元気寿司 (黃埔天地)

营业中

休息中

情人節個晚去左食,等位等左唔使1個鍾,算係咁啦,幾快,二個人一共食左十幾碟,味道ok咁啦,唔多夠鮮,但係咁既價錢咁既貨色,算係咁啦

自從板前開左, 我就冇去元氣. 係最近一個人悶悶地,,,,下午lunch時份走左去黃埔元氣吃野.. 發覺佢地有心做過d壽司.以前料紅過飯.又少料,. 而家料蓋過飯，雖然冇手握壽司咁粘實..但係賣相好左. 味道好左，最欣賞佢一個軟軗蟹手卷，炸蟹係有半隻在卷裡面,紫菜又脆! 相反板前的,味道好,但係炸蟹得一小支腳，真係夫望，仲要比別人貴~ 我想我現在對它有信心左.. 及比自己多個選擇, 至少唔洗似板前咁排到胃痛都未有位..

6.10.2007用了元氣張八折咭,家姐話要去黃埔果間試喎!六點幾黎到.唔洗等位,服務唔差的.不過,唔該唔好人地走或入內果時成班人係樹講野,好嘈同埋困擾點了芥辣八爪魚,小柱,芥辣八爪魚,辣味三文魚,唔知漁乜乜(不錯),帶子(新鮮)火炙三文魚(好好味)赤貝(鮮甜),油甘魚(麻麻）四個手卷,燉蛋好老,唔得)溫泉蛋:以為半生熟,點知係全生,好腥,唔掂結論:還是覺得apm分店好味點合共$402,五個人食

小肥:雖然好多人會話呢類連鎖式回轉壽司冇靈魂(尤其係D Staff o個d "二三四" o既日文)又冇諴意, 但係我同大肥都間唔使會幫襯元氣o架! 其實相比同類型o既壽司店元氣算係最好o架喎! 同埋雖然冇驚喜, 但至少唔會難食呀! 有時唔想煩, 唔想用腦, 但又有時間排隊o既話都係唔錯o既選擇呀~ 上星期有一晚o係UA睇戲, 唔知食乜又見唔係要等好耐, 就再o黎幫襯啦. 我地一坐低就好快咁點o左我地常叫o既帶子, 芥辣八爪魚, 北寄貝沙律, 三文魚, 甜蝦, 蝦沙律, 元氣巻同炸蝦巻, 其中我o既至愛係芥辣八爪魚, 點埋多多wasabi簡直係刺激呀! 要食到標眼水先開心, 另外蝦沙律我記得應該係較新o既口味, 佢總係令我諗起滑蛋蝦仁! 食完一round我地就加多2個蒸蛋, 一客泡芙同1個手巻(大肥食o既), 呢度o既蒸蛋雖然用料係好普通, 又唔係乜o野貴價, 但係好滑好好味, 泡芙都係比較新o既, 都幾好味o架~服務就算係滿意啦, 當晚有個女仔可能係新o黎, 比較黱雞, 佢送o野o黎我地講少少o野, 或者有少少反應佢都好驚咁望番我地, 驚死做錯o野咁, 不過當然唔會令我反感, 反而覺得

雖然黃埔好多野食，但總見到元氣排長龍。裝修過後，坐位舒服好多，而且元氣成日會有新菜式比人揀，可以保持新鮮感。推介的係三文魚頭湯，元氣卷；可惜他他牛越唻越唔好味（可能依家興食和牛，口感完全唔同）有元氣咭，會抵好多

上週某天接近中午12點，我到紅磡黃埔元氣食壽司。我是元氣的長期“客仔”。當時店內沒有什麼客人，迴旋帶也只開一半。我當時發覺一些壽司例如三文魚是濕的、出水的，心內有些猶豫，仍是吃了幾客。但當晚便出事了，勁拉肚子、肚疼，要看病，請病假，被折騰了三天。出事前我沒有單獨吃過什麼東西，只是元氣，但我的家人同事朋友只有我出事。我曾經在澳洲在東京晚上吃壽司夜消，親眼目睹店鋪把所有賣不完的魚生給扔了的。我不會再光顧元氣。

到這壽司店，本人覺得最合口味，便是軟殼蟹手卷，而其他壽司，很多也算不錯，水準ok，食物水準比起一壽司的水準還要高，但環境則低了兩籌。到這裡吃東西，依然果句，坐到接近迴旋運輸帶附近坐位，可以揀到新鮮的東西才取，有時數圈都同時出現的壽司，大家也心裡有數，知道不會好到那裡了。

