元気寿司 (黃埔天地)

营业中

休息中

呢間都幾旺架, 點解成年都無人寫佢?上篇食評竟然係我上年寫落......好, 等我又講下佢!話說母親節幫襯, 排隊半個鐘至有位, 坐落睇下, 居然豆丁多過大人, 大部份都係十歲以下, 似兒童節多D!元氣卷同軟殼蟹手卷係必吃心水, 14蚊個日式燉蛋都ok, 12蚊3件三文魚壽司個日D魚好大件下, D古怪壽司好似矮瓜壽司之類都好多人吼, 我試左三文, 怪怪地, 食唔慣!元氣本來係幾有水準連鎖店, 但紅磡呢間D侍應好似跌watt少少, 制服巢唔雪白, 個別態度麻麻,同尖東個間爭一皮!

水靜河飛時候幫襯真係好舒服, 雖然隔離吉野家下午茶十蚊咁平, 我就鍾意呢度....元氣卷次次都幾好,有D 咬頭, 鰻魚壽司D 鰻魚都唔算細件, 14 蚊o黎講幾抵, 炸蝦壽司都幾得意, 都係14 蚊, 不過,三文魚壽司就將貨就價, 好多都切得好薄, 有D 仲透光, 14 蚊三件無計啦!我好鍾意佢地隻黃色碟, 最衰無得買!

想同朋友去食迴轉壽司o個時，一定到元氣食。雖然次次排長龍，但係都值得的。三文魚刺身鮮味，不過有時咬落重未解完凍，食落"sap""sap" 聲，怪怪地。最鍾意食o個隻炸蝦壽司(唔記得叫咩名)，中間隻炸蝦好鬼好食。雖然價錢比其他貴點點，不過好味好多喎！最唔鍾意o的細路坐o係隔離，好鬼嘈同百厭！！

今日特登由公司行到好鬼遙遠o 既黃埔元氣, 就係為食好好味" 三文魚皮手卷", 因為好耐冇食過,, 哈哈,, 元氣裡除" 三文魚皮手卷" 好食之外,, 我覺得呢到o 既" 元氣卷" 都唔錯,, 呢到壽司大大件,, 雖然係比起其他壽司舖貴,, 但我覺得總算物有所值呢!!