爪魚軍艦香辣夠味,八爪魚足彈牙.泠稻庭烏冬入口好滑,湯甜加上芥辣一起食,好開胃又清新,日式炸雞,香滑夠味.壽司盛B有炙燒黑椒三文魚,三文魚,炙燒黑椒海蝦,蟹子沙律,辣味三文魚,湯烏冬,蟹子沙律.炙燒黑椒三文魚壽司香口美味,但冇咩黑椒味,三文魚壽司同上文一樣,炙燒黑椒海蝦壽司好過赤海蝦,但都係冇咩黑椒味,蟹子沙律軍艦,今次紫菜夠脆同香,OK.辣味三文魚軍艦,好野味,入口香辣,唔錯.湯烏冬湯做得幾好,烏冬滑溜.蟹子沙律幾大份量,蟹子鹹香,青瓜清新好味.軟殼蟹手卷:炸得香脆美味.栗米薯餅:因餐牌中冇得叫,開頭問其中一位待應有冇得叫,即時回應話:冇,但之後問另外一位資深女待應時,回應真係大不同呀,幫你去廚房問問先,回來時帶上一個好消息,有得叫,這才叫做服務

元氣食得多,水準分別可以好大.叫左:三文魚頭湯,三文魚腩,赤海蝦,小柱,吉列炸蠔,汁煮帆立貝,蟹子沙津,北海道玉米薯餅,海鮮沙津,厚燒玉子,日本芝士蛋糕,柚子胡椒花鯽魚三文魚頭湯:有兩舊三文魚,味道好淡,好差.三文魚腩:睇相都知,完全唔得,冇油香,味道似煙三文魚多d.赤海蝦:唔新鮮,冇咩蝦味.小柱:可以嘅都鮮味.吉列炸蠔:炸得幾好,蠔味都足幾鮮香,可惜小小用錯沙津醬,用左酸醬,令入口怪怪地.汁煮帆立貝:叫嘅時候話menu冇嘅,一定要在line取,都估到會中招,帆立貝味道還可,只係欠新鮮,底下d青瓜都變左冇咩味及抽乾水.蟹子沙津:做得出色,大大碟,青瓜新鮮同之前果d完全兩回事,沙津醬好滑.北海道玉米薯餅:超正,炸得好香脆,薯蓉好香甜,玉米味好重,好食又底食.海鮮沙津:紫菜完全唔脆,海鮮普通.厚燒玉子:賣相一般,蛋香甜,還可.日本芝士蛋糕:非一般芝士蛋糕,芝士味濃而香滑,入口似食拖肥糖一樣,唔會即時容化,底部蛋糕雖然唔多,但味道好香,有口感.柚子胡椒花鯽魚:完全失敗,有柚子味冇胡椒味,但一入口鯽魚可用一個形容"爛"睇來再來嘅機會唔大.

連鎖店壽司既食物, 其實無咩好講, 質素基本上無太大改變, 定價已經反映了一切, 元氣已經係咁多間之中”物有所值”的了, 留意: 係”物有所值”! 唔係”最好”, 收你咁既價錢, 算交足功課有突. 否則點會次次都有咁多人排隊!?但我的遭遇是奇異的, 就係叫啤酒問題, 每次晚上幫襯, 總會叫啤酒, 但每次都要落兩次單先到, 懷疑啤酒唔同食物, 係唔落單, 直接由聽ORDER既侍應取出拿吸客人, 所以, 只要其他人一叫該侍應, 該侍應便容易忙記. 總之, 不吐不快, 尤其是坐最入的坐位, 侍應永不會自動走過來, 而十多分鐘內又唔好意思再催, 卒之次次都係成廿分鐘後先有啤酒飲, 激死!

一人自遊行, 落腳於黃埔, 見門口多人等候, 便向店員查詢一下: “唔知一位有無呢?”, 店員立即帶我入去. 先來一杯啤酒, 凍一凍喉嚨, 再攪好個靘位, 酸薑和介辣, 吃慣了日本清淡新鮮味, 也絕不是藝術家, 不會醬油加介辣圖色. 吃平貴壽司都只會用醬油.曼魚壽司, 肉質太淋, 散開, 味道尚可, 甜醬油夠濃. 大蝦壽司, 蝦身彈牙新鮮, 蝦味不及甜蝦的濃味, 但尚算可以. 油甘魚壽司, 肉質新鮮, 但魚味欠奉. 青瓜卷新鮮即包, 入口爽脆.