很久沒有幫襯，點知一幫襯就覺得唔掂。壽司的用料已沒有昔日的新鮮，很多類海產壽司都是淡而無味，有些食落直頭係唔新鮮。而且舊飯鬆散，未夾都已經散開，一路夾一路跌，食得唔暢快。其中，我食左個軟腳蟹手卷，同menu張相有些出入，相中舊手卷是有青瓜條的，但上碟的就無，但我嚴重相信有青瓜的會變得好食，因為青瓜的青甜會中和炸軟腳蟹的油膩。不過都有樣幾好食，就係新出的炸墨魚咀。我覺得元氣已經失去了上當年的競爭力，質素大不如前，我認為用元氣的價錢去別處可以食到更高質的壽司，所以我不會再光顧元氣。

weekend 去左元氣食飯.. 竟然冇人排隊.. 莫非"世界盃效應"?! heeehee!!2個人order 左:1) 三文魚手卷: 唔多三文魚.. 2 塊到.. 麻麻地.. 食到最落只係白飯.. 少少失望! ~.~2) 軟殼蟿手卷: 冇食.. 冇comment3) 帶子壽司: 好細細舊呀.. 帶子一d 都唔厚身..完全冇口感.. 4) 辣味三文魚壽司: 呢個幾滿意.. 好好食.. 5) 赤貝壽司: 又幾爽bor!6) 牛肉壽司: 冇食到.. 因為實在太血林林喇.. 朋友仔話幾好食..7) 三文魚籽壽司: 幾好食.. 幾新鮮..8) 炸蝦壽司: 呢個都係必食.. 炸蝦仲keep 到脆口.. 好食..9) 墨魚壽司: 幾好食.. 幾煙un..10) 粟米壽司& 腐皮壽司: 冇食到呀.. 朋友仔至愛..不過講真.. 元氣d 壽司真係十分普通.. 唔會真係令到你一試難忘.. 但又唔會差得好勁o羅

唔錯啊！我不單只可以食，仲可以看看員工點製作sushi，個個不但好熟練，做得好快，仲好注重衛生！我宜加成日都去食！

我想回應呀！我亦覺得元氣係比較專業！上次，我看到師傅製軟殼蟹手卷，可能放的餡料多了，又捲得不對稱，外面的紫菜“裂”了，師傅把整個手卷掉了，再重新製過，連續２次，師傅都皺一皺眉頭，覺得不理想，沒要，都棄了！你可以話佢很浪費的，而且師傅很快給侍應送到客人前。好過其他迴轉壽司店，製完的手卷，很久才給客人，成塊紫菜“淋”的！

重陽果日未7點已經有人排隊......試左d新野,山芋吞拿魚壽司,一脆一軟,我覺得幾好,不過唔知乜野係山芋...新出果個蟹肉壽司麻麻地...可能d蟹肉比較鞋...仲有一個昆布漬魚,個味好怪...可能d昆布就咁掩d魚我唔係太鍾意食平時食開果d加州小卷同燒三文魚唔見bar有...所以叫左加州手卷,比我想像中好食,因為有好大舊既牛油果+沙律醬~飲埋個三文魚頭湯,有d甜味,清清地都唔差

雖然每次都有條人龍等位, 但可能始終sushi bar 吃完便走, 不用等太耐就輪到位, 服務不錯, 軟殼蟹手捲是我的至愛, 要order, 即叫即整, 可feel 到軟殼蟹剛炸好, 香脆仍熱的, 加上特製wasabi salad 醬, 我認為是全埸最正的食品, 試過下午茶時間叫, 但不香脆及凍的, 可能下午時間去貨慢, (他們是炸定一盤的), 我有9折卡, 但聽說現已不接受申請了

今日唔知係咪假期的關係，未到七點都有好多人排隊。一邊睇我最近追緊的“死亡筆記”一邊等，終於有兩人位啦！見到出左新野，咁就大膽叫左來試，那個好像叫山竽吞拿魚壽司，d竽頭好唔掂，吞拿魚都麻麻，唔建議大家試。我仲見到有溫泉蛋，以前係冇架，可能我都頗耐冇來啦，所以幾時出就唔知，但十二元食一隻蛋都幾貴下。同埋我都係覺得order 的壽司比較新鮮，尤其係d紫菜，一試就知係咪放左好耐而唔新鮮，除非waiter係轉盤度取俾客啦，否則order紫菜類壽司係比轉盤內的正好多，d紫菜係脆架！

想食燒三文魚壽司,夜晚果餐就外賣解決見到有d特選壽司都有得比人外賣,咁就試左個特大虎蝦,$12一件.我唔知蝦係熟,因為冇睇到d相,但係又真係好大舊,食落意料之外好鮮甜,蝦身好爽其他都可以keep到水準,可能冇叫到上次覺得唔好食既款,所以今次滿意返