元気寿司 (創紀之城五期(apm))

营业中

休息中

一個星期都總有一次會係食元氣但今次令我好失望食過咁多間日本料理第一次食鰻魚手卷入面嘅鰻魚係碎既以前都有喺元氣食過鰻魚手卷但係入邊都唔會係好似而家呢張圖咁嘅情況普通一件鰻魚壽司$10鰻魚嘅份量仲多過呢個手卷而且壽司係一片唔係一粒粒大家可以數下圖入邊嘅鰻魚有幾多粒1.....2....3....仲有一個BB size夾埋係3粒半👏🏻用三粒半鰻魚整手卷咁我做乜唔直接叫一件鰻魚壽司呢唔記得話比大家知 鰻魚手卷係比鰻魚壽司貴一倍既價錢係咪諗住塊紫菜包住左就唔會俾人發現？

三色刺身盛$62有鰻魚飯，圖片是一塊鰻魚，但實質切開四小舊。日式蒸水蛋材料都很豐富，但我都是喜歡吃中式蒸水蛋多一些，日式蒸水蛋比較水汪汪。壽司方面有三文魚壽司材料都很豐富，但我都是喜歡吃中式蒸水蛋多一些，日式蒸水蛋比較水汪汪。壽司方面有三文魚壽司、墨魚壽司、蟹子沙律軍艦。壽司方面質素就一般了，三文魚十分薄沒有口感，墨魚壽司好似硬膠一樣。刺身有一片三文魚、一片北 和海蝦刺身。$62有咁多野食你仲想點。灸燒牛油赤海蝦，牛油味很重，而赤海蝦大大隻又彈牙。灸燒黑椒三文魚，黑椒比較多但不是很重黑椒味。新鮮炸雞軟骨，大家記得食嘅時候小心辣親口！

apm元氣，每每食飯時間都排滿人，我都係趁下午茶時間先去，但都限於自己一個人，3，4點仲未食飯的時候。講好食，一定唔係，好似呢個＜三色刺身盛＞賣相就ok，但刺身無味道三文魚點解會留“橙”汁?＜迷你鰻魚飯＞正常味道，鰻魚無骨，珍珠米圓潤飽滿＜茶碗蒸＞有點咸，蛋軟滑但好散碎同好水＜ 炙燒牛油赤海蝦 ＞: 最好食，牛油味好香，如果炙燒得耐少少會更加好味，相信蝦味會出啲~服務生好體貼，我叫左個蛋糕外賣，佢仲特登行過黎話我知蛋糕已經放左cashier,方便我走果時攞

太耐無食 #元氣 ，本身想食下午茶set ，去到先記起星期六日係無下午茶set🤥揀左幾樣平時食開既款式😳#三色刺身 ($50)元貝一大一小，size 相差太遠，失望😭帆立貝有沙👎🏻👎🏻👎🏻#牛肉薯餅 （$15）「必叫！」我的至愛👍🤤炸到外脆內軟🧡一咬開非常香，入面好多牛肉碎👍#辣味三文魚 （$17）「必叫！」好正🧡味道好特別👍😋一粒粉三文魚粒配搭著沙律醬口感非常正🤤有種想瘋狂order 既感覺👍😂

今晚因需要接小朋友，所以一早已經拎定飛（提早拎飛都要等，觀塘依間真係好多人）不過因為較早前已經因爲想做會員，而食夠左900蚊，就可以立即升級做會員，拎飛加儲分所以一收工就已經拎定飛依個係做會員既好處🤣唔需要去到再等位可能因為見到帶小朋友關係，有卡位坐三層子彈火車運輸帶🚄，小朋友睇得好開心一坐底就吵住要用ipad點自己想食既野當然壽司高速線除左同普通元氣上菜唔同外，高速壽司都有自己另一啲既餐牌最好食係吞拿魚腩（$26）炸蝦卷連頭（$36）

雖然好多人最近都話元氣嘅質素每放愈下，甚至比美爭先，名將，但個人認為此話亦未免太過苛刻！百零蚊，有刺身，有壽司，夫復何求！apm店魚生都好新鮮！我哋四個人都無理價錢，任點任食，食到飽曬，每人都唔洗$200，仲有卡位坐，唔限時！人大左，個胃細左，某程度上抵食過食放題！收工食下，大快人心！

對比起其他火車仔元氣壽司店觀塘分店最值得推介！😍可能因爲人流多 出壽司既速度係十級快 點單後不消幾分鐘就會送到 仲有提示叫你拎壽司tim 最梗要係包壽司塊紫菜一定係脆卜卜。得等耐都值😋個人常點：炙燒帆立貝壽司同小柱軍艦

Apm元氣係第一間以高速線經營的壽司店。雖然依家已經有不少高速線的元氣，但Apm分店依然都人頭湧湧呢!!!! 好彩有apps可以攞位先，甘就可以邊行街邊等位。極上優惠有秋刀魚，活赤貝同伊佐木。炙燒黑椒秋刀魚，秋刀魚都大條，黑椒味濃郁，而且加上沙律醬炙燒過所以唔會覺得腥，味道都唔錯。伊佐木用上柚子胡椒調味，白肉魚味道偏淡，柚子胡椒嘅角色好重要，為平淡嘅伊佐木帶出味道! 味噌左口魚邊，左口魚邊比較爽口，味噌味道比較重，整體味道唔錯嘅~高速線限定吉列炸蝦!! 炸蝦大大隻，即叫即炸，所以好香脆，好味!!!炙燒牛肉係高速線必食之一，牛肉醬汁甜甜地，好惹味，而且牛肉炙燒後都幾香呢!!! 炙燒系列唔好停，炙燒左口魚邊都好味!!! 左口魚邊炙燒左，入口魚油好香好豐富!!!芥辣八爪魚入口唔會太嗆鼻，八爪魚爽口，紫菜仍脆的~厚燒玉子今次水準比較出色，玉子剛剛整好，熱辣辣的，味道比較甜，玉子好軟熟，好味!!!!