平時好少會諗到去元氣食午餐, 都唔平ma~不過未試過都要試吓既, 今日就同班同事去幾個人就梗係叫啲唔同既餐, 有得對比吓邊樣好啲ma雜錦海鮮丼全部魚生刺身都係碎上, 入口方便, 刺身也算得上鮮海鮮刺身丼同雜錦海鮮丼好似樣, 但佢係片片上, 多咗隻蝦同埋吞拿魚等刺身添, 而新鮮程度亦都是稱職的炙燒三文魚丼平時也愛叫炙燒三文魚壽司, 半生熟加上黑椒的香確實令人回味, 呢次做了一碗飯, 三文魚大片了, 蔥花多了, 但味道仍然是好的整體來說, 可以一試, 但個價錢始終係高, 唔抵食...

來到黃埔，應該試下新鮮的食店。不過想用埋信用卡 $80 的cash dollars，所以又去屋企樓下都有、已經成日食既元氣。星期六晚等位時間約 45 分鐘，安排了卡位。四人卡位一向要搭檯，但出奇地這裡不用，所以坐得好舒適。我和男友點了 16 碟壽司，另有芝麻豆腐、湯烏冬、軟殼蟹手卷。壽司都是一般水準，較好味的有赤海蝦、炸蠔、辣味三文魚。店員雖然很忙，但都不忘常常加茶。今晚吃得好豐足，又撐著肚子離開。

我差唔多每個星期夜晚都會黎食野,我好中意食你地0既特大凡立貝,好新鮮,好大!!我覺得你地呢間分店d同事都幾細心,我果晚落完野食無耐,有一位員工可能見到我眼望望,就行埋黎問我係咪d order仲未到,好快就出左d野食比我,我好少讚人佢真係做野幾快速(眼大大)!我仲叫左個軟殼蟹手卷,"元氣0既軟殼蟹手卷真係好好味道"!!coz 熱辣辣,正!你地0既三文魚腩,夠肥,正正正!好開心　好服務

上星期媽媽很忙，沒有煮飯，就約了弟弟姐姐出去吃sushi了，選了沒有去過的元氣，現在有關西期間限定。先來最common必吃的三文魚腩及吞拿魚腩，很肥美!!厚厚的肥腩︰再來是關西期間限定，先看看餐牌上的照片︰實物照︰out of 3款我最喜歡醋鯖魚(最右)第2 round︰上面是encore的三文魚腩，下面是三文魚三吃︰火灸sushi是每次必點，這次點了帆立貝，是我和弟弟也很愛吃的，右手邊是弟弟點的什麼wasabi八爪魚，他每次也會點些奇怪的食物!!比我這個奇怪的姐姐更奇怪!!BEST of the day是劍魚腩!!很厚，油脂很重，yummy!!星期天也不用等太久，侍應服務也好，環境光猛。三個人買單$240左右。我覺得它比板長的價錢便宜一點點，不過食物水準差不多。元氣壽司 Genki Sushi地址 :紅磡德康街6號黃埔新天地黃埔花園十一期地下G36舖http://sausally.blogspot.com/

晚上凍凍的, 原本不想食壽司, 但路過見排隊人不多, 改啦… 第一件事, 啤酒, 有一件事, 唔知大家是否有同樣經驗, 在元氣ORDER BEER, 永不會順利的來的, 永遠都是問了又問才上台, 我懷疑ORDER BEER與ORDER其他食物是不同的, 可能ORDER BEER是不需寫單的, 所以, 差不多…次次都…員工走開咗就忘記了…. 唉…. 無佢修…. 象拔蚌壽司有些少”星”, 不太新鮮, 蝦壽司OK, 油甘魚與劍魚的顏色竟然一樣: 淡白色, 好食極有限吧….炸魚皮夠脆, 可惜沙律醬不夠, 基本上可以加要的, 都係因為我懶囉… ,新產品, 正式名記不起了, 差唔多好似係”炸蟹餅”, 夠熱, 外皮脆, 但內裡材料基本上是薯容我些少的”蟹柳條碎”, 我極力要求元氣, 快些出翻””炸蠔”呀!!!! ‘烏東’好夥, 夠彈口, 可惜無味, 吞拿魚壽司, 太簿, 顏色暗暗, 味淡淡, 另一新貨: 又係唔記得名稱, 甚麼…泡菜牛肉卷… 不算差, 只不合我謂口, 不評了, 好又一餐, 唔好又一餐, 員工都盡咗力架la, ok啦….

可能因為晚了, 約9:30了, 星期五也不須等位, 即入, 先來一杯啤酒, 透心涼, 象拔蚌壽司, 爽口新鮮, 劍魚腩壽司, 夠凍但魚味不太夠, 蝦壽司, 新鮮但沒有小蝦的甜, 吞拿魚壽司, 暗暗色, 望落卻步, 唯食下也不差, 些少根, 咬不開, 青瓜卷, 爽口但紫菜不太脆, 炸雞件, 外不太脆內又太淋, 炸墨魚嘴, 超高膽固醇, 但好好味, 如果有喼汁更好, 送酒一流, 八爪魚燒, 淋淋的, 不關店鋪事, 本身不太有興趣, 十時十五分才走, 全店剩下六人.