元気寿司 (黃埔天地)

营业中

休息中

又係男朋友既推介,帶左我去元氣食!我地之前成日食元綠,但佢成日同我講元氣好好多,尋日終於知道!我覺得元氣既食物真係新鮮d,d三文魚好大件,食落都唔同元綠既,d鰻魚又係大大件,而我最鍾意食就係元氣卷,正呀!我地仲叫埋軟殼蟹,熱熱地上table,好好味,好香口,但就細碟左d;成日以為食元氣好貴,但都唔係丫,d價錢都係同元綠甘唔多姐,都食得過丫!

我好鍾意食genki,但係今晚食完之後,有少少失望...有d例如燒三文魚,劍魚腩都非常肥美,加州小卷,軟殼蟹都好好食,但係d帶子好鬼營養不良,以前好鍾意食,而家見到個樣都真係唔想再食......小柱如果加多d沙律醬就好好多...而家d迴轉壽司越開越多,水準再差既...下場將會好似元綠咁比我嫌棄........

好耐冇黎呢度，仲係咁多人，仲係要排隊！入到去發現有好多蛋糕係度轉轉下，賣相麻麻又細，仲要十幾蚊件！黎呢度點會食蛋糕呀！見ｄ蛋糕好似放左好耐，睇黎都冇咩人食架啦！出多幾款壽司仲好啦！

冇黎一排,genki出左新menu,$14碟加左$15囉...有d野新既加左~以我係旋轉帶上take+order既有6碟,但係我frd就狂take,仲叫我一齊食...食左小柱,加州小卷,元氣卷,牡丹蝦,鐵火卷,鰻魚,油甘魚,肥牛,order左軟殼蟹手卷同燉蛋~menu有返小柱,即係帶子仔~仲係$12,真係好~肥牛係新野,以為唔好食,但點知係幾好食,燉蛋燉得好嫩,唔鹹~清清地唔錯,次次食手卷d飯都係暖既,但係我唔覺得咁樣唔好丫~

星期五晚放工後同老公去食，去到7點半左右，起初諗住要排餐慒（通常我星期六、日來都見到條人龍），點知得3pair人排緊，好快就有order檯坐。Sushi味道整體都幾新鮮，仲好味過金鐘gor間，hamachi 同劍魚腩sushi都好好味，叫左兩個round sushi，非常滿足；服務亦好好，d哥哥仔經常同你加茶，手腳好快，不過埋單時要排長龍lor。

不過不失, 好快有位飯唔夠味, 慢魚唔熱始終喜歡暖暖的慢魚係元氣個鰻魚卷係凍冰冰既要食好好味既壽司, 一定冇元氣份要平又唔想太差, 元氣係第一選擇!

平時食開都係旺角,尖咀,銅鑼灣, 都要等好耐都唔坐得耐,仲好迫tim...咁前天我地一家人7個人想去食元氣,但因為有個15個月既BB,想去間冇咁迫, 又可以唔齊人都比坐先既分店,我三家姐之前去過黃埔果間都ok,咁咪去呢間,真係不錯^^炸蝦卷同三文魚卷好"正"呀..

無幫趁一排..竟然換左新壽司機﹐而家連軍艦壽司的紫菜都係部機包埋﹐但係竟然塊紫菜唔夠包晒一件壽司!? 夾起壽司就會發現有條“罅”﹐真係.....原本機造壽司我無所謂﹐因為呢D係平價壽司﹐但賣相如此又真係有少少偷工減料之感覺。除左以上問題﹐基本上食物水準都保持到﹐無變。元氣都仲係我肚餓時的其中一個選擇。

先彈後讚。服務在元氣分店中算唔合格﹐雖然食0甘多次都唔覺得算“惡劣”﹐但反應慢﹐落錯單﹐座位安排有時又混亂又“大細超”等等﹐真係比起其它分店﹐服務係應該要改善的地方。好﹗到讚。食物水準在元氣眾店中我覺得算叫唔錯﹐尤其是軟殼蟹﹑北寄貝沙律及辣汁三文魚等等﹐我個人認為都比其它做得較好。價錢方面﹐我一向都覺得元氣抵食﹐如果你有元氣卡仲變相等如免加一﹐生日月份仲會收到張額外的DISCOUNT卡﹗元氣的餐廳管理﹐算幾有誠意﹗

今日和同事八人去食lunch。可能比較早，不是太多人。不用等位。壽司一般，(但TST 那間好點。)都ok 新鮮，但個海膽同昆布就唔太好。反而辣三文魚幾好。埋單每人around $70，不算貴。

宜家由d 姐姐仔黎"整"野食，無以前d 哥哥仔咁重手，而且無咁快手利落，好掛住d哥哥仔tim。

以前$12 有3件三文魚壽司，宜家表面雖然平左$9一碟，但only 得2件，其實計落貴左，好唔抵。<br />而且d 水準一時時，時好時差，要睇好唔好彩。<br />但我仍覺得佢地既三文魚和海膽魷魚好正，食極都唔厭！

我係叫外賣的，唔知會唔會因為咁而咁難食，壽司舊飯太大而魚生太簿，好似百佳那些大小，唔通拎走無加一收就係咁？

咦...我食雲咁多間轉轉Sushi, 元氣都算有番D 日本味道...D sushi有新意, 好鬼大膽, 又有芝士又有蟹腳..攪到好似好混血兒咁..不過好彩食落又幾好食, 日本仔果然有新意...不過如果佢侍應服務再好D, 咁就天下無敵啦...

唔使講----軟殼蟹手卷,炸蝦卷壽司同三文魚--必食!銅鑼灣o個間至少等半粒鐘就唔多好,金鐘o個間就快d同埋d野出得密d!仲有樣唔好就係d位迫左d囉!