平時耐唔耐都會食元氣，因為價錢唔算貴又幾好食Apm依間高速線既就第一次食，因為平時經過開都好多人等位，甘岩今日時間早又無咩人最愛既槍魷魚壽司高速線既點菜真係黎得好快，基本上20分鐘可以埋單走人美中不足係點咗個炸軟殼蟹，但係呢頭點果頭架火車就到，食落唔太熱，都係整定左放喺度，有人落order先傳過來

一直覺得元氣是同價位的壽司店中最好吃，食物質素最符合其價錢。而且分店遍怖全香港，所以如果我們想不到吃什麼。就會找找附近有沒有元氣。這裡的三文魚色澤鮮美，而且厚度適中，我們每次來都要叫兩碟以上。吉列豬扒手卷這個好特別，因為不是什麼地方都有，豬扒少許脆湯烏冬這個烏冬是日本的貴烏冬，有少許方形，喜歡它的texture，軟軟的栗米壽司粟米很甜，一貫水準😜叫既原因係想食菜蟹柳沙律這個份量剛好，因為只有我一個人吃，而且材料很足！每一口都有蟹柳絲和蟹籽！千層蛋糕鄰座說很好吃，拿了兩個。我見也拿了一個，可以不是我喜歡吃那種，我喜歡吃那種cream是軟軟滑滑的千層蛋糕，可是這個卻好像雪得太凍，有點硬

作為元氣高速線始祖，APM店一直都非常出色，即使大排長龍，食物水準亦不錯，等1-2小時才能入座都值得。但近幾個月apm店食物水準愈黎愈差，可就難食、壽司師夫求其，特別是卷類壽司，上次來光顧，炸蝦卷切到散晒，今天再光顧，依然係咁差。$22的元氣卷，唔洗咁冇誠意嗎？請看官網的「元氣卷」和我今天吃的「元氣卷」。明白的，圖片只供參考！我會提醒自己，幾想食元氣都好，唔好再幫襯apm分店。用列車出壽司的確過癮，但有別於以前，顧客不能看著壽司師父製作壽司，但不代表師父可以hea做。請元氣店正視問題。

今日去apm 行街，本身打算食kfc,咁岩就裝修緊，咁就決定食元氣，之前係呢度食過一次，覺得都ok,重點係佢個高速線又方便又得意。今日坐係中間位，見到其他人既送餐，未點經已非常肚餓🤤用ipad點餐，出餐都幾快～我每次都會叫既日式燉蛋（茶碗蒸），皆因好鐘意食蛋，而且味道唔差，滑嘟嘟牛油果軟殼蟹卷～其實呢間所有嘅飯粒都唔錯，餡料方面就正正常常..燒三文魚～燒得岩岩好肉質嫩滑，都新鮮..油甘魚壽司～新鮮，而且油香的..左口魚裙邊壽司～幾好，不過本人覺得食一件就夠，皆因左口魚裙邊好膩下..另外一款唔記得名，有d柚子胡椒醬，其實都唔差，肉質軟淋，帶少少皮有口感，不過唔食得腥會差dd..我就覺得ok既～甜蝦同三文魚壽司都普普通通，今日個赤貝壽司就差少少唔夠鮮🤔長鰭吞拿魚刺身～覺得幾驚喜，樣貌一般，但食落入口即溶，新鮮同甜，估唔到係元氣有呢d食😯

今晚同朋友經過APM 附近突然間想食壽司🍣，我靈機一閃就突然醒氣APM最頂層既元氣壽司，之後就上左去睇下，嘩！好多人等緊位，之後就拎左飛，跟住見到有人原來可以用佢地既app遙控咁拎定飛，咁樣就唔洗花太多時間去等位！我同朋友就去附近店舖行左個round,等左差不多一粒鐘終於叫到我個number! 安排左我地坐bar位！呢度所有menu都係用ipad點餐，太方便了！我地叫左幾款壽司同茶碗蒸，呢間餐廳特別之處就係你點既食物會係架新幹線列車送過黎！真係好過癮！拎完碟壽司落黎就按粒掣送番架車回廠！魚生都幾新鮮，係d 飯太散，一夾就散開晒☹️！反而個茶碗蒸有點驚喜，個蛋味好濃同好滑，正呀！

最近因為身體唔舒服，剛剛先好返，好耐都冇食過壽司，樣樣都好想食，影左部分相。軟殼蟹，差唔多每次必叫，好正。帶子壽司，好飽滿。芥末八爪魚壽司，辣辣地好食。三文魚腩。

晏就一個人黎到APM 咁岩工作之間有個break 就上左去頂層既元氣食個下午茶四點左右黎到都等左一陣先有位坐低之後侍應就會話你知邊個號碼既ipad 可以點餐所以野都係ipad 上面完成後 你既食物(主要係壽司類)就會由小火車經輸送帶送到你既面前我就點左個下午茶餐 配有壽司, 小食 同 烏冬壽司方面 有蝦天婦羅卷 , 牛油果青瓜蟹柳卷, 赤海蝦同三文魚壽司平日既我 並唔係天婦羅愛好者 但呢個蝦天婦羅卻有驚喜 赤海蝦壽司也十分足料鮮甜小食就係炸多春魚 呢個真係值得一讚 多春魚岩岩炸起就送到客人面前 食起黎熱辣辣之餘仲好脆最後再加上一碗湯烏冬其實都相當飽肚!